1. MENSAHE
Labis ang aking tuwa at pagmamalaki na ipaabot ang aking pagbati sa mga
magsisipagtapos ng De Castro Elementary School sa taong panuruan 2021-
2022. Ang inyong pagsusumikap sa pitong-taon pag-aaral ay mabibigyan na ng
katuparan sa pamamagitan ng pagkamit ng katibayan ng pagtatapos.
Batay sa tema ng pagtatapos “Gradweyt ng K to 12: Masigasig sa mga
Pangarap at Matatag sa mga Pagsubok”, na tuwirang nagsasaad na ang mga
kabataang magtatapos sa Kurikulum na K to 12 ay hubog sa galing, husay,
disiplina at sigasig. Ang mga katangiang ito ang nagpatatag at humulma sa
inyong pagkatao at magdadala sa inyo tungo sa katuparan ng inyong mga
pangarap.
2. Ang pagtatapos ninyong ito ay hudyat din ng simula ng pagkakataong higit
pa ninyong maipamalas sa inyong mga minamahal na magulang, mga
kapwa tao at sa inyong komunidad ang inyong kaalaman, kasanayan at
magandang kaugalian na hinubog ng mga pagsubok sa panahon ng
pandemya. Sa inyong muling paglakbay sa panibagong tsapter ng antas
ng pag-aaral, nawa’y ang matatag na pundasyon na naipagkaloob sa inyo
ng inyong paaralang elementarya ay yumabong pang ganap at luminang sa
inyo upang piliin ang tamang direksyon ng inyong buhay.
At sa pagtanggap ninyo ng sertipiko ng pagtatapos, kayo ay sumasang-
ayon din na inyong tinatanggap ang hamon na kayo ay hindi susuko at
ipagpapatuloy ang pag-aaral ng may kahusayan, katapatan at
pagpupunyagi alang-alang sa kinabukasan ninyo at ng inyong bayan.
Nawa’y maging matatag kayo sa darating na mga pagsubok sa buhay.
Ipakita ninyo na kayang kaya ninyo anuman ang pagsubok na darating sa
inyo. Gawing makabuluhan ang inyong buhay at nawa’y maging isang
pagpapala kayo sa iba!.
Maligayang pagtatapos! Binabati ko kayo De Castro Elementary School
Graduates Batch 2021-2022!