Araling Panlipunan 10 - 3rd Quarter | Topic 3 Part 3

1. GENDER ROLES: Bahaging Ginagampanan ng
Kasarian sa mga Institusyong Panlipunan
Araling Panlipunan 10 – 3rd Quarter | Topic 3 Part 3
Prepared by: Eddie San Z. Peñalosa

2. Sa kasalukuyan, unti – unti nang nakikilala ang mahahalagang papel
na ginagampanan ng bawat kasarian sa iba’t ibang larangan. May mga
gampanin (role) na dating eksklusibo lamang sa isang kasarian ngunit
ngayon ay maaari na ring gampanan ng iba. Narito ang mga papel o
bahaging ginagampanan ng kasarian (gender roles) sa iba’t ibang
larangan at institusyong panlipunan (trabaho, edukasyon, pamilya,
pamahalaan, at relihiyon).

3. Mga Institusyong Panlipunan
1. Trabaho.
2. Pamilya.
3. Edukasyon.
4. Pamahalaan.
5. Relihiyon.

4. Mga Institusyong Panlipunan
Trabaho.
Pangkaraniwan nang ang mga gampanin ng kababaihan sa larangan ng
hanapbuhay ay yaong hindi mabibigat na gawain. Ang mga babae ay
inaasahang makapapasok sa mga trabaho gaya ng pananahi, pagna-nurse,
pagguguro, pagdedentista, pagluluto, magagaan na gawain sa opisina, at
iba pang hindi gaanong nangangailangan ng pisikal na lakas.

5. Mga Institusyong Panlipunan
Trabaho.
Sa kabilang banda, ang kalalakihan ang karaniwang nakapapasok sa
mga hanapbuhay gaya ng pagsusundalo, pagpupulis, pagsasaka,
pangingisda, pagmemekaniko, pagiging security guard, kargador,
karpintero, at mga kauri nito. Ganon pa man, sa kasalukuyan ay
nagagampanan na ng parehong kasarian ang maraming uri ng
hanapbuhay.

6. Mga Institusyong Panlipunan
Pamilya.
May pagkakahati ng mga Gawain at gampanin ang asawang lalaki
(husband) at asawang babae (wife) sa pamilya. Pangkaraniwan nang
gampanin ng isang babae ay ang pagpapanatili ng kalinisan ng kanilang
tahanan, paggawa ng mga gawaing-bahay, at pangangalaga sa buong
pamilya. Ang isang lalaki naman ay inaasahang magsusustento sa
kaniyang pamilya o magbibigay ng mga pinansiyal na pangangailangan at
proteksiyon para sa pamilya.

7. Mga Institusyong Panlipunan
Pamilya.
Sa ngayon, hindi na gaanong kalinaw ang hatian ng gampanin
sa pamilya. May mga mag-asawa ngayon na parehong
naghahanapbuhay. May mga pamilya na ang mga babae na ang
naghahanapbuhay at ang mga lalaki naman ang naiiwan upang
magsinop sa tahanan at mangangalaga sa pamilya. Dumarami kung
ganoon ang mga tinatawag na career woman at house husband.

8. Mga Institusyong Panlipunan
Edukasyon.
Sa edukasyon, ang karaniwang kinukuhang kurso ng kababaihan
at kalalakihan ay ang mga kursong itinuturing ng kultura na
naaayon sa kanilang kasarian. Subalit gaya sa trabaho, ang
gampanin sa edukasyon ng mga kasarian ay nagbago na. Ang mga
kursong dati-rati ay itinuturing na angkop lamang sa isang
kasarian ay inaalok na rin sa miyembro ng ibang kasarian.

9. Mga Institusyong Panlipunan
Pamahalaan.
Sa maraming bansa, ang nakagawiang pinipili bilang namumuno sa
gobyerno ay ang kalalakihan. Subalit hindi gaya ng dati, sa ngayon ay
marami nang babae na humahawak sa matataas na posisyon sa
pamahalaan. Masasabing napasok na ng kababaihan ang mundo ng
politika.

10. Mga Institusyong Panlipunan
Relihiyon.
Sa mga sekta ng relihiyon, may mga bahaging ginagampanan ang
parehong kasarian. Sa Katolisismo, nananatiling kalalakihan lamang ang
pinapayagang magpari at kababaihan naman ang nagmamadre. Sa Iglesia
ni Cristo, bagama’t ang kalalakihan lamang ang pinapayagang maging
ministro, ang mga babae naman ay pinapayagang maging diakonesa,
mang-await, kalihim, at iba pa. Sa Seventh Day Adventist, Born-Again
Christian, at iba pang sektang Protestante, maaaring maging
tagapangaral maging ang mga babaeng nilang kaanib.

11. Salamat sa Pagsubaybay