KINDER

1. Republic of the Philippines
Department of Education
Region V
Division of Camarines Sur
Freedom Sports, Complex, San Jose, Pili, Camarines Sur
STORIES, RHYMES, POEMS AND SONGS
BICOL NAGA-QUARTER 1
WEEK 1
Stories
Day 1
“Iriskwelahan Na”
“Tapos na bakasyon mo Ana, inihanda mo na an mga gamit mo?” sabi ni Inay niya. “Iyo po inay”.
Ginigirumdom ko lang muna po idtong mga ginibo ta kan bakasyon (naggirumduman niya na nag pa SM sinda,
nagkararigos sa dagat asin nagduman sa lola niya). “Magturog ka na ning amay, para amay ka man na
magmata” sinabi utro ni inay niya. “Iyo po inay, maturog na po ako” simbag ni Ana.
Pagkaaga, amay si Ana na nagmata para magkarigos. Inihatod siya kan saiyang ina sa kanyang klasrum
ta nasusupog pa si Ana sa mga tao na nahihiling niya. Paglaog niya sa klasrum, nagtukaw na siya asin
nangalagkalag. Kadakul siyang nahiling, nahiling niya an sarong parte na igwang mga gamit arog kan sa harong
ninda. Paghiling niya sa kataid yaraon man an mga pinurutol putol na kahoy. Asin balyong linya igwang mga
kawatan, igwa pa man mga letra asin numero. Napangirit si Ana asin dali-dali siyang nagluwas, nagrani ki inay
niya, “Maoogma ako igdi inay” dai na natiosan na sinabi ni Ana ki inay niya.
Day 2
“An Eskwelahan Ko”
Si Pepe nag-eeskwela na sa sentral. Sa inot na aldaw natakot siya ta mahiwason na maray an
eskwelahan na nilaogan ninda ni nanay nya. “Dai mo po ako igdi pagbayaan nanay”. Takot na sabi ni Pepe. “Iyo
Pepe, yaon sana ako digdi sa kataid kan klasrum nindo”, sabi kan inay niya. Paglaog ni Pepe, sa klasrum
kadakulon siya na nahiling na mga aki na nagkakarawat kawat. Asin si Teacher niya paghiling niya nakikikawat
man. Kaya dali-dali niyang hinali an saiyang bag saka nakikawat naman siya. Kan sunod na aldaw gustohon na
ni Pepe na mag-eskwela. Excited na siya na magbalik, para makakawat na naman. Dae na siya natatakot maski
dakula pa an eskwelahan niya, ta pagnagduman siya sa klasrum ninda, makawat na naman sinda ni teacher
niya.
Day 3
“Siisay an Kaiba ko sa Klasrum?”
Si Roy sarong aki na sige pa ang hibi dawa tulong aldaw na sinda na nagkaklase. Pirmi sinasabi ni
nanay niya dai siya matakot sa klasrum ta may mga kaibahan man siya. “Roy, yaon dyan sa laog an mga kaklase
mo asin si Teacher mo” sabi ni Nanay niya. “Dae ko man po sinda bistado inay”, sabi ni Roy.
“O, sige, madya na ta malaog kita pareho” sabi ni Nanay niya. Paglaog ninda, dakulon siyang nahiling
na mga aki na nakaturukaw sa laog asin nagkakaranta pati man si teacher nag kakanta man.
Nagtukaw sinda kan saiyang nanay sa salog. Naoogma siya na magdangog kan mga kanta ni Teacher
Kaya dae niya naaraman na nakikisabay na palan siya sa pagkata asin inaarog na niya an mga kamot ni teacher.
Tapos pinagkolor kami ni Teacher asin pinapurupurokit nin papel. Maogmahon palan na mag eskwela.
Pag hiling ko sa gilid nakatukaw si Nanay asin nakahiling lang sako. Naherak man ako ki nanay ta sulo man
lang siya na gurang yaon igdi sa laog. ”Nanay, pwede ka na po na mag luwas”, kaya ko na po igdi sa laog.

2. Day 4
“Yaon saen an mga gamit ko?”
Inot na pagklase ni Jasmine, pagkalaog niya sa klasrum listo an saiyang tukaw. An mga gamit niya
darang pirmi sa likudan, dai hinali an sapatos paglaog. Kan pag-abot kan saindang maestra tinutukdo niya kun
saen ninda pirming ibubugtak an saindang mga gamit kada mag-abot. Si Jasmine habong halion sa likudan niya
an bag ta baka daa mawara , Sabi niya, ”Teacher, dai ko po ibubugtak an mga gamit ko ta kun mawara
aanggutan ako ni Nanay.” “Dai man iyan mawawara Jasmine ta kamo man lang kan mga kaklase mo an malaog
digdi. “ Nag-isip si Jasmine. Pagkatapos nagduman siya sa laganan kan mga bag saka binugtak an mga gamit.
Day 5
“Si Monica, an Mahigos n Aki”
Si Monica baguhan palang sa eskwelaha, alagad dai siya nasusupog sa mga kaklase. Pag–abot kan
saiyang maestra, sinabat niya tulos saka kinua an mga dara-darang gamit kaini. “Teacher, Teacher, tabangan
taka na po,” sibot na sabi ni Monica. “Salamat Monica” simbag man kan maestra. Pagkatapos ibugtak an mga
dara kan saiyang maestra, kinua na naman ni Monica an samud ta nagsamud siya sa salog. “Mahigoson man si
Monica” sabi kan Maestra. Naogma si Monica sa nadangog niya, kaya lalo pa niya hinigusan, nagpunas pa siya
nin mga lamesa. “Monica, sa harong nindo giginigibo mo man pagtatabang, arog kan gibo mo igdi sa klasrum?”
hapot kan maestra. “Iyo po Teacher, sabi po kaya ni Nanay dawa po aki pa ako dapat tatao man ako magtabang-
tabang” ogmang simbag ni Monica. “Iyan an tama, dapat arog kayan, maski pa mga aki pa sana dapat
tinatabangan na an mga magurang” sabi ni teacher. Ogmahon si Monica pag-uli niya, Pig-istorya niya sa sa
iyang Ina an saiyang ginibo sa laog kan eskwelahan. Kaya ogmahon man an Nanay niya.
WEEK 2
Songs/Rhymes/ Poems
Day 1
Sing: Ako may Ginigibo sa Eskwelahan
(Tune: ABCD)
Ako may Ginigibo sa Eskwelahan (2x)
nag aadal, nagsusurat, nagkokolor asin nakikikawat
Ako may Ginigibo sa Eskwelahan (2x)
Day 2
Ang Pula-pula kan Rambutan
An pula-pula(3x)
Kan rambutan Pag pinaparong(3x)
Garo masiram
Mahamoton, masiramon ang pulang rambutan
Day 3
Ako ay may Lobo
Ako ay may lobo
Naglayog sa langit
Dai ko na nahiling
Nag putok na palan
Sayang lang kan kwarta ko,
Binakal nin lobo
Sa pagkakan kutana
Nabasog pa ako.

3. Day 4
Red Light, Red Light, Whay Do You Say?
Pulang ilaw(2x)
Ano ang sabi mo?
“Magpundo ta maagi an awto”
Day 5
Tula:
Mga Kulay Pula sa Palibot
Ngabil, santan, mansanas, rambutan
Camagong asin iba pa.
Ini an mga kulay pula
Sa palibot ta
Importante man ang kolor pula
Ta ini baga an kolor kan dugo ta.
STORY TIME
DAY 1
Alas Syete na!
“Dennis, mata na dyan! Madali nang mag alas syete nin aga dae ka pa nanggad namata.” Nag pusipos
nin mata si Dennis sabay nag hiling sa orasan. Nagbuhat siya asin nag pamahaw na. “Mag parigos ka na para
mahamot ka asin malinig paghilingon” sabi kan saiyang ina. Nagtubod man si Dennis asin nag parigos na.
Pagkatapos mag karigos, nagbulos na siya kan saiyang uniporme. Handa na siyang mag laog sa eskwelahan.
“Dennis, dae na ako mahatod sa eskwelahan ta kadakul ako gibo. Ibanan na lang kamo ni kuya mo pagduman sa
eskwelahan.” asin hinadukan siya kan saiyang ina. “Paaram po mama” sabi ni Dennis.
Paglaog niya sa klasrum, kadakul mga aki na kaparehas niya. Nasusupog siya pero kan nakikipag-
istoryahan na siya sa mga kaklase niya nawara na lang an supog niya. Pag uli niya sa harong, hinapot siya kan
saiyang ina kun ano ang giniribo ninda sa eskwelahan. “Nagparakaranta po kami sa eskwelahan, nagpabisto po
ako sa sakuyang teacher, saka mga kaklase ko, nagbasa po si teacher nin istorya asin nag kakarawat po kami
duman”, maogmahon si Dennis sa pag-istorya kan mga ginibo niya sa eskwelahan. Pagka banggi nag turog
siyang amay para dae siya mahuri sa klase.
Day 2
An Kolor Pula na Paraiwal
Si Jessica binakalan kolor kan saiyang inay. Ogmahaon siya na marhay. Kaya lang an mga pangkulor
palan na ini nagtatararam. Kaya nakubanan siya kan makadangog siya na nagtataram sa mga gamit niya. An
mga kolor niya palan nagtatararam. Si Pula, si Dilaw saka si Asul. Nag hapot si Pula, “Noarin ka malaog sa klase
Jessica?” Sa aga na ako malaog Pula, gustuhon ko na ngani mag laog sa eskwelahan. “Darahon mo kami sa
eskwelahan mo Jessica para magamit mo kami pangkulor” sabi ni Dilaw. “Iyo Jessica, para pagpinadrowing ka
kan maestra mo yaon kami para tabangan ka. Kukuloran tang asul an itaas kan bandera mo.” sabi ni Asul.
Nasuya si Pula ta dae na siya napapansin ni Jessica.
Pagkaaga dinara ni Jessica an mga pangkulor niya. Nagpadrowing ang maestra niya asin
pinapakuloran ini. Nagkurahaw si Pula. “Jessica, mag drowing ka nin ngabil, rambutan asin mansanas kulayan
mo ini nin pula asin ipatsek mo na sa teacher mo. Naanggot si Dilaw asin si Asul kay Pula. “ Tano man ta ika
lang ang kulay na nasa papel ni Jessica? Pwede man baga kami ni Dilaw asin Asul.” “Dae na kamo, ako ang
pinakamagayon na kulay sa gabos!” sabi ni Pula. “Grabe ka man Pula, hilingon mo man daw ang papel kan
kaklase ni Jessica, magayon ang saindang ginibo ta gabos na kulay ginamit kan kaklase niya. Gusto mo si Jessica
ang may pinakamakanos na ginibo?”sabi ni Asul. Napaisip si Pula, tama man talaga ang sinabi ninda. “Sige na
lugod, matarabang kita para maging magayon ang gibo ni Jessica.” Nagdrowing pa si Jessica nin manlain-lain na
bagay asin kinulayan ini.” Pinatsekan niya ini sa maestra asin sinabi na magayunon an gibo niya. Puon kaidto
dae na nakikiiwal si Pula sa ibang kolor ta gusto niya na pirmi magayon an gibo ni Jessica.

