2. Paunang Salita
Para sa tagapagdaloy:
Ang modyul na ito ay pinagtulungang dinisenyo, nilinang at sinuri ng mga edukador
mula sa pambuliko at pampribadong institusyon upang gabayan ka, ang gurong
tagapagdaloy upang matulungang makamit ng mag-aaral ang pamantayang
itinakda ng Kurikulum ng K to12 habang kanilang pinanagumpayan ang pansarili,
panlipunan at pang-ekonomikong hamon sa pag-aaral.
Ang tulong-aral na ito ay umaasang makauugnay ang mag-aaral sa mapatnubay
at malayang pagkatuto na mga gawain ayon sa kanilang kakayahan, bilis at oras.
Naglalayon din itong matulungan ang mag-aaral upang makamit ang mga
kasanayang pan-21 siglo habang isinasaalang-alang ang kanilang mga
pangangailangan at kalagayan.
Bilang tagapagdaloy, inaasahang bibigyan mo ng paunang kaalaman ang mag-
aaral kung paano gamitin ang modyul na ito. Kinakailangan ding subaybayan at
itala ang pag-unlad nila habang hinahayaan silang pamahalaan ang kanilang
sariling pagkatuto. Bukod dito, inaasahan mula sa iyo na higit pang hikayatin at
gabayan ang mag-aaral habang isinasagawa ang mga gawaing nakapaloob sa
modyul.
Para sa mag-aaral:
Ang modyul na ito ay ginawa bilang tugon sa iyong pangangailangan. Layunin
nitong matulungan ka sa iyong pag-aaral habang wala ka sa loob ng silid-aralan.
Hangad din nitong madulutan ka ng mga makabuluhang oportunidad sa
pagkatuto.
Ang mga sumusunod ay mahahalagang paalala sa paggamit ng modyul na ito:
1. Gamitin ang modyul nang may pag-iingat. Huwag lalagyan ng anumang
marka o sulat ang anumang bahagi nito. Gumamit ng hiwalay na papel sa
pagsagot sa mga pagsasanay.
2. Basahing mabuti ang mga panuto bago gawin ang bawat pagsasanay.
3. Obserbahan ang katapatan at integridad sa pagsasagawa ng mga gawain
at sa pagwawasto ng mga kasagutan.
4. Tapusin ang kasalukuyang gawain bago pumunta sa iba pang pagsasanay.
Kung sakaling ikaw ay mahirapang sagutin ang mga gawain sa modyul na ito,
huwag mag-aalinlangang konsultahin ang inyong guro o tagapagdaloy. Maaari
ka rin humingi ng tulong kay nanay o tatay, o sa nakatatanda mong kapatid o
sino man sa iyong mga kasama sa bahay na mas nakatatanda sa iyo. Laging
itanim sa iyong isipang hindi ka nag-iisa.
Umaasa kami, sa pamamagitan ng modyul na ito, makararanas ka ng
makahulugang pagkatuto at makakakuha ka ng malalim na pang-unawa sa
kaugnay na mga kompetensi. Kaya mo ito!
3. 1
Ano ang target ko?
• Nailalarawan ang mga katangian ng paglilimbag sa
ginawang likhang sining.
Ano ako magaling?
Panuto: Bilugan ang letra ng tamang sagot.
1. Ito ay sining na magagawa sa pamamagitan ng paglilipat ng
larawang iginuhit o inukit sa ibabaw ng papel, kahoy, tela o iba
pa.
A. pagguhit C. paglilimbag
B. pagpipinta D. paglililok
2. Ang paglilimbag ay nagsimula sa bansang _____.
A. Korea C. China
B. Thailand D. Malaysia
3. Ang _____ay ang pagkakaiba o pagkakasalungat ng kulay,
hugis o linya upang bigyan emphasis o diin ang mga ito.
A. contrast C. emphasis
B. rhythm D. print
4. Ang _______ ay ginagamit upang magpakita o magparamdam
ng paggalaw sa isang likhang-sining.
A. print C. rhythm
B. emphasis D. contrast
Ano ang gagawin ko?
Isa sa magandang katangian ng mga Pilipino ay ang
mapagmahal sa kultura tulad ng mga nakagisnang sariling mito o
alamat na nagmula pa sa ating mga ninuno. At ito’y binibigyan ng
malaking pagpapahalaga sa mga nagawa ng ating mga ninuno
para sa bansa. Ang kanilang mitolohiya ay iba-iba sapagkat
marami tayong mga grupong katutubo na napadpad at namuhay
sa maraming isla sa Pilipinas. Isa sa mga katutubong kwento ay ang
kuwento ni Bernardo Carpio.
4. 2
May iba’t-ibang kuwento ang maririnig tungkol kay Bernardo
Carpio. Mayroong kuwento tungkol sa kanyang pambihirang lakas
at kakisigan, may mga kuwento ng kabayanihan at mayroong din
naming kuwentong nagbibigay ng simbolo tungkol sa political na
buhay ng mga Pilipino.
Sa araling ito, gagamitin natin ang kuwento ni Bernardo
Carpio bilang inspirasyon at paksa ng iguguhit na larawan.
Ano ang kahulugan?
Maraming iba’t-ibang
pagtatalakay sa katauhan ni
Bernardo Carpio. May mga
kuwentong naglalarawan na
siya ay isang higante.
Mayroon ding mga
kuwentong nagsasabi na si
Bernardo Carpio ay isang
karaniwang tao lamang
ngunit siya ay nagtataglay ng
pambihirang lakas. Subalit
ang lahat ay naglalarawan
sa kanyana may mahabang buhok at siya ay may malaki at may
matipunong katawan.
