2. Հայ անվանի կոմպոզիտոր Առնո Բաբաջանյանը
ծնվել է 1921թ. Երևանում: Բաբաջանյանի հայրը
շնորհալի մարդ էր, ֆլեյտա էր նվագում: Նրա
ընտանիքում սիրւմ էին երաժշտությունը: Իսկ
փոքրիկ Առնոյի կյանքում առաջին հանդիպումը
իսկական կոմպոզիտորի հետ, տեղի է ունեցել
մանկապարտեզում:
3. Նա միշտ սիրով է հիշել այդ հանդիպումը. «Մի
անգամ եկավ մի այցելու: Այդ մարդը խնդրեց մեզ
երգել, որպեսզի իմանա, թե ով լավ ձայն ունի: Ես
նույնպես երգեցի և ռիթմի տակ ծափ տվեցի: Այդ
մարդը լսեց ու ասաց, որ պիտի զբաղվեմ
երաժշտությամբ: Ավելի ուշ իմացա, որ այդ մարդը
Արամ Իլյիչի Խաչատրյանն էր»:
4. 1929 թ Բաբաջանյանը ընդունվել է Երևանի
կոնսերվատորիային կից երաժշտական դպրոցը:
Ընդամենը 9 տարեկանում գրում է առաջին՝
«Պիոներական քայլերգ» ստեղծագործությունը:
Այս գործը փոքրիկ Առոյին ճանաչում է բերում:
5. 1936 -ին ընդունվել է Երևանի կոնսերվատորիա,
ուսանել է անվանի կոմպոզիտոր Վարդգես
Տալյանի դասարանում: Այնուհետև ուսումը
շարունակել է Մոսկայի կոնսերվատորիայում:
Առնո Բաբաջանյանը մասնակցել է Հայրենական
Մեծ պատերազմին և այդ տարիներին
հատկապես, գրել է հայրենասիրական գործեր
«Վաղարշապատի պարը», «Հերոսական բալլադ»,
կոնցերտներ ջութակի և դաշնամուրի համար:
6. Նա մի շարք սիրված երգերի հեղինակ է՝ «Բարձր
պահենք բարեկամության դրոշը», «Գուշակիր
ցանկությունս», «Կամուրջներ», «Առաջին սիրո
երգը», «Քեզ հետ», «Ես սպասում եմ քեզ» և այլն:
Մեծ է Առնո Բաբաջանյանի դերը հայկական և
խորհրդային էստրադայի, ինչպես նաև դասական
երաժշտության մեջ: Իր կյանքի վերջին
տարիներին գրում է նաև երաժշտություն կինոյի
համար: Հայտնի են հետևյալ ֆիլմերը՝ «Առաջին
սիրո երգը», «Հարսնացու հյուսիսից», «Ամպրոպի
արահետով», «Անձամբ ճանաչում եմ» և այլն: