book

2. Үнс нурам

3. I
Би арьсан гутал дээр тогтсон үнсэн тортог руу харлаа. Энд миний дүү Примтэйгээ унтдаг ор
байсан. Харин эсрэг талд нь гал зуухны ширээ байсан газар хэмхэрсэн яндан зуухны харласан
тоосгоны хэлтэрхий байшингийн үлдэгдэлтэй холилдон хөглөрнө. Би энэхүү саарал үнсэн
тэнгист яаж зүг баримжаагаа олох вэ?
Арван хоёрдугаар бүсээс бараг юу ч үлдсэнгүй. Сарын өмнө Капитолын онгоц Атирааны
хөөрхий уурхайчдын байшин, гудамжны дэлгүүр, шүүхийн байшинг бөмбөгдөн сүйрүүлжээ.
Үндсэн чандруу болоогүй ганц зүйл гэвэл Ялагчын тосгон байв. Би яагаад гэдгийг нь
ойлгосонгүй. Магадгүй Капитолын хэн нэг сурвалжлагч, нүүрсний уурхайд үнэлэлт өгөх
хороо юмуу оргодлуудыг хөөн барих журам сахиулагчид ирэхдээ төвхнөх гэсэн байж болох.
Гэвч надаас өөр хэн ч эргэж ирсэнгүй. Энэ бол ердийн богино аялал төдий байлаа. Арван
гуравдугаар бүсийн эрх мэдэлтэнгүүд миний эргэж ирэхийн эсрэг байсан. Энэхүү утгагүй
учиргүй аз мэдсэн явдалд арваад үл үзэгдэх онгоц тэнгэрт намайг хамгаалах даалгавартай
эргэлдэж буй. Гэсэн ч би нүдээрээ харах ёстой байлаа. Тийм нөхцөлтэйгээр би тэдний
хамтран ажиллах төлөвлөгөөнд оролцох шаардлага тавьсан юм.
Эцсийн эцэст Капитолыг түлхэн унагах бослогыг зохион байгуулсан тоглоомын ерөнхий
зохион байгуулагч байсан Плутарх Хевенсби гараа савчаад,
- Түүнийг явуул. Бүтэн сар алдаж байснаас ганц өдөр нь дээр. Магадгүй арван хоёрдугаар бүс
рүү явах аялал түүнийг бидэнтэй нэг талд тэмцэхийг ухуулж болох юм гэсэн билээ.
Нэг талд тэмцэх. Жонна Мэйсоны төмөр утсаар цохьсон зүүн шанаа чимчигэнэн өвдөхөд би
гараараа дарлаа. Дурсамж үерлэн орж ирэхэд үнэн худал эсэхийн ялгааг олохыг хичээв.
Юу намайг төрөлх хотынхоо сүйрсэн балгасанд ирэхэд хүргэв ээ?
Тархи хөдөлсөн учир ухаанаа төвлөрүүлэхэд хэцүү байж бодол санаа замбараагаа алдаж
гүйцжээ. Түүний дээр тэдний надад өгч байсан өвчин намжаах эм янз бүрийн хачин зүйлс
харахад хүргэж байв. Эсвэл тэгж бодсон ч байж магадгүй.
Өнгөрсөн шөнө миний эмнэлгийн өрөөний шалан дээр байсан хивс могой болон хуйларсанд
хий юм харсан эсэхдээ итгэлгүй байна.
Би эмчийн зөвлөсөн аргыг ашиглан хамгийн энгийн бодит гэдгийг нь мэдэх зүйлийн талаар
бодоход жагсаалт толгойд эргэлдэж эхлэв...
Намайг Китнисс Эвердин гэдэг. Арван долоон настай. Арван хоёрдугаар бүсэд амьдардаг.
Үхлийн тоглоомд оролцож байгаад оргосон учир Капитол намайг үзэн ядаж байгаа. Пит
хоригдол болсон. Яг л үхсэн юм шиг. Үхсэн ч байж болох. Магадгүй үхсэн нь түүний хувьд
дээр ч байж магадгүй...

4. - Китнисс би доошоо буух уу? гэсэн миний сайн найз Гейлийн хоолой босогчдын зүүхийг
шаардсан чихэвчээр цуурайтлаа. Тэр онгоцонд суугаад гэнэтийн дайралтанд бэлэн намайг
ажиглаж байв. Би доошоо тонгойн суух ёстойгоо ойлгосон ч сүйрлийн хязгаарыг харахаар
өндийв. Гэвч тэд надад эм өгөхөө болиогүй учир чадсангүй.
Би түүний санал болгосноос ондоо цэхлэн зогсов.
- Үгүй дээ. Би сайн байна.
Үүнийгээ батлахын тулд хуучин гэрээсээ гаран хотын төв рүү явлаа. Гейл надтай цуг арван
хоёрдугаар бүс рүү буухыг хүссэн ч татгалзсан явдалд хүчлээгүй юм. Тэр намайг өнөөдөр
хэнтэй ч түүний дээр өөртэй нь хүртэл харьцахыг хүсэхгүй байгааг ойлгож байв. Заримдаа
зугаалгыг ганцаараа хийх шаардлага гардаг.
Зуны бүгчим аагим халуун өдөр байв. Дусал бороо ч байхгүй дайралтанд өртсөн эд зүйлсийн
овоо хөглөрч үнс хаа сайгүй хөлийн дор бужигнана. Үлээлгэн хийсгэх сэвшээ салхи ч
байсангүй. Би эхлээд ойн цоорхойд газардсан учир хаашаа явах ёстойгоо санаж байсан ч
санаандгүй урдаа байсан асганд тулчихлаа. Гэвч энэ асга биш хүний гавал байлаа.
Гавал өнхөрсөөр дээшээ харан тогтоход би шүд рүү нь гөлрөн тэднийг хэн байсан болон
хичнээн уурхайчин энэ замыг туулсан тухай бодлоо.
Би дасал болсон замаараа явах гэсэн ч таагүй сонголт болж зугтахыг завдсан хүмүүсийн
цогцосны үлдэгдэл дүүрэн байв. Зарим нь юу ч үгүй шатсан бол өөр нэгний цогцос утаа
уугиулан ялаа шавуулан хэвтэх бөгөөд ялзарсан үхдэл хүүрийн үнэр хамар цоргиулна.
"Би чамайг алсан. Чамайг. Чамайг алсан" гэж би үнс рүү харан бодлогоширлоо.
Учир нь би үүнийг хийсэн билээ. Үүнд миний бүсийг хүрээлж байсан хүчний талбайн цав
руу харваж галт шуурга дагуулсан сум буруутай. Үр дүнд нь бүхий л Панем даяар үймээн
самуун боссон.
Би ерөнхийлөгч Сноугын Ялагчын аялалын өмнө хэлсэн үгийг саналаа.
- Галт Киттнисс Эвердин хэрвээ чи үсэргэсэн очоо хайхралгүй орхих юм бол Панемыг үнсэн
товрог болгох тамын гал болон дүрэлзэх болно.
Тэр намайг айлгах гэсэндээ хэтрүүлэн хэлсэнгүй. Магадгүй үнэхээр миний тусламжыг
хүссэн байж болох юм. Гэвч бослогын хөдөлгөөн хэдийн хяналтаас гарсан байлаа.
"Шатаж байна. Шатсаар ч байх болно" гэж би хөшүүн бодлогоширов. Алсад нүүрсний
уурхайгаас өтгөн утаа баагиулан савсах хэдий ч хэн ч үүнд санаа тавьсангүй. Бүсийн хүн
амын ерөн хувь үрэгджээ. Үлдсэн найман зуугаад тооны оргодол арван гуравдугаар бүс рүү
зугтсан бөгөөд миний бодсончлон тэд хэзээ ч төрсөн гэртээ эргэж ирэхгүй.

5. Би ингэж бодох ёсгүй ч байж мэднэ. Гэвч өвчтэй, шархтай, өлсгөлөн гар хоосон хүмүүс
болох биднийг хүлээн авсан явдалд талархаж байв. Тэгээд ч арван гуравдугаар бүс сүйрэлд
өртсөн арван хоёрдугаар бүсэд тусалсан баримтыг үгүйсгэж чадахгүй билээ. Би Капитолыг
түлхэн унагаах хуйвалдаанд оролцоогүй ч энэ нь намайг орчин тойрондоо учруулсан гэм
буруугаас чөлөөлөхгүй юм.
Арван хоёрдугаар бүсийн оршин суугчид эсэргүүцлийн ямар ч хөдөлгөөн зохион
байгуулаагүй. Тэдний хэн нь ч ийм зүйлийн талаар ам ангайгаагүй. Тэдний ганц гай нь би
байсан юм. Зарим амьд үлдэгсэд эцэс төгсгөлгүй өлсгөлөн, дарлал зовлон, уурхайд хүлээж
буй аюул осол, журам сахиулагчдын тэргүүн Ромулус Тредийн ташуураас зугтах завшаан
тохиолдсоныг томхон аз гэж бодож магадгүй. Саяхныг хүртэл байгаа гэдгийг нь мэддэггүй
байсан арван гуравдугаар бүсийг шинэ гэрээр харах нь гайхалтай байлаа.
Амьд үлдэгсдийг аврах даалгавар Гейлийн мөрөн дээр буужээ. Дөрөв дэх номхотгол төгсөж
биднийг бүсээс гаргасны дараа арван хоёрдугаар бүсийн цахилгаан тасарч зурагтын дэлгэц
харлан Атирааны хүмүүс бие биенийхээ зүрхний цохилтыг сонсож болохоор нам гүм
болжээ.
Хэн ч болсон бүсэд болсон явдлыг эсэргүүцэх юмуу дэмжин хөөрсөнгүй. Тэгтэл арван таван
хормын дараа тэнгэр онгоцоор дүүрч галт бөмбөг бороо шиг асгарч эхлэхэд Гейл хуучин
байшингууд шиг нүүрсний тоосоор чигжигдээгүй хэдхэн газрын нэг болох ойн цоорхойн
тухай санасан байна.
Тэр ээж, Прим тэргүүтэй хэсэг хүмүүсийг дагуулан тогонд цохиулах аюулгүй болсон хашааг
баг зохион байгуулж эвдлээд ой руу зугтжээ. Тэднийг цорын ганц санасан газар болох миний
эцгийн намайг хүүхэд байхад зааж өгсөн нуур луу дагуулсан байна. Тэндээс алсад дөл
дүрэлзэн өөрсдийн гэсэн юм бүхнийг устгахыг харжээ.
Үүрээр бүсийг тойрон эргэлдэж байсан бөмбөгдөгч онгоцууд буцсан ч гал дүрэлзэн ассаар
тархай бутархай амьд үлдсэн хүмүүс нэг газраа цуглав. Ээж, Прим хоёр эмнэлгийн хэсэг
зохион байгуулж шархдагсдыг ойгоос түүсэн ургамлын тусамжтай эмчилжээ. Гейлд хоёр нум
сум, нэг ангийн хутга, загасны тор байсан нь найман зуун өлсгөлөн айсан хүнийг тэжээх
шаардлага тулгарлаа.
Хэн хөл дээрээ босч чадах хүмүүсийн тусламжтай тэд гурван өдрийг өнгөрүүлэв. Дараа нь
гэнэтхэн агаараас онгоц гарч ирэн арван гуравдугаар бүс рүү нүүлгэх ажлыг зохион байгуулж
цэвэрхэн тохьтой тасалгаанд байрлуулан, хувцаслаж өдөрт гурван удаа хооллох болсон
байна.
Гэвч арван гуравдугаар бүсэд таагүй нь өрөө тасалгаа нь газар дор байдаг, хувцас нь нэгэн
жигд, хоол хүнс нь амтгүй байсан ч арван хоёрдугаар бүсийн зугтагсад тоосонгүй. Тэд
хамгийн гол аюулгүй байдалд байж санаа тавиулж байсан тул амьдралд баясгалантайгаар
золгожээ.
Арван гуравдугаар бүсийн оршин суугчдын сайхан сэтгэлийг үнэлэхийн аргагүй байлаа.