4. Day 3
Ang Paborito Ko sa Eskwelahan
May sarong aki na an pangaran Bryan, igwa siyang paboritong dumanan sa eskwelahan, an kantin.
Tinawan siya kan saiyang ina nin diyes pesos asin ibiakal niya ini sa kantin nin manlain-lain na sitseriya. Sarong
aldaw dae nakalaog sa klase si Bryan ta may namamatian siya. Hinapot si Bryan kan saiyang ina “Anong
namamati mo Bryan? Ano an pirmi mong kinakakan sa eskwelahan?” Namimiripit sa kulog an tulak si Bryan
asin sinabi sa ina “Sitseriya po mama.” asin naparahibi ini sa kulog kan tulak niya. Tigpainom kan saiyang ina si
Bryan nin bulong asin nagruluwas na saiyang bulate. Nahiling ni Bryan an mga bulate asin natakot siya.
Pagkaaga marhay na ang pagmati ni Bryan asin naglaog na siya sa klase.
“Pwede kang magduman sa paborito mong lugar, sa kantin alagad magpili lang nin tamang mga
babakalon, dae ka na magbakal sitserya. Makulog na naman kayan an tulak mo.” tugon kan ina niya. Pag-recess,
nagduman si Bryan sa kantin asin nag bakal nin spageti. Pakahiling niya digdi, nasiraman na tulos siya ta kulay
pula ini. Pgkatapos mag kakan spageti, nagbakal pa siya nin kraker. Kulay pula man an patos kaini. Puon kaidto
dae na nagbabakal si Bryan nin mga sitseriya.
Day 4
Si Jose na Pasaway sa Klase
Si Jose pasawayon na marhay sa klase. Sinabihan na siya kan saiyang maestra na dae magparasirot,
iapon an basura sa basurahan asin dae magpararibok sa klase pero dae ini nagdadangog.
“Jose, dae ka po magpararibok ta dae na nadadangog kan kaklase mo an pig -istorya ko.” Mayong
pakilabot si Jose asin nagpara ribok pa sa klase.
“Jose, dae ka magsakat sa lamesa ta mahuhulog ka diyan” sabi kan maestra. Mayong pakilabot si Jose
asin nagpaparasakat pa giraray ini.
Urulian na, si Jose may kinakakan pa nanggad. Habang naglalakaw siya, iniapon niya an basura niya sa
tinampo. Nahiling siya kan gurang asin nagsabi, “Puruton mo daw yan noy ati mo asin iapon sa basurahan.” Dai
nagdanggog si Jose. Dai nag-aaram si Jose na engkantado palan idtong gurang na nakasabatan niya.
Pagkabanggi dinumanan kan engkantado an harong ni Jose asin nagsirip ini sa bintana. Ang sabi kan
engkantado. “Dae ka nagdadangog Jose sa sinasabi saimo, marhay pang tawan taka nin dakulaon na talinga para
madangog mo an sinasabi saimo. Huri na para makapaghagad dispensa si Jose.
Kaya kan pagmata ni Jose, igwa na siyang dakulaon na talinga (nagirumduman niya an pagsumpa kan
gurang). Maraoton an pagmati niya ta pag laog niya sa eskwelahan, nagparangirisi an kaklase niya ta garo na sa
kino an talinga niya.
Nagpaparahibi si Jose, asin sinabi sa sadiri “Kun, nagdadangog lang kuta ako sa sinasabi sakuya dae
kuta ako nagkaigwa nin dakulang talinga.”
Nahirak ang engkantado ta nagsulsol naman si Jose kan ginibo niya asin ibinalik sa normal an saiyang
talinga. Puon kaidto si Jose bako nang pasaway sa klase.
Day 5
An Pangiturugan ni Marie
An eskwelahan kan San Isidro pirming tiglilinigan kan mga aki asin mga maestra uroaldaw. Si Marie,
pirming huri sa klase asin dae pa nagdadangog sa maestra kun nagleleksyon. An leksyon kan maestra
manungod sa mga bawal gibuhon sa laog kan eskwelahan.
Si Marie, dae man nagdadangog sa maestra niya. Pag-urulian, pighalok niyang magkawat si Ana sa
doot saka magguno nin mga burak. Ang sabi ni Ana, “Hala ka, bawal daa yan sabi ni mam, aanggotan ka dyan”
“Nag sabi man si mam? Dae man garo. Bahala ka kun habo mo, basta ako makawat digdi.

5. Pagkaaga paglaog niya sa eskwelahan garo mayo nin tawo. “Mayo garong eskwela, marhay pang
magkawat giraray sa dootan tapos maguno ako nin kadakul na burak. Pinatururon ni Marie an mga burak asin
winalat an plastik kan kinakan niya asin nagbuhat ta mauli na.
Aruatyan, bigla may naghiro sa bitisan niya. Napakurahaw siya nin makusog. “Ahhhhhhhh!” An mga
doot, burak asin mga basura, nakahiling saiya nin maraot. Hinapag siya kaini. Nagparadalagan si Marie.
“Tabang!” kurahaw niya. Dae na ako matungtong sa doot, dae na ako maguno nin burak, ikakaag ko na ang
basura ko sa basurahan.”
Napadapla si Marie. Napagmata siya. Huna niya totoo idto. Pangiturugan man sana palan. Puon
kaidto, dae na si Marie nagtutungtong sa doot, dae naman siya nag nagguguno nin burak asin inaapon niya na
ang saiyang basura sa tamang laganan.
WEEK 3
STORIES/SONGS/RHYMES
Day 1
LOLOY (LOUISE LLOYD)
ni Rochelle Abuel
Si Ma‟am nagcheck nin attendance, ragap na ako apudon an sakong pangaran. Hinahalat ko na apudon
an sakong pangaran. Alagad dae man inaapod an Loloy Sebastian, kundi an Louise Lloyd Sebastian, dae man
ako nag-girong ta dae ko man yan bisto (sinabi ni ma‟am na absent si Louise Lloyd Sebastian). Natapos na si
ma‟am na mag-apod. Naghapot si Ma‟am siisay an dai inapod. Tinaas ko tulos an sakuyang kamot. Ano ang
saimong pangaran? Hapot ni Ma‟am. “Loloy po”, sabi ko man. “Ay Loloy an totoo mong ngaran iyo an Louise
Lloyd Sebastian.” Puon kaidto tinandaan ko na an totoo kong pangaran. Na an “Loloy” palan hali sa “Louise
Lloyd Sebastian.”
Mga kahaputan:
1. Tanu ta dae inapod ang pangaran na Lloyd Sebastian?
2. Ano an piggibo ni Loloy kan inapod an pangaran na Louise Lloyd Sebastian?
3. Ano an napasipara ni Loloy sa sinabi saiya kan saiyang maestro?
4. Naging importante kaya kay Loloy an pangaran niya?
Day 2
Nika Munyika
ni Rochelle Abuel
Kan sadit pa si mama kadakol siyang munyika. Mga regalo ini saiya kan mga tiyaon niya. Sarong aldaw
naglalakaw siya pauli may nahiling siyang munyika. Kinua niya asin pinakarhay. Ini ang pinakasuno sa saiyang
mga munyika.Pinangaranan niya ining Nika. Kaya kan inaki niya ako pinangaranan niya ako nin Nika hali sa
ngaran kan saiyang munyika.
Mga Kahaputan:
1. Siisay an mahilig sa munyika?
2. Kiisay hali ang saiyang mga munyika?
3. Siisay si Nika sa istorya?
4. Ika aram mo ang boot sabihon kan saimong pangaran?

