More Related Content
Similar to Сонгуулийн хороодын хуралдааны тэмдэглэл хөтлөх журам батлах тухай
Similar to Сонгуулийн хороодын хуралдааны тэмдэглэл хөтлөх журам батлах тухай (20)
More from GEC Mongolia (20)
Сонгуулийн хороодын хуралдааны тэмдэглэл хөтлөх журам батлах тухай
- 1. Төсөл
МОНГОЛ УЛСЫН
СОНГУУЛИЙН ЕРӨНХИЙ ХОРООНЫ
ТОГТООЛ
Сонгуулийн хороодын хуралдааны тэмдэглэл
хөтлөх журам батлах тухай
Монгол Улсын Их Хурлын сонгуулийн тухай хуулийн 19 дүгээр зүйлийн 19.9 дэх
хэсэг, Сонгуулийн төв байгууллагын тухай хуулийн 7 дугаар зүйлийн 7.1.7 дахь заалт, 12
дугаар зүйлийн 12.3 дахь хэсгийг тус тус үндэслэн Монгол Улсын Сонгуулийн ерөнхий
хорооноос ТОГТООХ нь:
1. “Сонгуулийн хороодын хуралдааны тэмдэглэл хөтлөх журам”-ыг хавсралтаар
баталсугай.
2. Энэхүү журмыг хэрэгжүүлж ажиллахыг Сонгуулийн хороодын дарга нарт,
хяналт тавьж ажиллахыг Хорооны нарийн бичгийн дарга /Ч.Содномцэрэн/-д тус тус
даалгасугай.
3. Энэ тогтоол батлагдсантай холбогдуулан Сонгуулийн ерөнхий хорооны 2008
оны 4 дүгээр сарын 01-ний өдрийн “Сонгуулийн хороодын хуралдааны тэмдэглэл хөтлөх
журам батлах тухай” 14 дүгээр тогтоолыг хүчингүй болсонд тооцсугай.
ГАРЫН ҮСЭГ
- 2. Сонгуулийн ерөнхий хорооны
2012 оны ..... дүгээр сарын .....-ний өдрийн
.......... дүгээр тогтоолын хавсралт
СОНГУУЛИЙН ХОРООДЫН ХУРАЛДААНЫ
ТЭМДЭГЛЭЛ ХӨТЛӨХ ЖУРАМ
Нэг. Нийтлэг үндэслэл
1.1. Сонгуулийн ерөнхий хороо болон тойрог, салбар, хэсгийн хороод /цаашид
“сонгуулийн хороод” гэх/-ын хуралдааны тэмдэглэл хөтлөх үйл ажиллагааг
зохицуулахад энэхүү журмын зорилго оршино.
1.2. Сонгуулийн хороод нь баталсан дэгийнхээ дагуу аливаа асуудлыг хэлэлцэн
шийдвэрлэх бүртээ тэмдэглэл хөтөлнө.
Хоёр. Хуралдааны тэмдэглэл хөтлөх
2.1. Сонгуулийн ерөнхий хорооны хуралдааны тэмдэглэлийг Ажлын албаны
ажилтан, тойрог, салбар, хэсгийн хороодын хуралдааны тэмдэглэлийг тухайн
сонгуулийн хорооны нарийн бичгийн дарга хөтөлнө.
2.2. Сонгуулийн хороодын хуралдааны тэмдэглэлийг бүхэлд нь гараар болон
дуу хураагуурт бичиж хөтөлнө. Шаардлагатай гэж үзвэл дүрс бичлэг хийж болно.