6. Далтан гэдэг аравдугаар бүсийн хоёр жилийн өмнө оргож ирсэн эрэгтэй надад үүний
жинхэнэ учрыг тайлбарлав.
- Тэд чамд хэрэгтэй. Надад ч хэрэгтэй. Тэд бид бүхэнд хэрэгтэй. Хэдэн жилийн өмнө тэдний
дунд халдварт өвчин дэгдсэний улмаас ихэнхи хүмүүс нь үхэж үрэгдэн үлдсэн хүмүүс нь
үргүй болсон. Бид бол шинэхэн амьд нөөцүүд. Тэдний бидэн рүү яаж харж байгааг хараач.
Тэр аравдугаар бүсэд сүүний фермд генетикийн аргаар шинэ үйлдэр угсаа үүсгэх үр хөврөл
шилжүүлэн суулгах хэсэгт ажилладаг байжээ. Эргэн тойрон хүүхдүүд харагдахгүй байсан
учир түүний хэлсэн үг үнэний хувьтай санагдав. Гэхдээ яах гэж? Бид бол ажилд бэлтгэгдэж,
хүүхдүүд нь сурч боловсрол олсон хүмүүс болохоос биш тийм зүйлд зориулагдаагүй.
Энд арван дөрөв хүрсэн хүн бүрийг цэргийн түвшинд хувааж "Цэрэг" гэж хүндэтгэлтэйгээр
хандах ёстой. Зугтаж ирсэн оргодол болгон автоматаар арван гуравдугаар бүсийн мэдлийн
иргэн болно.
Тэгсэн ч би тэднийг үзэн ядаж байлаа. Үнэндээ өөрөөсөө гадна бараг бүгдийг үзэн ядаж
байсан юм.
Хөлийн аясаар дагтарших зузаан үнсэн хивсэнцэр дор бул чулуун хавтан мэдрэгдэнэ.
Дэлгүүрийн мухлаг лангуу байсан газар хогон давхарга үүсчээ.
Шүүхийн байшин овоолсон хар чулуу болсон байв. Би Питийн гэр бүлийн талхчины газрын
ойролцоо дөхөж очив. Түүнээс хайлж бөөгнөрсөн зуухнаас ондоо бараг юу ч үлдсэнгүй.
Питийн эцэг эх болон хоёр ах нь арван гуравдугаар бүсэд байгаагүй. Арван хоёрдугаар
бүсийг нөмрөн авсан галаас арваад хүмүүс л зугтан гарсан. Питэд гэртээ эргэж ирэх найдвар
байхгүй. Надаас гадна...
Би талхны газраас эргэхдээ биеэ барих чадваргүй болоод наранд халсан төмөр дээр сууж урьд
нь талбай ямар байсан болон Тредийг ирсний дараа яаж өөрчлөгдсөнийг санав. Ташуурддаг
багана, дүүжлүүрийн үлдэгдэл харлана. Муу л юм. Маш муу юм. Энэхүү дүр зураг намайг
унтаа сэрүүнд ч тамлах болно. Питийг Капитолынхон мэдэхгүй зүйлийнх нь талаар хэлүүлэн
авахын тулд усанд живүүлэн тарчилгаж, шатаан, урж тасдан зэрэмдэг болтол нүдэж байгаа.
Би нүдээ тас аниад хэдэн зуун милийн цаана буй түүний ухаанд ганцаараа биш гэдэг бодол
илгээхийг хүслээ. Гэвч тэр байгаа. Би түүнд тусалж чадахгүй.
Би гүйлээ. Талбайгаас холдон цорын ганц устгагдаагүй газар руу зүглэхдээ найз Мажынхаа
амьдардаг байсан гэрийн үлдэгдлийн хажуугаар өнгөрөв. Түүнээс болон гэр бүлээс нь ямар ч
сураг сонсогдоогүй. Аавынх нь эзэлж буй тушаалаас хамааран галаас холдуулан Капитол руу
нүүлгэн шилжүүлсэн юм болов уу? Эргэн тойрон битүү үнс бужигнахад цамцныхаа захаар
амаа хаалаа. Амьсгалах л юм бол хахаж цацах нь ойлгомжтой.
Өвс ногоо хорчийтол түлэгдсэн ч үнсэн саарал цасанд хучигдсан Ялагчын тосгоны арван
хоёр гайхамшигтай байшин бүрэн бүтэн байлаа. Би сүүлийн жил амьдарч байсан гэр лүүгээ
гүйн орж хаалгыг тасхийтэл хаахад өнгөрсөндөө эргэн ирэх мэт болов. Байшин хүний гар

7. хүрээгүй цэвэрхэн айдас хүрэм нам байлаа. Би яах гэж арван хоёрдугаар бүсэд эргэж ирсэн
юм бол? Энэ аялал миний зугтаж чадахгүй асуултанд хариулахад юугаар туслах вэ?
- Би одоо юу хийх вэ? гэж хана руу харан шивнэлээ. Учир нь өөрөө ч үүнийгээ мэдэхгүй
байв.
Хүмүүс надтай ээлж дараалан ярьсаар байлаа. Плутарх Хевенсби болон баруун гарын туслах
Фальвия Карди, бүсийн тэргүүлэгчид, цэргийнхэн гэх мэт. Зөвхөн арван гуравдугаар бүсийн
ерөнхийлөгч Алма Коин гэдэг эмэгтэй биш. Тэр ойролцоогоор тавиад насны бөгөөд буурал
үс нь мөрөн дээр нь асгарчээ.
Би түүний өө сэвгүй нэгэн жигд үзүүртээ мушгиран гогцоорсон үсийг харах дуртай байв.
Нүд нь саарал хэдий ч Атирааны хүмүүс шиг биш агаад өнгө нь гадагш шимэгдсэн юм шиг
цонхигор хайлж буй цастай төстэй ажээ.
Тэдний надаас ганц хүсч байсан зүйл гэвэл хуваарилсан дүрийг нь авах явдал байлаа.
Хувьсгалын бэлэг тэмдэг. Шооч ятга шаазгай. Миний өнгөрсөн удаад Капитолыг тоглоомд
эсэргүүцэж байсан нь ажил хэргийг дуусгахад хангалтгүй ажээ. Би нүүр царай, дуу
хоолойгоороо хувьсгалын биелэл болсон удирдагч болох ёстой. Капитолын эсрэг дайнд
ороход бэлэн байгаа бүсүүдийн ялалтын замыг гэрэлтүүлэн найдвар өгөх хүн.
Мэдээж үүнийг ганцаар хийхгүй. Тэнд надад тусалж хувцаслан, хэлэх үгийг төлөвлөж гарч
ирэлтийг минь зохион байгуулах бүхэл бүтэн баг байсан бөгөөд энэ бүхэн аймшигтай танил
санагдсан ч өөрийн дүрдээ тоглох ёстой байв. Би заримдаа тэднийг сонсох юмуу өөрөөр
Коины өө сэвгүй толигор үсийг харан хиймэл эсэхийг нь гайхширна. Эцсийн дүндээ толгой
янгинан өвдөж эхлэх юмуу хоол идмээр санагдах эсвэл тэсгэлгүй хашгирахгүйн тулд өрөөг
орхин гарч байв. Би энэ тухай хэнд ч тайлбарлаж төвөг удсангүй зүгээр л босоод гарч одно.
Нэгэн үдэш миний ард хаалга хаагдахад Коины,
- Бид эхлээд хүүг аврах хэрэгтэй байж гэх нь сонсогдов.
Тэр Питийн тухай ярьж байлаа. Би үүнийг зөвшөөрөхгүй. Тэр маш сайн туслагч байх байлаа.
Гэвч оронд нь бүсээс хэнийг гаргасан билээ? Хамтран ажиллах хүсэлгүй намайг болон
гуравдугаар бүсийн хижээл насны зохион бүтээгч Битиг. Түүнийг би ховорхон харах бөгөөд
ослын дараа хэвтрийн дэглэмд оржээ.
Тэд түүнийг бүсийн дээд зэрэглэлийн нууц хэсэг дэх эмнэлэгт байлгах бөгөөд хоол идэх үеэр
хааяа үзэгдэнэ. Тэр их ухаалаг болохоор туслахыг хүсч байгаа нь лавтай ч дайныг өдөөгч
байж чадахгүй. Түүнчлэн бүсэд Питийг аварсан загасны бүсийн секс бэлэг тэмдэг болох
Финник Одэйр байна. Тэд түүнийг бослогын удирдагч болгохыг хүссэн авч эхний таван
хором сэхээ оруулах хэрэг гарна. Эрүүл ухаантай байхад нь ч тархинд нь ойлгуулахын тулд
бүгдийг гурван удаа давтан хэлэх хэрэг гарч байлаа.
Эмч нар түүнийг бүсэд цахилгаан цэнэгэнд цохиулж цочирдолд орсон байна гэсэн ч би

