2013 05-08 pnc convenio grandes almacéns e liberalización dos horarios comerciais 090007606
1. Á MESA DO PARLAMENTO GALEGO
O Grupo Parlamentar de Alternativa Galega de Esquerda (EU-ANOVA), por medio da
súa deputada Yolanda Díaz Pérez e do seu deputado Antón Sánchez García, e ao
abeiro do recollido no artigo 160 do Regulamento da Cámara, presenta a seguinte
PROPOSICIÓN NON DE LEI para o seu debate en Comisión, relativa á liberalización dos
horarios comerciais e o gravoso e antisocial convenio colectivo de grandes almacéns.
EXPOSICIÓN DE MOTIVOS
A recente sinatura do convenio colectivo de grandes almacéns marca un grave
retroceso nas condicións laborais, económicas e sociais das traballadoras e
traballadores do sector, e de xeito indirecto para o resto dos sectores do comercio
(alimentación, téxtil e vario), dada a condición de marco regulamentador de referencia,
que vén marcando uns mínimos en todos os convenios colectivos sexan estatais,
nacionais, de provincia ou empresa. O convenio asinouse entre os sindicatos amarelos
Fasga e Fetico coa patronal dos grandes almacéns e conxuga dúas agresións centrais :
o recorte de dereitos e o avance na liberalización dos horarios.
Incluso o Ministerio de Traballo tivo que elaborar un informe crítico para corrixir
cuestións inaceptables que presentaba o convenio. Logo dos cambios introducidos a
raíz do informe non se conculca a lei, pero resta un documento extraordinariamente
lesivo para os intereses das traballadoras e traballadores. Os seus contidos son tan
negativos que levan ao Grupo Parlamentar da Alternativa Galega da Esquerda (EU-
ANOVA) a presentar esta iniciativa para defender os intereses das traballadoras e
traballadores e denunciar a voadura dos dereitos gañados con moitos anos de loita e
sacrificios; dereitos que se perden ao abeiro dun marco legal restritivo dos dereitos e
liberdades da clase traballadora, cunha regulamentación laboral tiránica en favor do
capital, logo das sucesivas contrarreformas laborais de 2010 e 2012, efectuadas polo
PSOE e o PP.
Digitally signed by Rexistro
Entrada
Date: 2013.05.08 12:41:33 +02:00
Reason: 7606
Location: Parlamento de Galicia
Signature Not Verified
2. Entre os retrocesos consignados no convenio se atopan a conxelación salarial que non
é tal, porque na realidade se perde poder adquisitivo pola suba da inflación; a obriga
de traballar os domingos e de balde, coa retirada de certas compensacións pactadas de
antano; o pase de calendarios anuais a trimestrais; a minoración das compensacións
horarias pola realización de horas extraordinarias; o aumento de 28 horas anuais de
traballo sen incremento salarial (ou como retrotraernos ás fórmulas da extracción da
plusvalía absoluta); a perda do dereito a dispor das vacacións de 21 días seguidos do
verán; ou a disposición dun 10% da xornada ( ate 179 horas ao ano) de xeito arbitrario
pola empresa e que veñen a engadirse en xornadas como: o verán, as festas do nadal
ou pontes, ademais dos domingos, e que son as datas de maior calidade en canto á
conciliación se refire; se asina a arbitrariedade da conxelación ou rebaixa do salario un
5% nos centros onde descendan as vendas; ou o salario dos contratos formativos cae
por baixo do salario mínimo, ao computarse só o tempo efectivamente traballado, co
que pode chegarse a cobrarse 450 euros mes.
Todo este catálogo de agresións se patrocina por un sector do gran empresariado cuxas
empresas declaran grandes beneficios. Esa é a saída da crise neoliberal, máis horas de
traballo en peores condicións e con menos dereitos, e toda a profesionalidade e
traballo das traballadoras e traballadores no peto dos grandes empresarios; eses que
coa complicidade obediente dos gobernos do PP no Estado e no noso país impulsan
esa política que destrúe emprego, que pecha o pequeno comercio, que desartella os
nosos barrios e todo para engordar a caverna dos grandes almacéns, a de a
liberalización dos horarios comerciais. Lembrar que este Grupo Parlamentar presentou
unha emenda á totalidade ao proxecto lexislativo de contrarreforma da lei 13/2006 de
horarios comerciais.
Toda a riqueza e diversidade que achega o pequeno comercio resta sacrificado diante
dos intereses das grandes empresas do sector, que na actualidade xa dispoñen dunha
enorme e excesiva liberdade horaria: 78 horas de apertura comercial en 6 días da
semana entre as 09:00 e as 22:00 horas, así como os 10 domingos anuais e as vendas
ao traverso da rede. Lonxe de axudar socialmente a nada, o sofisma da liberalización
dos horarios non crea novo emprego, senón que carga sobre o persoal xa existente
xornadas imposibles e fai inane toda a retórica gubernamental sobre conciliación
familiar. Tamén estase a impoñer un modelo de sociedade, baseado no consumo en
beneficio duns poucos, en lugar de poñer en valor o tempo de lecer de calidade e non
só consumista.
Este Grupo Parlamentar, xa que logo, achega a seguinte Proposición non de lei para o
seu debate na Comisión:
- O Parlamento Galego insta á Xunta de Galicia para que non acceda ás demandas
das grandes empresas do sector en favor da liberalización dos horarios
comerciais e denegue calquera medida nese sentido.
3. - O Parlamento Galego insta á Xunta a que non declare a Santiago de
Compostela, zona de máxima afluencia turística, coartada que se quere
empregar para liberalizar aínda máis os horarios comerciais.
- O Parlamento Galego insta a Xunta de Galicia a expresar o seu apoio político ás
traballadoras e traballadores dos grandes almacéns en Galicia e a reprobar o
convenio colectivo asinado o 30 de xaneiro de 2013 e que se publicou no BOE
de 22 de abril.
Compostela, 8 de maio de 2013.
Asdo. Yolanda Díaz Pérez
Asdo. Antón Sánchez García
Asinado dixitalmente por:
Antón Sánchez García na data 08/05/2013 11:57:13
Yolanda Díaz Pérez na data 08/05/2013 11:57:16