2. Կենսագրություն Առնո Բաբաջանյանը ծնվել է Երևանում, 1921 թվականի հունվարի 22-ին: Նրա տաղանդը Արամ Խաչատրյանը դեռ հինգ տարեկանում նկատելով՝ որոշում է, որ տղան պետք է երաժշտությամբ զբաղվի: Դրանից հետո, 1929-ին ընդունվել է Երևանի Պետական Կոնսերվատորիային կից երաժշտական դպրոցը, որն ավարտելուց հետո սովորում է կոնսերվատորիայում: Այնուհետև, 1948-ին ուսումը շարունակել է Մոսկվայի կոնսերվատորիայի դաշնամուրի բաժնում՝ միաժամանակ կատարելագործվելով Մոսկվայում գործող Հայաստանի կուլտուրայի տանը կից ստուդիայում: 1950-1956 թթ. դասավանդել է Երևանի կոնսերվատորիայում: 1956-ից հաստատվել է Մոսկվայում, ուր և վախճանվել է 1983-ի նոյեմբերի 11-ին:
3. Առնո Բաբաջանյան երգելով Անցած օգոստոսին Վենետիկում հանդիպեցի իտալաբնակ ֆինն երգչուհի Սինի Տուոմիսալոյի հետ (մոտ մեկ տարի համացանցով թղթակցում էինք)… Մեր ծանոթության առիթը Սինիի մեծ սերն էր Առնո Բաբաջանյանի երգերի հանդեպ… 2008-ին նա ձայնագրել է «Սինին Առնո Բաբաջանյան է երգում» խտասալիկը, որն ընդգրկում է հայ երգահանի ռուսերեն երգերը… Սիրունատես, երկարավարս, ֆիննական բնորոշ դիմագծերով և հաճելի ձայնով Սինին երգարվեստի նվիրյալ է, նաև գրում է ու նկարում… Ամիսներ առաջ ես նրան առաջարկել էի մասնակցել իմ մի նախաձեռնությանը՝ ֆիններեն թարգմանել հայ արձակագիր Էլդա Գրինի մի պատմվածքը, ինչը նա սիրահոժար կատարեց… (Այդ պատմվածքը՝ «Ձեռքերը», շուտով Երևանում կհրատարակվի առանձին գրքով՝ 35 լեզվով)… Սինին արձագանքեց նաև մեր մյուս առաջարկին՝ գրել մի հոդված Առնո Բաբաջանյանի երգերով իր հրապուրվելու մասին…
4. Առնո Բաբաջանյանի ստեղծագործական հարուստ ժառանգությունը ներառում է երգեր, գործիքային կատարումներ, սիմֆոնիկ երաժշտություն: Նա ստեղծագործել է տարբեր ոճերով՝ դասական, պոպ, ջազ: Բաբաջանյանի ստեղծագործական ոճը ձևավորվել է Արամ Խաչատրյանի և Սերգեյ Ռախմանինովի ազդեցությամբ: Իսկ նրա ստեղծագործական անհատականությունը դրսևորվել է դաշնամուրի և նվագախմբի համար գրված «Հերոսական բալլադում» (1950) և դաշնամուրային տրիոյում (1952): Լայն ժողովրդականություն վայելող «Հայկական ռապսոդիան» գրել է 1950-ին: Խորհրդային լավագույն ֆիլմերից շատերում հնչում են նրա հեղինակած կատարումները՝ «Առաջին սիրո երգը», «Երջանկության մեխանիկան», «Հարսնացու հյուսիսից» և այլն Ստեղծագործություն