1. UNITATE DIDAKTIKOA: Herri Kirolei buruzko Lip-Dub-a
Gure proiektua Herri Kirolei buruzkoa da, eta teknologia berriekin lotura zuzena
du, bideo bat sortu eta interneten bidez ezagutzera emango dugulako. Haientzat
entretenigarriagoa izango da gelan bakarrik landu beharrean eskolan zehar eta beste
ikaskideekin lan egingo dutelako. Bestalde, beste eskoletako ikasleen bideoak ikusiko
dituztenez, horiek erakusten duten ohiturei buruz ere ikasiko dute. Egingo dugun
ekintza berezi honi esker, zortzi gaitasunetako batzuk landuko ditugu.
1- Hizkuntza komunikaziorako gaitasuna: herri kirolen izenak ikasiko dituzte
eta haiei buruzko gauzak aipatzeko gai izango dira.
2- Zientzia teknologia eta osasun kulturarako gaitasunak: herri kirola
bultzatzeaz gain, kirola orokorrean ere bultzatzen da.
3- Informazioa tratatzeko eta teknologia digitala erabiltzeko gaitasuna: argi
dago hau garrantzitsuenetariko bat dela, nahiz eta haiek zuzenean
teknologiarekin harremana ez izan. Irakasleak izango dira horretaz
arduratuko direnak, baina prozesu osoa kontatuko diete ikasleei, hurrengo
batean haiek egin ahal izateko. Interneten bidez parte hartuko duten
txapelketaren bidez ere informatika eta internet ikasteko aukera izango dute.
4- Gizarterako eta hiritartasunerako gaitasuna: pertsona askorekin lan egin
behar izango dute, beraz, taldean lan egiten eta besteak errespetatzen ikasiko
dute. Besteekin harremanetan jarriko direnez, errespetua eta bizikidetza
garatuko dute.
5- Giza eta arte kulturarako gaitasuna: gure kulturan hain garrantzitsuak diren
herri kirolak ikasiko dituzte; gainera, beste kulturak ikusteko aukera izango
dute.
6- Matematikarako gaitasuna.
7- Ikasten ikasteko gaitasuna: ikasteko era berri eta desberdin bat ikusiko dute,
gelatik kanpo, libururik gabe.
8- Norberaren autonomiarako eta ekimenerako gaitasuna: nahiz eta pertsona
askoren lana izan, Lip-dub batean bakoitzak oso argi izan behar du bere lana,
arazorik ez egoteko grabatzerako orduan.
Egoeraren azterketa:
Lehen hezkuntzako ikasleentzat dago bideratuta unitatea, nahiz eta guk
unibertsitateko 3. Mailako ikasleekin egin. Argi dago guk egingo dugun lana umeekin
egitea zaila edo ezinezkoa dela, korrika egin behar delako, leku aldaketa asko daudelako
eta egingo ditugun ekintza batzuk arriskutsuak direlako. Dena dela, umeekin egitekotan
argumentua baino ez litzateke aldatu behar eta gainera, ume asko izango zirenez, hobeto
geratuko litzateke.
1
2. Diseinua:
Helburuak
• Herri kirolen izenak eta nola jolasten den ezagutzea.
• Herri kirolak nondik datozen ezagutzea.
• Kirolaren garrantziz jakitea.
• Norbanakoaren papera betetzen ikastea.
• Beste kuturak ezagutzea eta errespetatzea.
• Oinarrizko informatika ezagutzak garatzea.
• Taldeka lan egiten ikastea.
• Euskal tradizioa ezagutzea.
Edukiak
• Herri kirolak nola jolasten diren.
• Herri kirolen jatorria.
• Bideoei buruzko oinarrizko informatika ezagutza.
• Euskal tradizioak.
• Interneten bidez beste kulturak ezagutzea.
Baliabideak:
• Irakurgaiak
• Ordenagailua eta internet
• Bideo kamera
• Jantzi tradizionalak
• Bideoa sortzeko materiala: soka, txingak, lokotzak, zakuak…
Metodologia:
Hasieran gelan landuko ditugu tradizioak eta herri kirolak, denon artean informazioa
bilatuz eta nola jolasten den ikasiz. Gero, bideoa prestatuko dugu irakasleon artean, eta
bakoitzaren papera zein den esango diegu. Bi edo hiru entsegu egin eta grabazioa
egingo dugu. Horren ostean prozesu informatikoa azalduko diegu ikasleei eta emaitza
ikusiko dugu. Gero, gure bideoa beste eskola batzuetako ikasleekin konpartituko dugu,
eta beste bideoak ikusiz kultura ezezagunak ezagutuko ditugu.
Denboralizazioa:
Bi aste inguru emango dugu gai hau lantzeko, lehenengo astea gelan eta
bigarrena jolasten eta grabatzen. Era honetan antolatu dugularik, saio bakoitzaren
antolaketa azalduko dugu.
1. SAIOA
-Euskal tradizioei buruzko aurreideiak landu
-Herri kiroletan zentratu
2
3. -Ikasle bakoitzari etxean kirol bati (nahi dutena) buruzko informazioa bilatzeko eskatu
2. SAIOA
-Aukeratutako kirolak komunean jarri, eta errepikatzen direnak batu, besteei zertaz doan
eta nondik datorren azaltzeko.
-Ordenagailuaz eta internetez baliatuko gara bideoak eta irudiak gelan ikusteko.
3. SAIOA
-Kirol bakoitzari buruzko poster bat egin, taldeka.
4. SAIOA
-Kirolei buruzko posterrak gelakideei aurkeztu.
5. SAIOA
-Bideoa nola egingo den azaldu ikasleei
-Bideoan bakoitzaren papera zein izango den eta nola lan egingo den azaldu
-Kirol batzuetara jolastu, esperientzia bizitzeko
6. SAIOA
-Kirolak egiten jarraitu
-Lehenengo entsegua
7. SAIOA
-Bigarren entsegua
-Bideoa konpartitzeko erabiliko dugun orrialdea aurkeztu eta nola erabiltzen den
irakatsi
8. SAIOA
-Grabazioa
9. SAIOA
-Emaitzak ikusi
-Internetera igo
10. SAIOA
-Beste bideoak ikusi eta baloratu
-Bideoetan ikusten den komentatu
3
4. Ebaluazioa:
Nahiz eta gelako jarduera bat izan eta bere eduki eta helburuak izan, ez dugu
ebaluazioa ohiko moduan egingo, landuko ditugun gauzak azterketa edo lan batean
ebaluatzea zaila izango delako.
Gai hau ebaluatzeko jarraituko ditugun ebaluazio irizpideak honako hauek dira:
• Taldean lan egiten jakitea
• Bere rol indibiduala egiten jakitea
• Informatikarako gaitasuna garatzea
• Herri Kirolen izenak eta jolasteko era ikastea
• Beste herrietako umeen ohiturak ezagutzea
• Beste herrietako umeen ohiturak errespetatzea
• Parte hartzean jarrera baikorra izatea
4