Feira do Grelo 2020, Andrea Rivera Andrade

1. AGRADABLE XORNADA EN MONFERO: “A FEIRA DO GRELO”
Por Andrea Rivera Andrade
Hoxe é 16 de febreiro de 2020 e viñen cos meus pais e compañeiros de clase á
Feira do Grelo de Xestoso. Non é primeira vez que veño, xa que son veciña desta parroquia
de Monfero. Mais nesta ocasión viñemos a facer unhas entrevistas ás persoas que andan
por aquí, e, xa que estamos aquí, comer uns cantos grelos.
A primeira persoa que entrevistamos é Pacucha Couto, nai dun exalumno do meu
colexio, xerente da ​Sociedade Cooperativa Valxestoso e unha das encargadas de poñer a
feira en funcionamento nesta e nas cinco edicións anteriores. Preguntámoslle se o ano que
vén teñen pensado seguir coa feira, ao que nos contestou que por suposto tiñan pensado
seguir facendo máis edicións, matizando que “​é como todo o que leva tempo, porque desde
organizar os postos, facer a comida, os presupostos… é un conxunto de cousas que levan
moito tempo pero que ten unha moi boa recompensa ao final​”.
Tamén entrevistamos a vendedores de grelos que nos contan que se soen vender
sobre uns 60 ou 80 quilos de grelos e que o quilo costa 2 euros e que este prezo está posto
para todos os vendedores. A parte de grelos tamén hai requeixo, mel, artesanía e, como
non, maquinaria agrícola (tractores, desbrozadoras, etc…) Unha vendedora de mel
coméntanos que soe vender sobre uns 50 quilos de mel e que o bote grande custa 10 euros
e o de medio quilo a 6 euros. A vendedora de requeixo tamén calcula que vende sobre uns
50 botes e que o prezo de medio quilo é de 3 euros e 50 céntimos.
E, por suposto, unha parte fundamental da feira tamén son os visitantes, que
tampouco se libraron das nosas entrevistas. Neste caso entrevistamos a Teresa Rico,
unha muller que nos conta que xa viñera mais veces e tiña ganas de volver e
recoméndanlle vir á xente que nunca viñera, xa que a ela lle gustan moito a calidade dos
productos que se ofrecen: “​na exposición agraria hai de todo, desde un cartacéspedes ata
un coche sen carnet​”.
E con todas estas entrevistas invitamos a todo o mundo a que veña visitar a vindeira
edición da ​Feira do Grelo de Xestoso, ​non vos ides arrepentir, porque aínda que chova,
neve ou granice tedes a diversión asegurada.