8. асуудал юунд байгааг мэдэж байв. Финник төрөлх бүсийнхээ цорын ганц хайрладаг хүн
болох Энни нэртэй охинд Капитол юу хийсэн бол гэхээс арван гуравдугаар бүсэд юунд ч
төвлөрч чадахгүй байв. Иймээс би гомдлоо үл харгалзан Финникийг хуйвалдан намайг энд
авчирсан явдалд уучилсан юм.
Би шатны уруу ямар нэг чимээ гаргахаас эмээн болгоомжтой буугаад өнгөрсөн явдлыг
санагдуулах хэдэн зүйл болох эцэг эхийнхээ хуримын үеэр авхуулсан зураг болон Примийн
цэнхэр туузтай авахуулсан зураг, гэр бүлийнхээ эмийн ургамлын номыг авлаа. Номны
нээлттэй хуудсан дээр шаргал цэцэг байсанд Питийн зурсан зургийг харахгүйн тулд түргэн
хаалаа.
Одоо би юу хийх вэ?
Биелүүлэх ёстой ямар нэг төлөвлөгөө бий билүү? Ээж, дүү болон Гейлийн гэр бүл аюулгүй
байгаа. Арван хоёрдугаар бүсийн үлдсэн хүмүүсийн хувьд арван гуравдугаар бүсэд
хамгаалалтанд орсон. Бослого гаргах найдлагыг бүсдээ үлдээх хэрэгтэй. Мэдээж би
Капитолийг үзэн ядаж байсан ч ятга шаазгай болсноороо түүний эсрэг тэмцэж буй хэн
бүхэнд аз авчирна гэх итгэл байсангүй. Би бүсүүдэд туслах болгонд одооных шиг алхам
бүрийг минь зовлон шаналал амиа алдах явдал дагалдвал яах болж байна? Арван нэгдүгээр
бүсийн хөгшнийг зөвхөн исгэрсэнийх нь төлөө буудсан.
Арван хоёр бүсэд Гейлийн хамт ташуурдан шийтгүүлсэн. Миний дизайнер Цинна өнгөрсөн
тоглоомын үеэр цусанд хутгалдан ухаангүй шалан дээр чиргүүлэн одсон. Плутархын олж
сонссоноор бол түүнийг байцаасны дараа амийг нь хөнөөжээ. Гайхамшигтай нууцлаг хайр
булаам Цинна миний төлөө үхсэн. Энэ талаар бодоход надад хэтэрхий хүнд байсан учир
санахгүй байхыг хичээв.
Би юу хийж чадах вэ?
Ятга шаазгай болвол... бүхнээ алдсан хүмүүст сайн зүйл авчирч чадах уу? Хэн энэ асуултанд
зөв хариулах юм бэ? Мэдээж арван гуравдугаар бүсийн баг биш. Одоо манай болон Гейлийн
гэр бүл аюулгүй байдалд орсон болохоор зугатаж болно. Гэвч Питийн талаарх ажил
дуусаагүй байгаа. Хэрвээ би түүнийг гарцаагүй үхсэнийг мэдсэн бол ойд алга болоод хэзээ ч
буцаж ирэхгүй байлаа. Гэвч мэдээгүй учир энд торж байв.
Намайг өсгий дээрээ эргэхэд хүржигнэх чимээ гараад гал зуухны хаалган дээр чихээ
хулмайлгасан энэ ертөнцийн хамгийн үзэшгүй муухай муур зогсож байв.
- Холтсон цэцэг.
Мянга хүн үрэгдсэн байхад тэр амьд үлдээд тэр ч байтугай цатгалан харагдаж байх юм даа.
Гэхдээ яаж тэр вэ? Тэр байшингийн цонхоор гарч бидний үргэлж онгорхой орхидог байсан
зоорь луу орсон юм болов уу. Талбайн оготно идсэн байх. Би өөр зүйлийн талаар бодохыг
хүссэнгүй явган суугаад гараа доош дэлгэж,

9. - Нааш ир, муужгай минь гэлээ.
Дургүй байна. Хаягдсандаа уурлаж байлаа. Би түүнийг тэжээдэггүй ч үргэлж хоол
хүнснээсээ илүүчилдэг байсан. Бидэнд хоёуланд шинэ байшин таалагддаггүй учир хуучин
байшиндаа ердийнхөөрөө уулзах болгонд бага зэрэг бие биенээ ойлгодог болсон юм. Энэ
бүхэн төгсгөл болжээ. Муур таагүй шар нүдээ анивчив.
- Примийг хармаар байна уу? гэж би асуулаа.
Примийн нэр түүний анхаарлыг татлаа. Түүний өөрийнхөө нэрээс гадна цорын ганц мэдэх
үг. Тэр аяархан мяулаад над руу дөхөв. Би түүнийг барьж аваад сахлаг үсийг нь илбэнгээ
ангийн цүнхэндээ бүдүүлгээр чихэв. Өөрөөр түүнийг онгоцон дээр гаргах ямар ч арга
байхгүй бөгөөд тэр дүүгийн минь ертөнц байлаа. Түүний хувьд бас Хатагтай нэртэй ямаа
үнэтэй ч харамсалтай нь байсангүй.
Чихэвчинд Гейлийн буцахыг сануулсан хоолой сонсогдов. Ангийн цүнх өөр нэг авах ёстой
зүйлийг сануулахад цүнхээ сандлын түшлэгэнд өлгөж орхиод унтлагын өрөө лүүгээ явлаа.
Хувцасны шүүгээнд эцгийн минь ангийн хүрэм өлгөөтэй байв. Би Номхотголд явахаасаа
өмнө түүнийг хуучин гэрээсээ авчирч үрэгдсэн тохиолдолд ээж, дүүгээ тайтгаруулахаар
авчирсан юм.
Бурханы авралаар үнс болоогүй үлджээ.
Зөөлөн арьс тайвшируулах нөлөө үзүүлж би хормын зуур таатай дурсамжид умбав. Дараа нь
яагаад ч юм алганд хүйтэн хөлс дааж хачирхалтай мэдрэмж шилэн хүзүү ирвэгнүүлэв. Би
огцом эргэж харвал юу ч байсангүй. Цэвэр цэмцгэр бүгд урьдын байрандаа байх аж.
Түүнчлэн ямар нэг чимээ гарсангүй. Тэгвэл энэ юу байв?
Хамар загатналаа. Энэ бол хиймэл нялуун үнэр байв. Шүүгээн дээрх хатсан цэцэгтэй ваар
толботон үзэгдэнэ. Би түүн рүү болгоомжлон дөхлөө. Дотор нь шинэхэн цагаан сарнай байв.
Хурц өргөс торгомсог дэлбээтэй үзэсгэлэнтэй аж.
Тэгэхэд л би хэн үүнийг илгээснийг нь мэдлээ.
Ерөнхийлөгч Сноу.
Би өмхий үнэрт гутан амаа даран ухарлаа. Тэр энд хэр удаан байсан бол? Өдөр үү? Нэг цаг
уу? Босогчид намайг орж ирэхээс өмнө Ялагчын тосгоны аюулгүй байдлыг шалгаж тэсэрч
дэлбэрэх зүйл, занга зэрэг ер бусын зүйл байгаа эсэхийг үзсэн. Гэвч сарнай тэдний
анхаарлыг татаагүй бололтой. Зөвхөн миний анхаарлыг татав.
Би доошоо бууж ангийн цүнхээ авахдаа шалан дээр унагаад хоосон биш гэдгийг нь саналаа.
Ойн цоорхойд очсон хойно онгоц цөхрөн дуудахад муур галзуурсан мэт тонгочив.
Номхотгохын тулд тохойгоороо нударсан ч улам хилэгнүүлснээс ондоо зүйл болсонгүй.
Онгоц гарч ирээд шат уруудахад түүн дээр гарч зогссонд хөдөлгөөнгүй болон өргөгдөв.

10. Гейл намайг шатнаас буухад туслаад,
- Чи зүгээр үү? гэв.
- Тиймээ гээд би нүүрнийхээ хөлсийг ханцуйгаараа арчив.
"Тэр надад сарнай орхисон байна!" гэж би хашгирахыг хүссэн ч Плутархын хяналтан дор ийм
мэдээлэл хуваалцах эсэхдээ итгэлгүй байлаа. Юуны түрүүнд би галзуу юм шиг болж харагдах
нь лавтай. Эсвэл эмийн нөлөөнд автаж зугтахыг хүссэндээ хэтэрхий хурц тод төсөөлөөд
байгаа юм болов уу. Ялагчын аялалын өмнө түүнийг надад сүрдүүлж байхад дэргэд хүн
байгаагүй болохоор хэн ч ердийн цэцэг биш, тэр тусмаа ерөнхийлөгч Сноугын илгээсэн
цэцэг гэдгийг ойлгохгүй.
Шүүгээн дээрх цасан цагаан өнгийн сарнай бол надад илгээсэн хувийн зурвас байсан бөгөөд
дуусгаагүй ажлаа сануулж "Би чамайг олж чадна. Би чамд хүрч чадна. Магадгүй одоо ч
чамайг харж байж магадгүй" гэсэн шивнэлт байлаа.

11. II
Капитолын онгоцнууд бидэн рүү тэнгэрт хурдтай довтолж чадах болов уу? Арван хоёрдугаар
бүсийн аялалаа дуусгах үедээ би дайралтын шинж тэмдэг түгшин хүлээсэн авч араас хэн ч
нэхсэнгүй. Хэдэн хормын дараа Плутархад нисгэгч агаарын зам цэвэр тухай илтгэхийг
сонсоод ялимгүй тайвширлаа.
Гейл гийнах чимээ гарах цүнх рүү толгой дохиод,
- Одоо л чамайг яах гэж буцсаныг мэдлээ гэв.
- Түүнийг амьд эрүүл харна гэдэгтээ итгээгүй шүү гээд би цүнхийг суудал доор хийтэл
дургүйцэн хүржигнэсэн тул,
- Амаа тат гээд цонхны эсрэг талын зөөлөвчтэй суудал дээр тавилаа.
Гейл надтай зэрэгцэн суув.
- Тэнд их муу байсан уу?
- Үүнээс ч дор байх юм биш.
Би түүний нүдэнд гашуудсан тусгалаа олж харлаа. Бидний гар арван хоёрдугаар бүсийг
ерөнхийлөгч Сноу устгаагүй байсан үеийнх шиг барилцав. Ингээд нам гүмийн дунд арван
гуравдугаар бүс хүртэл нислэг хийхэд дөчин таван хором болов. Энгийн долоо хоног тутмын
явган аялал. Өнгөрсөн жил өвлийн ойд наймдугаар бүсийн оргодол Бонни, Твилл хоёртой
тааралдахад зорилго нь тийм ч алс холын санагдаагүй. Намайг тэднээс арван гуравдугаар
бүсийн тухай асуусны дараа хэн ч юу ярьж буйг минь ойлгоогүй билээ. Тэднийг модон дунд
үхсэн байх гэж бодсон юм.
Агаараас арван гуравдугаар бүс арван хоёрдугаарын адил амьдралын баяр баясгалантай
харагдана. Капитолын зурагтаар үзүүлдэг шиг үнс нурам хэлтэрхийгээр дүүрэн биш ч газар
дээр амьдралын шинж үгүй байлаа.
Одоогоос далан таван жилийн өмнө Харанхуй өдрүүдэд арван гуравдугаар бүсийг бүсүүдийн
хоорондох дайнд устгагдсан гэж Капитол баталж байсанчлан бүх барилга байгууламж нь
газрын хөрснөөс арчигджээ. Тэгэхэд газар дор тэр үеийн дайны үеийн удирдагчид нуугдан
үлдэж дүрвэн амьд үлдсэн хүмүүсийн хамтаар он жилийг өнгөрүүлэх явцдаа хөгжин
цэцэглэсэн байна. Арван гуравдугаар бүсийн хүмүүсийн хувьд хамгийн гол нь Капитолын
цөмийн зэвсэг үйлдвэрлэлийн гол төв байжээ.
Харанхуй өдрүүдэд арван гуравдугаар бүсийн босогчид захиргааны хэсгийг хяналтандаа аван
цөмийн буужинг Капитол руу чиглүүлсэн ч үхсэн хүний дүрд тоглон мэхлэх хэлэлцээр
хийсэн учир тайван орхижээ. Капитолын ахин нэг цөмийн зэвсгийн байгууламж нь баруун
зүгт байсан ч хариу арга хэмжээ авахаар арван гуравдугаар бүс рүү довтолж чадахгүй байв.

