4. Ayon sa mga dalubhasa, ang mga sinaunang
taong nanirahan sa mga kuweba ay
nagpahayag ng kanilang mga ideya at layunin
sa pamamagitan ng mga larawang guhit.
Bunga ito ng kakulangan kung hindi man
kawalan nila ng behikulo ng komunikasyon
noong panahong iyon. Bakit nga naman hindi?
Ayon nga sa isang kawikaang Ingles, A picture
is worth a thousand words.
6. Ang pictorial essay ay tinatawag din ng iba bilang pictorial essay o
photo essay. Ito ay isang kamangha-manghang anyo ng sining na
nagpapahayag ng kahulugan sa paramagitan ng paghahanay ng mga
larawang sinusundan ng maiikling kapsyon kada larawan. Madalas itong
ginagawa ng mga awtor, artista, estudyante at mga akademisyan.
Ginagawa din ito ng mga potograpo, mamamahayag, lalo na ng mga
photo-journalist.
Larawan at teksto ang dalawang pangkalahatang sangkap ng
pictorial essay. Ang teksto ay madalas may journalistic feel, ngunit ang
pinakainiikutan nito ay ang mga larawan mismo. Tipikal sa mga pictorial
essay ang pagkakaroon ng pamagat at ang pagpokus sa isang tema.
Madalas ding personal (sa isang potograpo at/o awtor) ang isang pictorial
essay at maaari itong maging isang mabisang paraan upang lumikha ng
isang personal na mensahe para sa kanya/kanilang pamilya, kaibigan o
kahit na para sa publikasyon. Kaya nga ang pictorial essay ay ginagawa
nang may pagsasaalang-alang sa personal na punto de bista na siyang
ikinalulugod ng mga larawang tingnan at ng tekstong basahin.
7. Dahil sa dalawang pangkalahatang sangkap ng pictorial essay ay ang
larawan at ang teksto, mahalagang ang gumagawa nito ay may
kakayahan at kaalaman sa dalawa ring larangan, sa potograplya at sa
wika. Higit kasing mainam kung ang potograpo mismo ang sumulat ng
teksto, o sa kabalikan, kung ang manunulat mismo ang kumuha ng
larawan, dahil nga sa personal na kalikasan nito.
Tandaan ding ang pictorial essay ay kaiba sa picture story, Sa larawan ay
nakasaayos ayon sa pagkakasunod-sunod ng mga para sa layunin nito ay
magsalaysay o magkwento. Hindi gayon ang batayan ng larawan sa
pictorial essay at lalong hindi rin gayon ang layunin ng pic.
9. MGA KATANGIAN NG MAHUSAY NA PICTORIAL ESSAY
1. Malinaw na Paksa. Kailangang pumili ng paksang mahalaga sa iyo at alam na alam
mo. Hindi kailangang napakaengrande ng paksa. Maaaring maliliit na bagay ang maaaring
paksain ng isang mahusay na pictorial essay
2. Pokus. Huwag na huwag lumihis sa paksa. Ang iyong malalim na pag-unawa,
pagpapahalaga at matamang obserbasyon sa paksa ay mahahalagang sangkap tungo sa
matagumpay na pictorial essay.
3. Orihinalidad. Higit na mainam kung ikaw mismo ang kukuha ng mga larawan.
Maaari ring gumamit ng mga software ng kompyuter tulad ng Photoshop. Kung hindi ito
magagawa, maaari namang gumamit ng mga larawang kuha ng iba mula sa mga lumang
album o magasin bilang panimula. Gupit-gupitin ang mga iyon at gumawa ng mga collage
upang makalikha ng bagong larawan. Kailangang ang pangkalahatang kahulugang
ipinahahayag ng nalikhang larawan ay orihinal sa iyo.
4. Lohikal na Estruktura. Isaaayos ang mga larawan ayon sa lohikal na
pagkakasunod-sunod. Tulad ng iba pang teksto, kailangang may kawili wiling simula,
maayos na paglalahad ng katawan at kawili-wiling wakas.
10. MGA KATANGIAN NG MAHUSAY NA PICTORIAL ESSAY
Sa mga nabanggit at tinalakay na katangian ay maldaragdag ang sumusunod:
5. Kawilihan. Ipahayag ang iyong kawilihan at interes sa iyong paksa. Gumamit ng mga
pahayag na nagpapahiwatig na kinawiwilihan mo ang iyong paksa, nang kawilihan din
iyon ng iyong mambabasa.
6. Komposisyon. Piliin ang mga larawang may kalidad ang komposisyon. Iyong mga
artistik na kuha, 'ika nga, Ikonsider ang kulay, ilaw at balanse ng komposisyon. Huwag
gumamit ng malalabo o madidilim na larawan.
7. Mahusay na paggamit ng Wika. Iorganisa nang maayos teksto. Tiyaking ang teksto ay
tumatalakay sa larawan. Sikapin din ang kawastuhang gramatikal sa pagsulat. Ang mga
pagkakamali sa baybay, bantas, gamit ng salita at iba pang tuntuning pangwika ay mga
kabawasan ng husay ng pictorial essay.
