LESSON PLAN IN FILIPINO 8

1. BANGHAY ARALIN SA
FILIPINO 8
Ipinasa ni: CRESCENCIANA A. ABOS
TEACHER 1
Ipinasa kay: MARLON T. CONICONDE
ASSISTING PRINCIPAL/ NIGHT DEPARTMENT

2. BanghayAralin
Filipino8
I. LAYUNIN
Sa katapusan ng aralin, ang mga mag-aaral ay inaasahan na:
a) Nakakikilala ng mga uri ng tayutay ayon sa kahulugan nito
b) Napapahalagahan ang mga tayutay at gamit nito sa larangan ng pagsulat
c) Nakabubuo ng mga pangungusap na napapalooban ng iba’t ibang uri ng tayutay
II. PAKSA
a) Paksa: “Ang Tayutay at ang mga uri nito”
b) Kagamitan: PowerPoint Presentation, biswal eyds, chalk, illustration board, wyteboard
marker
c) Kasanayang Pampanitikan: Nabibigay ang kahulugan ng tayutay gayundin ang mga uri
nito.
III. PROSESONG PAGKATUTO
A. Panimulang Gawain
 Pagbati at pagdarasal
 Pagtatala ng mga lumiban
B. Pagganyak
May pasasagutang Trivia at ang mga letrang nasa gilid nito ay ang mga clue upang
mas madaling masagutan ng mga mag-aaral. Sa mga clue na nakalagay sa gilid ay
may mabubuo silang isang salita. At dapat nilang mabuo ang salitang TAYUTAY
T - Ang pinaniniwalaang kinatatayuan ngayon ngHalamanan ng Eden.
(Turkey)

3. A -Siya ang bayaning namuno sa Rebolusyon ngating bansa laban sa
Espanya. Siya ay may sagisag na “Magdiwang.” (Andres Bonifacio)
T -Ito ay makikita sa India, inialay ni Emperor ShahJahan para sa kaniyang
asawang si Mumtaz Mahal. (Taj Mahal)
A -Siya ang manunulat na sumulat ng tulang “Isang Dipang Langit”. Kilala
rin siya sa bansag na “Ang Manunulat ng mga Manggagawa”. (Amado V.
Hernandez)
Y - Ito ay isa sa mga larong kontribusyon ng mga Pilipino sa buong mundo.
(Yoyo)
U - Ang elementong mayroong simbolong U. (Uranium)
Y - Siya ang kauna-unahang taong nakapaglakbay sa kalawakan. (Yuri
Gagarin)
C. Pagpapakilala sa Aralin
 Paghahanda
- Sa tulong ng isinagawang pagganyak ay makikilala ng mga mga
mag-aaral ang panibagong aralin, “Ang Tayutay at ang mga uri
nito”
D. Pagtalakay
“TAYUTAY” Ang tayutay ay matatalinghagang pahayag, masining at
malalim na nagbibigay-kulay sa isang pahayag. Ito ay sinadyang
paglayo sa tunay nakahulugan upang maikubli ang katotohanang
nasa loob nito. Sa pamamagitan nito, mas magiging mabisa ang
isang pahayag.

4. “Mga Uri ng Tayutay”
1. Pagtutulad- Ang pagtutulad ay naghahambing sa dalawang bagay na
magkaiba. Ito ay gumagamit ng mga salita’t pariralang tulad ng, parang,
kawangis ng, kagaya ng, animo’y, tila atbp.
Halimbawa:
 Si Ruperto ay napabilang na sa hanay ng mga kabataang tulad sa bubuyog
na marunong nang dumalaw sa masamyong halamanan ng kadalagahan.
 Ang ngiti ng kaniyang sinisinta’y parang patak ng ulan kung tag-araw.
 Ikaw ay kawangis ng mga bituin.
2. Metapora o Pagwawangis- Ang Metapora o Pagwawangis ay tiyakang
paghahambing na hindi na gumagamit ng salita’t pariralang tulad ng, kawangis
ng, parang atbp.
Halimbawa:
 Ang kaniyang mga pananalita’y isang palabas na kinapapanabikan ng lahat.
 Ang tumatamlay na nilang pagsasama ay aandap-andap na sulong malapit
nang panawan ng liwanag.
 Ang guro ay isang magaling na aktor sa isangtanghalan. Nagagawa niyang
ikubli ang mga sakit na nadarama lalo na’t kung kaharap ang kaniyang mga
minamahal na mag-aaral.
3. Personipikasyon o Pagtatao - Ginagamit ito upang bigyang-buhay, pagtaglayin
ng mga katangiang pantao - talino, gawi, kilos ang mga bagay na walang buhay
sa pamamagitan ng mga pananalitang nagsasaad ng kilos tulad ng pandiwa,
pandiwari, at pangngalang-diwa.
Halimbawa:
 Ang malamig na simoy ng hangin ay nagbabalita nang pagdating ng
Paskong Dakila.
 Lumuluha ang langit sa malagim na sinapit ng atingmga kababayan sa
delubyong hatid ni Pablo.
 Lagi akong dinadalaw ng alaala ng babaeng naghatid sa akin sa
kadiliman.
4. Pagmamalabis o Hayperbole - Ito ay lagpalagpasang pagpapasidhi ng kalabisan
o kakulangan ng isang tao, bagay, pangyayari, kaisipan, damdamin at iba pang
katangian, kalagayan o katayuan.
Halimbawa:
 Maniwala kang sa magdamag kong pagkakahiga, ni hindi ko naipikit
ang aking mga mata dahil naiisip kita.

