1. O CICLO HIDROLÓXICO visto por William Shakespeare:
“Por iso, os aires, chamándonos en van coa súa música, absorberon,
como en vinganza, as néboas contaxiosas do mar, as cales, caendo
sobre os campos, encheron de tanta soberbia aos máis humildes ríos,
que inundaron as súas ribeiras”. (De “Soño dunha noite de verán”).
2. O CICLO HIDROLÓXICO DENDE O NOSO PUNTO DE VISTA
Maqueta do ciclo hidrolóxico realizada polos autores.
3. A auga da terra (hidrosfera) distribúese en tres
reservas principais: os océanos, os continentes e a
atmosfera, e pode presentarse en tres estados: sólido,
líquido e gas. A circulación e conservación de auga
na Terra recibe o nome de ciclo da auga ou
CICLO HIDROLÓXICO
4. O ciclo comeza coa evaporación
das augas superficiais (lagos, mares e
océanos) cando son quentadas polo sol.
O vapor de auga é transportado pola
circulación atmosférica, arrefría e
condénsase logo de percorrer distancias
que poden superar os 1000 km. A auga
condensada dá lugar á formación de
néboas e nubes e, posteriormente, á
precipitación.
5. A precipitación tamén inclúe a auga que pasa
da atmosfera á superficie terrestre por condensación do
vapor de auga (orballo) ou por conxelación do vapor
(xeada) e por interceptación das gotas de auga das
néboas (nubes que tocan o chan e o mar).
6. A auga que precipita na terra
pode ter varios destinos. Unha parte é
devolta directamente a atmosfera por
evaporación; outra parte escorrega pola
superficie do terreo, que se concentra en
sucos e vai orixinar as liñas de auga. A
auga restante penetra na terra por
infiltración.
7. A auga filtrada
pode volver a atmosfera
por evaporación ou pola
transpiración das plantas
ou afondar, recargando os
acuíferos subterráneos.
8. A enerxía solar é a fonte de enerxía térmica necesaria
para o paso de auga dende as fases líquida e sólida á fase de
vapor, e tamén é a orixe das circulacións atmosféricas que
transportan o vapor de auga e moven as nubes. O outro motor
do ciclo é a forza da gravidade.
9. O ciclo hidrolóxico é un axente modelador da codia
terrestre debido á erosión, o transporte e deposición de
sedimentos que produce. Regula o clima e condiciona a
cobertura vexetal e, dunha forma máis xeral, a vida na Terra.
10. O ciclo hidrolóxico é un proceso continuo e irregular
no espazo e no tempo que funciona como unha depuradora
natural da auga. O home actúa introducindo cambios
importantes no ciclo hidrolóxico como desecar zoas
pantanosas, modificar o curso dos ríos, construír encoros ou
mesmo talar bosques.
11. Cada vez que malgastas auga, botas lixo
no chan ou na auga, deixas de reciclar os
envases dos produtos que consumes ..., ti
tamén estás a poñer en perigo o equilibrio
do ciclo da auga que constitúe a base da
nosa supervivencia.
12. Alumnas:
Amanda Fariñas Pardo
Lara Fernández Gómez
Curso:
1º de BAC A
I.E.S Ánxel Fole (Lugo)
Fontes de informacion:
www.google.es
www.elpais.es
www.wikipedia.com
Música:
www.youtube.es