12. ANG PAGGAWA NG PICTORIAL ESSAY:
1. Pumili ng paksang tumutugon sa pamantayang itinakda ng inyong guro. Maaaring
may parating na kaganapan sa inyong pamilya o sa inyong komunidad. Baka may parke
rin sa inyong lugar na magandang gawing setting ng iyong photo shoot. Tandaan, ang
mga larawan ang pokus ng iyong pictorial essay. Kaya, magplano nang naaayon.
2. Isaalang-alang ang iyong audience. Sino ba ang titingin sa iyong mga larawan at
magbabasa ng iyong sanaysay? Maaaring ang buong klase, o kaya'y ang guro n'yo. Ilahad
ang iyong materyal sa paraang magiging interesante sa iyong target audience. Kung ang
iyong pictorial essay ay para sa mga bata, kailangang maipakita sa mga larawan ang
kanilang interes at hilig tulad ng paglalaro at makukulay na bagay.
3. Tiyakin ang iyong layunin sa pagsulat at gamitin ang iyong mga larawan sa
pagkakamit ng iyong layunin. Maaaring ang layunin mo ay upang suportahan ang isang
adbokasiya o kaya ay hikayatin ang mga mambabasang kumilos. Kailangang masalamin
ang iyong layunin sa mga larawan kaya mahalaga ang wastong pagpili.
13. ANG PAGGAWA NG PICTORIAL ESSAY:
4. Kumuha ng maraming larawan. Maaari namang rebyuhin ang mga kuha sa digital
camera o sa iyong cellphone. Walang dahilan para limitahan ang mga larawang
pagpipilian. Mas maraming pagpipilian, mas higit ang posibilidad na may mapipiling
magagamit at angkop na larawan.
5. Pilin at ayusin ang mga larawan ayon sa lohikal na pagkakasunod-sunod. Katulad
nga ng nabanggit na, kailangang may kawili-wiling simula, maayos na paglalahad ng
katawan at kawili-wiling wakas.
6. Isulat ang iyong teksto sa ilalim o sa tabi ng bawat larawan. Ang teksto ay
kailangang nagpapalawig sa kahulugan ng larawan. Tandaang kailangang ma-enlighten
ang mambabasa hinggil sa bawat larawan.
16. Kung iisipin may isang
KATOTOHANAN na hindi natin
napapansin na ang lahat ay nagsisimula sa
isang munting hakbang. HAKBANG na
kung saan ang iyong mga sariling mga paa
ang siyang magdadala tungo sa iyong
kinabukasan. Kung saan ito ang magiging
daan mo para ikaw ay magbabago. At
kapag ikaw ay natuto ng humakbang at
makapaglakad, ikaw na mismo ang
gagawa ng iyong kapalaran. Ang
pagbabago o hakbang na tinatawag
katulad lang yan ng paglalakad, kailangan
mo munang matutong humakbang at nasa
sa iyo na kung nanaisin mong matutong
magbago o hindi.
17. Sabi nga nila kapag natuto na tayong
maglakad, tayo na mismo ang gumagawa ng
sariling KAPALARAN natin. Tayo ay
nangangarap na ng mataas, ngunit hindi lahat
ng tao ay kayang makamtan ang kanilang
pangarap katulad na lang ng mga taong nasa
lansangan. Sila ay ang mga taong alam mong
malabong makamiy ang kanilang pangarap
dahil wala silang pera, kung kaya’t natuto
silang magnakaw ng mga gamit na hindi
kanila. Makikita mo na walang pake ang
kanilang mga magulang dahil sila pa mismo
ang naguutos na gumawa ng masama. Kahit
gusto nilang magbago wala silang magawa.
18. Ngunit saan nga ba nagsisimula ang PAGBABAGO ? Sabi
nila ang pagbabago ay nagsisimula sa bahay, dahil ang bahay ay
nagbabago depende kung ano ang gustong disenyo ng isang may
– ari. Dahil pwedeng kapag walang pagbabago sa loob ng bahay
maaari ring wala na ring pagbabago sa ating bansa. Dahil dito
mo makikita na sa loob ng bahay na ito ay ang iba’t ibang
KLASE ng tao. Nakadepende sa iyo kung ikaw ay magbabago
walang pakialam ang ibang tao kung magbago ka man o hindi
at hindi sila ang dahilan kung bakiy ka magbabago, kagustuhan
mo ito at hindi nila. At kapag walang pagbabago maaaring
madala nila ang ugaling nakikita nila sa loob ng bahay kapag sila
ay nasa labas ng bahay na at nakikisalamuha sa ibang tao.
19. At isa sa dahilan ng pagbabago ay
ang PAMILYA , dahil sila ang lagi mong
nakakasalamuha araw – araw kung
kaya’t kung ano ang nakikita natain sa
kanila ay maaaring madala natin ito
hanggang paglaki mo. Ang pagbabago ay
makikita natin sa ating MAGULANG
dahil sila ang unang nakaranas ng
pagbabago, kung kaya’t alam nila kung
magiging maganda ba ang ating
pagbabago o hindi. Katulad na lang
halimbawa ng pagkuha ng mga bagay na
hindi sa atin. Dahil nakalakihan na natin
ito kung kaya’t mahihirapan na tayong
magbago dahil nasanay na tayong ganito
ang ating ginagawa.
