Pagbasa at Pagsusuri sa ibat ibang teksto 11

1. TEKSTONG
IMPORMATIBO
Inihanda ni: Bb. Celiz

2. Tekstong Impormatibo/ Ekspositori
■ isang anyo ng pagpapahayag na naglalayong magpaliwanag at magbigay
ng impormasyon.
■ Kadalasang sinasagot nito ang mga batayang tanong ano, kailan,saan,
sino at paano.
■ Pangunahing layunin nito ang magpaliwanag sa mga mambabasa ng
anomang paksa na matatagpuan sa tunay na daigdig.
■ napauunlad nito ang iba pang kasanayang pangwika gaya ng pagbabasa,
pagtatala, pagtukoy ng mga mahahalagang detalye at pagpapakahulugan
ng impormasyon.

3. ■ Ito ay nagbibigay at nagtataglay ng tiyak na impormasyon
■ Masasabing ang tekstong ito ay hindi nagbibigay ng opinion pabor man o
salungat sa posisyon o paksang pinag-uusapan
■ Kadalasang tono ng tekstong ito ay obhetibo

4. ■ Mahalaga ang pagbabasa ng mga tekstong nagbibigay ng impormasyon
sapagkat napauunlad nito ang iba pang kasanayang pangwika gaya ng
pagbabasa, pagtatala, pagtukoy ng mahahalagang detalye, pakikipagtalakayan,
pagsusuri, at pagpapakahulugan ng impormasyon. Ayon kina Jeanne Chall, Vicki
Jacobs, at Luke Baldwin (1990) sa kanilang pananaliksik na "The Reading Crisis:
Why Poor Children Fall Behind," ang kakulangan sa pagtuturo ng mga tekstong
impormatibo ay nagdudulot ng pagbaba sa komprehensiyon o kakayahang
umunawa ng ganitong teksto ng mga mag-aaral.

5. ■ Kaiba sa piksiyon, naglalahad ito ng kuwento ng mga tunay na tao o
nagpapaliwanag ng mga konseptong nakabatay sa mga tunay na pangyayari. Ang
ilang tiyak na halimbawa ng tekstong impormatibo ay biyograpiya, mga
impormasyon na matatagpuan sa diskyunaryo, encyclopedia, o almanac, papel-
pananaliksik sa mga journal, siyentipikong ulat, at mga balita sa diyaryo.
■ Upang mas madaling maunawaan ang anomang tekstong impormatibo,
kadalasang gumagamit ang manunulat ng iba't ibang pantulong upang gabayan
ang mga mambabasa na mabilis na hanapin ang iba't ibang impormasyon.
Kabilang dito ang talaan ng nilalaman, indeks, at glosaryo para sa mahahalagang
bokabularyo, mga larawan at ilustrasyon, kapsyon, o iba pang uri ng palatandaan
para sa mga larawan, graph, at talahanayan.

7. Iba't ibang Uri Ng Tekstong
Impormatibo Ayon sa Istruktura
■ Sanhi at Bunga
- istruktura ng paglalahad na nagpapakita ng pagkaka-ugnay ng mga
pangyayari at kung paanong ang kinalabasan ay naging resulta ng
mga naunang pangyayari
-sa uring ito, ipinaliliwanag ng manunulat ang malinaw na relasyon sa
dalawang bagay at nagbibigay ng pokus sa kung bakit nangyari ang
mga bagay (sanhi) at ano ang resulta nito (bunga)

8. ■ Paghahambing
- ang mga tekstong nasa ganitong estruktura ay kadalasang
nagpapakita ng mga pagkakaiba at pagkakatulad sa pagitan
ng anomang bagay,konsepto o pangyayari.

9. ■ Pagbibigay-depinisyon
- ipinaliliwanag ng ganitong uri ang kahulugan ng isang salita,
termino at konsepto.
- Maaaring ang paksa ay tungkol sa isang konkretong bagay
gaya ng uri ng hayop, puno o kaya naman ay mas abstraktong
mga bagay gaya ng katarugan o pag-ibig.

10. ■ paglilista ng Klasipikasyon
- ang estrukturang ito ay kadalasang naghahati-hati ng isang
malaking paksa o ideya sa iba't ibang kategorya o grupo upang
magkaroon ng sistema ng pagtalakay.
- Nagsisimula ang manunulat sa pagtalakay sa
pangkalahatang kategorya at pagkatapos ay bibigyang-
depinisyon at halimbawa ang iba't ibang klasipikasyon o
grupo sa ilalim nito.

11. Mga Sangguniang Babasahin
■ Almanac
- isang uri ng libro na taon-taong inilalathala na naglalaman ng iba’t
ibang impormasyon gaya ng taya ng panahon, pagsikat o paglubog
ng araw, pagtaas o pagbaba ng tubig (tide), at iba pa
■ Atlas
- naglalaman ang sangguniang ito ng kalipunan ng mga mapa
■ Diksyunaryo
- naglalaman ang sangguniang ito ng mga salita ng isang wika. Ang
mga salitang ito ay may kasamang kahulugan, paraan ng tamang
pagbigkas, at iba pang impormasyon

12. ■ Ensiklopedya
- Karaniwan itong binubuo ng tono o volume ng mga libro hinggil sa
mahahalagang impormasyon patungkol sa sari-
saring paksa
- Karaniwan itong nakaayos ng paalpabeto
■ Thesaurus
- naglalaman ito ng mga salita at ang kasingkahulugan nito

13. Mga Paalala
■ Gumamit ng mga tekstong impormatibo na buhat sa mga respetado o
mapagkakatiwalaang sanggunian
■ Banggitin ang sumulat o ang sangguniang pinagmulan ng tekstong
impormatibo

14. PAGLALAGOM:
■ Ang sumusunod ay ang layunin ng pagsusulat at pagbabasa ng tekstong
impormatib.
■ Nagbibigay ng impormasyon at kaalaman.
■ Nagbibigay ng linaw sa kung paano nangyayari o nangyari ang isang
bagay.
■ Pinauunlad ang pagsusuri sa detalye at impormasyon.