1. Kwarter 2 – Modyul 7:
Naibibigay ang denotatibo at
konotatibong kahulugan,
kasingkahulugan at kasalungat
na kahulugan ng malalalim na
salitang ginamit sa akda.
(F8PT-IIe-f-25)
2. Ilahad ang katangian ng iyong ama na hinahangaan
mo, at pagkatapos ay ibigay ang iyong paliwanag
bakit ito ay iyong hinahangaan?
1. katangian
2. katangian
3. katangian
4. katangian
5. katangian
6. katangian
3. Basahin at unawain ang
maikling kuwento.
“Kababata”
(Isinulat ni Sunshine Joy T.
Perez)
Tuklasin
4. Sa Lungsod ng San Jose del Monte, Lalawigan
ng Bulacan naninirahan ang mag-kaibigang sina
Maria at Leonora. Sila ay matalik na magkaibigan at
sabay na nag-aral sa paaralan. Batid nila ang
kahirapang bumabalot sa kanilang mundo dahil
bata pa lamang ay namulat na agad sila sa realidad
ng buhay. Tuwing hapon si Maria ay kasama ng
kaniyang ina sa pagtitinda ng basahang bilog sa
mga gilid ng pamilihan habang ang haligi ng
5. kanilang tahanan ay namamasukan bilang
isang karpintero. Si Leonora naman ay
nangangalakal ng basura upang may ipambili ng
bigas at ulam. Sa kabila ng kanilang sitwasyon ay
hindi nagpatinag sina Maria at Leonora. Sabay
silang nangarap at nanindigan na darating din ang
panahon na sila ay makaaahon sa kahirapan. Pilit
nilang ginapang ang kanilang pag-aaral sa
kadahilanang edukasyon ang kanilang tanging
sandigan sa gitna ng mapaglarong lipunan.
6. Pagtungtong nila sa hayskul ay pinili nilang
mag-aral sa Mataas na Paraalan ng Graceville
dahil ito ang pinakamalapit na paaralan sa
kanilang lugar. Sa kanilang pag-aaral ay
nahasa ang kanilang angking mga talino at
talento. Noon pa man ay kinahiligan ni Maria
ang magbasa ng mga libro at mag-aral tuwing
hapon kaya naman nagtataasan ang kaniyang
mga grado sa eskuwela. Siya rin ang laging
7. pambato ng paaralan sa mga Quiz Bee. Nag-
aapoy ang kaniyang hangaring makapagtapos
ng pag-aaral. Si Leonora naman ay kinahiligan
ang paglalaro ng Chess dahil tinuruan siya ng
kaniyang ina noong siya ay bata pa. Bunga nito
ay nabigyan ng pagkakataon si Leonora upang
lumahok sa iba’t ibang patimpalak mula
dibisyon hanggang sa pambansang lebel. Sina
8. Sina Maria at Leonora ay kilalang-kilala ng
mga estudyante at ng kanilang mga guro dahil
sa mga nahakot nilang parangal para sa
kanilang paaralan.
9. Isang araw nakatanggap ng sul si Maria mula sa isang unibersidad sa
Maynila na nagsasabing isa siya sa mga mapapalad na mag-aaral na
makakukuha ng tulong pinansyal pang-edukasyon sa paaralan na iyon. Sa
labis na pagkatuwa ni Maria ay agad niya itong ibinalita kay Leonora. Mula
sa malayo ay natanaw ni Maria si Leonora. Sumigaw siya at sinabing
“Leonora, natanggap ako! Makapag-aaral na ako sa Maynila!”. Hindi agad
nakaimik si Leonora sa kaniyang narinig. Tila binuhusan siya ng malamig
na tubig dahil batid niya na kapag nag-aral si Maria sa Maynila ay matagal
niya itong hindi makikita. Hindi niya alam ang kaniyang sasabihin. Ayaw
naman niya na tutululan ang plano ng kaniyang kababata dahil alam
niyang matagal nang pangarap ito ni Maria.
10. Sa mga oras ding iyon ay hindi maigalaw ni Leonora ang kaniyang mga paa sa labis na
kaba. Habang tangan ang Chess Board at bag ay sinubukan niyang lumakad papalapit
kay Maria ngunit siya ay biglang nadapa dahil hindi niya tinignan ang kaniyang
nilalakaran. Nagulat si Maria sa nangyari kung kaya agad niyang pinuntuhan si
Leonora upang siya ay alalayan. “Anong nangyari? Bakit ka nadapa? ”, sabi ni Maria.
“Hindi ko kasi napansin yung bato at saka nabigla ako sa binalita mo eh.”, pabirong
tugon ni Leonora. Hindi pa tapos magsalita ni Leonora ay nagsalita ulit si Maria.“Alam
mo hindi talaga ako makapaniwala. Ngayon ay matutupad na ang pangarap ko na
makapag-aral sa Maynila. Maiaahon ko na rin sa kahirapan ang aking pamilya!.”,
masayang sabi ni Maria. Sa mga puntong iyon napagtanto ni Leonora na mas
makabubuti na tanggapin ni Maria ang tulong pinansyal dahil mabuti ang plano ni
Maria para sa kaniyang sarili at sa pamilya. Sinang-ayunan ni Leonora si Maria.
“Masaya ako para sa iyo.Alam kong pinangarap mo iyan. Mas pagbutihan mo pa ang
iyong pagaaral.Nandito kami ng mga kaibigan mo na laging nakasuporta sa iyo.”,aniya.