6. Day 3
Si Digong Dilaw
ni Maria Teresa O. Rabano
Si Digo sarong aking lalaki. Paborito niya an magparakawat. An gabos na kawatan niya kolor dilaw.
May robot, may aroawto, eroplano asin barutong dilaw.
Sarong aldaw pagmata niya, hinanap niya an saiyang robot. Dai niya nakukua kun sain niya naibugtak.
Mamundo si Digo huli ta paborito niya an dilaw na robot. Pagkaagi nin pirang minuto, nadangog niya an
saiyang ina, “Digo! Madya dali ta may ipapahiling ako saimo”. Pagrani ni Digo sa saiyang ina nahiling niya an
saiyang robot na natatahuban nin dilaw na kurtina. Dai niya narisa an kawatan huli ta pareho an kolor kaini sa
saindang kurtina.
Mga Kahaputan:
1. Ano an ngaran kan aki sa istorya?
2. Ano an paborito niyang kolor?
3. Anong mga gamit niya an kolor dilaw/yellow?
4. Anong gamit an hinahanap ni Digo?
5. Tano ta dai niya nahahanap si saiyang kawatan na robot?
Day 4
An Kompleanyo Ko
ni Geraldine Niem
Igwa akong sasabihon
Dapat nindong dangugon
Saaga iyo an Kompleanyo ko
Gusto ko maging maogmahon.
Ta igwa ako nin sorpresa.
Kun siisay an makakua nin tamang bilang,
Kan sakuyang edad ngunyan
Siya sakuyang tatawan nin dulsing dakulon.
Day 5
Si Mario, Mando asin Milyo
ni Maria Teresa O. Rabano
Si Mario, Mando asin Milyo magturugang. Sinda mayo na nin magurang. Pirmi sindang suruwayan
kan lugar na iniistaran. Si Mario nakaistar sa kubo, Si Mando man nakaistar sa “bongalo” asin si Milyo man sa
harong na sementado. Sarong bareta an naglakopsa banwaan, na sarong bagyo an maabot pagkabanggi.
An magturugang nag asikaso kan saindang mga sadiri. Uminabot an bagyo, Si Mario nagdadalagan
paluwas huli ta an saiyang harong pinalid na nin duros. Si Mando man nadatugan. Dali-daling nagdalagan si
Mario asin Mando sa harong kan saindang tugang asin duman nakidagos. Puon kaidto dai na sinda nagsuruway
nin istaran.
Mga Kahaputan:
1. Ano an pangaran sa tolong magturugang?
2. Sain naka istar si Mario? Si Mando? Asin si Milyo?
3. Ano an bareta na naglakop?
4. Ano an nangyari pagkatapos kan bagyo?

7. WEEK 4
Day 1
KANTA: AKO IGWANG PAYO
Ako ugwang payo na sakong hinihiro
na sakong hinihiro(2x)
Salamat sa Dios.
Uliton:
Kamot, bitis, tuhod
Kanta:
(Maniwang, Mataba )
Maniwang, Mataba (2x)
Igwang duwang aki na maniwang, mataba
Halangkaw, hababa (2x)
igwang duwang aki na halangkaw, hababa
Day 2
Tula
Ano an nasa Laog Ko?
Ano an igwa sa laig kan hawak ko?
Igwa akong puso na nagtatao sakong dugo.
Igwa akong baga na nagtatao malinig na duros.
Igwa akong tulak na nag-aako kan kakanon para sakong hawak.
Day 3
Kanta:
Aabuton kan Kamot
Aabuton kan kamot ko an kaklase na nakasulot ni kolor asul.
Aabuton kan sarong kamot ko an saro ko pa na kamot.
Aabuton ko si Teacher
Kaya kong abuton an pader asin lanob
Kadakol akong kayang abuton gamit an sakong kamot.
RAWIT DAWIT
SARO, DUWA, KUMUSTA KA?
Saro, duwa, kumusta ka?
Saro,duwa,tulo,urupak kita,
Saro,duwa,tulo,apat,magturon ka,
Saro,duwa,tulo,apat,lima, tatao asin maogma
Saro,duwa,tulo,apat,lima,anom,sapatos ayuson
Saro,duwa,tulo,apat,lima,anom,pito,tingag sa saldang
Saro,duwa,tulo,apat,lima,anom,pito,walo uya an plato
Saro,duwa,tulo,apat,lima,anom,pito,walo,siya maghanay na kita……
STORIES
Day 1
Si isay an importante ki Nene?
ni: Mae D. Salazar
Hapot: Tano ta importante ang kada parte kan hawak ta?
Ako si PAYO ako an pinakamataas na yaon sa hawak
Ako dapat an masunod. “Tano ta ika?” sabi ni LIOG kun dai dahil sako mayo ka sa hawak.
Ako si ABAGA ako an tahaw ako dapat an masunod.
“Tano ta ika?” sabi ni BITIS kung mau ako dae ka makakatindog.
Ako si NENE ako an may sadiri saindo kaipuhan ko kamo.
Gabos kamo importante sako.

8. Mga Kahaputan:
1. Tano ta nasabi ni payo na siya ang dapat masunod?
2. Siisay an yaon sa tahaw na parte ni NENE?
3. Sisay sa hiling nindo an pinakaimportante kay NENE?
Day 2
OLIGABAGA
ni: Analiza Alvarez
Si Olig Abaga iyo an pigkukuanan ko nin pwersa sa pagkawat ko aroaldaw.
Nagkakawat ako nin Basketbol aroaldaw.
An kamot ko nakatakod sa sakong abaga.
Sarong aldaw nagkawat ako nin basketbol asin nanggana kami.
Kaya puon ngonyan aatamanon ko na an sakong abaga.
Mga Kahaputan:
1. Ano ang apod igdi sa ginurit kong ini?
2. Dapat tang atamanon ang satong abaga? Tano?
Day 3
“An kamot ni Bebot”
ni: Fatima F. Almendral
Limang taon na si Bebot. Siya sarong aki na babae, sadit asin mataba.
An saiyang kamot sadit man.
An mga muro niya haralipot.
Pero dawa siya sadit dakul siyang nagiginibo.
Nakakalaba siya.
Nakakapunas lamesa.
Nakasurat asin nakakakolor .
An pinakagusto niya na ginigibo kan kamot niya, iyo an,
Nakukugos niya an saiyang Ina… na padangaton niya.
Day 4
Ang Urulay kan mga Muro
ni: Richard, Geraldine, Analiza, Mae, Rochelle & Jailene
Sarong aldaw nag-urulay an mga muro kung ano ang saindang kanya-kanyang importansiya.
Tanggurangan: “Kung mayo ako dae makakaputan na maray an mga bagay. Kaya importante ako. “
Pantukdo: “Lalo na, ako kung mayo ako mawawara kamo ta ako ang matukdo kang tamang agi.”
Pinakalangkaw: “Ako an tagasaway ta ako ang yaon sa tahaw. “
Sinsingan: “Ako man an pigsusulutan kan sing sing na palamuti sa kamot. “
Gigis: “Ako ang bunso padangat kan gabos.”
Mga Kahaputan:
1. Ano ang mga pangaran kang limang muro?
2. Ano pinagurulayang kang limang muro?
Day 5
Si Ditoy Lakwatsiro
ni: Fatima F. Almendral
Si Ditoy limang taon na aking lalaki. Dawa sain siya nakakaabot. Sarong aldaw, nagsakat siya sa kahoy.
Napahalnas si Ditoy asin nahulog sa kahoy. “Aray ko”, napakurahaw asin naghihibi si Ditoy. Nagpuli siyang
pilay asin naghihibi. “O Ditoy anong nangyari saimo?” hapot kan saiyang ina. “Nahulog po ako sa kahoy”,
naghihibing sumbong ni Ditoy. “ Dai na po ako maotro, madangog na po ako saimo”, sabi ni Ditoy.
Mga Kahaputan:
1. Anong nangyari ki Ditoy?
2. Tanu siya naghihibi? s3. Ano nanudan nindo sa istorya?

