2. Цацлын 9 нүд

3. Есөн ес

4. 9 цагаан туг

5. 9 үе

6. 99 тэнгэр

7. 9 цагаан тэмээ

8. Хичээлийн сэдэв: Ш.Сүрэнжав ”Ерэн баатрын дууль”

9. Ш.Сүрэнжав Ерэн баатын дууль Халх голын хөвөөнд Ерэн баатар төржээ Халх голын хөвөөнд Ерэн баатар нойрсжээ Хан тэнгэрт цойлж Ерэн хөшөө гэрэлтжээ Хөшөө тийш очих Ардын зам баларсангүй Свердловскын гудамжаар Аавтайгаа хөтлөлцөөд Сэргэлэн оддын учрыг Асууж явсан орос хүү Севастополийн цэцэрлэгт Амрагтайгаа болзоод Сэтгэл шигээ цагаахан Алчуур солилцсон хархүү Цэргийн шинель өмсөж Галт тэргэнд суухдаа ц Цэцэн буу мөрөвчилж Газрын холыг зорихдоо Цэнхэр униарт талын Наран мандах зүгрүү Цэлмэг тэнгэр шигээ нүдээрээ Насандаа марташгүй харсан юм Ханан дахь хуанлийн тоо Гучин есийг зааж Харандааны үзүүр зураг дээр Халхын голыг зурж Хайлааст Манханы оройгоор Дарийн утаа маналзаж Хатуу хилэнт өдрөөр Дайсанд үхэл зарласан Яг тэр мөчид Ерэн баатар төрж Ялалтын тугаа өргөхөд нь би Эхэлж хорвоод мэндэлжээ Ерэн эрийнхээ хойноос Ерэн эхнэр уйлж Ерэн эцгийн хойноос Ерэн хүүхэд сарвайж Ерэн хүүгийнхээ хойноос Ерэн эх шаналж Хэчнээн ерэн зүрх Хэн хэний зүрх Хэдийн болтол шархалж Хэцүү бэрхээр өнчрөв Свердловскийн буудлаас Ачийгаа үдсэн өвгөн Севастополийн цэцэрлэгээс Амрагаа мөрөөдсөн бүсгүй Москвагийн сургуулиас Аавыгаа хүлээсэн хүү Монголоос ирэх шууданг Хичнээн их харуулдаа бол Нижигнэсэн бууны дуугаар Ерэн баатар төрөхөд Нэг насаа олж аваад Ирж байсан хүү би Нинжин сэтгэлтний хагацлаас Уйлах гэж хожимдсонгүй Нижгэр их ялалтыг Дуулах гэж хожимджээ Гайхамшигт алдрыг нь дуулья гэж Үгээ бодлоо Гандашгүй гавьяагий нь дурсгая гэж Үзгээ авлаа Хорвоод дуурстал аялъя гэж Хоолойгоо заслаа Хойч үедээ дуурсгая гэж Сэтгэлээ өглөө Идэмхий дайсныг хяргасан Сүрт зэвсэг дотроос Илд буу хоёрыг нь Сүлд болгон зөрүүлж Египетийн хаадын босгосон Пирамидаас өндөрт Ерэн баатрын хөшөө Эгч дээшээ мандаж байна Рявцов.В.И 1939.8.25 Степанюк.М.С 1929.8.25 Жлудков.А.В 1939 8.28 Прядков.А.Н 1939.8.30 Энэ олон нэр Ерэн баатрын нэр Нэр бүхний хойноос Өнчирч уйлсан нүд Нэр бүхний цаанаас Өрөвдөж хайрласан зүрх Дээгүүр нь үүл нүүж байна Дэргэдүүр нь ус урсаж байна Хажуугаар нь ой шуугьж байна Харин эд чив чимээгүй Харьтныг алхуулаагүйдээ Уужирч амарсан юм шиг Харуулангийн албандаа Үнэнч цэрэг хэвээрээ Хязгаарын газартаа Үлдэж хоцорч дээ Орос хүн Гэртээ харихаар будахдаа Олон эрс Гэргий хүүхдээ зорихдоо Орхисон нөхдөө Эргэж харсан нүдэнд нь Гашуудлын нулимс Бүрхэж байсан нь лавтай Халх голын хөрсөн дээр Ерэн баатар төржээ Халх голын хөрсөн доор Ерэн баатар нойрсжээ Хан тэнгэрт цоройж Ерэн хөшөө гэрэлтжээ Уйлах гэж хожимдоогүй Дуулах гэж хожимдсон Дайны жилийн балчир хүү би Дараах үеийн өлчир эр би Амины үнэтэй Атга шороогоо хамгаална гэж Арван наймтай Цэргийн бүртгэл авч байлаа Андын холбоотой Ачит нөхрөө хайрлана гэж Алх хадууртай Алтан сүлдий нь биширч явлаа Элшгүй гавъяатай Ерэн баатрыг дуулна гэж Эргэшгүй тангарагтай Зүрхний үгээ өргөж ирлээ Эгнэшгүй үнэтэй Эрх чөлөөгөө манана гэж Эцэшгүй явдалтай Үгсийн хөлгийг эмээллэж уналаа