2. Արագություն։ Մեխանիկայի հիմնական
խնդրի լուծումն ուղղագիծ հավասարաչափ
շարժման դեպքում
Այն շարժումը, որի ընթացքում մարմինը կամայական հավասար ժամանակամիջոցներում կատարում
է նույն տեղափոխությունները, կոչվում է ուղղագիծ հավասարաչափ շարժում։ Ժամանակի
յուրաքանչյուր պահի մարմնի դիրքը որոշելու համար պետք է իմանալ տեղափոխության վեկտորի
կախումը ժամանակից։ Իսկ ինչպես որոշել տեղափոխության վեկտորը։
Հավասարաչափ շարժման սահմանումից բխում է, որ t ժամանակում S տեղափոխության և այդ
ժամանակամիջոցի հարաբերությունը շարժման ընթացքում մնում է հաստատուն։ Արագության
v մոդուլը որոշելու համար արագության բանաձևը պետք է գրել սկալյար տեսքով։
v=|s|t
Այն շարժումը, որի ժամանակ մարմնի հետագիծը ուղիղ գիծ է, և մարմինը միշտ շարժվում է նույն
ուղղությամբ՝ կամայական հավասար ժամանակամիջոցներում անցնելով հավասար ճանապարհներ,
կոչվում է ուղղագիծ հավասարաչափ շարժում։
Որպես արագության միավոր են ընդհունում այն ուղղագիծ հավասարաչափ շարժման արագությունը,
որի ընթացքում մարմինը յուրաքանչյուր 1 վայրկյանում անցնում է 1մ ճանապարհ։ Իմանալով մարմնի
սկզբնական դիրքը և նրա տեղափոխությունը կամայական ժամանակահատվածում, կարելի է գտնել
մարմնի դիրքը ժամանակի յուրաքանչյուր պահին։
3. Ուղղագիծ հավասարաչափ շարժվող
մարմնի տեղափոխություն, կոորդինատի և
արագության գրաֆիկները
Ենթադրենք՝ մարմինը t=0 պահին եղել է x0=20մ կոորդինատներով կետում և
v=2մ/վ արագությամբ հավասարաչափ շարժվում է կոորդինատային առանցքի
դրական ուղղությամբ։ Այդ դեպքում մարմնի շարժման օրենքը, համաձայն
հավասարման, կարտահայտվի x=20+2t բանաձևով:
Շարժման գրաֆիկը տալիս է մեխանիկայի հիմնական խնդրի լուծումը, քանի որ
հնարավորություն է ընձեռնում որոշելու մարմնի դիրքը յուրաքանչյուր պահի։
Կախված x0-ի և vx նշաններից՝ մարմնի շարժման գրաֆիկը կարող է ունենալ
կարող է ունենալ հինգ տարբեր ձև։ Շարժման գրաֆիկ են անվանում նաև
մարմնի անցած ճանապարհի կախումը ժամանակից։ Ժամանակի առանցքի հետ
շարժման գրաֆիկի կազմած անկյունը կախված է մարմնի արագությունից։
Որքան մեծ է մարմնի արագությունը, այնքան մեծ է անկյունը։ Շարժման
գրաֆիկի հետ օգտվում են նաև արագության գրաֆիկից, որը կառուցում են՝
օրդինատների առանցքի վրա տեղադրելով մարմնի արագության վեկտորի
պռոյեկցիայի կամ մոդուլի, իսկ աբսցիսների առանցքի վրա` ժամանկի
արժեքները։
4. Շարժման և դադարի հարաբերականությունը։
Տեղափոխությունների և արագությունների
գումարումը։ Հարաբերական արագություն։
Մարմնի դիրքը տարածության մեջ որոշակի է միայն որոշակի հաշվարկման
համակարգի նկատմամբ։ Մարմնի դիրքը հաշվարկման տարբեր
համակարգներում կհայտնվի տարբեր կոորդինատներում։ Բայց միայն մարմնի
դիրքը չէ, որ հարաբերական է։ Հարաբերական են նաև նրա շարժումն ու
դադարը։
Մարմնի տեղափոխությունն անշարժ համակարգի նկատմամբ հավասար է
մարմնի շարժման նկատմամբ նրա տեղափոխության և անշարժ համակարգի
նկատմամբ շարժվող համակարգի նկատմամբ շարժվող համակարգի
տեղափոխության և անշարժ համակարգի նկատմամբ շարժվող համակարգի
տեղափոխության վեկտորական գումարին։
Մարմնի արագությունն անշարժ համակարգի նկատմամբ հավասար է շարժվող
համակարգի նկատմամբ մարմնի արագության և անշարժ համակարգի
նկատմամբ շարժվող համակարգի արագության վեկտորական գումարին։
Մարմինը որը մի համակարգի նկատմամբ դադարի վիճակում է, շարժվում է մի
այլ մարմնի նկատմամբ։
5. Անհավասարաչափ Շարժում։
Անհավասարաչափ շարժման միջին և
ակնթարթային արագությունը
Այն շարժումը, որի ընթացքում գոնե երկու հավասար ժամանակամիջոցներում
մարմինը կատարում է անհավասար տեղափոխություններ, կոչվում է
անհավասարաչափ շարժում։ Անհավասարաչափ շարժման միջին արագություն
հետագծի որևէ տեղամասում կոչվում է այն ֆիզիկական մեծությունը, որը
հավասար է այդ տեղամասը բնութագրող S տեղափոխության և t
ժամանակամիջոցի հարաբերությանը:
Անհավասարաչափ շարժման միջին արագությունը հավասար է այն
հավասարաչափ շարժման արագությանը, որի դեպքում մարմինը նույն S
տեղափոխությունը կատարում է նույն t ժամանակում, ինչ անհավասարաչափ
շարժման դեպքում։
Միջին ճանապարհային արագությունը փաստորեն այն արագությունն է, որ
կունենար մարմինը եթե հավասարաչափ շարժվելով, S ճանապարհն անցներ
նույն t ժամանակամիջոցում, ինչ անհավասար շարժման դեպքում։
Մարմնի արագությունը տվյալ պահին կամ հետագծի տվյալ կետում կոչվում է
ակնթարթային արագություն։