9. WEEK 5
Day 1
“An Bilog na Sugok”
Igwang sarong guna na nag-olpot ning sampulong sugok. Sa gabos na siyo ni Inang guna, may sarong
sugok na naiiba an korte ini si Bilog. Pirmi siyang pigngingiritan kan saiyang mga tugang ta iba an saiyang
hitsura sa sainda.
Sarong aldaw, dae na matios ni Bilog ang saiyang kamugtakan. Kaya naisipan nyangmaglitong-litong
asin hanapon an mga arog nya. Inot nyang nasabatan si Saldang. Arog niya man an hugis kaini. Nahiling niya na
ini an nagpapaliwanag kan palibot. Sunod niyang nahiling an gulong kan jeep. Nahiling niya na ini an ginagamit
ta nganing makaandar an sarong awto. Nagpadagos si bilog na sugok sa paglitong-litong. Sunod nyang
namataan si Pakwan, arog niya bilog man ang hugis kanini. Namati niya na maogmahon an mga tawo sa
pagkakan nin pakwan ta iyo man an namamati kaini ta gustuhon sya nin mga tawo.
Banggi na pero padagos pananggad si bilog na sugok sa paglibot nya. Huri niyang nahiling si bulan sa
kaitaasan. Nagpasalamat siya ta ini an nagtatao kan liwanag sa kadikluman nin banggi. Napaisip siya na arog
man kaini an hugis nya. Digdi nya naisip asin nataram sa sadiri na mayong maraot sa hugis niya. Na an pagiging
bilog ay may dakulang tabang sa kumunidad na saiyang tighihiruan. Nag-uli si Bilog na sugok sa siyang
pamilya. Maogma man an mga tugang saka ina niya sa saiyang pagbuwelta. Puon kaidto, nagiging, makulor
asin maogma na si Bilog na sugok.
Day 2
“Alamat kan Pinya”
(gumibo nin bikol na version)
Day 3
“An Banda ni Minda”
Kada Pista sa banwaan, an banda ni Minda an may kapot kan iba-ibang instrument ta nganing
magtugtog. Igwa nin „xylophone‟ na an tanog “ting.. ting..ting”, igwa man tambol na an tanog
“boom..boom...boom”. Kaipuhan man hayupon an plawta ta nganing magtanog nin “toot..toot..toot” Igwa pa
nin sadit na „drum‟ na ginagamitan sadit na kahoy ta nganing magtanog. Iba-ibang tawo an nagkakapot nin
kada instrument. Sabay-sabay an saindang pagtugtog kaya magayon sa pagdangog, manlain-lain man na tugtog
na lalong nakakapagayon asin nagtataong buhay sa parada.
Day 4
“Si Muklat, Si Pirong, Si Kimlat saka Si Kimat-kimat”
Sa sarong Banwaan nin Pandok, igwa nin tulong magbabarkada. Si Muklat, an saiyang mata priming
muklat dawa magturog. Nahihiling niya an gabos na nakapalibot saiya. Si Pirong, madiklom an saiyang
nahihiling, naghahangad siya na sana sarong aldaw makahiling man siya. Si Kimlat, kada tawo na masasabatan
niya, dai niya mapugulan magkimlat. An huri si Kimat-kimat, an saiyang mata pirmi nagkukurap-kurap. Sa
saindang lugar pirmi sindang tigpipintasan huli ta sinda kakaiba.
Sarong Banggi, nagkaigwa nin sulo sa may sainda, sindang apat an inot na nakarisa kan sulo kaya dali-
dali sindang nagkuang tubig ta nganing mapundo an sulo.
Dakulang pasasalamat sainda kan mga tawo. Poon kaidto, dai na sinda tigpipintasan kan mga tawo
asin maogma na sindang nabuhay.
DAY 5
An Kuya ni Karina
ni: Arlene C. Ripo
Si Pedo an aking matua ni Tiya Maring, malinig saka marhay an salud nin huli ta ataman siyang
marhay kan saiyang ina. Matua siyang tugang ni Karina nakaistar sinda sa gilid nin sapa na harani sa dagat. An
saiyang ama parasira asin an saiyang ina nagtatanom nin mga gulayon sa likod kan saindang harong.
Kan si Pedo madali nang mag eskwela pigtukduan na siya kan saiyang ina kun panu maglinig kan
sadiri saka maging responsable. Sa inot na pagtukdo kan ina ki Pedo pigsusunod niya ini alagad may kahugakan
siya.

10. Sarong aldaw, tinugun siya kan ina na siya nalang magkusang magkarigos ta matanum na an saiyang
ina nin mga gulayon. Sinabihan siya kan saiyang ina na dai magkarigos sa sapa ta bago pa sanang pag-uran,
maati an sapa. Dae sana naggirong si Pedo.
Paghale kan ina, luhay-luhay siyang nagdulag pasiring sa sapa, dai niya dinangog an sabi kan saiyang
ina, nagparalangoy si Pedo. Matapos an kabangang oras nagbalik na sa harong an ina ni Pedo, natanawan niya
an saiyang aki na naglalangoy langoy sa sapa. Sinugo ni tiya Maring si Karina na apudon an saiyang kuya Pedo.
Inapod ni Karina an saiyang kuya alagad ta maski nadadangog na ini ni Pedo nagbubungog-bungugan
lang siya ta gusto pa niyang magparalangoy. Kan dai nagtubod ki Karina si Pedo, si ina na niya ang nag-apod
pero arog kan pag-apod ni karina nagbungog-bungugan si Pedo. Pigrani kan ina si Pedo tanganing maghali na
sa maating tubig saka lang naghale si Pedo. Pinangadalan kani si Pedo. Tanu Pedo ta dai mo ako pigdangog? Dai
ka nagsunod sa sinasabi ko. Dai na pag- utruhon an ginigibo mo, iyo po? Uya an cotton buds, linigon mon an
saimong talinga ta nganing dai yan istaran kan baktirya na hali sa sapa. Luhay-luhayon mo an paglinig sa talinga
mo. Asin pinaarog kan ina kun panu an paglinig kaini.
Siring sa dati nahugak si Pedo maglinig kang talinga saka dai na naman pigdanggog an saiyang ina.
Nagkakarigos siya sa sapa pagnaghahale an saiyang ina. Pauruotro lang ang pangadal kan saiyang ina pero ta
dai nagdadangog si Pedo. Pagkabanggi, pagkatapos mangadye ni Pedo nagturog na siya.
Pedo!....... apod kan saiyang ina. Nadanggog ni Pedo an apod kan saiyang ina alagad ta pasiring na siya
sa sapa. Nagsagin-sagin siya na mayo siyang nadangog. Naglangoy na naman siya sa sapa. Paghawas niya sa
tubig may nadanggog si Pedo. “Mga kakawat, nakakua na ako nin marhay na istaran, madya na kamo! Natakot
si Pedo, mayo siyang nahiling na mga ako pero may nagtataram. Bigla siyang naglubo sa tubig nakahiling siya
nin sarong nilalang na sadit lang. “Sisay ka?” hapot ni Pedo. “Ako si Bakterya, maistar kami sa talinga mo,ha!
Ha! Ha!. Nagrani an mga bakterya sa lalawgon niya naglaog sa mga talinga ni Pedo. Pagkatapos mayo na siyang
nadadangog, nagparakurahaw si Pedo sa sobrang takot. Nadangog kan ina an unggol ni Pedo. Dali-dali siyang
pinukawan ni tiya Maring. Kinugos ni Pedo an saiyang ina, sinabi na “puon ngunyan dadangugon ko na po an
saimong sinasabi”.
WEEK 6
Day 1
Si Roy asin an Pahamot ni Nanay
Mahigos na aki si Roy. Maski mayo si Nanay maogma syang naggigibo kan mga gibuhon sa harong.
Sa dai inaasahan na pangyayari naigo ni Roy an lamesa. Nasa ibabaw nin lamesa an plastic na lalagan nin
mamahalong pahamot ni Nanay. Narisa nya kasubago na bukas ini. Nalingawan ni Nanay na takupan . Nahadit
siya “mauula an pahamot ni Nanay”, an hinghing niya sa sadiri. Marikasong pigtaas ni Roy an saiyang bitis asin
naggibo nin darakulang lakdang. Pinirit niyang lamagon an pagbagsak kan plastic na lalagan. Nagtukaw siya sa
salog asin padausdos na piglamag an lalagan sabay taas kan saiyang kamot.
Swak! Bagsak an laganan sa duwang kamot ni Roy.
Nakahangos nin hararom si Roy.
Kinua niya an takop kan lalagan asin luway-luway na inilaag sa lamesa.
Day 2
An Istorya kan Marigoso
Kaidtong panahon, sa banwaan kan Sariwa, nag-iistar an gabos na klase kan gulay. Digdi mahihiling na
nagraralapagan na si Labanos, saka si Mustasa. Nagtuturubigan man si bawang, si Sibulyas, si Kalabasang Puti
saka si Patola. Nagtataraguan man sinda Sinkamas, Talong, saka si Laya, mentras na nagluluksong baka si
Kamatis saka si Kalabasang Pula.
Sarong aldaw, nagluwas an sarong gulay. Siya si Marigoso. Malungsi an kolor kan kublit niya asin mayo
siya dawa na anong namit.
Kakaiba si marigoso, nagluwas an saiyang pagkainggit sa ibang mga gulay. Naging mainiton an payo
kaini, Gabos na gulay na magrani saiya pigpapahali asin kinukurahawan niya ini.
“Dai kamo magrani sakuya! Dai ko kamo kaipuhanan!, Hale!”
Sa gibo niyang idto , nirayuan siya kan gabos na mga gulay sa banwaan kan sariwa.
Sarong banggi, May maitom na balak an nabuong plano ni Mariguso.

