3. ALAM MO BA?
Isang manok ang nakalarawan sa panimula ng
aralin. Ito ay isang inahing manok. Ang
inahing manok ay nangingitlog. Sinasabing
makapagbibigay ng hanggang 300 itlog sa
isang taon ang isang inahin.
Kakaibang manok ang iyong makikilala
ngayon. Handa ka na ba?
4. Ang Manok ni Mang Apolo
Isang araw, pumunta sa
bukid si Mang Apolo. Gusto
na niyang anihin ang
itinanim na palay.
5. Nadaanan niya rito ang isang
matandang babae. Nakasandal ito
sa puno at pagod na pagod. "Bakâ
po matulungan ko kayo, ale. Heto at
uminom po muna kayo," sabay
bigay ng tubig ng naaawang
magsasaka.
6. Pagkainom ng matanda ay bigla
itong naglaho. Isang inahing manok
ang naiwan sa kanyang harapan.
Isang diwata palá ang matanda.
Nais ng diwata na tulungan ang
magsasaka bilang pagpapasalamat
sa kanyang kabutihang loob.
7. Nagtataka man ay iniuwi ni Mang Apolo
ang inahing manok. Lalo siyang nagulat
nang Makita niyang nangingitlog ito ng
ginto. Nagpasalamat siya sa Diyos sa
natanggap na biyaya. "Diyos ko, salamat
at sinagot na po Ninyo ang aking dasal.
Gaganda na ang aming buhay."
8. Minsan lamang sa isang buwan kung mangitlog
ang manok. Nagamit niya ang ginto para mabili
ang kanilang mga pangangailangan. Kaya naman,
umasa na lamang ang magsasaka sa gintong
itlog. Naging tamad si Mang Apolo Sobra-sobra
siya kung gumasta. Ibinigay niya ang lahat ng
magustuhan ng kanyang pamilya. Natuto rin
siyang magsugal at uminom ng alak. Dahil dito,
hindi na kumasya ang halaga ng ginto sa kanilang
maluhong buhay at bisyo.
9. "Alam ko na! Kukunin ko na ang lahat ng
itlog sa kanyang tiyan!" ang mabilis na plano
ni Mang Apolo sabay hiwa sa tiyan ng
manok. Nagulat siya nang wala siyang
makita kahit isang gintong itlog dito.
Namatay ang manok na nangingitlog ng
ginto. Naghirap na muli ang pamilya ni Mang
Apolo. Magsisi man siya ay huli na ang lahat.
12. Nagustuhan mo ba ang mga
larawang-guhit sa aklat?
Naintindihan mo ba ang kuwento?
Ang awtor at ang ilustrador ay ang
mga taong nagtutulungan sa
paggawa ng aklat.
13. Ang awtor ang sumusulat ng kuwento. Ang
kuwento ang binabasa sa aklat.
Ang ilustrador ang gumuguhit ng mga larawan
sa aklat. Mas madaling maiintindihan ang
mensahe ng kuwento dahil sa larawang-guhit ng
ilustrador.
Mahalaga ang awtor at ang ilustrador para
makabuo ng isang aklat.
