1. Os servizos xurídicos de UGT levaron este caso
ante a Xustiza
A Xustiza impide á Sociedade anónima de
xestión do Plan Xacobeo o desconto
salarial do 5 por cento que estaba
aplicando aos seus traballadores
O Xulgado do social número 2 de Santiago considera que
para levar a cabo calquera tipo de modificación salarial nesta
Sociedade, que cualifica como mercantil, hai que acudir á
negociación colectiva
Santiago, 10 de febreiro de 2011.- O Xulgado do Social número 2 de Santiago
ven de emitir unha sentenza na que “se declara o dereito dos traballadores da
Sociedade anónima de xestión do Plan Xacobeo a ser repostos nas condicións
salariais anteriores á redución operada”. Hai que lembrar que esta Sociedade
decidiu, do mesmo xeito que se fixo cos empregados públicos, aplicar unha
redución dun 5 por cento na masa salarial, segundo apuntaban dende a
dirección, “de acordo coa disposición adicional sexta da Lei pola que se
modifica a Lei 9/2009, do 23 de decembro, e orzamentos xerais da
Comunidade autónoma de Galicia para o ano 2010”.
Este anuncio se lle fixo aos representantes dos traballadores o pasado 23 de xullo.
Dende a Federación galega de Servizos Públicos (FSP-UGT) manifestouse que non
se estaba de acordo con tal medida e que o Sindicato se reservaba os dereitos
legais oportunos de recorrer esta baixada.
Como así fixeron os servizos xurídicos de UGT alegando en todo momento que a
redución salarial pretendida non é de aplicación ás sociedades mercantís do sector
público, salvo que a través dun proceso de negociación colectiva as partes así o
decidan, debido a que as relacións laborais nesta empresa réxense por un convenio
colectivo propio con vixencia ata o 31 de decembro de 2010.
Dende FSP-UGT aclaran que a dicción literal da norma que orixia os devanditos
descontos salariais na función pública é “o disposto na Lei 26/2009, de 23 de
decembro, de Presupostos Xerais do Estado para 2010, na redacción dada polo
presente Real Decreto-Ley no relativo á redución salarial, non será de aplicación ao
persoal laboral non directivo das sociedades mercantís ás que se refire o apartado
1.g) do arti. 22 da devandita Lei nin ao persoal laboral non directivo das entidades
públicas empresariais Renfe, Adif e Aena, salvo que por negociación colectiva as
partes decidan a súa aplicación”.
Polo tanto, a partir dela poden deducirse dúas regras, en primeiro lugar, unha regra
xeral consistente na non aplicación da redución salarial prevista na Lei 26/2009 ao
• Miguel Ferro Caaveiro, 12-3ª; 15707 Santiago – Tel.: +34981577171 – Fax: +34981599438 – www.ugtgalicia.org

2. persoal laboral non directivo das sociedades mercantís públicas, así como,
tampouco a determinadas entidades públicas empresariais que no precepto se
mencionan. Só habería unha excepción, que as partes, empresarios e
representantes dos traballadores, chegasen a un acordo a través da negociación
colectiva, e este non foi o caso.
NOTA: O VOCEIRO DESTE TEMA É O RESPONSABLE DE SERVIZOS
XURÍDICOS DE UGT-GALICIA, PEDRO BLANCO. TELÉFONO: 655969248.
• Miguel Ferro Caaveiro, 12-3ª; 15707 Santiago – Tel.: +34981577171 – Fax: +34981599438 – www.ugtgalicia.org