11. “ Kaipuhan kung magkaigwa nin lasa, kolor, asin gayon kaparehas kan ibang mga gulay!” hinghing ni
mariguso sa sadiri.
Mentras na nasa kasiraman na pagturog kan mga gulay, isinagibo ni mariguso an saiyang plano.
Luway-luway na nagkamang siya parani sa tinuturugan kan mga gulay. Kinuanan niya nin hamis si
kalabasa, linaag niya sa bayong an alsom kan kamatis, pati man an harang kan Laya. Nahiling niya man na
nakasablay an kaputian kan kublit ni Labanos, tulos niya ining kinua. Kinua niya man an kolor na lila ni Talong
saka an kolor dahon na pisngi ni Mustasa. Hinabon man niya an ragsik ni singkamas, an mahimpis na kublit ni
Sibulyas, an makinis asin mamula mulang kublit ni Kamatis asin an ragkot ni patola.
“Ha! Ha! Ha! Ha! Sa Wakas! Nasa sakuya na an gabos na lasa, kolor, asin gayon!, siguradong
magkakairinggit sinda gabos Sakuya.” Sabi ni Mariguso sa saiyang sadiri.
Kinaagahan, nagwarak an bareta tungkol sa harabonan na nangyari. Nagtiripon an gabos na mga gulay.
Nagruluwa an mga mata kan mga gulay kan nag abot an dai ninda inaasahan na bisita.
Manlaen-laen an kolor kan kublit kaini asin kaya kaining mag laen-laen nin lasa. Nakakabilib na gulay
talaga!
Pero para ki kamatis kaduda-duda an pagka-gulay kan bisita, kaya pagkabanggi tiniripon niya an
kairibahan niyang gulay saka iribahan sindang nagduman sa dayuhan na gulay. Hiling-hiling ninda an
dayuhang gulay, nakaatubang sa salming, mentras na saru-sarong hinuhuba ang mga lasa, kolor asin gayon
puon sa hawak niya.
Nangalas sinda sa saindang nahiling, si malungsing marigoso: An may mainit na payong si Mariguso!
Dinara si Marigoso sa kagayunang kolor, kasari-sariwaan asin kasustansyahang husgado kan mga gulay. Nag
abot gabos an mga gulay sa banwaan nin Sariwa.
Yaon man sa hukuman an mga diwata kan saldang, tubig, asin duros.
“Dai pa ginigibo an gulay na may manlaen-laen an lasa, kolor, asin gayon kan kalikasan.!” Kurahaw
kan diwata kan saldang. “ Ika na napatutuohan na nagkasala laban sa batas kan mga gulay asin kan batas kan
kalikasan,” an hinghing kan diwata kan daga.
“Marigoso, Pasasakitan ka……” hakay kan diwata kan tubig. “Bilang Pasakit, gabos na hinabon mong
lasa, kolor, asin gayon hale sa mga kaibahan mong gulay mapapasaimo na,” ang sabi kan diwata kan duros.
“ Pasakit kaya iyan?, Anong klaseng pasakit iyan?” Ang sabi ni Marigoso.
Pagkatapos kan Palilitis, Nagpangako an mga diwata na ibabalik an mga lasa kolor, asin gayon kan
mga gulay na hinabon ni Marigoso, Pagkabangging ito may kangalas-ngalas na nangyari ki Marigoso.
Nag iwal an gabos na lasa, kolor asin gayon ni Marigoso sa laog kan hawak niya!
Nagsuntukan ang puti, kolor dahon, lila, yelo asin iba pang kolor, nagdigda an madiklom na kolor
dahon sa saiyang kublit. Nagsarabunutan an mga kinis asin gaspang, nagluwas an saiyang mga kurundot na
kublit, saka nagkururahawan an mga hamis, alsom,asin harang, nagluwas an mapait na lasa.
Puon kadto, naging madiklon an kolor kan Marigoso. Naging Kurundot an kublitniya saka naging mapait an
lasa niya. Ngunian, dawa masustansiyang gulay si mariguso, dakul an dai nagkakagusto saiya. Pero aram nindo,
nagsisisi na si Marigoso, Sa sunod na mahiling nindo iya sa saindong plato, lasahan nindo siya saka patawadon
kan saiyang mga kasalan.
Day 3
An Libro Kan Dungo
Sa sarong kabukidan nakaistar an sarong higanteng elepante. Pirme siyang naglalakaw para maghanap
nin pagkakan.
Sa saiyang paglalakaw, nasabatan nya si ikos. “ meow, meow, meow.” Ano ta an dungo mo halabaon?
An hapot kaini sabay nagngisi. Dai ini pinansin ni elepante. Padagos syang naglakaw para mkahanap nin
kakanon. Alagad sa paglakaw niya naparong niya ang nalalapang mga basura. Dai niya napansin si ido na
nagkakalkal kan nalapang basura. “Dai mo na yan pagkakanon” an sabi ni elepante. Baka mgkahelang ka kayan.
“Aw! Aw! Aw! Masiram ining pagkakan dai mo ako pag pakiaraman. An saimo nganing dungo halabaon”
simbag kani. Napayuko si elepante asin luwayluway ini naghali.„”Ano ta pigngisihan ninda ako?” hapot nya sa
sadiri.

12. Ipinadagos niya an saiyang paglakaw. Kan harani na siya sa kaduotan, naagihan niya si kanding na
nasasabsab nin duot. Mee! Mee! Mee! Masain ka elepante? Dai niya ini pinansin. Nagsunod ini saiya. “Ano ta
nag iiwas ka sako? “hapot ni kanding. “Baka kaya ngisihan mo ako. An dungo ko halabaon”.an sabi niya “Dai ka
masupog sako an importante igwa ka nin dungo na nakakaparong maghalaba man ini o bako “. “Salamat saimo
kanding paghuna ko mayo na akong mkukua nin barkada na dai angongisihan an dungo ko.” “Dai mo iyan
isipon, madyana duman na kita sa kaduotan pra mghanap pagkakan”.
Puon kaidto naging magbarkada si elepante saka si kanding. Pirmi sinda magkaibahan sa paghanap nin
pagkakan
Day 4
Mga Paboritong Prutas ni Diding
Sa kabukidan nin albay may pagtatanom an hanapbuhay. Si Diding an solong aki ni Dante asin ni Dina.
Nagtatabang ini sa saiyang magurang sa pagpakal kan mga inaning pananom. Maogmahon na aki si Diding.
Pirmi nya inaataman an saindang mga pananom asin kinakantaan.
Sarong aldaw pagduman nya sa saindang tanoman nangalas siya na kadakol bunga an mga pananom
niya. “ Ano ta kadakol ini mga bunga?” Bayawas na darakulaon, aranghita na nagkakaralay, mga bunga nin
mga atis asin mga tsiko. Nabigla si Diding may luminuwas na diwata. “Dahil yan sa saimong kabuotan asin
kahigusan Diding. Nahiling ko an patabang mo sa magurang mo aro-aldaw”. Iyan an sakuyang matatabang
bilang diwata kan mga pananom.” An sabi kan diwata. “Salamat po saimo” an sabi ni Diding. Dali dali siyang
uminuli sainda. “tatay kadkol po bunga an satong pananom. Iiniba ni Diding an saiyang ama.
Maogmang ginurununo an mga bunga asin pinabakal ninda ini sa saod.
Day 5
Hain Na An Kamot Ko?
Nagburukasan na an klase. Si lina sarong estudyante na pirmi ngkakawat. “Madyana Lina makakan na
kita”, an apod kan ina. “Iyo po” an simbag kaini. Nagrani si lina sa lamesa. ”Mama hungiton mo po ako”
pakiulay kaini. “Igwa ka baga nin kamot para gamiton ini sa paghungit” sabi kan ina. Ini an gigibo nya pirmi
pag oras na kan pagkakan.
Habang sya nagduduyan napapikit si Lina. “Madyana Lina makakan na kita” apod kan ina. Alagad kan
nahiling nya mayo na an duwa niyang kamot” Hain na an Kamot Ko? Dai ko makapotan an kutsara. Dai ko
makapotan an baso saka an plato”. Anong nangyayari sako?”. “Lina Magmata kana” pukaw kan ina. Hay!
Salamat pangiturogan lang palan idto. Sabi kani sa sadiri
Puon kaidto si Lina pirmi nang ginagamit an kamot sa pagkaka. Dai na siya ngpapahungit sa saiyang
ina.
Tula
Dungo
Ining sakong dungo gamit sa pagparong.
Mahamot man o mabata an napaparong.
Dapat ining iorgulyo na ika may dungo
Maski ini halangkaw man o hababa na dungo.
Kanta:
Limang Pagmate
Limang pagmate, limang pagmate igwa ako(2x)
Paghiling, pagdangog, pagkapot, pagnamit, asin pagparong, pagparong.
Dila
Gamit ko an dila sa pagnamit (2x)
Tune of Farmers in the Dwell
Igwa ako dungo Igwa ako dungo sa pagparong,
sa pagparong Sa pagparong, Igwa akong pagparong sa aro aldaw.