11. Mga ilang saglit lamang ay dumating ang kanilang guro na si G.
Torres. “May balita ako sa iyo, Leonora! Makapag-aaral ka na rin sa
unibersidad na papasukan ni Maria!”, sabi ng guro. “Kinuha ka nilang
Varsity sa Chess. Ikaw kasi ang naging kampyon sa nakaraang Palarong
Pambansa sa kategoryang Chess”, dagdag niya. Hindi makapaniwala si
Leonora sa sinabi ng kaniyang guro. “Talaga po? Maraming salamat po!”,
masayang sabi ni Leonora. Walang mapagsidlan tuloy ang tuwa nila Maria
at Leonora matapos marinig ang balita. Nagbunga ang lahat ng kanilang
pinaghirapan simula pagkabata. Sabay nilang sinuong ang hamon ng
buhay at sabay rin nilang nakamit ang simula ng tagumpay. Ngayon ay
sabay ulit nilang haharapin ang panibagong yugto ng kanilang buhay sa
kolehiyo.
12. Matapos mabasa at maunawaan ang nilalalaman ng
maikling kuwento, sagutin naman ngayon ang mga tanong
tungkol dito at humanda sa talakayan.
1. Sino sino ang mga karakter sa kwento? Magbigay ng
paglalarawan sa bawat tauhan.
2. Bakit gustong makapagtapos ng pag-aaral nina Maria at
Leonora?
3. Paano ipinakita ng magkaibigan ang kanilang
determinasyon upang makapag-aral?
13. Suriin
Sa bahagi namang ito, malalaman mo ang
iba’t ibang paraan ng pagkilala sa
kahulugan ng salita.
MAGKASINGKAHULUGAN AT
MAGKASALUNGAT NA KAHULUGAN NG
MGA SALITA
Magkasingkahulugan – Ito ay pares ng
mga salitang magkapareho ang kahulugan
o ibig sabihin.
Hal. mataas – matayog masaya – maligaya
mabilis – matulin maganda – marikit
14. Magkasalungat – Ito ay pares ng
mga salitang kabaligtaran ang
kahulugan o ibig sabihin.
Hal. malaki – maliit
matipid – bulagsak
mabuti – masama
malusog – mahina ; sakitin
15. Alam niyo ba…
Bukod sa pagbibigay ng kasingkahulugan
at kasalungat na kahulugan ng mga salita
ay may iba pang paraan upang makilala
ang kahulugan ng mga ito. Ito ay mabisang
paraan upang mapalawak ang talasalitaan
ng isang mambabasa, tagapanood o
tagapakinig.
16. Ang kahulugan ng mga salita ay
makikilala ayon sa…
KONOTATIBO AT
DENOTATIBONG
PAGPAPAKAHULUGAN
- Ito ay dalawang dimensyon sa
pagpapakahulugan ng mga
salita.
17. 1. Denotatibong Pagpapakahulugan
Ito ay ang tiyak at literal na kahulugan ng salita
na karaniwang matatagpuan sa diksyunaryo.
2. Konotatibong Pagpapakahulugan
Ito ay uri ng pagpapakahulugan na sinasamahan
ng emosyon o saloobin. Ito ay nagtataglay ng
ibang kahulugan o maaaring pansariling
pagpapakahulugan ng isang tao o pangkat na iba
kaysa karaniwang kahulugan. Ang mga salita ay
nabibigyan rin ng ibang pagpapakahulugan batay
sa kung paano ito ginamit sa pangungusap.
18. Denotatibong
Pagpapakahulugan
Halimbawa:
a. Ang ganda ng
bulaklak sa
kanilang
hardin.(bahagi ng
isang halaman na
karaniwang
makulay at
mabango)
Konotatibong
Pagpapakahulugan
Halimbawa:
a. Siya ang nag-
iisang bulaklak sa
kanilang
magkakapatid.
(babae)
19. Denotatibong
Pagpapakahulugan
Halimbawa:
b. Si Nena ay napaso
sa apoy habang
nagluluto ng kaniyang
paboritong
pagkain.(isang
elementong mainit at
ginagamit sa pagluluto)
Konotatibong
Pagpapakahulugan
Halimbawa:
b. Nag-aapoy ang
kaniyang hangaring
matupad ang matagal na
niyang pinapangarap.
(naglalarawan sa
matinding damdamin
tungkol sa isang tao,
bagay o pangyayari)
20. Denotatibong
Pagpapakahulugan
Halimbawa:
c. Madilim na
ngunit wala pa
rin ang kanyang
asawa.(kawalan
ng liwanag)
Konotatibong
Pagpapakahulugan
Halimbawa:
c. Nagdilim ang
kanyang paningin ng
nasaktan niya ang
kanyang anak ngunit
napigilan niya ito.
(kawalan ng hustisya/
kasamaan o nawala
pansamantala sa sarili)
21. Denotatibong
Pagpapakahulugan
Halimbawa:
d. Rosas ang dala
ni Sean sa kanyang
iniibig.(uri ng
bulaklak)
Konotatibong
Pagpapakahulugan
Halimbawa:
d. Si Sam ang
nag-iisang rosas
para sa mata ng
kanyang kaklase.
(may taglay na
angking ganda)
22. Denotatibong
Pagpapakahulugan
Halimbawa:
e. Nakakita kami
ng matandang
leon sa Manila Zoo
(isang uri ng
hayop na
kapamilya ng
pusa)
Konotatibong
Pagpapakahulugan
Halimbawa:
e. Ang gurong
tagapayo ng Grade 8 –
Mabuti ay isang leon.
(mabangis/matapang)