12. Энэ нь арван гуравдугаарын хэлэлцээрийг зөвшөөрсөн хэрэг болжээ. Тэд бүсийн нүдэнд
үзэгдэх бүхнийг бут ниргэн гадагшаа харилцаа холбоогүй болгосон байна. Магадгүй
Капитолын удирдагчид бүсийнхэн гаднаас тусламж ирэхгүй бол мөхнө ч гэж бодсон байж
болох юм.
Ийм явдал хэдэнтээ болох дөхсөн авч мултарч дөнгөөд хоол хүнсний нөөцөд хатуу хяналт
тогтоон журамтай сахилга баттай байсны хүчинд Капитолийн цаашдын дайралтыг тэсэж
дөнгөхөөр болж. Одоо хот үнэндээ газрын дор байв. Гадагшаа нарны гэрэлд зугаалахаар
зөвхөн хатуу тогтоосон хуваарийн дагуу гарч болно.
Хуваарийг алгасч болохгүй. Өглөө бүр баруун гараа ханан дахь төхөөрөмж рүү шургуулж
бугуйны дотор талд бүдэг ягаан өнгөөр бичигдсэн хуваарийг хүлээж авна. 7.00 – Өглөөний
цай. 7.30 – Гал зууханд жижүүрлэх, 8.30 – Сургалтын төв, арван долдугаар өрөө гэх мэтчилэн
22.00 цагийн Угаалга хүртэл бэх арилахгүй. Тэгэхэд бүгд хуваарийн дагуу тэвчээртэй
биелүүлнэ. 22.30 минутад гэрэл унтрах дохио өгөхөд орондоо орох ёстой.
Би эхлээд өвчтэй эмнэлэгт байсан болохоор тамгалагдах явдлаас зайлсхийсэн ч 307 дугаар
өрөөнд ээж, дүү хоёрынхоо хамт амьдрахаар ирэхдээ хуваариа хүлээн авлаа.
Гэвч гаран дээрх хуваариас хоолонд орохоос бусдыг үл тоомсорлож байв. Зүгээр л өрөөндөө
буцаж ирэх юмуу эсвэл арван гуравдугаар бүсээр тэнүүчилэн хаа нэгтээ агааржуулагч,
угаалгын газрын усны хоолойн ард болон сургалтын төвийн хэнд ч хэрэггүй хичээлийн
хэрэглэлтэй шүүгээнд нуугдаж унтана. Тэд эд зүйлээ хямгатай хэрэглэх тул хамаагүй үрэх нь
гэмт хэрэгт тооцогдоно. Аз болоход арван хоёрдугаар бүсийн хүмүүс хэзээ ч үрэмтгий
байсангүй. Би нэг удаа Фальвия Карди цаасан дээр хоёрхон үг бичээд базаж хаяснаа хүн
алсан аятай царай нь зэвхийрч мөнгөлөг цэцэг шигтгэсэн булцгар хацар нь час улайхыг
харсан юм. Цатгалан байдлын хөрөг зураг.
Түүнчлэн миний арван гуравдугаар бүсэд харах дуртай зүйлсийн нэг гэвэл Капитолоос
ангижирсан босогчид хуваарийн дагуу шинэ амьдралаа мөрдөх явдал байлаа. Би хэр удаан
хугацаанд нарийвчилсан төлөвлөгөөг үл ойшоохоо мэдсэнгүй. Тэдний намайг тайван орхиж
байсан шалтгаан гэвэл эмнэлэгийн хуванцар бугуйвчан дээр тогтворгүй ангилалд багтсан
бичигтэй учраас замбараагүй явдлыг минь тэвчихэд хүргэж байв. Гэвч мөнхөд үргэлжлэхгүй
нь тодорхой. Иймээс тэдний тэвчээрийн гол утга учир нь ятга шаазгай байлаа.
Гейл бид хоёр 307 өрөөнөөс холгүй шатны талбай дээр бууж ирэв.
Бид цахилгаан шатаар уруудаж болох байсан ч бүсийг санагдуулдагт нь дургүй байсан юм.
Түүнчлэн газар дор байх амаргүй байлаа. Гэвч нууцлаг сарнайн дараа удаан хугацааны дараа
анх удаагаа аюулгүй болохоо мэдрэв.
Би гэр бүлийнхэн минь асуулт тавихаар хүлээж буй 307 дугаартай өрөө рүү тээнэгэлзэн
дөхөөд,
- Арван хоёрдугаар бүсийн тухай тэдэнд юу хэлэх вэ? гэж Гейлээс асуулаа.

13. - Тэднийг нарийвчилж асууна гэдэгт эргэлзэж байна. Тэд яаж шатахыг нь харсан. Хамгийн
гол нь тэд чиний үүнд яаж хандаж байгаад санаа зовж байгаа юм гээд Гейл хацарт минь
хүрснээ, - Яг л над шиг гэлээ.
Би түүний гарыг нүүрэндээ наагаад,
- Хичээе гэв.
Тэгээд гүнзгий амьсгал аваад хаалга дэлгэв. Ээж, дүү хоёр маань оройн хоолноос хагас
цагийн өмнөх 18.00 цагийн чөлөөт цагаа өнгөрүүлж байв. Би тэдний сэтгэл зовсон байртай
сэтгэл хөдлөлийг минь шинжин харахыг хараад үг хэлж амжихаас нь урьтаж ангийн цүнхээ
ухан 18.00 – Муураа бишрэх цаг бий болгоход Прим шалан дээр суугаад уйлж зэвүүн муухай
муур надад зориулсан хүржигнэлтээ болив.
Прим над руу сэтгэл хангалуун харснаа хүзүүнд нь цэнхэр тууз зүүж өгөхөд, ээж хуримынхаа
гэрэл зургийг цээжиндээ нааж эмийн ургамлын номын хамтаар засгаас өгсөн шүүгээнд хийж
тавив. Би эцгийнхээ ангийн хүрмийг сандлын түшлэг дээр өлгөхөд тэрхэн агшинд гэртээ
байгаа юм шиг санагдав. Арван хоёр дугаар бүс рүү явснаараа цагийг хоосон үрээгүй
бололтой.
Бид 18.30-аас хоолны танхим руу буухад Гейлийн бугуйны багаж дуугарлаа. Энэ нь томхон
цагны хэмжээтэй агаад тооны оронд үг гарах аж. Үүнийг онцгой ямбаны тэмдэг болгон
хамгийн чухал хүнд өгдөг бөгөөд Гейл үүнийг арван хоёр дугаар бүсийн иргэдийг аварсан
гавъяаныхаа төлөө хүртжээ.
- Тэд биднийг удирдлагын өрөөнд дуудаж байна.
Би Гейлийг хэдэн алхамын ард дагалдахдаа ахин хайр найргүй ятга шаазгайн дайралтанд
өртөхийн тулд хүчээ цуглуулав. Намайг удирдлагын өрөөний хаалган дээр саатахад өндөр
хөгжилтэй хамгийн сүүлийн үеийн дайны багаж төхөөрөмж бүхийн ярьдаг хананууд, янз
бүрийн бүсүүдийн байршилыг үзүүлсэн электрон газрын зураг болон удирдлагын товчлуур
бүхий аварга том дөрвөлжин ширээ үзэгдэв. Бүгд алсын буланд дэлгэцийн өмнө цуглаад
Капитолын нэвтрүүлгийг үзэж байсан учир хэн ч намайг ажигласангүй. Би Плутархаас
бултаж чадах нь гэж бодсон ч зурагтын дэлгэцэнд гарах дүрс анхаарал татсанд хичнээн
сонирхолтой санагдсан ч дургүйхэн дүр эсгэн урагшилав.
Үргэлжид байдаг шиг дайны дүрс бүхий суртал нэвтрүүлэг гараад арван хоёрдугаар бүсийн
бөмбөгдөлтийг давтан үзүүлэв. Түүнчлэн ерөнхийлөгч Сноугын заналхийлсэн мэдэгдэл.
Үхлийн тоглоомын мөнхийн эзэн болсон Цезарь Фликерман нүүрээ будан гялалзсан
хүрэмтэйгээ ярилцлага авахад бэлтгэж байв. Гэвч дуран эргэхэд би зочин нь Пит байхыг
хараад хөшлөө.
Ийм тохиолдолд хэнд ч ёолох дуу алдах зэрэгцсэн усанд живсэн хүнийх шиг хүчилтөрөгч
хүрэлцэхгүй дуу гарах байсан биз. Би урдаа байсан хүмүүсийг түлхэн холдуулаад алгаа

14. дэлгэцэнд наав. Би түүний нүднээс өвдөж зовсон юмуу тамлалын дүр зураг харахыг
хичээлээ. Гэвч юу ч байсангүй.
Пит эрүүл чийрэг хүчтэй харагдаж бүх биеийг нь зүлгэсэн юм шиг арьс нь өөгүй гялтагнана.
Түүний байдал чухал төрхтэй байсан бөгөөд хар дарсан зүүдэнд үзэгддэг зовж зүдэрсэн
цусанд будагдсан хүү гэж итгэхэд бэрх байв.
Цезарь Питийн эсрэг талд аятайхан суудал эзлээд удтал цэгнэн харснаа,
- За тэгэхээр... Пит... эргэж ирсэн юм биз дээ гэв.
Пит үл мэдэг инээмсэглэв.
- Цезарь таныг өмнө надаас авсан ярилцлагынхаа тухай бодож байгаа гэж мөрийцсөн ч
бэлхэн байна.
- Би тэгж бодсоноо хүлээн зөвшөөрөх байна. Дөрөв дэх номхотголын өмнөх шөнө... хэн нэгэн
чамайг ахин харна гэж бодсон болов уу?
- Энэ мэдээж миний төлөвлөгөөний нэг хэсэг байгаагүй гэж Пит баргар хэлэв.
Цезарь түүн рүү бөхийлөө.
- Би чиний төлөвлөгөөг бүгдэд илт гэж бодож байна. Бүсэд Китнисс Эвердин болон хүүхдээ
амьд гаргахын төлөө өөрийн биеэ зориулах.
- Тийм байсан. Тодорхой бөгөөд энгийн гээд Пит хуруугаараа сандлын түшлэгний гадарга
тэмтэрснээ, - Гэхдээ бусад хүмүүс өөр төлөвлөгөөтэй байсан гэв.
"Тиймээ бусад хүмүүст өөр төлөвлөгөө байсан" гэж би бодлоо. Ингэхэд Пит босогчид
биднийг хэрхэн шатрын хүү ашигласан тухай тааварлаж байгаа болов уу? Миний аврагдалт
эхнээсээ зохион байгуулагдсан гэдгийг мэдэх болов уу? Манай зөвлөгч Хеймитч Эбернити
хоёр талд ажиллан биднээс яаж урвасныг сонирхож байгаа болов уу?
Нам гүм болоход Питийн хоёр хөмсөгний хооронд үрчлээ үүслээ. Тэр өөрөө санал болгосон
болов уу эсвэл түүнийг ингэхэд хүргэсэн юм болов уу. Гэхдээ Капитол түүнийг алаагүй
шийтгээ ч үгүй байна. Энэ одоо миний хамгийн зэрлэг найдвар болоод байгаа билээ. Би
түүнийг эрүүл энх байдлаар нь бүхэлд нь ухаандаа шингээхэд сүүлчийн хэдэн долоо
хоногийн турш өвчин намжаах зорилгоор өгч байсан хар тамхи шиг үйлчлэв.
- Чи яагаад бидэнд бүсийн сүүлчийн шөнө юу болсоныг ярьж өгч болохгүй гэж? Бидэнд
хэдэн зүйл тодруулахад тусал л даа гэж Цезарь санал болгов.
Пит толгой дохисон ч шууд ярьсангүй.