13. Sadit na Dila
Ini an sakong dila,
importanteng maray
Dai gamiton sa paghambog
Dapat totoo an sasabihon,
Ta an diyos nagdadangog satuya .
Pakwan, Pakwan
Pakwan, pakwan, tapayas, tapayas
Batag, batag, batag Fruit salad (2x)
Kamot sa Abaga
Kamot sa Abaga
Kamot sa tuhod
Kamot sa likod mo,
Pag ika nakiulay;
Kapotan an saimong abaga,
Ngonyan an saimong dungo
Ngonyan an saimong buhok, asin bitis.
Kamot itaas sa duros,
Sa baba saka sa gilid asin kaputan an buhok
Itaas an an kamot mas halangkaw
Ngonian iupak an kamot, saro-duwa-tulo apat.
WEEK 7
WEEK 8
Songs/Rhymes/Poems
Day 1
Ini An Paagi
Inin paagi nin pagkarigos(3x)
Ini an paagi nin pagkarigos aroldaw
(hugas kamot, sipilyo, paghinuli, etc.)
Day 2
An Harong Mi
(Bahay Kubo)
An Harong mi sadit sana, pero malinigon pati sa kusina
ang tinanom digdi ay sari-sari,
Sigkamas saka talong, sigarilyas saka mani, sitaw, bataw, patani,
Kondol, patola, upo saka kalabasa saka igwa pa labanos,
mustasa Sibulyas, kamatis, bawang, luya
Sa palibot-libot kaini, pano nin linga
Tula:
An Gatas Saka An Sugok
An gatas saka an sugok
Sakuyang pampakusog
Ta nganing sa eskwelahan ako bakong turog
Day 3
Mag ehersisyo Kita
Kita mag exercise (3x)
Kita mag exercise

14. Para makusog
Pagmata sa pagkaaga
Ipadyak an bitis ihiro an kamot
Taas sa baba
Mag lukso nin halangkay
Saro, duwa, tulo igiling an baywang paikot-ikot
KANTA:
AKO IGWANG PAYO
Ako igwang payo na sakong hinihiro
na sakong hinihiro(2x)
Salamat sa Dios. Uliton: Kamot, bitis, tuhod
Day 4
Kanta: “Ika, Ako Maglikay kita”
Ika, ako, maglikay kita
maglikay kita sa saksakan
maglikay kita sa mga posporo
maglikay kita sa mga kutsilyo
maglikay kita sa mga mainit na tubig
asin sa ano pa man na bagay na makakaraot sato
Tula: An Sakuyang Hawak
Hawak ko ini
Hawak ko ini
Iyo lang ini Iyo lang ini
Aatamanon ko ini
Aatamanon ko ini
Gigibuhon ko, gigibuhon ko.
Day 5
We Cross The Road (Tune: This Is The Way)
Ini an paagi pag mabalyo(2x) sa tinampo
Ini an paagi pag mabalyo sa tinampo
“Hiling sa wala, hiling sa tuo, mayong awto, balyo.”
Week 9
Day 1
An Prinsepeng Habong Magkarigos
Sa sarong harayong kahadian, igwa nin sarong prinsipe. Ang pangaran niya ay si Prinsipe Trikiting.
Aroaldaw, pagkakaaga, pirmi siyang sinasabihan magkarigos kan saiyang ina na reyna saka hadi. Pero pirming
simbag niya “ Habo ko po-o-o!”
Sarong aldaw nagpasyar sa hardin an Prinsipeng na habo magkarigos. Biglang naglupad parayo an
mga alibangbang, paruparo asin bubuyog. An mga rosas biglang nagduruko pati an mga gumamela saka santan.
“Mabataon!” sabi ninda.
Maski sinabihan siya na mabataon, dae pa nanggad siya nagkarigos. Dai na lang siya nagduduman sa
hardin para dai na siya masasabihan na mabata.
Dai naghaloy, nakamati si Prinsipe Tsikiting na naggagaratol nag hawak niya. Dai na siya makaturog.
Kagaw sana siyang kagaw sa payo asin sa hawak niya.
Pirang aldaw pa an nakalipas dae pa giraray siya nagkarigos, pagkakabanggi sa saiyang kwarto, may
mga ipis , kino asin langaw. “Mabataon an prinsipe, iyan an gusto ta, mababata na aki.” sabi ninda. “Habo ko
saindo, maaati kamo.”

15. Puon kaidto nagkakarigos na aroaldaw si Prinsipe Tsikiting. Kapag nagduduman siya sa hardin, dai na
naglulupas an mag alibangbang, paroparo saka bubuyog. Dai naman nag duduko an mga burak ta mahamot na
siya.
Day 2
Si Owel an Aking Paslo
Si Owel ay sarong aking makasadiri, gabos na kakanon na mahiling niya pigkakakan niya dawa bako
na ini para saiya. Sarong aldaw, nag abot an saiyang ina na dakul darang kakanon. Maogmahon si Owel ta dakul
siyang pwedeng kakanon. Pigsabihan siya kan saiyang ina na luway-luway sana an pagkakan niya “ Owel ,
imbes na mag para kakan ka nin tsokolate an kakanon mo aranghita para dae ka tulos magkahilang saka para
mabasog ka tulos.” pero matagas an payo ni Owel nagnamit lang siya nin sarong kabaak kan aranghita asin
kinakan an sarong laba kan tsokolate. Kan banggi idto, namati ni Owel na makulugon an tulak niya, nag ubra
suka siya asin padagos an pagkulog kan tulak niya dawa habo ni Owel, mayo siyang naginibo kan darahon siya
kan mga magurang niya sa parabulong ta naluluya na siya. An sabi sainda dai na daa kinaya kan tulak ni Owel
an sobrang dakul na pagkakan asin sinabihan siyang mag-adal magkakan nin tama sana. Dahil sa namati na
kulog ni Owen, ipinangako niya sa sadiri niya na dae na siya makakan nin bakong masustansiya .
Day 3
Si Tisoy Tabasoy!
Si Tisoy aki ni Aling Fe asin Mang Kaloy. Ang gibo ni Tisoy sa harong pagmata nagkakakan tulos siya
nin kadakul na maluto. Maski haranihon an eskwelahan nagsasakay pa si Tisoy sa padyak aroaldaw. Pag-abot sa
eskwelahan sige sana siyang kakan nin tsokolate, ice candy, softdrinks. Dai nagpupundo an saiyang nguso na
magkakan. Oras-oras an saiyang kakan. Siya sana an pinakamataba sa klase.
“Tisoy, magluway-luway ka lang sa pagkakan ta hilinga an hawak mo, matabaon ka na.”sabi kan
saiyang maestra. “Madya ta mag iba ka samuya ta maexercise kita.” Dai nagdangog si Tisoy sa maestra.
Sarong aldaw, kan malaog na siya sa saiyang klasrum, biglang nagtarangkasan an saiyang butones sa
bado asin sa short. Nagngirisi an saiyang kaklase asin nasupog si Tisoy.
Nagpuli siya sa harong asin isinabi sa saiyang ina an nangyari. Pigsabihan siya kan ina niya kun ano
gigibuhon niya.
An ginibo ni Tisoy, nag-exercise siya aroaldaw dae na siya nagsasakay sa padyak pag nagpapa
eskwelahan. Dae na siya nagkakakan nin kadakul. Naglihis an pirang bulan asin si Tisoy malusog na ang hawak
bako na siyang tabasoy.
Day 4
Si Kikay Pasaway
Igwang sarong aki, an ngaran Kikay. An aki na ini, pirmi na sanang nadidisgrasya, pirming marikas an
saiyang hiro na garo pirming pighahapag.
Sa saindang harong pirmi siyang nakakapasa nin plato, baso asin iba pang mga gamit na mapapasaon
kaya pirmi man siyang inaanggutan kan saiyang ina. “Anu na naman yan Kikay! Maubos na an satuyang gamit,
baka ma lugadan si Bunso. ” Pero dae man lang nagdangog si Kikay, asin nag luwas na nin harong.
Sarong aldaw, nag hali an saiyang ina “maduman sa saud muna ako Kikay, bahala ka na digdi sa
harong, si Bunso dai pagpabayaan.” Naghugas na nin plato si Kikay. May napasa na naman siya. “Atyan ko na
lang yan pupuruton pagkatapos ko na maghugas.”an sabi niya sa sadiri asin nag padagos siya maghugas.
Dai niya namalisyahan na an kamang si Bunso pasiring sa bitisan niya. “Whaaaa!” an kurahaw ni
Bunso na naghihibi. “Pag salingoy ni Kikay, nagdudugo an kamot ni Bunso.
Dali-daling kinua kan saiyang ina si Bunso asin nagsabi, “Sabi na saimong mag luhay sa paghugas
hilinga an nagyari ki Bunso” Dai nakataram si Kikay asin nag parahibi ini.
“Sorry po mama, maluhay-luhay na po ako sa paghugas nin plato asin madangog na po ako saimo
pirmi.”Ahhhhh!