20. Kung kaya’t ang mga batang basa lansangan na nakagawa ng
masama ay dinadala sa DSWD, upang sila ay tulungan makapagbago
at maitama ang maling kanilang nagawa. Ang mga nangangasiwa sa
DSWD ang pwedeng maging ehemplo ng mga kabataan na nandoon
upang magbago ang mga ito. Sila ay HANDANG tumulong sa mga
batang nakagawana ng mga kasalanan basta’t may handang
tumulong sa kanila na magbago ay maaari silang magbago dahil
alam nilang ito ang nararapat lalo na kung ito ay para sa
pagbabago.
21. At kapag sila ay nakapagbago
na, maaaring matupad na nila ang
kanilang pangarap. At maaari ring
makapasok na sila sa paaralan para
sila ay matuto kung ano ang tama at
paano ba sila matututo, ito ang
magiging simula ng kanilang
Panibagong Buhay dahil alam na nila
na tama na ang kanilang ginagawa at
pwede na silang mangarap ng mataas
dahil sila ay nakapagbago na kung
saan nagsimula sa pagiging palaboy at
magnanakaw nagtapos sa mabuting
bata at ngayon ay nag – aaral na
upang makapagtapos hanggang
kolehiyo.
22. At kapag nakapagbago
na ang ISANG bata , maaari
na silang maging malaya
katulad ng isang IBONG
MALAYA. At ang batang
masayang naglalakad patungo
sa paaralan dahil alam nila
na NAKAMTAN na nila ang
gusto nila at ito ay
pagbabago. Walang masama
kung ikaw ay magbago lalo na
kung ito ay para sa
KABUTIHAN .
23.
24. Panuto: Sagutin ang mga sumusunod na tanong.
1. Saan kadalasang mababasa ang mga pictorial essay?
2. Ano-ano ang epekto ng pictorial essay sa mga mambabasa?
3. Bakit popular ang pictorial essay sa kasalukuyan?
4. Magbigay ng halimbawa ng mga pictorial essay na nabasa mo sa
magasin o sa blog.
5. Ano-ano ang layunin sa paglikha ng pictorial essay?
6. Ano-ano ang konsiderasyon sa paglikha ng pictorial essay?
7. Bakit mahalaga ang pananaliksik bago isagawa ang pagkuha ng
larawan?
25. WRITTEN TASK: (Sagutan ito sa link na ibibigay sa inyo ng Guro)
TAMA o MALI
Panuto: Isulat sa patlang ang TAMA kung tama ang diwa ng bawat kasunod na
pangungusap. Kung mali, isulat sa patlang ang salitang dapat humalili sa salitang
may salungguhit upang maging tama ang pangungusap.
________________1. Ang pictorial essay ay isang kamangha-manghang anyo ng sining na
nagpapahayag ng kahulugan sa pamamagitan ng paghahanay ng mga larawang sinusundan
ng maiikling kapsyon kada larawan.
________________2. Ginagawa din ang pictorial essay ng mga potograpo, mamamahayag, lalo na
ng mga photo-journalist.
________________3. Larawan at teksto ang dalawang pangkalahatang sangkap ng pictorial essay.
________________4. Tipikal sa mga pictorial essay ang pagkakaroon ng pamagat at ang pagpokus
sa isang tema.
________________5. Madalas na impersonal sa isang potograpo at/o awtor ang isang pictorial
essay.
26. ________________6. Ang pictorial essay ay ginagawa nang may
pagsasaalang-alang sa personal na punto de bista na siyang ikinalulugod
ng mga larawang tingnan at ng tekstong basahin.
________________7. Mahalagang ang gumagawa ng pictorial essay ay may
kakayahan at kaalaman sa dalawa ring larangan, sa potograpiya at sa
kompyuter.
________________8. Higit na mainam kung ang potograpo mismo ang susulat
ng teksto, o sa kabalikan, kung ang manunulat mismo ang kumuha ng
larawan.
________________9. Ang pictorial essay ay katulad ng picture story.
________________10. Kailangang napakaengrande ng paksa ng pictorial
essay.
________________11. Ang iyong malalim na pag-unawa, pagpapahalaga at
matamang obserbasyon sa paksa ay mahahalagang sangkap tungo sa
matagumpay na pictorial essay.
27. PERFORMANCE TASK:
KAYANG-KAYA MO!
Panuto:
1. Gawin ang mga tinalakay na hakbang sa paggawa ng pictorial
essay.
2. Pumili ng paksa at kuhaan ito ng larawan. Ipadala sa guro ang
larawan kasabay ng pictorial essay sa pamamagitan ng chat.
3. Isulat ang burador ng iyong pictorial essay sa mga kasunod na
patlang.
________________________________________________________________________________________
________________________________________________________________________________________
________________________________________________________________________________________