15. - Сүүлчийн шөнө... таны хэлснээр сүүлчийн шөнө... за яахав та эхлээд бүсэд ямар болохыг
төсөөлөөд үздээ. Энэ нь яг л тавган дор хөмрөгдөн занганд орсон юм шиг бүгчим агаартай.
Эргэн тойрон битүү ширэнгэ... амьд юм шиг ногооноор долгиолоод л. Аварга том цагны
цохилт чиний амьдралыг авч одно. Цаг бүр шинэ аймшиг заналхийлж сүүлийн хоёр өдөр
зарим нь чамайг хамгаалж байсныг оролцуулаад арван зургаан хүн үхсэн гээд төсөөлөөд үз
дээ. Үлдсэн найм нь өглөө гэхэд үхэх ёстой. Ганц л хүн аврагдана. Ялагч. Харин чиний
төлөвлөгөө ёсоор бол өөрөө биш.
Миний бие гэнэтийн дурсамжиндаа умбахад дэлгэцэн дээр байсан гар гулслаа. Питэд
тоглоомын дүр зургийг дүрслэхэд будаг хэрэггүй. Тэр үүнийг үгээрээ маш сайн хийж байв.
- Чамайг бүсэд байхад үлдсэн ертөнц тэртээд алсрана. Чиний хайрладаг болон санаа тавьдаг
байсан хүмүүс бодит юм шиг санагдахаа болино. Ягаавтар тэнгэр улайраад ширэнгэд
араатан, оролцогчид холхиж чиний цусыг хүсэж байгаа цорын ганц бодит байдал оршин
тогтноно. Муу нь гэвэл чи хэн нэгнийг алах ёстойгоо мэдрэх бөгөөд бүсэд зөвхөн ганцхан
хүсэл эзэмддэг билээ. Тэгээд ч энэ их үнэтэй.
- Энэ чиний амиар олдоно гэж Цезарь хэлэв.
- Үгүй дээ. Энэ чиний амьдралаас илүү үнэтэй. Гэм зэмгүй хүмүүсийг алах уу? Чи үүнийг
өөртөө байгаа бүхнээр төлөх болно.
- Өөртөө байгаа бүхнээр гэж Цезарь аяархан давтлаа.
Өрөөнд нам гүм ноёрхоход би бүх Панем даяар түгэн тархахыг мэдрэв. Учир нь бүсэд ямар
байдаг тухай урьд нь хэн ч ярьж байгаагүй юм. Пит яриагаа үргэлжлүүлэв.
- Иймээс чи хүслийнхээ төлөө тэмцэнэ. Сүүлчийн шөнө би Китниссийг аврахыг хүсч байсан.
Бослого гарах гэж байна гэдгийг нь ч мэдээгүй. Бүх зүйл хэтэрхий ярвигтай хүнд байсан. Би
түүний өглөө санал болгосноор хамт зугтаагүйдээ маш их харамссан ч тэр агшинд гарц үгүй
болсон байв.
- Та нар Битиигийн давстай нууранд цахилгаан гүйлгэх төлөвлөгөөнд хэтэрхий автсандаа тэр
биз дээ.
- Холбоотонгуудтай тоглоход хэтэрхий хүнд байсан. Би тэдэнд хэзээ ч биднийг салгахыг
зөвшөөрөхгүй байсан! гэж Пит дүрсхийгээд, - Тийм учраас л би түүнийгээ алдсан гэв.
- Чи аянгат модны дэргэд үлдээд Китнисс, Жонна Мэйсоны хамт төмөр утсыг ус руу хийхээр
явсан биз дээ гэж Цезарь тайвшируулав.
- Би үүнийг хүсээгүй! гээд Пит хилэгнэн улайлаа. - Гэвч Бититэй маргалдаж холбоо салгаж
зүрхлээгүй. Төмөр утас тасрахад бүх зүйл замбараагаа алдсан. Би зөвхөн хэсэг бусгаар нь
санаж байна. Түүнийгээ хайж олохыг оролдсон. Брут Чапыг хэрхэн алахыг харсан. Брутыг
өөрийн гараар алсан. Би түүнийг намайг дуудаж байхыг сонссон. Тэгтэл модонд аянга

16. буугаад бүсийг тойрон хүрээлсэн хүчний талбай дэлбэрсэн.
- Китнисс түүнийг дэлбэлсэн, Пит. Чи хальсыг үзсэн биз дээ гэж Цезарь зэмлэнгүй хэлэхэд,
- Тэр юу хийж байгаагаа мэдээгүй. Бидний хэн ч Битигийн төлөвлөгөөг мэдээгүй. Та нар
түүний төмөр утсаар юу хийх гэж байсныг ойлгохыг хичээж байхыг харсан биз дээ гэж Пит
хэдэрлэв.
- За яахав. Зүгээр л тэр энэ бүх хугацаанд босогчдын төлөвлөгөөний нэг хэсэг байсан юм шиг
сэжигтэй санагдаад гэхэд Пит босон Цезарын царай руу өлийсөнд өөрийн эрхгүй сандлын
түшлэгээ тохойлдов.
- Тийм гэж үү? Тэр үнэхээр төлөвлөгөөний нэг хэсэг байсан юм бол Жонна бараг алах
шахсан биз дээ? Цахилгаанд цохиулаад хөдөлж чадахаа болио биз дээ? Дэлбэрэлтийн эх
үүсвэр дээр гэж Пит хашгираад,
- Цезарь тэр мэдээгүй! Бидний хэн ч бие биенийгээ амьд үлдээхийг хичээхээс өөр зүйл
бодоогүй! гэв.
Цезарь биеэ хамгаалсан янзтай эвлэрэнгүй Питийн цээж рүү түлхээд,
- За за, Пит би чамд итгэе гэв.
- Сайн байна.
Пит Цезарын гарыг зөрүүлэн түлхээд нямбайлан самнасан цайвар үсээ сөргөөж сандал
дээрээ лагхийн суугаад сэтгэлээр унасан байртай болов.
Цезарь хормын турш Питийг шинжсэнээ,
- Танай зөвлөх Хемитч Эбернети үүнд ямар хамаатай юм бэ? гэв.
Питийн царай хатуурлаа.
- Би Хеймитч юу мэдэж байсныг мэдэхгүй.
- Тэр хуйвалдааны нэг хэсэг байсан биз дээ?
- Тэр хэзээ ч ийм зүйл хэлж байгаагүй гэхэд Цезарь дайралтаа үргэлжлүүлэн,
- Тэгвэл сэтгэл зүрх чинь юу гэж хэлж байна даа? гэлээ.
- Намайг түүнд итгэх ёсгүй байсан гэж хэлж байна. Тэгээд л тэр.
Би онгоцонд Хеймитч рүү дайрч нүүрэн дээр нь гүн урсан шарх үлдээсэн цагаасаа хойш

17. хараагүй билээ. Түүнд энд хэцүү байгаа болохыг би мэдэж байв. Арван гуравдугаар бүсэд
архи дарсны зүйл худалдаалахыг хатуу хориглодог бөгөөд эмнэлэгийн спиртийг хүртэл
цоожтой шүүгээнд хадгална.
Хеймитч эцэстээ нэг юм нууцаа далдлахын тулд гэрийн нөхцөлд нэрсэн согтууруулах ундаа
уух хэрэггүй болж хүчээр эрүүлжин санаа амарлаа. Тэд түүнийг архинаас гаргахын тулд
тусгаарласаны улмаас олон нийтийн дунд үзэгдэхээ больжээ. Намайг хүн чанар минь зовоож
байсан ч Хеймитчийг хуурсаныг мэдсэн цагаас эхлэн өрөвдөх бүх сэтгэлээ гээсэн билээ.
Иймээс Капитолын нэвтрүүлгийг үзэж Питийн хэрхэн түүнийг хаяж байгааг хараасай гэж
хүслээ.
Цезарь Питийн мөрөн дээр алгадаад,
- Хэрвээ чи хүсч байвал бид ярилцлагаа зогсоосон ч болох юм гэхэд,
- Өөр юуны тухай ярилцах юм? гэж Пит хөндий хэлэв.
- Би чиний дайны тухай юу бодож байгааг асуухыг хүссэн ч чи хэтэрхий сэтгэлээр унасан
бол...
- Үгүй дээ би үүнд хариулахад хэтэрхий сэтгэлээр унаагүй гээд Пит гүнзгий амьсгаа авснаа
дуран руу цэхлэн хараад,
- Би зурагт үзэж байгаа бүх хүн Капитолын тал бай, босогчдын тал ч бай хамаагүй ердөө
хормын агшинд дайн хүмүүсийн хувьд юунд хүргэх талаар бодоосой гэж хүсч байна. Бид бие
биенийхээ эсрэг тэмцсээр устан үгүй болох нь. Одоо хүмүүсийн тоо урьдынхаас хамаагүй
бага болжээ. Бидний байдал хүнд хэцүү байна. Бид үнэндээ юу хүсээд байгаа юм бэ?
Өөрсдийгөө үндсээр нь устгахыг уу? Юунд найдсан хэрэг вэ? Үр ач нартаа утаа уугьсан газар
дэлхий залгамжлуулахын тулд уу? гэв.
- Би үнэнээсээ... тийм зүйл болно гэдэгт итгэлгүй байна... гэж Цезарь хэлэв.
- Бид бие биетэйгээ тэмцэж болохгүй. Цааш амьдрахад хэтэрхий бага хүн үлджээ. Хэрвээ
бүгд зэвсгээ хураахгүй бол... удахгүй бүх зүйл төгсгөл болно.
- Тэгэхээр... чи галаа зогсоох тухай ярьж байгаа юм уу?
- Тиймээ. Би галаа зогсоохыг уриалж байна гэж Пит ядрангуй хэлээд,
- Одоо яагаад өөр үндэсгүй зүйл яриагүй байгаа дээр минь намайг байсан газар руу буцааж
болохгүй гэж? гэв.
Цезарь дуран луу эргэлээ.
- Сайн байна дуусгах цаг болж. Цааш нь ердийн хөтөлбөртөө эргэж орцгооё.