16. Day 5
Si Pepeng Naputukan
Madali na an bagong taon asin siribot naman ang mga tao mag bakal kan ihahanda sa inot na taon. Si
Pakman, ama ni Peping. Taon taon dai nagbabakal si Pakman nin papaputok ta delikado ini. “Peping, an tugon
ko saimo dai ka magbakal paputok ta delikado ini.” Naaara si Peping ta an kataid nindang harong sige paputok,
makukusog pati maski dai pa nagbabagong taon.
Bako magbagong taon, inagda siya kan siyang mga kakawat. “Peping madya ta mabakal kita 5 star,
madali na an bagong taon” naogma si Peping asin nag iba sa mga kakawat.
Kan pag-alas 12 nagpapurutokan na. Si Peping nagkua naman posporo asin sinuluan si 5 star.
“Ahhhhhhhhhh!” biglang nag putok si 5 star sa kamot niya. Dali-dali siyang dinara sa ospital kan saiyang ama.
Pagkamata niya, nahiling niya ang saiyang kamot. Nahiling niya ang saiyang muro tulo na sana.
“Yan an nagyayari sa aki na dai nagdadangog. Pagnagpaputok ka pa sa otro taon, iyan muro mo pag
nabawasan saro duwa na lang matatada. Pagnabawas man duwa matatada sarong moro o kaya pwedeng
maubos an saimong muro.
“Dai na po ako maotro Tay” Dai na nag papaputok si Peping maski noarin.
WEEK 9
Day 1
Si Pat Pat Payatot
ni: Joselyn S. Paynu
Si Patpat sarong aking dae nagtataba kaya patpat an apod saiya. Pagbanggi, dae sya nag-aamay
magturog pirmi syang namamatangaan sa pag dalan nin TV, dae sya nagkakakan gulay saka mapili sa kakanon.
Madunong na aki si patpat. Bihira s‟ya magkarigos, pirming nagkakawat ati kaya an ulod sa saiyang tulak
nagdadakula. Pirming pigtutuyaw nin mga tawo an itsura ni patpat, an sabi nin iba, bansot huli ta maski dakula
na siya, an lawas nya dae nagbabago.Minsan nagparakulog an tulak ni Patpat, nagparakurahaw siyang hibi sa
labi –labing kulog.
Pigpahiling sa doktor si Pat, an sabi kan doktor magkakan nin masustansyang pagkakan arog kan
gulay, prutas , asin magturog nin amay ta an nagdadakula saiya an bulate sa saiyang tulak. Pag-abot sa harong
pigpainom nin pampurga kan saiyang ina. Kinaaghan nakamate siyang magduman sa sa CR sa nahiling niya an
mga ulod na nagluwas hale saiya. Magpoon kaidto nagtubod na siya sa saiyang magurang na dae
magparakakan nin puros karne asin dapat may gulay asin prutas, asin mag-inom nin gatas.
ISTORYA
Day 2
Si Nonong Sadit
ni: Hernanie F. Valenzuela
Si Nonong sadit na aki pero malinig linigan hawak. Kan siya nag edad nin sarong taon hanggang
limang taon, nahilingan siya nin mandata sa saiyang salud o hawak. Dai siya nakakalakaw nin marhay, nag-
iidos minsan, maluya kumakan nin gulay, an gusto niya kakanon asin maluto lang. Sa sobrang luya kan hawak
niya dai siya nakakakawat asin nakakaluwas sa harong.
An ginibo kan magurang ni Nonong, pinabakasyon siya sa saiyang tiyoon, na kon sain sagana asin
priming gulay igwa duman. Primerong aldaw sa pagkakan niya duman, sabi niya “Tiyo an gusto ko pong panira
asin”. “Pondo ka daw kan hinahagad mong panira, kumakan kang gulay para magkusog ka asin mag dakula.
”Habo ko po! Dai po ako nagkakan nin gulay. Tistingon mong kumakan ta pagnanamitan mo ini, masusunuan
mo na, an kumakan nin gulay maaaraman mo na lang na ang lawas mo nagdadakula.
Pinirit ni Nonong namagkakan hanggang sa haloy na panahon na pagbakasyon ninda sa bukid narisa
niya na nakakalakaw na siya nin tultol, dai na siya nag-iidos. Pagpuli sa harong ninda ngalason an magurang
niya, dai siya nabisto sabi kan ina “ ika na kayan Nonon? “Ano ta dakulaon ka na? nagkakan na po kaya akong
gulay ta sabi po ni tiyo , madakula na po ako pag nagkakan akong gulay, tama po siya , nakakalakaw na po ako
nin tultol asin nakakadalagan saka nakakawat na po ako maogmang sabi ni Nonong. “Yehey! bako na akong
sadit dakula na ako, makakasali na ako sa karawat asin makakatabang na ako kina mama asin papa salamat
talaga ki tiyo saka syempre sa gulay.

17. Day 3
Nagsisipilyo na si Sally
May mayaman na pamilya na may solong aki. Si Sally ini padangaton kan ina asin ama. Gabos na
hinahagad ka ini tinatao. Pagpuli kan ina hali sa opisina igwa ini pasalubong. “Sally igwa ako pasalubong
saimo”. sabi kan ina. “Yehey! Tsolakolate an sakong paborito. “Maogma si Sally sa dara kanina. “Pakatapos mo
mgkakan magsipilyo ka” an sabi kan ina.” Iyo po”. simbag kaini.
Naglakaw si Sally pasiring sa lababo alagad dai man ini nagsipilyo. Tapos kana magsipilyo? Hapot ka
ini saiya. “Iyo na po, tapos na ako magsipilyo” an simbag sa ina maski dai nya man ginibo. Inutro niya naman an
saiyang paghambog. Sinabihan siya magsipilyo alagad dai nya ginibo. Sarong Bangui, nag abot an ama na may
darang kadakol dolse. Sally igwa ako ni dara saimo.” Wow! Mga dolse manlain-lain na kolor, asin manlain-lain
na korte.” An sabi kaini. Salamat po papa sa dara mo sako”.
Pagkatapos niyang mgkakan sinabihan siyang magsipilyo bago magturog. Alagad kinapotan nya lang
ang sipilyo, dai nya man ini ginibo. Naanggot an sipilyo saiya. “Dai ko suno an gibo ni Sally”. Pirmi sya
naghahambog asin dai sya nagsisipilyo”. An sabi ni sipilyo dapat kaini tawan nin leksyon. Pagkatapos
magkakan nin pangudtohan pinagirumdom kan ina si Sally magsipiyo. Kinua nya an sipilyo alagad dai man sya
nagsipilyo. Naghiling sya sa salming. “Ha! Mayo na akong ngipon”. Kurahaw kaini. Mayo na akong ngipon!
Napasain an sakong mga ngipon?” Duminagan si Sally pasiring sa Ina. Mama mayo na po akong ngipon” an
hibi ni Sally habang nagsasabi sa ina. Anong sinasabi mo Sally? Yaon baga an saimong mga ngipon, dai man ini
nawara.” Paghiling ko po kaya sa salming mayo na ini.” An sabi ni Sally. Puon kaidto pirmi nang nagsisipilyo si
Sally.
Mahigos na si Mario
Sinurat ni :Ma. Ardeliza B. Bacurin
Si Mario an hugakon na aki. Pirmi lang ini nagkakawat. “Mario maglinig kan harong maduman lang
ako sa saod”an sabi kan ina. “Iyo po” simbag kaini habang nagkakawat. Nagparakawat ini hanggang sa pag-
abot kan ina niya grabe man giraray an ati sa laog kan harong. “Anong pigparagibo mo”? Hapot kan ina.
“Naparakawat po ako”an simbag nya. “Magduman kana sa kusina asin maghugas na kan saimong kamot”. An
sabi kan ina. “
Pagkatapos mo pagkakan magduman ka ki papa mo, tabangan mo siya sa pag punpon nin mga sungo”.
“Iyo po “an simbag ni Mario. Nagduman si Mario sa ama, alagad nahiling nya an saiyang mga kakawat. “Mario
madyana ta mapalupad kita nin burado”l. Alok kan mga ini saiya. Nagkawat si Mario. Nagpalupad sinda nin
buradol. Dai napansin ni Mario an oras hanggang siya sinusog na kan ina. “Ano kana Mario mayo ka nang
ginigibo kundi an magparakawat lang”. Sarong aldaw, nagkamakulog an saiyang ama. Dai ini makabuhat asin
makatrabaho. “Pano daw ini, mayo ako pambakal nin bulong ni Tatay mo”. An sabi kaini ki Mario. Dali-daling
ngluwas si Mario nin harong. Inalok niya an saiyang mga kakawat na maghanap nin mga bote. “Madya kamo
mahanap kita nin bote asin ipabakal ta”. Maghapon naghanap nin mga bote si Mario asin ipinabakal niya ini.
Idinuhol ni Mario an kwarta sa ina. “Nanay uya po pambakal mo nin bulong para ki Tatay”. “Sain mo ini
kinua”? Hapot kaini. “Nagpabakal po ako nin mga bote”. “Salamat saimo Mario ta makakabakal na akong
bulong ni Tatay mo”. Dahil sa nangyari naging mahigos na aki si Mario.
Day 5
ATI! ATI! ATI!
ni: Dan Joash R. Pielago
Kinaagahan, si Kong sige an kapot sa kaalpugan nin tinampo kaibanan kan saiyang kabarkada.
“Kong! Kong! Kong! Magpuli ka na, ta makakan na kita”, apod kan ina. Tulos na pumuli si Kong, saka
nagkakan na dae naghugas nin kamot.
Iyo iyan an gawi ni Kong sa bilog na aldaw. Mahigos magkawat alagad hugakon maglinig nin hawak.
Pagkabanggi, nakaturog siya nin amay sa kapagalan pagparakawat. Kaya dai na naman siya nakalinig kan
hawak niya. Pagkamata niya nagparakawat na naman siya. Nagparadalagan siya hanggan sa namangnuhan niya
na yaon siya sa sarong lugar na grabeng ati. Kadakul ulod, langaw, basura, kino, maitom na asu asin mga
namok. Mayo siyang mahiling na kalinigan asin kagayunan sa lugar. Nagparadalagan pa siya pabalik pero dai
man siya nakakahali sa lugar na idto, hanggan sa matumba siya asin napahigda, kuminurahaw na lang siya
nin… Ati! Ati! Ati!
“Kong! Kong! Kong! Mata na!” pukaw kan saiyang ina. “Tano ta nagpaparahibi ka?” nahahadit na
hapot kan saiyang ina. Kinugos na lang ni Kong an ina asin nagpasalamat. Tulos na siya tuminindog saka

