1. AZKEN HAUSNARKETA
Iñigo Larrañaga Ageitos
IKT, Haur Hezkuntza 3. maila
Mundua azkarregi aldatzen ari da. Gainera aldaketa hau konstantea izan beharrean, esponentzialki
gertatzen da. Kalkulatzen da orain dela ehun urteko pertsona batek bere bizitza osoan jasotzen zuen
informazio guztia, gaur egungo haur batek bizpahiru urtetan jasotzen duenaren berdina dela.
Hedabideak (telebista, internet, irratia, ...) gero eta ugariagoak dira eta etengabe emititzen ari dira
informazioa. Guzti honek, gizartea aldarazi egin du azken urteotan; lan moduak aldatu dira, elkar
erlazionatzeko moduak, ... eta noski, Hezkuntza ere aldaraziko du, ez badu jada egin.
Alor horretan, Haur Hezkuntzari atxikiturik, Teknologia Berriek ekarriko dituzten aldaketekin bat
egin nahi dut. Horrek ez du esan nahi Teknologia Berriak irakastea izango dudala helburu, baizik
eta hauek erabiliko ditudala Haur Hezkuntzako haur batengan edukiak barneratzeko. Hau da, tresna
gisa erabiliko ditudala. Guztiz osagarritzat jotzen ditut Teknologia Berriak eta betidanik egon diren
hedabide tresnak (liburuak, arbela,...).
Haur Hezkuntzako irakasle baten funtsa, nire ustez, haurra estimulatzea da, haurrari nahia
sentimendua atxikitzea edo plazerra egokitzea. Hori da behintzat nire irakasle eredua. Hori gabe,
Hezkuntzak ez du zentzurik niretzat, are eta gutxiago Haur Hezkuntzan: nahi horren bitartez
haurrak ikasiko duelako, nahi horren bitartez haurra garatuko delako, nahi horren bitartez ezbeharrei
aurre egingo baitio.
Bukatzeko, esan, nahi hori lortzeko tresna desberdinak bilatuko dituela irakasleak: jolasak, ipuinak,
antzerkiak, marrazkiak, ... Horietako tresna bat bezala ikusten dut Teknologia Berriak. Amara
Berriko irakasleak ondo azaldu zigutenez, Teknologia Berriak erabiltzen zituztela egiten zituzten
lanei irteera bat emateko, haurren zertarako galdera erantzuteko intentzioarekin. Tresna bat
bailitzan.