2. Dorothy Arzner
N: 3 de xaneiro de 1897, San Francisco, California (EEUU)
M: 1 de outubro de 1979, La Quinta, California (EEUU)
Empezou a colaborar no cinema en 1919 como
estenógrafa na Famous PlayersLasky Corporation,
antecedente da Paramount Pictures. Aprendeu o
oficio de montadora, que desenvolveu con éxito en
Blood and Sand (Fred Niblo, 1922), con Rodolfo
Valentino. Edita varios filmes de James Cruze: The
Covered Wagon (1923), Ruggles of Red Gap (1923),
Merton of the Movies (1924) e Old Ironsides (1926),
no que tamén exerce como autora do guión de
rodaxe. Fóra da compañía traballou en proxectos
independentes, por exemplo The Red Kimona
(1926) de Dorothy Davenport.
3. Recibiu a proposta de dirixir un filme
para a Columbia, mais decidiu quedar na
Paramount unha vez que lle confirmaron
a posibilidade de dirixir filmes de
primeiro nivel. Debuta en 1927 con
Fashions for Women (1927), ao que
seguen Ten Modern Commandments
(1927), Get Your Man (1927) e
Manhattan Cocktail (1928), os catro
filmes aínda mudos. O seu primeiro filme
sonoro é The Wild Party (1929), con
Clara Bow como protagonista.
4. Nunha entrevista a Gerald Peary e
Karyn Kay afirmou que “ninguén lle
dera problemas por ser muller” e que
non experimentara interferencias nos
seus filmes. E engadía: “Non dependía
das películas para sobrevivir así que
sempre estaba disposta a pasarlle a
película a calquera outro director se
non vía maneira de facela como quería.
Equivocada ou non, penso que foi por
iso polo que aguantei tanto tempo,
vinte anos”.
Imaxe: arquivo UCLA
5. Dorothy Arzner é a máis destacada muller
directora na industria de Hollywood desde
finais dos 20 até comezos dos 40, con
grandes estrelas e ademais para produtoras
diferentes: Paramount (Sarah and Son,
1930; Anybody’s Woman, 1930, as dúas con
Ruth Chatterton; Honor among lovers,
1931, con Claudette Colbert; Working Girls,
1931; Merrily We Go To Hell, 1932, con
Silvia Sidney e Fredric March), RKO
(Christopher Strong, 1933, con Katharine
Hepburn; Dance, Girl, Dance, 1940, con
Maureen O’Hara), Samuel Goldwyn
Company (Nana, 1934, con Anna Sten),
Columbia (Craig’s Wife, 1936, con Rosalind
Russell; First Comes Courage, 1943, con
Merle Oberon) e MGM (The Bride Wore
Red, 1937, con Joan Crawford).
Imaxe: arquivo BFI
6.
7.
8.
9.
10. Deixou Hollywood en 1943 de
forma máis ou menos voluntaria,
aínda que tamén influída polas súas
discrepancias con Louis B. Mayer.
Traballou na radio, na produción
teatral, fixo publicidade da Pepsi
Cola e deu aulas en UCLA.
A súa parella desde os anos 30 foi a
coreógrafa Marion Morgan (1881
1971). Viviron xuntas até o final das
súas vidas.