18. Хөгжим эгшиглэснээ хөтлөгч эмэгтэй гарч ирээд Капитолд шинэхэн жимс, нарны батерей,
саван дутагдаж байгаа тухай жагсаалт уншлаа. Би түүнийг шимтэн харах зуур бүгд
ярилцлагын хариу үйлдлийг минь хүлээж байгааг мэдэж байв. Бүх зүйл яах хийхийн зуургүй
түргэн өнгөрсөн ч Пит эсэн мэнд эрүүл Капитолын талд гал зогсоох тухай ярьж байгааг
харах нь баяртай байлаа. Энэ нь хоёр талыг хоёуланг нь буруушааж буй мэт сонсогдсон ч
нөгөө талаас босогчдын олсон өчүүхэн ялалт гал зогсоосны дүнд урьдын байдалдаа орох
юмуу эсвэл бүр муугаар эргэх талтай.
Ард Питийг зэмлэн урвагч, худалч, дайсны хөл гар гэх мэт буруутгасан үг сонсогдов. Би
босогчдын дургүйцлийг дэмжихгүй байсан болохоор эндээс гарсан нь дээр гэж бодлоо.
Гэвч намайг хаалганд хүрмэгц Коины хоолой сонсогдов.
- Би таныг явахыг зөвшөөрөөгүй шүү, цэрэг Эвердин.
Коины хүмүүсийн нэг миний гараас шүүрч авлаа. Энэ нь түрэмгий хөдөлгөөн биш байсан ч
би бүсэд байсны дараа үл таних хүрэлт бүрийг эсэргүүцдэг болжээ. Би гараа огцом татаж
аваад танхимаар гүйлээ. Ардаа ноцолдох чимээ гарсан ч зогссонгүй. Түргэхэн бодолдоо
нуугдаж болох бяцхан газар эрээд нөөц зүйл хураасан шүүгээнд орж шохойны хайрцаган дээр
атиралдан суулаа.
- Чи амьд байна гэж би шивнээд алгаараа хацраа дарж үзэн нүүр дүүрэн инээмсэглэсэн ч
ярвайх адил болов. Пит амьд бас урвагч болсон. Гэвч одоо надад үүнд санаа зовж байх цаг
алга. Тэр юу ч хэлсэн бай хамаагүй гагцхүү ярих чадвартай байгаа юм байна.
Хэсэг хугацааны дараа шүүгээний хаалга нээгдэж хэн нэгэн орж ирэв. Гейл дэргэд суухад
хамраас нь цус гарсан байлаа.
- Юу болоо вэ?
- Боггсын замд хөндөлдсөн юм гээд тэр мөрөө хавчив.
- Тэдний нэг үү? гээд би ханцуйгаараа хамрыг нь аятайхан арчиж өгөхийг хичээсэн ч
илчихлээ.
- Чи мэднэ дээ. Коины баруун гар байгаа юм. Чамайг зогсоохоор оролддог хүн гээд тэр
миний гарыг түлхэж,
- Хэрэггүй! Чи бүр дордуулаад байна гэв.
Цус гоожих нь намдаад дуслахад би анхны тусламж үзүүлэх оролдлогоо болиод,
- Чи Боггстой зодолдоо юу? гэж асуулаа.

19. - Үгүй дээ зүгээр л чиний араас дагахыг оролдоход нь үүдэн дээр тээгэлдсэн юм. Тэр
тохойгоороо хамар луу нударчихсан.
- Тэд чамайг үүний төлөө шийтгэнэ дээ.
- Хэдийн шийтгэчихсэн гээд бугуйгаа үзүүлэхэд би үл ойлгон харлаа.
- Коин миний тусгай эрхийг хурааж авсан.
Би ноцтой царайлахыг хичээн уруулаа хазсан ч инээдтэй санагдлаа.
- Надад харамсалтай байна, цэрэг Гейл Хоторн.
- Хэрэггүй дээ, цэрэг Китнисс Эвердин гээд Гейл инээвхийлэв.
Бид инээлдэж эхлэв.
- Энэ ч жинхэнэ тушаал бууралт байх даа.
Арван гуравдугаар бүсэд болсон хэдхэн сайн зүйлсийн нэг нь Гейл эргэн иржээ. Капитолын
дарамтан дор Питтэй хурим хийх гэж явахаас өмнө бид нөхөрлөлөө эргэн сэргээсэн юм. Тэр
ахиж намайг үнсэх юмуу хайрын тухай ярих оролдлого хийсэнгүй. Намайг хүнд өвчтэй
байсан болохоор хугацаа өгөх гэсэндээ ч тэрүү эсвэл Питийг Капитолын гарт байгаа
болохоор хэрцгий хэрэг гэж бодсон байж ч магад. Ямар ч шалтгаантай байсан би ахин нууцаа
ярьж байх хүнтэй боллоо.
- Эдгээр хүмүүс хэн юм бэ?
- Тэд бидэн шиг л хүмүүс. Бидэнд овоолттой нүүрсний оронд цөмийн зэвсэг байна гээд
бодоод үздээ.
- Надад арван хоёрдугаар бүс Харанхуй цагийнх шиг бослогод нэгдэхээс татгалзаагүй нь
таалагдаж байна.
- Бид чадах байсан. Бууж өгөх юмуу цөмийн дайн эхлэх байсан. Гэхдээ тэдний үүнээс амьд
үлдсэн нь гайхамшигтай хэрэг шүү.
Миний гутал төрөлх бүсийнхээ үнсэнд дарагдсан хэвээр байсан болохоор ч тэр үү анх
удаагаа арван гуравдугаар бүсийн хүмүүсийн өмнө өртэй юм шиг санагдав. Амьд үлдсэн бүх
хүмүүст. Тэдний анхны жилүүд аймшигтай байж бөмбөгдөлтөнд үнсэн товрог болсон хотын
дорх хонгилд шахцалдан нуугдаж байсан. Хүмүүс амь үрэгдэн хиарч байхад хэн ч туслахаар
ирээгүй. Өнгөрсөн далан таван жилийн хугацаанд тэд хэний ч туслалцаагүй өөрсдөө бие
дааж сураад хэрэгцээтэй бүхнийг үйлдвэрлэн, хүн амаа арми болгон хувиргаж шинэ
байгууламж хөгжин цэцэглүүлжээ. Тэд хүчирхэг хэдий ч халдварт өвчний улмаас төрөлт
багасан шинэ генийн үүсвэр эрэлхийлэхэд хүргэжээ. Тэд энд байна. Тэгээд Капитолыг

20. авахыг хүсч байна.
- Тэд ч үзэгдэтлээ их удлаа шүү.
- Энэ тийм амар байгаагүй. Тэд Капитолын эсрэг бослого дээр суурилан газар дороос
бүсүүдийг зохион байгуулах гэж байгаа юм. Тэдэнд энэ хөдөлгөөнийг удирдах хүн хэрэгтэй.
Тэдэнд чи хэрэгтэй.
- Тэдэнд Пит бас хэрэгтэйг мартсан бололтой гэхэд Гейлийн царай барайлаа.
- Пит өнөөдөр том гарз авчирлаа. Ихэнхи босогчид түүний юу хэлэх гэснийг шууд ойлгосон.
Гэвч бүсүүдийн тэмцэл улам үргэлжилсээр. Гал зогсоох бодол ерөнхийлөгч Сноугын санаа
гэдэг нь тодорхой. Питийн амнаас гарсан нь бүр ухаалаг болжээ.
Би Гейлийн хариу хэлэхээс айсан ч,
- Чи түүнийг яагаад ингэж хэлсэн гэж бодож байна? гэлээ.
- Түүнийг тамласан байх. Эсвэл ятгасан ч юмуу. Тэр үүгээрээ чамайг хамгаалж байна гэж
бодсон ч байж магадгүй. Түүнд гал зогсоох санаа өгснөөрөө ерөнхийлөгч Сноу будилж
самуурсан жирэмсэн охин юу болсныг ойлголгүй босогчдод олзлогджээ гэж ойлгуулах гэж
байгаа юм. Гэхдээ чи зөв тогловол боломж байгаа гээд Гейл будилж гүйцсэнийг минь харсан
бололтой үгээ зөөн,
- Китнисс... тэр чиний амьдралыг хамгаалахыг оролдож байна гэлээ.
Миний амьдралыг хамгаалах гэнээ? Тэгэхэд л би ойлголоо. Тоглоом үргэлжилсээр. Бид
бүсийг орхисон ч Пит бид хоёр алагдаагүй сүүлчийн хүсэл болох бие биенээ амьд үлдээх
бодлоо хадгалсан хэвээр. Түүний санаагаар бол миний тухай худал хэлэх замаар дайн дуустал
аюулгүй хорионд байлгахыг хүсчээ.
Хоёр талд хоёуланд нь намайг алах шалтгаан үгүй байлаа. Харин Питийг? Хэрвээ босогчид
ялвал түүнийг хөнөөнө. Капитол ялвал юу болохыг хэн мэдэх юм бэ? Магадгүй намайг зөв
тоглон.. тоглоом яаж үргэлжлэхийг харах юм бол.. амьд үлдээхийг зөвшөөрөх байх...
Рутын бүсэд биед жад зоогдон, Гейл ташуурын шонгоос ухаангүй дүүжлэгдэн, цогцос
гулдайж хоосорсон гэр минь зурсхийн үзэгдэв. Яах гэж? Юуны төлөө? Тэгтэл зарим зүйлийг
санахаас цус буцлах шиг болов. Миний зэрвэс харсан наймдугаар бүсийн бослого,
номхотголын өмнөх өдөр ялагчид гар барилцан зогссон болон санаатайгаар сум хүчний
талбайг оносон явдал.
Би үсэрч босохдоо хайрцагтай харандаа хөмрүүлсэнд шалаар нэг асгарлаа.
- Юу болсон бэ? гэж Гейл асуув.

21. - Гал зогсоох хэрэг байхгүй гээд би тонгойн харандааг хайрцагт буцаан хийх зуур, - Буцах зам
үгүй болсон гэлээ.
- Мэднэ гээд Гейл атга дүүрэн харандаа түүгээд шалан дээр цохиж тэгшлэв.
- Ямар ч шалтгаантай тэгж хэлсэн бай Питийн буруу гээд би тэнэг харандаанууд хайрцагтаа
орж өгсөнгүйд заримыг нь хугачив.
- Би мэднэ. Алив нааш нь өг. Чи тэднийг юу ч үгүй болгох нь байна.
Тэр надаас хайрцагтайг аваад түргэн шаламгай хөдөлгөөнөөр дүүргэв.
- Пит арван хоёрдугаар бүсэд тэдний юу хийснийг мэдээгүй. Хэрвээ тэнд юу болсныг харах
юм бол... гэж би эхлэв.
- Китнисс би үүнтэй маргахгүй. Хэрвээ товчлуур дараад Капитолийн хүн бүрийг алж чадах
байсан бол би ямар ч эргэлзээгүй хийх байсан гээд тэр сүүлчийн харандааг хайрцагт хийн
тагыг нь таглаад,
- Асуудал гэвэл чи юу хийх вэ гэдэгт байна? гэв.
Асуулт над руу эргэхэд миний дотор ганцхан хариулт байлаа.
Тэгвэл би юу хийх ёстой вэ?
Би гүнзгий амьсгал аваад гараа Циннагын хийж өгсөн хар далавчтай даашинзтай байх үеийнх
шиг дээш өргөв.
- Би ятга шаазгай болно.