Ang kuwento ng kabayanihan ni Bernardo Carpio ay tungkol
sa pagpigil niya sa dalawang bundok na nagbabangggaan.
Ginamit iya ang kanyang matipunong katawan upang mailigtas
niya ang maraming buhay sa pamayanan ng Montalban. Ayon sa
alamat, sa bawat paggalaw ni Bernardo Carpio ay nagkakaroon
ng lindol.
Paggamit ng Contrast at Rhythm
Ang contrast ay ang pagkakaiba o pagkakasalungat ng
kulay, hugis o linya upang mabigyan emphasis o diin ang mga ito.
Halimbawa, ang isang pulang paying na pinaliligiran ng mga itim
5. 3
na paying ay nagpapakita ng contrast. Ang paggamit ng
makapal na linya sa hanay ng maninipis na linya ay nagpapakita
rin ng contrast.
Ang rhythm o ritmo ay ginagamit upang maipakita o
magparamdam ng paggalaw sa isang likhang-sining. Maipapakita
ito sa maingat na paglagay at pagsasaayos ng kulay, linya o hugis.
Ano pa ang gagawin ko?
Gawaing Pansining
Batay sa paglalarawan kay Bernardo Carpio , gamitin ang
iyong imahinasyon upang makabuo ng kakaiba o natatanging
larawan. Siguraduhing nakabatay pa rin sa mga katangiang
nabanggit at gumamit ng contrast at rhythm sa pagguhit at
pagpinta.
Ano ang natamo ko?
Ang mga katutubong kwentong bayan ay binubuo ng mga
tauhan na hango sa kaisipan at imihinasyon. Malikhaing
isinasalaysay nito ang kabayanihan, kagandahan at pambihirang
kapangyarihan ng mga katutubong tauhan.
Ang paglilimbag ay isa sa mga gawaing pansining na
magagawa sa pamamagitan ng pag-iwan ng bakas sa isang
kinulayang bagay. Sa pamamagitan ng kulay mapagyayaman
ang ganda ng mga gawaing sining dahil ito ay nagpapakita ng
damdamin at imahinasyon ng gumagawa.
Ang mga bagay sa paligid ay maaring gamitin sa
paglilimbag ng maganda at kawili-wiling disenyo.
Ano ang kaya kong gawin?
Kagamitan
• Lumang diyaryo
• Carving tools
6. 4
• papel
• lapis
• lalgyan ng tinta o pintura, linoblock
*Kung walang mahanap na linoblock, maaring gumamit ng
malaking patatas na hiniwa sa gitna o parihabang sabon.
Mga hakbang sa Paggawa
1. Ihanda ang mga kagamitan.
2. Gumuhit ng isang simbolo na may kaugnayan sa lakas para sa
iyo tulad ng kidlat, bundok at iba pa ni Bernardo Carpio sa
linoblock, kailangang malinaw ang pagkakaguhit
3. Sa gabay ng nakakatanda, iukit ang disenyong iginuhit gamit
ang cutter.
4. Pintahan ng nais na kulay ang ibabaw ng disenyo gamit ang
roller.
5. Ilagay ang papel sa ibabaw at diinan ng malinis na roller ang
ibabaw ng paulit-ulit.
6. Dahan-dahang tanggalin ang papel at patuyuin.
7. 5
Kumusta na ang target ko?
Lagyan ng tsek ( / ) ang kahon batay sa antas ng iyong
naisagawa sa buong aralin
RUBRIK SA PAGLIMBAG
5- Higit na nasusunod ang pamantayan sa pagbuo ng likhang-
sining
4- Nasunod ang pamantayan sa pagbuo ng likhang-sining
3- Hindi nasunod ang pamantayan sa pagbuo ng likhang-sining
Pamantayan 5 4 3
1. Ang larawan ay nabuo gamit ang proseso ng
linoblock printing.
2. Nakasunod sa mga panutong binigay sa
paglimbag ng larawan.
3. Gumamit ng angkop na kagamitan para sa
proseso.
4. Malinaw at nakikitang mabuti ang paksa ng
larawan.
5. Maayos at malinis ang pagkakagawa ng
linoblock print.
Ano pa ang kaya kong gawin?
Sumulat ng sanaysay tungkol sa kuwento ni Bernardo Carpio at
kung ang konsepto sa likod nito ay naaangkop sa panahon
ngayon.
________________________________________________________________
________________________________________________________________
________________________________________________________________
________________________________________________________________
________________________________________________________________
________________________________________________________________
Sanggunian
• Halina’t Umawit at Gumuhit ( Batayang Aklat )
• Teacher’s Guide
• http://www.flickr.com/photos/7935983@N05/3753911199
• wikihow.com
8. 6
Development Team of the Module
Writer: Zarah Montiel
Editors:
Content Evaluator: Yolanda J. Iglesias
Language Evaluator: Cherry Planco
Reviewers:
Illustrator: MA. CRISTINA M. JAVIER
Layout Artist: CAMILLE JEWEL L. GARCIA
Management Team: DR. MARGARITO B. MATERUM, SDS
DR. GEORGE P. TIZON, SGOD Chief
DR. ELLERY G. QUINTIA, CID Chief
MR. SHOJI G. GERONA. EPS, MAPEH
DR. DAISY L. MATAAC, EPS – LRMS/ALS
For inquiries, please write or call:
Schools Division of Taguig city and Pateros Upper Bicutan Taguig City
Telefax: 8384251
Email Address: sdo.tapat@deped.gov.ph
