1. TEMA 4: OS SERES VIVOS
Os seres vivos son os que teñen vida porque nacen, medran, aliméntanse, respiran,
reprodúcense e morren, é dicir, realizan as funcións vitais.
Os seres inertes son os que non teñen vida.
OS ANIMAIS:
o Necesitan tomar alimentos procedentes doutros seres vivos e
desprázanse para conseguilo.
o Poden ser :
vertebrados (posúen esqueleto interno con columna
vertebral): mamíferos, aves, réptiles, anfibios e peixes. o
seu corpo divídese en cabeza, tronco,rabo e extremidades (
poden ser patas, ás ou aletas segundo o medio no que se
despracen)
invertebrados (sen columna vertebral e a maioría son
ovíparos): esponxas, medusas, vermes, moluscos e
artrópodos.
AS PLANTAS:
o fabrican o seu propio alimento coa fotosíntese e non se
desprazan para conseguilo.
o Poden ser:
árbores: plantas grandes, talo forte, medran amodo.
arbustos : plantas leñosas máis pequenas
herbas: planatas cativas, talo brando e medran moi
axiña.
o As partes son raíz (suxeita a planta á terra e absorbe a auga e os
sales minerais), talo (sostén a planta e participa no transporte de
auga e outras substancias), follas (órganos das planatas onde se
produce a fotosíntese), flores (órganos reprodutores), froitos e
sementes.
REINOS DOS
SERES VIVOS
ANIMAIS FUNGOS PLANTAS PROTISTAS BACTERIAS
2. o As flores son os órganos reprodutores. A partires delas fórmanse
os froitos que conteñen as sementes.
o As necesidades básicas das plantas son luz, auga, aire e unha
terra fértil para poder fabricar o seu propio alimento.
OS FUNGOS:
o Non se desprazan e moitos viven no chan pero non fabrican o
seu alimento, senón que se alimentan doutros seres vivos e
dos seus restos. O exemplo máis coñecido deste reino os
cogomelos.
AS BACTERIAS:
o Son os seres vivos mais pequenos, están formados por unha soa
célula, son unicelulares. Poden estar en calquera lugar, terra,
auga ou aire. Poden útiles ou prexudiciais cuasando
enfermidades a outros seres vivos.
OS PROTISTAS:
o Son seres vivos que non pertencen a ningún dos outros reinos.
o Algúns aliméntanse doutros seres vivos como os protozoos
(amebas e paramecios). Tamén pertencen as algas a este grupo.
ACTIVIDADES:
Clasifica os animais das fotografías da páxina 54
En que se parecen as herbas ás algas?
Debuxa unha planta e escribe o nome das súas partes.
TRABALLO COOPERATIVO: mural cos diferentes reinos onde teñen que
figurar as súas características e imaxes dos mesmos.
Cales son as necesidades básicas das plantas? Por que todas elas están
relacionadas coa función da nutrición?
Por que necesitan o aire as plantas?
Investiga sobre as plantas carnívoras e explica por que poden vivir en
terreos pobres.
3. A NUTRICIÓN DAS PLANTAS:
Consta de dous procesos:
A fotosíntese pola que fabrican o seu alimento.
A respiración pola que obteñen a enerxía necesaria a partir do alimento.
Para realizar estes procesos necesitan:
auga e sales minerais da terra polos pelos absorbentes da raíz. esta mestura
é o zume bruto (mestura de auga e sales minerais) que ascende pola raíz, talo
ata as follas polos vasos leñosos, uns tubos moi finos.
dióxido de carbono (CO2), polos estomas das follas, orificios moi pequenos que
se abren e pechan segundo as necesidades das plantas.
osíxeno (O2) producido na fotosíntese, nas partes verdes da planta. O zume
bruto transfórmase en zume elaborado (mestura de auga e alimentos) que se
reparte por toda a planta polos vasos liberianos.
enerxía que se obtén directamente da luz do sol.
A FOTOSÍNTESE
É un proceso que se produce nas partes verdes da planta e mediante o cal se obtén o
alimento das plantas. Neste proceso transfórmase o zume bruto en elaborado, coa
presenza da luz do sol, que é captada pola clorofila, unha substancia verde que está
nas follas e no talo.
Ademáis desta transformación prodúcese osíxeno , o cal é liberado á atmosfera polos
estomas.
4. A RESPIRACIÓN:
É o proceso mediante o cal a plante absorbe osíxeno, combínao cos alimentos e obtén a
enerxía necesaria desprendendo dióxido de carbono, expulsado polos estomas.
ACTIVIDADES:
Exercicios páx 61
En que zona da raíz se sitúan os pelos absorbentes?
Por que non se mesturan o zume bruto e o elaborado?
É o mesmo respiración que fotosíntese nas plantas?
5. A REPRODUCIÓN DAS PLANTAS
Pode ser de dous tipos:
Sexual: onde interveñen as flores de dúas plantas.
Asexual: só intervén unha planta.
REPRODUCIÓN SEXUAL:
Participan dúas plantas proxenitoras e a planta filla presenta características das
dúas.
A flor é o órgano que se encarga da reprodución sexual, xa que teñen dúas partes,
unha masculina e outra feminina.
A masculina está formada
polos estames (bastociños
que teñen unha cabeza
grosa chamada antera,
lugar onde se produce o
pole)
A feminina é o pistilo, que
consta de dúas partes: o
estigma e o ovario, onde
están os óvulos.
PASOS:
1. A polinización é o paso do pole desde as anteras dunha flor ata o estigma
doutra. Destacan dous tipos de polinización:
Polinización mediante insectos.
Polinización polo vento.
2. Despois da polinización, fórmase o froito a partir do ovario e os óvulos
transfórmanse en sementes. No interior de cada semente atópase un embrión,
que é unha pequena planta con raíz, talo e xema e tamén se atopa nela o
alimento que necesita para medrar o embrión.
3. A xerminación prodúcese cando a semente cae ao chan e atopa as condicións
axeitadas ( humidade, terreo fértil...), medra e convírtese nunha planta adulta.
6. REPRODUCIÓN ASEXUAL
Participa unh soa planta e a planta filla ten as memsmas caractrísticas da
planta nai.
Hai varios sistemas de reprodución asexual:
Estolóns
Rizomas
Bulbos
Tubérculos
APLICACIÓNS PRÁCTICAS NO DÍA A DÍA:
Algunhas das técnicas usadas na agricultura partindo da reproducción
asexual das plantas temos:
Os gallos
A porbaixa ou mergullo
O enxerto
ACTIVIDADES:
Exercicios páxs 65, 67,68 e 69
Investiga sobre as técnicas que se usan na agricultura