22. III
Примийг хамгаалах ажилдаа эргэж орон тэвэрт нь хэвтэх Холтсон цэцгийн нүдэнд хаалганы
доогуур тусах аюулгүй дохионы гэрэл сулхан анивчина. Прим ээжид наалдан хэвтээд хоёул
намайг ургацын өглөө тоглоомд анх сонгогдсон үеийнх шиг унтаж байлаа. Би хар дарсан
зүүд зүүдлээд тайван унтаж чаддаггүй учир тусдаа хэвтдэг байв.
Унтахыг завдан хэдэн цаг хөрвөөсний эцэст ахин нэг нойргүй шөнийг өнгөрүүлэхээ мэдэв.
Муурын анхааралтай харцан дор хүйтэн шалан дээгүүр гэтэн хувцасны шүүгээ рүү явлаа.
Дунд талын шүүгээнд сангаас олгосон хувцас байв. Бүгд хормойг нь өмдөн дотуураа чихсэн
ижилхэн саарал өмд цамц өмсөнө. Хувцасны доогуур миний бүсээс авчирсан зүйлс болох
ятга шаазгайтай зүүлт, Питийн сахиус болгон зүүж байсан ээж, Прим болон Гейлийн
хөрөгтэй алтан гуу, мөнгөлөг шүхрээр ирсэн модны хоолой, хүчний талбай дэлбэлэхээс
хэдхэн цагийн өмнө Питийн бэлэглэсэн сувд байлаа.
Арван гуравдугаар бүс миний арьсны тостой савыг, нум сумны хамтаар хурааж авсан юм.
Тосыг эмнэлгийн хэрэгцээнд ашиглах бөгөөд нумны хувьд зөвхөн хамгаалагчид зэвсэг
эзэмших эрхтэй байдаг билээ.
Би шүхэр лүү хуруугаа шургуулан сувдыг тэмтрэн аваад орон дээр хөлөө ачин сууж
солонгорсон гөлгөр гадаргууг нь ахин дахин уруулдаа хүргэхэд бэлэглэгчийн хүйтэн үнсэлт
тайвшируулах шиг болов.
- Китнисс. Юу болсон бэ? гэж Прим шивнэв. Тэр сэрээд харанхуйгаас над руу харж байлаа.
- Юу ч биш. Зүгээр л муухай зүүд байж. Унт даа гэж би юм бүхнээс тэднийг хамгаалж сурсан
зангаараа хэлэв.
Прим ээжийг сэрээхгүйг хичээн болгоомжтой босоод муураа тэвэрсээр дэргэд суув.
Тэр миний сувд атгасан гарт хүрээд,
- Чи бүр даарчихаж гэв.
Тэр орны хөлд байсан нөөц хөнжлийг аваад мууртайгаа хамт гурвуулангаа дулаахан хучив.
- Чи надад хэлж болно гэдгийг мэднэ дээ. Би нууц хадгалж чадна. Ээжид ч хэлэхгүй.
Тэр энэ хугацаанд их өөрчлөгджээ. Цамцны хормой нь банзалынхаа араас цухуйсан, сав
суулганд хүрэхгүй тусламж гуйн, талхчины цонхон дээрх бүрмэл бялууг харахаар очдог
байсан жижигхэн охин том болжээ.
Цаг хугацаа уй гашуудал түүнийг түргэн өсгөж ээжээс ихийг сонсож шарх эмчлэх олон арга
мэддэг залуухан эмэгтэй болсон байлаа.

23. - Маргааш өглөө би ятга шаазгай болохыг зөвшөөрөхөөр шийдсэн.
- Яагаад чи хүссэн болохоор тэр үү эсвэл ёстой гэж бодож байна уу?
Би инээмсэглэхчээ аядав.
- Хоёуланг нь гэж бодож байна. Үгүй ээ, би хүсч байна. Хэрвээ энэ нь босогчдод Сноуг
ялахад туслах юм бол хийх болно гээд би гартаа атгасан сувдыг улам чанга атгалаа. - Зүгээр
л... Питийн төлөө. Биднийг ялвал босогчид түүнийг урвагч гэж цаазаар аваачихаас айж
байна.
Прим энэ тухай эрэгцүүлээд,
- Китнисс би чамайг хичнээн чухал гэдгээ ойлгоогүй гэж бодож байна. Чухал хүмүүс үргэлж
хүссэнээ авдаг юм. Хэрвээ чи босогчдод Питийг шийтгүүлэхийг хүсэхгүй байгаа бол үүнийг
чадна гэв.
Би өөрийгөө чухал гэж бодож байна. Тэд намайг аврахын тулд олон таагүй явдалд
орооцолдсон. Арван хоёрдугаар бүсэд хүртэл аваачсан.
- Чи намайг... тэднээс Питэд хүрэхгүй байхыг шаардаж чадна гэж хэлэх гээ юу? Тэд үүнийг
зөвшөөрнө гэж үү?
- Би чамайг тэднээс бараг бүх зүйлийг шаардсан ч зөвшөөрнө гэж бодож байна гээд Прим
духаа үрчийлгэв. – Зөвхөн тэдний амласан үгээ яаж биелүүлэхийг нь мэдэх хэрэгтэй.
Би Хеймитч Пит бид хоёрыг хүссэн зүйлээ хийлгэхийн тулд худал хэлсэнийг саналаа.
Босогчдыг хэлсэн үгээ зөрчихийг хэн байг гэх юм бэ? Хаалттай хаалганы цаана амлаад
цаасан дээр батлан бичсэн байлаа ч гэсэн дайн дууссаны дараа хялбархан няцааж болно.
Тэдний хууль ёс ноёрхож байгаа нөхцөлд няцаалт хүчинтэй.. Удирдлагын ямар ч хүн үүнд
гэрч болж чадахгүй юм. Үнэндээ тэд л Питийг хөнөөх талаар ярьж байгаа билээ. Надад илүү
олон гэрчүүд хэрэгтэй. Би хүссэн бүхнээ авч чадна.
- Үүнийг олон нийтийн өмнө хийх хэрэгтэй. Коиноор арван гуравдугаар бүсийн хүмүүсийн
өмнө зарлуулъя гэхэд муур зөвшөөрсөний тэмдэг болгон сүүлээ шарвав.
- Сайн байна. Тэд баталгаа өгөхгүй ч амлалтаасаа няцахад хүнд байх болно гээд Прим
инээмсэглэв.
Би гаргасан шийдвэртээ санаа амрахаа мэдрээд,
- Жаахан нугас минь би чамайг сэрээнэ шүү гэхэд Прим намайг үнсээд,
- Тэгээсэй гэж хүсч байна. Одоо унтаж амар за юу? Би ч гэсэн унтахыг хичээе гэв.

24. Би өглөө "7.00 – Өглөөний цай. 7.30 – Удирдлагын өрөөнд" гэсэн хуваарийг хараад ажилдаа
бэлтгэлээ. Хуваарийн дагуу хоолны танхимд ороод хувийн дугаараа мэдрэгчид шалгуулав.
Намайг тавиур барин төмөр тавцан руу очих үед өглөөний цайны гол хүнс болох халуун
будаа, аяга сүү, жаахан жимс, нухсан манжин байлаа. Өнөөдөр найр болж байгаа бололтой
арван гуравдугаар бүсийн газар дорх фермийн бүх зүйл цугларчээ. Би ширээний цаана
Эвердинийхэн, Хоторнов болон бусад дүрвэгсдэд зориулсан хэсэгт суугаад хоолоо тавингаа
ийм зүйл идэхгүй байгаасай гэж хүслээ. Тэдний хүнс шинжлэх ухааны чанартай. Чи
хангалттай тооны калори авах юм бол дараагийн хоол хүртэл илүү ч үгүй дутуу ч үгүй тэснэ.
Хоолны хэмжээг нас, жин, биеийн байдал, эрүүл мэнд, ажиллах хүчинд зохицуулан
хуваарилах бөгөөд арван хоёрдугаар бүсийн хүмүүсийг хэвийн жинд оруулахын тулд арван
гуравдугаар бүсийн хүмүүсээс арай илүүг өгч байлаа. Би яс арьс болсон цэргүүд түргэн
сульддаг байх гэж таамаглав. Энэ ч үйлчилж сарын дараа гэхэд бид ялангуяа хүүхдүүд эрүүл
чийрэг харагдаж байв.
Гейл тавиураа дэргэд тавин суухад би илүү идэхийг хүссэндээ түүний ядмаг манжин руу
харахгүй байхыг хичээсэн ч тэрбээр түргэхэн шиг хоолоо ойртуулаад намайг амны цаас
нугалан анхаарлаа хандуулах зуур халбагатай манжингаа таваг руу хийлээ.
- Чи үүнийгээ болих ёстой гэж би хэлсэн ч хэдийн манжинг халбагадан авсан учир итгэлгүй
сонсогдов. – Үнэхээр шүү. Энэ чинь хууль бус.
Бидэнд хоол хүнсийг хатуу журмын дагуу тооцож өгдөг байлаа. Жишээ нь чи дараа идэхээр
хоол үлдээсэн ч танхимаас авч гарах боломжгүй. Анхны өдөр хоол нөөцлөх оролдлого гарсан
юм. Гейл бид хоёр шиг олон жилийн турш гэр бүлээ тэжээх хариуцлага үүрч байсан хүмүүст
амаргүй байлаа. Бид өлсгөлөн гэж юу байдгыг мэдэх тул үүнийг ойлгохгүй байсан юм. Зарим
тохиолдолд арван гуравдугаар бүс Капитолоос илүү хяналттай аж.
- Тэд намайг яана гэж? Эрхийг минь хураагаад авсан биз дээ.
Би тавгаа цэвэрлэнгээ урамшин,
- Хөөе би магадгүй ийм нөхцөлтэйгээр ятга шаазгай болж болох юм шүү гэв.
- Тэгвэл чамайг манжингаар тэжээж байх уу?
- Үгүй, бид агнаж болох юм гэхэд энэ нь түүний анхаарлыг татав.
- Бид авчирсан бүхнээ гал зууханд өгнө. Тэгээд ч бид... гээд би үгээ дуусгаж чадаагүй ч тэр
ойлголоо. Бид газар дээр гарч ойд очно. Бид ахин өөрсдийнхөөрөө байж чадна.
- Тэг л дээ. Одоо л хийх цаг. Чамайг саранд хүргэж өгөхийг гуйсан ч тэд үүнийг хийх арга
олно.
Гейл хэдийн намайг Питийн амийг аврахын тулд сар луу явуулахыг шаардсаныг мэдээгүй

