1. OFICINA PARLAMENTAR
Parlamento de Galiza
Rúa do Hórreo, s/n. Tel. 0034 981 551 545
Fax. 0034 981 551 420. Fax prensa: 0034 981 551 421
gp-bng@parlamentodegalicia.es
15702 Santiago de Compostela
Galiza
Á Mesa do Parlamento
O Grupo Parlamentar do Bloque Nacionalista Galego (BNG) ao
abeiro do disposto no Regulamento da Cámara, por iniciativa da deputada
Montserrat Prado Cores e a través do seu portavoz Francisco Jorquera
Caselas, apresenta a seguinte emenda á totalidade de devolución ao proxecto
de lei de modificación da Lei 13/2006, do 27 de decembro, de horarios
comerciais de Galicia. Doc.2625, polos seguintes motivos.
O proxecto de lei de reforma da normativa galega sobre horarios
comerciais supón unha nova sumisión aos ditados do Goberno central, neste caso
no seu sentido literal, posto que o Goberno galego asume sen matices unha
decisión imposta desde o Goberno central ao sector, sen negociación nin
consultas previas.
Con este proxecto de lei estase a trasladar na súa integridade o criterio do
Goberno central de ampliar os horarios de apertura semanal e dominicial do
comercio galego, á súa vez imposto por organismos internacionais, como se
recoñece na propia exposición de motivos, cuxo papel na xestión da crise cada
vez está máis cuestionado ante o fracaso das medidas e reformas que inspiran a
política económica que se está a levar a termo.
Alén da renuncia a defender as competencias galegas na materia, así como
do que significa de dimisión á hora de respaldar e facer valer os intereses do
sector comercial maioritario en Galiza, a aprobación deste Proxecto de Lei
implica unha fonda incoherencia, que se expresa na súa exposición de motivos.
Así, por unha banda, faise unha referencia ao peculiar modelo comercial galego,

2. OFICINA PARLAMENTAR
Parlamento de Galiza
Rúa do Hórreo, s/n. Tel. 0034 981 551 545
Fax. 0034 981 551 420. Fax prensa: 0034 981 551 421
gp-bng@parlamentodegalicia.es
15702 Santiago de Compostela
Galiza
perfilado de acordo ao asentamento territorial, mais, por outra parte, como
solución adóptase importar unha regulación normativa homoxénea para todo o
Estado. Ao tempo, tamén se incide en que o réxime de horarios comerciais é
chave para a preservación de dito modelo de comercio galego, pero non hai
problema para derrogalo pola vía da asimilación dunha regulación común estatal.
A actividade comercial desenvólvese en Galiza de xeito maioritario a
través do comercio tradicional, conformado por pequenas empresas e
emprendedores que exerceron e exercen un papel social e económico
transcendental, que ademais nun contexto de aguda crise como a actual
contribúen á xeración de emprego estábel e a ter un impacto positivo na
economía local, unha función na que destaca fronte aos formatos das grandes
superficies comerciais.
A pesar desa realidade, e de que Galiza tamén conta con competencias
exclusivas en materia de comercio, o Goberno galego amósase cómplice coa
decisión de ampliar e liberalizar aínda máis os horarios comerciais, é partidario
de aplicar en Galiza unha medida que agudizará máis aínda a crise do noso
comercio tradicional.
A solución debe ir en sentido oposto ao trazado polo Goberno central e
secundado polo Goberno galego, xa que partindo da especificidade do modelo
comercial galego non se pode confluír cara medidas homoxéneas, senón que se
ha de apostar por implementar medidas destinadas a robustecer o comercio
tradicional e de proximidade, por fixar horarios que faciliten a conciliación

3. OFICINA PARLAMENTAR
Parlamento de Galiza
Rúa do Hórreo, s/n. Tel. 0034 981 551 545
Fax. 0034 981 551 420. Fax prensa: 0034 981 551 421
gp-bng@parlamentodegalicia.es
15702 Santiago de Compostela
Galiza
familiar e laboral e por regular condicións de exercicio da actividade comercial
que garantan un equilibrio na oferta comercial.
Tamén con este proxecto de Lei o Goberno impón unha norma que vai
derrogar un modelo consensuado co sector. O resultado da exposición pública é
claro a este respecto pois, como se recoñece, a maioría das alegacións formuladas
(tamén no seu caso formuladas maioritariamente por entidades asociativas
representativas do sector) propuxeron o mantemento do réxime actual de horarios
comerciais, ao que este Goberno responde simplemente en base á seguridade
xurídica. Mais o que precisa realmente o comercio galego non é unha cuestión
formal, senón máis material como é a “seguridade económica”, isto é, un marco
para exercer a súa actividade estábel que lles proporcione protección fronte ás
agresivas prácticas das grandes cadeas comerciais, que agora se van a ver máis
favorecidas en Galiza cun réxime horario máis flexíbel.
No eido comercial, como en outros, Galiza ten unha dinámica económica
propia, co que está xustificado manter unha regulación propia, consonte os nosos
propios intereses. Mesmo nun contexto de crise como o actual, onde se está a
demostrar que as consecuencias máis negativas veñen da man de medidas
inspiradas e dirixidas por institucións e organismos cada vez máis afastados
dunha concreta realidade económica e social, é máis necesario defender unha
capacidade de decisión propia no canto dunha continua asimilación de diagnoses
e solucións erróneas. Este proxecto de Lei recoñece a súa inspiración nas receitas
do FMI, asumidas acriticamente polo Goberno central, ideadas non para
favorecer a protección do operadores comerciais das economías nacionais máis
vulnerábeis, como o caso de Galiza, senón para impor un modelo económico e

4. OFICINA PARLAMENTAR
Parlamento de Galiza
Rúa do Hórreo, s/n. Tel. 0034 981 551 545
Fax. 0034 981 551 420. Fax prensa: 0034 981 551 421
gp-bng@parlamentodegalicia.es
15702 Santiago de Compostela
Galiza
comercial transnacionalizado que provocará graves desequilibrios, engadidos aos
da crise actual, nestas economías. A súa aprobación suporá, adaptar un deseño
económico para o pequeno e mediano comercio galego ideado por quen en
realidade está ideando e influíndo para favorecer a posición e dominio da grande
distribución comercial. Significará en suma, facerlle o traballo a intereses alleos
aos da maioría do sector comercial do país, que ademais das eivas económicas
que conleva, implicará unha maior degradación do territorio ao acelerar a
destrución do tecido comercial en moitas vilas e cidades de Galiza asentadas nas
tramas urbanas tradicionais, que eran un elemento fundamental para o manter o
dinamismo e vitalidade dos centros das nosas vilas e cidades.
Por todo, iso o grupo parlamentar do BNG presenta esta emenda de
totalidade ao Proxecto de Lei de modificación da Lei 13/2006, do 27 de
decembro, de horarios comerciais de Galiza, solicitando a súa devolución ao
Goberno.
Santiago de Compostela, 11 de Febreiro de 2013
Asdo. Montserrat Prado Cores
Deputada do G.P. do BNG
Francisco Jorquera Caselas
Portavoz do G.P. do BNG

5. OFICINA PARLAMENTAR
Parlamento de Galiza
Rúa do Hórreo, s/n. Tel. 0034 981 551 545
Fax. 0034 981 551 420. Fax prensa: 0034 981 551 421
gp-bng@parlamentodegalicia.es
15702 Santiago de Compostela
Galiza
Asinado dixitalmente por:
María Montserrat Prado Cores na data 11/02/2013 18:24:28
Francisco Xesús Jorquera Caselas na data 11/02/2013 18:24:34