2. En España, o golpe de estado militar e a
conseguinte Guerra Civil tronzaron os
camiños abertos durante a República (e
os moitos que faltaban por abrir). A
ditadura non fixo precisamente fácil a
creación cultural, sempre baixo o férreo
control da censura.
O 23 de abril de 1941 unha orde
gobernamental impón a obrigatoriedade
da dobraxe ao español de calquera filme
realizado noutra lingua. Os obxectivos
son dous: forzar a preeminencia e
protección absoluta do idioma español,
mais tamén o control dos contidos dos
filmes. Así, a dobraxe permitirá alterar o
pasado de Rick en Casablanca loitando en
favor da II República.
3. No cinema español persisten as
formas máis populares, por
exemplo os filmes “de copla”,
con Imperio Argentina (1910
2003) como estrela maiúscula
en Carmen la de Triana
(Florián Rey, 1938), producida
na Alemaña nazi.
4. Andando os anos, a maior fortaleza
industrial fomentará as producións de
coidada ambientación histórica e/ou
con base literaria. Tamén hai espazo
para a comedia, como a adaptación da
obra de Jardiel Poncela Eloísa está
debajo de un almendro que dirixe en
1943 Rafael Gil, con Rafael Durán e
Amparo Rivelles como cabezas de
cartel do (excéntrico) elenco.
6. Rematada a guerra civil establécese
como un dos máis notábeis directores
españois daquel tempo: Correo de Indias
(1942), La torre de los siete jorobados
(1944), Domingo de Carnaval (1945), La
vida en un hilo (1945) ou as posteriores
Nada (1949), El último caballo (1950) e
El baile (1959).
A súa compañeira Conchita Montes
(19141994) brillou como actriz en case
todos estes filmes.
7. Os grandes centros de produción na
América Latina son, nese tempo,
Arxentina, México e Brasil. Predomina o
cinema comercial, con comedias,
musicais e melodramas de calidade a
miúdo moi limitada.
En México a comezos dos 40 debuta
Emilio “Indio” Fernández (19041986),
creador de melodramas ao mesmo tempo
novelescos e esteticistas, cun coidado
traballo das imaxes que se beneficia do
talento do director de fotografía Gabriel
Figueroa. Flor silvestre (1943) e sobre
María Candelaria (1944), Palma de Ouro
na primeira edición do Festival de
Cannes en 1946, asentan o seu prestixio
e popularidade. As dúas películas
comparten parella protagonista: Dolores
del Río e Pedro Armendariz.
8. En Portugal, a ditadura de Salazar impuxo o
mito do “bom povo português”, o país tranquilo
e neutral. O cinema recreou esa ficción a través
de celebracións da humilde vida campesiña
(Aldeia da roupa branca, Chianca de Garcia,
1939), comedias amábeis (O Pátio das Cantigas,
Francisco Ribeiro, 1942) e grandes relatos
históricos como Inês de Castro (1944) e Camões
(1946), os dous dirixidos por José Leitão de
Barros (18961967).
9. Despois de Douro, Faina Fluvial
(1931) Manoel de Oliveira (1908
2015) fai diversos documentais ao
longo dos anos 30. O seu debut na
ficción prodúcese en 1942 con Aniki
Bobó, filme que en certo sentido
adianta o neorrealismo. Na altura
non foi ben recibido e iso motivou o
seu afastamento do cinema para
dedicarse aos negocios familiares:
non volveu a filmar até 1956 con O
pintor e a cidade.
10. No Xapón, a popularidade dos benshi, as
persoas que narraban na sala os filmes
silentes, fixo que aínda ben avanzados os
anos 30 seguisen producíndose películas
mudas, como Nacín, mais... (1932) e
Unha pousada en Toquio (1935) do
mestre Yasujiro Ozu (19031963) ou
Soños de cada día, dirixida en 1933 por
Mikio Naruse (19051969).
Pouco a pouco o son vaise convertendo
en norma tamén alí: O único fillo
(Yasujiro Ozu, 1936), Señor Grazas
(Hiroshi Shimizu, 1936) e as alfaias de
Kenji Mizoguchi (18981957): Elexía de
Osaka (1936), As irmás de Gion (1936)
ou A historia do último crisantemo
(1939).
As irmás de Gion (Kenji Mizoguchi, 1936)
11. Na Unión Soviética a figura máis
destacada é a de Sergei Mikhailovich
Eisenstein (18981948). Admirado en
todo o mundo polos seus filmes dos anos
20, en abril de 1930 é convidado pola
Paramount para facer unha película nos
EEUU, mais todas as propostas foron
rexeitadas pola produtora e en outubro
dese mesmo ano rachan o contrato.
Eisenstein emprende entón o proxecto de
facer un filme en México co apoio do
escritor Upton Sinclair, mais a cousa non
acabou precisamente ben entre eles polo
desencontro entre as ambicións e escasa
practicidade do cineasta e as necesidades
pragmáticas dos produtores. O que hoxe
entendemos por ¡Que viva México! é unha
reconstrución posíbel dun filme que, en
rigor, non existe.
12. De volta á URSS pon en marcha O prado
de Bezhin (1935), que volve a ter
inmensos problemas e fica inconcluso. A
pesar diso ten a oportunidade de filmar
Alexandr Nevsky (1938), con música de
Sergei Prokofiev e o grande actor
Nikolay Cherkasov (19031966) no rol
do personaxe do título.
13. Iván o Terríbel ía constar de tres
partes. A primeira foi exhibida con
éxito en 1944; a segunda, porén,
non foi do gusto das autoridades
soviéticas e quedou no caixón até
1958, cinco despois da morte de
Stalin (e dez despois da morte do
cineasta). A terceira parte prevista
xa non chegou a ser filmada. O
díptico que coñecemos, en todo
caso, é un enorme triunfo artístico.
14. Nos anos 30 e primeiros 40 Francia
vive un período de grande vitalidade
cinematográfica con autores como
Julien Duvivier (Un carnet de bal,
1937; Pépé le Moko, 1937) ou Marcel
Carné (Le quai des brumes, 1938; Hôtel
du Nord, 1938; Le jour se lève, 1939;
Les visiteurs du soir, 1942; Les enfants
du paradis, 1945).
15. Mais o nome por excelencia do cinema
francés dese tempo (e dos que virían) é
Jean Renoir (18941979). Partie de
campagne (1936), La Grande illusion
(1937) e La Règle du jeu (1939) dan
proba da súa mestría e humanidade, que
tamén reproduciu nos filmes que fixo en
Hollywood, This Land Is Mine (1943) ou
The Southerner (1945).
A súa filmografía posterior depararía
aínda outras obras mestras coma The
River (1951), Le Carrosse d'or (1953) ou
French Cancan (1954).