25. байв. Би үүнийг хэлэх эсэхдээ тээнэглзсэн ч хоолны цаг дууссаны тэмдэг болох дохио
жингэнэлээ. Коинтой нүүр тулан уулзах тухай бодол намайг бухимдуулж эхлэв.
- Чамд хуваарийн дагуу юу байна? гэхэд Гейл гараа шалгалаа.
- Цөмийн түүхийн хичээл. Ингэхэд чиний байхгүй байгаа чинь ажиглагдам байгаа шүү.
- Би удирдлагын өрөө луу явлаа. Хамт явах уу?
- Болох л юм. Гэхдээ тэд намайг өчигдөрийн явдлын дараа гаргаж хаях байх даа гээд
тавиураа авч босох үед, - Чи муураа шаардсан зүйлийн жагсаалтандаа оруулаарай. Ашиггүй
амьтаныг энд байлгаж болно гэж бодохгүй л байна шүү гэв.
- Өө, тэд түүнд ажил олж л таарна. Сарвуун дээр нь өглөө бүр шивээс тамгалах байх.
Гэвч би бодолдоо Примийг болон түүнийг багтаан тооцлоо. Биднийг удирдлагын өрөөнд
очих үед Коин, Плутарх тэргүүтэй хүмүүс цугласан байлаа. Гейлийг хараад зарим нь хөмсгөө
өргөсөн ч хөөж туусангүй. Би бодлоо цэгцэлж чадахгүй байсан тул цаас, харандаа гуйлаа.
Анх удаагаа ажил хэрэг сонирхож байгаа байдал минь тэдний гайхлыг төрүүлсэнд зарим нь
харц солилцов. Магадгүй ээлжит сургаал айлдахаар төлөвлөсөн байж болох. Гэвч үүнийхээ
оронд Коин надад хувийн цаас харандаагаа өгөхөд бүгд ширээнд суун жагсаалт бичихийг
минь харж чимээгүй хүлээлээ. "Муур. Ан. Питэд хүрэхгүй байх. Олон нийтийн өмнө
мэдэгдэх".
Ингээд л болоо. Магадгүй наймаалцах цорын ганц боломж байж болох юм. "Бод. Чи юу хүсч
байгаа билээ?" гээд би ардаа зогсож байгаа Гейлийг мэдрээд жагсаалтандаа нэмэрлэв.
Тэгээд ч түүнгүй хийж чадна гэж бодохгүй байна.
Бодол санаа үймэрч эхлэхэд толгой өвдөж эхлэв. Би нүдээ аниад нам гүмд бодлоо.
Намайг Китнисс Эвердин гэдэг. Арван долоон настай. Арван хоёрдугаар бүсэд амьдардаг.
Үхлийн тоглоомд оролцож байгаад оргосон учир Капитол намайг үзэн ядаж байгаа. Пит
хоригдол болсон. Гэхдээ амьд. Урвасан хэдий ч амьд байгаа. Би түүнийг амьд байлгах
ёстой...
Жагсаалт хэтэрхий бага санагдахад одоогийн байдалд илүү чухал болох том зүйлсийн талаар
бодохыг хичээсэн ч бүтсэнгүй. Би илүү их зүйл гуйж болох уу? Гэр бүлийнхээ төлөө? Бүсийн
үлдсэн хүмүүсийнхээ төлөө? Миний арьс үхэгсдийн үнсэнд загатнаж, гутлын дор гавал зүрх
зүсэм чахарч, цус сарнайн үнэр хамар цоргиж байсан.
Харандаа цаасан дээгүүр өөрийн мэдэлгүй гүйв. Би нүдээ нээгээд "БИ СНОУГ АЛНА.
Түүнийг барих онцгой эрхийг хүсч байна" гэж сараачин бичсэнээ уншлаа.
Плутарх сэмхэн ханиалган дохио өгөөд,

26. - За болсон уу? гэхэд би цагаа харсанд хорин хором суусан байв. Финник анхаарал
төвлөрүүлж чаддаггүй цорын ганц хүн биш бололтой.
- Тиймээ гээд хоолой сөөнгөтөхөд засч ханиалгаад, - Тиймээ болчихлоо. Би танай ятга
шаазгай болъё гэлээ.
Би тэдний сэтгэл амран, баяр хүргэж бие биенийхээ нуруун дээр алгадахыг хүлээв. Гэвч
Коин үргэлжид байдаг шигээ хайхрамжгүй зогсоод тоомсоргүй ширтэнэ.
- Гэхдээ надад хэдэн нөхцөл байна гээд би жагсаалтаа тэнийлгээд,
- Манай гэрийнхэнд муурыг минь үлдээ гэв.
Миний ялимгүй хүсэлт маргаан дэгдээв. Капитолын босогчдод миний гэрийн амьтнаа
байлгах нь асуудал биш ч арван гуравдугаар бүсийнхэнд ямар хүндрэл гарахыг тааварлахын
аргагүй байлаа.
Эцэст нь таатай шийдвэр гарч газар дээр найман инчийн хэмжээтэй цонх гаргах бөгөөд
Холтсон цэцэг өөрийнхөө хэргээр орж гарах боломжтой болов. Тэр өөрийгөө тэжээх ёстой
бөгөөд хөл хорионы цаг зөрчвөл цоожлогдох болно. Түүнчлэн аюулгүй байдалд
заналхийлсэн ямар нэг асуудал гаргавал даруйхан буудуулна.
Энэ ч муугүй сонсогдож байна шүү. Буудахаас бусад нь бидний орхисноос хойш түүний
амьдарч байснаас ялгаагүй юм. Түүнчлэн тэр хэтэрхий туранхай харагдаж байвал гэдэс
дотроор тэжээнэ гэсэн хүсэлтийг минь ч гэсэн зөвшөөрлөө.
- Би Гейлтэй цуг модонд агнахыг хүсч байна гэхэд бүгд нам гүм болов.
- Бид хол явахгүй. Нум сумаа ашиглана. Авчирсан махаа гал зууханд тушаана гэж Гейл
нэмэрлэхэд би тэднийг татгалзахаас өмнө яаравчлан,
- Энэ бол зүгээр л... би энд хориотой суугаад амьсгаа авч чадахгүй нь... агнах юм бол... илүү
дээрдэх болно гэв.
Плутарх үүнд аюул осол, шарх олох эрсдэлийн тухай тайлбар тавьж эхлэхэд Коин таслан
зогсоолоо.
- Үгүй. Тэдэнд зөвшөөр. Суралцах хугацаанаас нь хасаад өдөрт хоёр цаг олго. Бүсийн
дөрөвний нэг милээс илүүгүй хэсэгт холбооны багаж болон шагайны дохиолол зүүх ёстой.
Дараагийнх нь юу вэ?
Би жагсаалтаа харлаа.
- Гейл. Би түүнтэй үүнийг хийхийг хүсч байна.

27. - Яаж тэр вэ? Дурангын өмнө үү? Үргэлж үү? Чи түүнийг шинэ хайртаа болгох гээ юу? гэж
Коин асуув.
Тэр үүнийг хорон ёжтой биш жирийн өнгөөр хэлсэн ч би цочирдон амаа ангайлаа.
- Юу гэнээ?
- Би та нарыг хайрын романаа үргэлжлүүлсэн нь дээр гэж бодож байна. Питийг ийм түргэн
хаявал үзэгчид түүнийг өрөвдөхөө болино. Ялангуяа тэд чамайг жирэмсэн хүүхэдтэй гэж
бодож байгаа үед шүү гэж Плутарх хэлэв.
- Зөвшөөрч байна. Тэгвэл Гейл дэлгэцэнд зөвхөн босогчдыг төлөөлөх ёстой. Болж байна уу?
гэж Коин хэлэхэд би чимээгүй ширтсэнд тэвчээргүйхэн өөрөө хариулж,
- Гейлийн хувьд. Хангалттай юу? гэв.
- Бид цаашид түүнийг үеэл ахаар чинь байлгах болно гэж Фалвия хэлэхэд,
- Бид үеэлүүд биш гэж Гейл бид хоёр зэрэг дуу алдав.
- Зүйтэй. Гэхдээ бид үүнийг чинь дурангын өмнө хадгалсан нь дээр. Дурангаас гадуур
өөрсдийнхөөрөө болцгоо. Өөр зүйл байна уу? гэж Плутарх хэлэв.
Би ярианы эргэлтэнд эмээхгүй байж чадсангүй. Питээс салав уу үгүй юу Гейлд хайртай
болох нь тоглоом адил байлаа. Миний хацар улайлаа. Би хэнийг хайртаа болж төлөөлүүлэхээ
ойлгож байсан ч одоогийн нөхцөлд дорможлогдсон юм шиг санагдсанд уурандаа хамгийн
том шаардлага тавив.
- Дайн дуусч бид ялвал Пит өршөөгдөх ёстой.
Нам гүм болоход Гейлийн бие чангарлаа. Би түүнд урьд нь хэлэх ёстой байсан ч хариу
үйлдэлд нь итгэлгүй байсан юм.
- Ямар ч шийтгэл оногдохгүй гэж би үргэлжлүүлээд толгойд шинэ санаа төрсөнд,
- Энэ нь бас бусад баригдсан оролцогчид болох Жонна, Энобариа хоёрт хамаатай гэлээ.
Үнэндээ би үүнийг хоёрдугаар бүсийн оролцогч Энобариад санаа тавих гэсэндээ хэлсэнгүй.
Түүнд дургүй ч орхих нь шударга бус санагдсан юм.
- Үгүй гэж Коин хатуу хэлэв.
- Тиймээ гэж би хашгираад, - Тэднийг бүсэд хаясан өөрсдийнх нь буруу биш. Капитол тэдэнд
юу хийснийг хэн мэдэх юм бэ? гэв.

28. - Тэд дайны бусад гэмт хэрэгтнүүдийн хамтаар буруутгагдаж шүүгдэх болно.
- Тэдэнд хүрэхгүй гэдгээ хүлээн зөвшөөр! гээд би суудлаасаа өндийн хоолойгоо чангаруулав.
- Та үүнийг өөрийн биеэр арван гуравдугаар бүс болон арван хоёрдугаар бүсийн үлдсэн
хүмүүсийн өмнө амлах ёстой. Даруйхан өнөөдөр шүү. Ирээдүй үедээ бичгээр батламж үлдээ.
Та болон танай засгийн газар тэдний аюулгүй байдалд хариуцлага хүлээх юмуу эсвэл өөр
ятга шаазгай эрж ол.
Миний үг агаарт удтал тогтов.
- Энэ л байхгүй юу! Яг энд нөөц төлөвлөгөөний дагуу харвасан үеийнх шигээ гэж Фалвия
Плутархад шивнэхэд,
- Тиймээ бид үүнийг л хүссэн гэж Плутарх нам дуугаар хэлэв.
Би тэдэн рүү харахыг хүссэн ч Коиныг хараанаасаа алдаж болохгүй байлаа. Тэр миний
тулган шаардалтын хариу юунд хүрэхийг цэгнэж буй бололтой.
- Ерөнхийлөгч та юу хэлмээр байна? Ийм нөхцөлд албан ёсны өршөөл үзүүлж болох юм.
Тэгээд ч хүү... насанд хүрээгүй шүү дээ гэж Плутарх хэлэв.
- За яахав. Гэхдээ чи үүргээ сайн биелүүлнэ шүү гэж Коин эцэстээ зөвшөөрлөө.
- Таныг мэдэгдэл хийсний дараа биелүүлнэ.
- Өнөөдрийн эрэгцүүлэлийн цагаар үндэсний аюулгүйн байдлын цуглаан зарла гэж тэр
тушаав. - Би мэдэгдэл хийх болно. Китнисс ингэхэд жагсаалтанд чинь өөр зүйл үлдсэн үү?
Би баруун гартаа базсан цаасаа ширээн дээр тэнийлгээд үрчийсэн үсгийг уншив.
- Ганцхан зүйл үлдлээ. Би Сноуг ална.
Бидний уулзсанаас хойш анх удаагаа ерөнхийлөгчийн уруулд инээмсэглэл тодорлоо.
- Цаг нь ирэхээр би чамаар үүнийг хийлгэнэ ээ.
Магадгүй түүний зөв байж болох. Би цор ганцаараа Сноуг дуусгахыг хүсч байгаа хүн биш.
Иймээс түүний ажил дууссанд тооцоод,
- Боллоо гэлээ.
Коин гартаа зүүсэн цаг руугаа хяламхийв. Түүнд ч гэсэн мөрдөх ёстой хуваарь байсан юм.
- Плутарх, би түүнийг чиний гарт орхилоо шүү гээд өрөөнөөс багаа дагуулан гарахад