18. naglinig kan saiyang sadiri: nagkarigos, nagsipilyo, nagbulos nin malinig na bado saka naghugas nin kamot bago
nagkakan.
Magpoon kaidto padagos na an paglinig niya sa saiyang hawak sagkod sa saiyang kapalibutan.
Mga Kahaputan:
1. Siisay saindo an naghuhugas nin kamot bago magkakan?
2. Aramon ta kun an bida sa istorya ay naghuhugas nin kamot bago magkakan?
3. Ano an pirming piggigibo ni Kong?
4. Tama daw an gibo-gibo nin Kong?
5. Siisay saindo an kaparehas nin gibo-gibo ki Kong?
6. Siisay an tauhan sa istorya?
7. Ano an nangyari kay Kong kan dai siya naghugas nin kamot?
8. Tano ta napakurahaw si Kong?
9. Ano an adal na nakua ta manungod sa istorya?
Kanta:
Bitis, tuhod, abaga, payo 4x
Sadit na Takuri
Ako sadit na takuri
Halipot asin mataba
Ini an sakuyang kapotan asin an sakuyang nguso.
Pag ako nagkakalakaga ako nagkukurahaw
Kuanon ako asin ipalos.
Kaya ko Nang Magsolo
Saro, duwa, tulo
Dagdag sa edad ko
Mga gibuhon ko nakakaya ko nang solo
Magsipilyo nin ngipon
Magbulos pan eskwela
Magsaray nin plato
Katabang kan ina ko
Sa Sakong Pagdakula
Habang nagdadakula
Dakol an nagigibo
Aki na mahigos
Padangat nin gabos
Nagkakakan tama
Madaling magdakula
Kaya bakong hugakon
Ta an lawas marahayon
Malinig na aki
Habo nin maati Paglinig an iniinot
Para pirming mahamot
Arog Kaini An..
Arog kaini an paghugas nin kamot,
paghugas nin kamot.
Arog kaini an paghugas nin kamot
sa aro- aldaw.
“Ngipon na Gilo-Gilo”
Si Jen nawaran nin saro,
Asin si Lan, nawaran nin duwa,
Kaya an pag siwit nin makusog
Maogmahon na gibuhon.
Si Bo nawaran ni tulo,
Asin si Lupe nin apat
Kaya tinatago niya ini sa sulong-sulong
Si Tim nawaran nin lima
Asin si Maya anom,
Kaya kan an kamera nag klik
nguso itinikrom nya .

19. Pero sako... mayo
aaayyy, halat!
may naggagalo-galo na saro...
WEEK 10
DAY 1
“Si Bino na Dai Naghihiro”
Maliwanag na sa may bintana ni Bino pero mayo pa sa boot niya an magbuhat. Habo niyang maghiro.
Habo niyang maglaog sa klase.
Dai nakatios an saiyang ina, pigbuhat siya sa higdaan, pighungit siya sa pagkakan, pigsabon siya sa
pagkarigos asin tigbulusan. Si Bino an aki na hugakon maghiro. Pag-abot sa klase, mayo siyang ibang ginibo
kundi magtukaw. Dai siya nagtataong partisipasyon sa klase. Pigsabi ini kan maestra sa siyang ina. Hanggang
nag-abot sap unto na nanggot an saiyang ina, “dai kana kuta nagkaigwa nin hawak kun dai ka man lang
mahiro.” Nagkulong si Bino sa kwarto, namati niya an padikit-dikit nagsusuruwayan an saiyang kamot, bitis,
talinga, mata, asin nguso. Gusto niyang magkurahaw pero mayong nagluluwas na boses. May nadangog siyang
boses, pagmuklat kan mata niya, nahiling niya si Mama niya asin deretso niyang kinugos. “Poon ngunyan ako
na an mahiro sa sadiri ko.
Day 2
Si Lala asin si Lily”
Si Lala asin si Lily an magtugang na kambal. Dawa sinda magkambal, magkaiba an saindang ugali. Si
Lala an mas matua ki Lily. Sa laog kan saindang harong, siya an sigeng hiro asin nagtatabang na maghugas,
maglinig, maglaba asin magpakaray nin mga gamit. Kaya naoogma ki Lala an saiyang ina. Pero si Lily, mayo
siyang ibang ginigibo sa laog kan harong kundi magdalan TV asin magkawat. Dawa guranong sabi ni Lala ki
Lily dai siya nagdadangog. Sarong aldaw, naghali si Lala asin si Mama niya, pirang aldaw sindang mayo. Si
Lily an natada sa harong. Namatian niya kun pano an maghugas, maglinig, magluto asin maglaba, pero dai siya
tatao kaya namatian niya an dipisil palan. Duman niya napag isip-isip na matabang na siya sa gibuhon sa
harong tanganing makanood siya. Poon kaidto pirmi na siya katabang ni Lala sa paglinig sa harong, paglaba,
paghugas asin mga iba pang gibuhon.
Day 3
“An Masinunod-sunod”
Sa laog kan klase, si Pedro an madaling nakakakua kan leksyon kan saindang maestro. Saro siya sa mga
inaasahan sa laog kan klase. Kataid niya sa tukawan si Juan. Siya an pirming huri sa klase, pirmi siyang
nawawalat sa mga gibuhon asin pirmi man naaangotan kan maestro. Kaya nahapot ni Juan sa sadiri niya kun
tano arog kaiyan an nangyayari saiya. Hinapot niya si Pedro kun ano an marhay na gibuhon. An sabi ni Pedro
saiya,”magsunod ka lang sa sinasabi kan satuyang maestro ta nganing maging marhay an gibo mo.” Tigsunod ni
Juan an sinabi ni Pedro, asin poon kaidto naparahay na si Juan.
Day 4
“Naghihiro an mga Parte kan Hawak ko”
Sa may bulkan kan Isarog, igwa nin sarong aki na an pangaran Domeng. Saro siyang mahigos na aki.
Amay siyang nagmamata pag mayo nin klase ta nganing makaiba ki Papa niya asin makatabang sa saindang
gulayan.
Sarong aldaw, habang nagtatanom siya kaiba an saiyang ina, ama asin duwang tugang. Naisip niya kun
tano nahihiro an saiyang mga kamot pagmatanom, iyo man an saiyang mga bitis sa paglakdang? Tano
nagkikimat an saiyang mga mata? Tano nagbubuka an saiyang nguso pagmataram asin pagmakakan? iyo man
an saiyang dungo pag mahangos? “Tano kaya arog kaini?” Hapot niya sa sadiri. Paduman siyang nagdalagan
ki Mama niya ta nganing ihapot ini. “Mama, tano po ta ngahihiro an hawak ko? Tano po arog kaini? “Kaya arog
kaiyan an saimong hawak huli ta buhay ika, ginagamit mo sa paghiro asin pagtrabaho. Gabos na hawak ta
koronektado. Mapundo lang iyan sa paghiro pag mayo na kita nin buhay.” “Arog po palan kaiyan, ngunyan po
aram ko na.”

20. Day 5
“Mga Prutas asin Gulay”
Si Gina an aki na dai nagkakakan prutas asin gulay. Pirmi lang sitseriya. Sarong aldaw, biglang
nagruluya an saiyang hawak sa dai maipaliwanag na kamatian. Dai niya maihiro an saiyang hawak, naglalabo
an saiyang paghiling asin nagluluya an pagdangog. Kan makakan na nin pangudtohan,nagluto si Mama niya
nin Marigoso,pritos na talong asin kalabasa. Pero dai siya nagkakan huli ta habo niya. Pirang beses siyang
tigpirit magkakan ni Mama niya ta nganing magkusog siya, maski prutas habo niya. Lalong nagruluya an
saiyang hawak, pagdangog asin paghiling.
Kinabanggihan, napag-isip-isip niya na mayong maraot kun mahungit siya dawa kadikit. Nagkakan
siya nin gulay, padikit-dikit niyang pignamitan hanggang sa masunoan niya. Pagkatapos magkakan, batag asin
mangga naman an saiyang ninamitan. Pakainagahan, nagbalik na sa dati an saiyang kusog, nakakadalagan na
siya asin lukso, nakakahiling na siya nin malinaw asin nakakadangog. Poon kaidto, pirmi na siya nagkakakan
prutas asin gulay.