Talumpati na pumapatungkol sa depresyon sa mga kabataan sa mundo na patuloy na nagiging sanhi ng pagkakawasak wasak ng pangarap ng mga kabataan sa lipunan
POLKA SA NAYON MGA HAKBANG PAGPAPATULOYP.E 5-WK2-Q4.pdf
Tanikala ng Depresyon John Darwin Sales.
1. Tanikala ng Depresyon
Kabataan, Palayain
Isinulat ni: John Darwin Sales
Iyak, hapdi, kawalan ng pag-asa, ito ang ilan lamang sa mga nararanasang pisikal, mental, at emosyonal
na epekto sa pagharap sa hamon ng depresyon ng mga kabataan. Maraming mga kabataan ang nakakaranas ng
depresyon ng dahil sa napakaraming pagpapakadahilanan. Walang matanda, Walang bata, Walang mayaman,
Walang mahirap.Walang pinipili ang depresyon.
Sa lahat ng mga nagagandahan at nagagwapohang mga mag-aaral sa bulwagang ito higit lalo na ang dalawang
nagagandahan nating mga guro, magandahang hapon po sa ating lahat!
“Ang depresyon gawa -gawa lang yan !”
“Sus wag kayong mapapaniwala sa depresyon!”
“Hindi yan totoo!”
Ito ang ilan lamang sa mga pinaniniwalaan ng mga taong mangmang . Mangmang sa katotohanan ng buhay.
DEPRESYON. Ang depresyon ay animo’y natutulog na emosyon sa loob ng ating isipan na maaaring magising sa oras na
hindi na nakayanan ng ating isipan ang mabibigat na na pangyayaring nagdudulot ng masidhing damdamin. Mabibigat na
pangyayari na kung saan higit na naaapektuhan ang emosyon at kaisipan ng isang tao . Ang ilan pagpapahalimbawa rito
ay ang kahirapan ,problema sa pamilya, academic preassure, pambubulas, at ang masasakit na salitang naririnig ng isang
tao na tinatawag na ‘verbal abuse’. Ang mga pangyayari o bagay na may kalakip na emosyon ay ang pangunahing dahilan
kung bakit nabubuo at nararanasan ang depresyon ng maraming tao. Sa katunayan, may mga naitalang kaso ng
pagpapakamatay ng mga kabataan. Sa Pilipinas, mayroong 2.5 sa kada 100,000 na populasyon ang antas ng
pagpapakamatay ayon sa pag-aaral ng Science Direct. Ayon naman sa World Helth Organization, mahigit 100,000 katao
ang nakararanas ng depresyon sa buong mundo. Pinatutunayan lamang ng mga datos na ito na napakaraming mga tao ang
nakararanas ng depresyon.
Maging ang aking sarili ay nakaranas ng mild depression noong ako’y nasa ika siyam na baiting. Bunga iyon ng
maraming problemang kinaharap nang sabay-sabay .Nariyan ang problema sa pamilya nang minsang mag-away at
muntikang mag-hiwalay ang aking mga magulang,academic pressure,at verbal abuse. Ngunit hindi ko hinayaang lamunin
at talunin ako ng depresyon. Nilabanan ko ito sa tulong ng aking pinkamamahal na pamilya na laging nariyan upang aking
maging sandigan sa t’wing ako’y nadarapa. Ako ay nakabangon mulimula sa aking pagkadarapa ng dahil sa depresyon.
Ang pagharap sa hamon ng depresyon ng mga kabataan ay ang isa sa mga mabibisang solusyon upang masugpo
ang masidhing depresyon at ang pagkitil ng sariling buhay. Una na sa mga ginagawang pagharap sa hamon ng depresyon
ng mga kabataan ay ang pagbabahagi ng kanilang nararanasanng problema sa kanilang pamilya, mga kaibigan at mga
taong malalapit sa kanila. Ang pagsasarili ng mga nararanasang problema at emosyon ay hindi makatutulong upang
masolusyunan ang depresyon. Pangalawa, ang pagpapakonsulta ng mga kabataan sa mga doctor o psychologists. Ito ay
tinatawag na psychotherapy na labis na nakakatulong upang maibsan at tuluyang masugpo ang depresyon. At pangatlo,
ang pagiging positibo. Paagiging positibo na kung saan hinihimok moa ng iyong sarili na magpakatatag at huwag sumuko
sa hamon ng buhay. Ang pag-asa ay napakaimporanteng diwa ng isang tao higit lalo ang mga taong nakararanas ng mga
hinanakit sa buhay. At sa pamamagitan ng mmga ito ay unti-unting hihilom ang sugat na hatid ng depresyon.
Hindi agarang humihilom ang depresyon. Kinakailangan nito ng oras, panahon, at higit lalo ang pagmamahal
upang tuluyang maging malaya sa pagkakagapos sa depresyon. Kagaya rin yan sa pag-ibig, kinakailangan nito ng oras at
panahon upang mas lalong tumatag at yumabong ang pagmamahalan. Ang kabataan ay kabataan. Tayo rin ay humaharap
sa butas ng karayom. Ngunit, sa kabila ng lahat ay hindi tayo nagpatinag sa kadilimang hatid ng depresyon. Sapagkat,
tayo, mga kabataan, ang liwanag ng lipunan.