2.3. Сонгуулийн хороодын хуралдааны тэмдэглэлд дараах зүйлийг заавал
тусгана:
2.3.1. Хуралдаан эхэлсэн, завсарласан, дууссан он, сар, өдөр, цаг, минут,
хуралдаан болсон газар, байршил, албан тасалгаа, даргалагчийн нэр, албан тушаал;
2.3.2. Хуралдаанд оролцсон гишүүдийн нэр, ирцийн тоо, хувь, ирээгүй
гишүүний нэр, шалтгаан /өвчтэй, чөлөөтэй, бусад/, хоцорсон гишүүний нэр, тухайн цаг,
минут;
2.3.3. Хуралдаанд байлцсан нам, эвсэл, хэвлэл, мэдээллийн байгууллага,
сонгогчдын төлөөлөл, ажиглагчдын нэр, албан тушаал;
2.3.4. Хэлэлцсэн асуудал бүрийн эхэлсэн, дууссан цаг, минут;
2.3.5. Хэлэлцэх асуудлыг танилцуулсан гишүүний нэр;
2.3.6. Хэлэлцсэн асуудалтай холбогдож гарсан асуулт, хариулт, тайлбар,
санал, шүүмжлэл;
2.3.7. Санал хураалтын томъёолол болон дүн /тоо, хувь/, зөвшөөрсөн,
татгалзсан гишүүдийн нэр;
2.3.8. Хуралдаанаас гарсан шийдвэр, түүний агуулга;
2.3.9. Хэлэлцсэн асуудал бүрд хавсаргасан баримтын тухай тэмдэглэл.
2.4. Хуралдааны тэмдэглэлийн хэлэлцсэн асуудал бүрийн бичвэрийн хэсэг нь
хууль тогтоомжид өөрөөр заагаагүй бол дараах бүтэцтэй байна:
Хэлэлцсэн асуудал:
1.
2.
3.
4. гэх мэт
- 3. II. Асуудал. Сонссон нь:
II. Асуудал. Асуулт, хариулт. Хэлэлцсэн нь:
II. Асуудал. Шийвэрлэсэн нь:
Танилцсан: /..................................................../
Хянасан: /..................................................../
Тэмдэглэл хөтөлсөн: /..................................................../
2.5. Сонгуулийн хороодын хуралдааны тэмдэглэлд дараах баримт бичгийг
хавсаргана:
2.5.1. Хэлэлцэх асуудлын төлөвлөгөө;
2.5.2. Хэлэлцсэн асуудалтай холбогдолтой илтгэл, сонсгол, мэдээлэл,
тайлан, танилцуулга, тооцоо, санал, шийдвэрийн төсөл зэрэг баримт бичиг;
2.5.3. Хэлэлцсэн асуудалтай холбогдуулан байгууллага, иргэдээс
ирүүлсэн санал, өргөдөл, гомдол, мэдэгдэл, сонордуулга, дуут болон дүрс бичлэг.
Гурав. Хуралдааны тэмдэглэлд тавигдах шаардлага
3.1. Сонгуулийн хороодын хуралдааны тэмдэглэл нь зохион байгуулалт,
захирамжлалын баримт бичгийн стандартаар тогтоосон бүрдэл, байрлал, зай хэмжээ,
тэдгээрт тавих шаардлагыг хангасан байна.
3.2. Сонгуулийн ерөнхий хорооны хуралдааны тэмдэглэлийг хэвлэмэл хуудас
дээр хэвлэж гаргана.
3.3. Тойрог, салбар, хэсгийн хороодын хуралдааны тэмдэглэлийг А4 хэмжээний
бичгийн цаасан дээр хэвлэж гаргана.
3.4. Сонгуулийн хороод тус бүрийн хуралдааны тэмдэглэл нь бүртгэлийн
нэгдсэн дугаартай байна.
3.5. Сонгуулийн ерөнхий хорооны хуралдааны тэмдэглэлд уг тэмдэглэл
хөтөлсөн ажилтан гарын үсэг зурж, хянасан хэсэгт Хорооны нарийн бичгийн дарга,
танилцсан хэсэгт Хорооны дарга тус тус гарын үсэг зурж, Хорооны тэмдэг дарж
баталгаажуулна. Тойрог, салбар, хэсгийн хорооны хуралдааны тэмдэглэл хөтөлсөн
хэсэгт хорооны нарийн бичгийн дарга, танилцсан хэсэгт хорооны дарга гарын үсэг
зурж хорооны тэмдэг дарга. Шаардлагатай тохиолдолд хорооны гишүүд гарын үсэг
зурж болно.
3.6. Хуралдааны тэмдэглэлийг архивт зохих журмын дагуу шилжүүлж хадгална.
---оОо---