2. Өглөө бүр тоо бодох юмуу
шүлэг унших нь оюун санааны
өвөрмөц бөгөөд өндөр үр дүнтэй
дасгал юм.
/Декарт/

3. Монгол хүн бүр
Намайг уучил Монгол орон минь
Монголын ард түмэн надаас эхэлдэг
хэмээн хүн бүр бодож, хүмүүний үнийг
өндөрт өргөж, миний буруу, миний алдаа
Монголын алдаа болно хэмээн эмээн
хичээж, би сайн явбал Монгол минь
сайхан байна гэж дэврүүн бодож
явалтай.
/Б. Лхагвасүрэн/

4. Би Монголоороо гоёдог
Ш. Гүрбазар

5. Хөх Азийн цээжин дээр ирж буцахын учир
Хүмүүний алтан заяа энд байхын учир

6. Туурайн тамгатай хөрсөн дээр
Унагатай хамт тэнцэж хөлд орохын учир

7. Тунгалаг шандны толиог
хулантай хамт булаалдаж
рашаан амсахын учир
Би Монголдоо мэндэлсэн

8. Газар тэнгэрийн савслагад гайхуулан байж
Ганц яваа насаараа би Монголоороо гоёно.

9. Хөхөөтэй зуны цэцгийн алаг шүүдрээр
хөлөө гоёдог
Хүрэн толгойн сүүдрийн айзам жавхаагаар нь
хоолойгоо гоёдог

10. Зэрэглээтсэн талын бараан нүүдлээр
харцаа гоёдог
Зээглэсэн шар толгодын алтан хормойгоор
хаяагаа гоёдог

11. Айрганд нь
ардын дуу иссэн
хөхүүрээр нь ханаа
гоёдог

12. Аяганд нь үдийн нар далбилзсан
өвгөдөөрөө хоймроо гоёдог

13. Хаврын тэргүүн сарын
шинийн нэгэнд
ашдын бэлгээр гоёдог
Намрын дунд сарын
арван долоонд
амрагийн харцаар
гоёдог

14. Ширгэшгүй Хэрлэнгийнхээ усыг
нар зөв бүсэлж гоёдог
Шилгэшгүй нутгийнхаа уулсыг
нас зөв түшиж гоёдог

15. Морьд эргэсэн наадмын дурдан тоосоор нь
дээлээ гоёдог
Монгол гэсэн зургаан үсэгтэй бурхан нэрээр нь
дэлхийд гоёдог