2. ETXEKO PIZZA MASA BIGUNAREKIN
OSAGAIAK:
Orea egiteko:
Irina 225 g
Ura 100 ml
Gatza 5g
Legamia 3g
Jogurt naturala 30g
Azukrea 8g
Olioa 10g
Pizzako osagaiak:
Oilaskoa 117 g
Ozpinetako-luzoker gazi-gozoa 2
Piper min gorriak 2
Tomate saltsa 220g
Cheddar gazta 21g
Gazta birrindua 50g
PROZEDURA:
Orea egiteko:
1. Ontzi batean irina eta gatza nahastu eta erdian zulo bat egin.
2. Egin dugun zulo horretan bota jogurta, azukrea, legamia, ura eta olioa.
3. Ore homogeneo bat (dena nahastuta, osagaiak bereiztu gabe) geratu arte oratu.
4. Behin orea prest daukagunean, olioz bustitako (ez itsasteko) ontzi batean sartu,
plastikozko filmarekin estali eta labean sartu, 40-50º gradutan, 25 minutuz,
altxatzeko.
5. Txantxartu ostean mahaian jarri irin pixka batekin eta luzatu, pizza itxura hartu
arte. Orea eskuetara itsasten bada, ez bota irinik, olio pixka bat baizik.
6. Labean berriro sartzeko moduko erretilu batean jarri, labe papera erabiliz, ez
itsasteko.
Pizza osatzeko:
1. Tomate saltsa (guk perrexil, baratxuri txikitu eta piperbeltz apur bat bota diogu
zaporea emateko, baina hautazkoa da) eta gazta jarri orearen gainean.
2. Oilaskoa zatitxoetan moztu eta sartaginetik pasatu, olio pixka batekin eta
tenperatura altuan, kanpotik bakarrik egiteko eta kolore ona hartzeko. Amaitzean
pizzan jarri.
3. Piper min gorriak tira txikitan moztu eta luzokerrak xerratan. Bota pizzara.
Pizza labean egiten amaitu:
1. Labea 250º-tan jarri berotzen.
2. Sartu pizza beheko partean 5 minutu.
3. Ondoren, goiko partean beste 5 minutu.
Pertsona bakoitza mundu bat den bezala, pizza bakoitza ere pertsona bakoitzarena da,
beraz, bota gehien gustatzen zaizkizun osagaiak. Labetik atera, pixka bat itxaron ez
erretzeko eta…. Mmmmmmmm!! ONA! BIKAIN! NAHIKO! GUTXI! Disfrutatzera!
Errezetako hitzen bat ulertzen ez baduzue, ez izan alferrak, eta erabili hiztegia!