5.  Nakalulusaw ang mga tingin ng aking katabi.
 Tunay ngang umabot sa pagdanak ng dugo ang kani-lang
paghihiwalay.
5. Apostrope o Pagtawag - isang panawagan o pakiusap sa isang bagay na tila ito
ay isang tao.
Halimbawa:
 O, buwan! Sumikat ka’t aliwin mo ako sa aking pangu-ngulila.
 O, Bathala! Ano’ng pagkakasala ko’t ako’y nagdurusa nang ganito?
 Diyos ko! Kailan ko ba mahahanap ang “true-love” ko?
6. Pag-uyam - Isang uri ng ironya na ipinapahiwatig ang nais iparating sa huli.
Madalas itong nakakasakit ng damdamin.
Halimbawa:
 Napakabuti niyang tao. Ni hindi niya tinulungangmakatawid sa
kalsada ang matanda.
 Marunong talaga siyang tumanaw ng utang na loob. Matapos siyang
alagaa’t palakihin ng ‘di niya kadugo ay nagawa pa niya itong
pagnakawan.
E. Paglalahat
 Ano nga ulit ang Tayutay?
 Anu-ano ang mga uri ng Tayutay?
F. ISAHANG GAWAIN
Magtatawag ng estudyante ang guro at pasasagutin samga katanungan.
IV. PAGTATAYA
A. Panuto: Tukuyin kung anong uri ng tayutay ang mga sumusunod. Pumili at Ilagay ang
letra ng tamang sagot sa patlang. LETRA LAMANG.
a. Pagtutulad
b. Pagwawangis
c. Pagtatao
d. Pagmamalabis
e. Pagtawag
f. Pag-uyam
__________1. Sariwang hangin ang banayad na humahalik sa kanyang pisngi. (Pagtatao)
__________2. Tuwing eleksyon, umuulan ng salapi. (Pagmamalabis)
__________3. Kandila siya sa aking paningin na unti-unting nalulusaw. (Pagwawangis )
__________4. Ang luha sa kanyang mga mata ay tulad sabatis na umaagos. (Pagtutulad)

6. __________5. O, maawaing langit! Bakit ang buhay ko ay puno ng sakit? (Pagtawag)
__________6. Napakaganda ng kaniyang pagkakasulat.Parang kinahig lang ng manok. (Pag-
uyam)
__________7. Ang kaniyang tinig ay kawangis ng awit ng ibong pipit. (Pagtutulad)
__________8. Siya ay isang ahas. (Pagwawangis)
__________9. Dinadalaw siya ng kaniyang guni-guni. (Pagtatao)
__________10. Halos lumuwa ang kaniyang mga mata nangmakita niya si Gino.B.
(Pagmamalabis)
V. TAKDANG ARALIN
Panuto: Suriin at unawaing mabuti angsumusunod na patalinhagang pahayag at kilalanin ang uri
ng tayutay na gamit nito.
___________1. O tukso! Layuan mo ako!
___________2. Tulad ng matigas ng bato ang mga puso ng ilang mga taong walang awa kung
pumatay ng kapwa.
___________3. Kawangis mo’y halamang di naalagaan kaya ikaw ngayon ay lumaking matigas
ang ulo.
___________4. Kamatayan nasaan ka na? wakasan mo na ang aking kapighatian.
___________5. Araw, sumikat ka na at tuyuin ang luhang dala ng kapighatian.
___________6. Namuti ang kanyang buhok kakahintay sa’yo.
___________7. Abot langit ang pagmamahal ng taong bayan kay Gng. Corazon Aquino.
___________8. Babaha nanaman ng alak dahil sa magarbong kaarawan niya.
___________9. Napakatapat sa tungkulin n gating mga pinuno, nangunguna ang ating bansa sa
korapsyon.
___________10. Kung bakit karamihan sa mga kabataan ngayon ay mga tupang naliligaw ng
landas