1. Rua Miguel Ferro Caaveiro, nº 8, Bajo
Edificio Sindicmal CC.OO.
Secretaría Xeral 15707 Santiago de Compostela
Federación de Comercio Hostalería e Turismo Tlf. 981551818 – Fax 981551801
e-mail: fecoht.sn@galicia.ccoo.es
Á Dirección Xeral de Comercio
Consellería de Economía e Industria
Xunta de Galicia
13 de abril de 2010
Dona Isabel Castaño Becerra, en calidade de Secretaria Xeral da Federación de
Comercio, Hostalería e Turismo de CCOO de Galicia, con domicilio na R/ Miguel
Ferro Caaveiro, 8- Santiago de Compostela, formulo as alegacións que a
continuación exporemos sobre o borrador do Proxecto de Decreto polo que se
pretende declarar “zona de grande afluencia turística, durante o ano 2010, para os
efectos do artigo 8.1.d da Lei 13/2006, do 27 de decembro, de horarios comerciais
de Galicia, a todo o territorio da Comunidade Autónoma de Galicia”.
Con data do 7 de abril recibimos nesta organización sindical un escrito da
Consellería de Economía e Industria da Xunta de Galicia polo que se nos empraza a
formular un informe no prazo de cinco días hábiles contados dende a súa recepción.
Por tanto, mediante este escrito, e como mellor proceda en dereito, en función do
establecido no art. 9 da Lei 13/2006 formulamos no tempo e a forma a que
correspondan as alegacións seguintes
ALEGACIÓN:
Primeira) Sorpréndenos e resúltanos incoherente, pola política levada a cabo pola
Xunta de Galicia nos últimos anos, que aposte pola gran distribución en contra do
pequeno e mediano comercio, sendo especialmente grave sobre todo nunha
comunidade autónoma onde a importancia do comercio rural é transcendental para o
desenvolvemento do comercio en Galicia e o abastecemento dunha poboación
eminentemente dispersa.
Segunda) Este proxecto de decreto afecta negativamente aos traballadores e
traballadoras do sector, polo que ten de indefinición, e prexudica a certeza dos
horarios de traballo e dos descansos correspondentes.
Terceira) Igualmente, manifestamos que non supón creación de emprego senón
que somete os traballadores e traballadoras do sector a unha prolongación das
súas xornadas laborais, o que afecta negativamente á súa saúde laboral e repercute
negativamente na calidade do servizo (sinais de identidade do pequeno comercio),
algo que carece de importancia nas grandes superficies pola súa propia fórmula
comercial.
Cuarta) A presunta afluencia de peregrinos e visitantes que se prevé durante o ano
2010 non é, baixo o noso punto de vista, determinante para proceder a ampliar a
Secretaría Xeral - FECOHT Galicia
2. Secretaría Xeral
Federación de Comercio Hostalería e Turismo
apertura de domingos e festivos porque, como xa quedou acreditado en ocasións
anteriores, está asegurado o abastecemento de bens e servizos como ten sucedido
en anteriores anos xacobeos.
Quinta) Incumpre o disposto no art. 9, cap. III, da Lei 13/2006 de 27 de decembro no
relativo ao informe esixido, no seu punto primeiro, por cada un dos 315 concellos
presuntamente afectados que forman parte da Comunidade Autónoma de Galicia.
Entende esta parte que en ningún caso os citados informes das corporacións locais
poden ser substituidos por un informe da Federación de Concellos Galega.
Sexta) Unicamente por este motivo deberíase rexeitar de cheo a proposta de
decreto de ampliación no ano 2010 dos catro domingos para o concello de
Santiago de Compostela e de dous para o resto da Comunidade Autónoma
Galega.
Polo anteriormente exposto, solicitamos desta Consellería de Economía e Industria
da Xunta de Galicia reciba este escrito no tempo e a forma debidos e teña por
formulado INFORME DESFAVORABLE por parte da organización sindical á que
represento para que produza os efectos oportunos.
Queremos sinalar, por outro lado, que en interés dos traballadores e
traballadoras aos que representamos, reservámonos o dereito de realizar
cantas accións legais estean dentro do ordenamento xurídico así como a
realización daquelas accións sindicais que consideremos oportunas.
Atentamente
Isabel Castaño Becerra
Secretaria xeral
Federación de Comercio, Hostalería e Turismo
Secretaría Xeral - FECOHT Galicia