1. Nagagamit ang angkop na
pagtatanong tungkol sa mga tao,
bagay, lugar, at pangyayari, ano,
sino, saan, ilan, kailan, ano-ano,
at sino-sino
Inihanda ni: MA. PRINCESS VIRGINIA E. GONZALES
Guro I
San Rafael Elementary School
2. Gawain 1
Basahin ang pangungusap. Buuin ang sagot gamit
ang mga letrang pahiwatig.
Siya ang bumibili sa pamilihan ng mga pangunahing pangangailangan.
M _ m i _ _ l _
Isang uri ng prutas. Kulay dilaw ito kapag hinog.
S _ g _ _ g
Ito ay hayop na tumitilaok tuwing umaga.
M _ n _ k
3. Gawain 2
Basahin ang talata at sagutan ang mga gabay na tanong
ISANG ARAW NA MATRABAHO
Sabado ng umaga noon. Maagang nagising si
Leonardo at dumungaw sa bintana. Nakita niyang
gising na ang karamihan ng tao. Sa kanilang
munting bayan ng Alcala, pinakamatrabaho ang
araw ng Sabado.
4. May isang babaing may dalang isang
basket ng hinog na saging. Isa naming lalaki ang
may bitbit na manok sa magkabilang kamay. May
mga karitelang puno ng mga paninda ng kalakal na
patungo sa pamilihan. Maririnig naman ang sigaw
ng mga batang nagbebenta ng diyaryo.
“Naku, matrabaho ang araw na ito!”, ang
nasabi ni Leonardo.
5. Mga Gabay na tanong:
1. Kailan nangyari ang kuwento?
2. Saan nangyari ang kuwento?
3. Kailan ang araw ng pamilihan doon?
4. Ano ang dala ng babae?
5. Ilan ang basket ang dala nito?
6. Sino ang may dala ng manok?
7. Saan nakasakay ang mga tindera?
8. Sino ang dumungaw sa bintana?
9. Ano-ano ang itinitinda ng mga tao?
10. Sino-sino ang mga nagtitinda?
6. Basahing muli ang mga gabay na tanong. Isulat ang
sagot sa modyul o kwaderno. Bilugan ang mga salitang
pananong na ginamit sa bawat pangungusap.
Ano ang tinutukoy ng tanong na ano? Saan? Sino? Kailan?
Kailan ginagamit ang ano-ano? Sino-sino? Saan-saan?
7. Gawain 3
Basahin ang mga pangungusap. Isulat ang angkop
na salitang pananong na tinutukoy ng salitang may
salungguhit upang mabuo ang pangungusap
1. Si Liza ay naglalaro sa palaruan?
______ ang naglalaro si Liza?
2. Nagsisimba tuwing Linggo ang pamilya Reyes.
______ nagsisimba ang pamilya Reyes?
8. 3. Sina Ana, Lea, at Elsa ay sumali sa paligsahan
sa pagsayaw.
______ ang sumali sa paligsahan sa pagsayaw?
4. Nabasag ni Amber ang baso.
______ ang nabasag ni Amber?
5. Bumili ng lapis si June.
______ ang bumili ng lapis?
9. Paglalahat
Kailan ginagamit ang ano? Sino? Saan? Kailan? Ano-
ano? Sino-sino? Saan-saan?
Ginagamit ang ano sa pagtatanong tungkol sa isang
bagay,hayop o pangyayari.
Ginagamit ang sino sa pagtatanong tungkol sa tao.
Ginagamit ang saan sa pagtatanong tungkol sa lugar.
Ginagamit ang kailan sa pagtatanong tungkol sa panahon.
Ginagamit ang ilan sa pagtatanong tungkol sa bilang.
Ginagamit ang ano-ano sa pagtatanong tungkol sa maraming
bagay.
10. Gawain 5
Basahin ang mga pangungusap. Isulat ang angkop na
salitang pananong na tinutukoy ng salitang may salungguhit
upang mabuo ang pangungusap.
1. Si Myra ay sasama sa piknik sa Sabado.
_____ ang sasama sa piknik sa Sabado.
2. Nagluto si nanay ng masarap na adobo.
_____ ang niluto ni nanay?
11. 3. Bumili si Ted ng tatlong lapis.
_____ ang binili ni Ted na lapis?
4. Sina Alma, Ferly at Rosel ay magkakaibigan.
______ ang magkakaibigan?
5. Pupunta si Leo sa Bulacan sa Sabado.
______ pupunta si Leo sa Bulacan?
12. Karagdagang Gawain
Umisip ng taong nais mong makapanayam.
Sumulat sa malinis na papel ng limang tanong na
sasagutin niya.