mga halimbawa ng dagli

2. Karaniwang napagkakamalang katumbas ng flash
fiction o sudden fiction sa Ingles
anyong pasingaw at diga ng mga magbabarkada
tinatalakay ang “samu’t saring pangyayari sa lipunan sa
paraang madaling unawain dahil simple lang ang
paggamit ng wika
 proto-fiction o micro-fiction

3.  “Mga Kwentong Paspasan” na pinamatnugutan ni Vicente Garcia Groyon (2007)
 “Wag Lang Di Makaraos (100 Dagli Mga Kwentong Pasaway, Paaway at
Pamatay)” ni Eros Atalia (2011)
 "Ang Autobiografia ng Ibang Lady Gaga“ ni Jack Alvarez (2012)

4. SALVADOR R. BARROS
"Tungkol sa mga bagay na pumapasok sa pandinig, ang
lalaki, babae, at reporter ay may malaking ipinagkakaiba.
"Ang pumapasok sa isang tainga ng lalaki ay lumalabas sa
kabila.
"Ang pumapasok sa dalawang tainga ng babae ay
lumalabas sa bibig.
"At ang pumapasok sa dalawang tainga ng reporter ay
lumalabas sa pahayagan."

5. HAHAMAKIN ANG LAHAT ni Abdon Balde Jr
"Kung kaya mong magbreakdance sa JS", sabi ni Cherry. May halong
biro. Para na rin niyang sinabing, "Pagputi ng uwak".
Ngunit hindi ganoon ang dating kay Dindo.
Sinuway ni Dindo ang bilin ng magulang.
Inilihim niya sa mga kaibigan ang balak. Nagpalakas siya. Kinausap si
Sam. Nagsanay si Dindo. Hindi alintana ang sakit at hirap.
"Puwede ka na," sabi ni Sam pagkaraan ng isang buwan.
Isang linggo bago mag JS Prom, nilapitan ni Dindo si Cherry na
nagmemeryenda sa canteen.
"Para sa'yo , handa na ako", sabi ni Dindo.
"Oh shocks ! " sagot ni Cherry , nakangisi,
"Serious ka? Kami na ni Joko, noh ! "
Malungkot na tumalilis si Dindo, iika-ika, hila ang paa na may polio.
Malupit ang pag-ibig.

6. SKYFAKES NI EROS ATALIA
Alas dose na . Nagsilabasan na ang mga kasamahan niya sa opisina. Lunch break.
Niyaya siya ng mga ito na mananghalian. "Sunod na ako, tapusin ko lang itong
pinipagawa ni Sir, kailangan daw ng 2 pm, e." , wika niya.
Naiwan siya sa opisina. Pinaspasan niya ang trabaho. Unti-unti nang umiinit. Hinubad
niya ang blazer. Pinapatay kasi ang aircon sa opisina nila kapag lunch break. 12:40
tapos na ang trabaho. Tinext siya ng kanyang mga kaopisina kung nasaan na siya.
Nag-reply siya " D p tpos. Nxt time n lng. Nwy , I'll just eat my baon here."
Kinakailangang niyang ma-promote. Kailangan niya lang siguro ng magandang break.
Sa pinapatrabaho ng kaniyang boss, baka ito nga ang kaniyang break.
Mula sa kaniyang kinauupuan, kitang-kita niya ang nagdidilim na langit. Dinukot ang
pitaka. Binuksan. Tinitigan ang larawan ng mga anak. Binilang ang barya sa pitaka.
Muli tiningnan ang langit. " Wag kang uulan. Wag".
Kumakalam na ang kaniyang tiyan. Binuksan niya ang drawer. May isa pang pakete ng
biskwit. Binuksan niya ito. Kumain. Tumungo sa water dispenser. Kumuha ng
disposable cup. Uminom ng tatlong basong malamig na tubig. Napadighay siya.
Bumalik sa pwesto. Muling tumingin sa langit. Hindi niya tiyak kung makulimlim o
maaraw.
Napailing siya." Makisama ka naman. Wag kang umulan. Wag." Muling binilang ang
barya sa pitaka.

7. Si Ma'am kasi
Final exam ng mga graduating. Make or break. Terorista ang prof nila sa major subject
na ito. Walang pakialam kung graduating ka o hindi. Kung bagsak, bagsak.
Parang barangay tanod ang prof. Ikot ng ikot sa buong classroom. Lahat ng kahina-
hinalang kilos, lingon o titig ng mga estudyante, sinisita nito.
May nag vibrate na cellphone na nakapatong sa armchair.
“Turn it off! Or keep it away!” bulyaw ng prof. Pinag tinginan lahat ang estudyanteng nag
pupumilit na mai-off o itago ang cellphone.
Balik ulit ang lahat sa pa sagot. Maya-maya, yung estudyanteng yun ay tumingin ulit sa
phone at pagkatapos ay sa prof.
Nagduda na ang prof. Gawain kasi ng ibang estudyante na ilagay ang sagot sa cell
phone. Lumalapit palang ang prof sa may hawak ng cellphone ay umiyak na ang
estudyante. “Give me your phone. You’re cheating!”
Pagkaabot ng estudyante ng cellphone sa prof dinampot nito ang bag at dali daling
kinuha ang bag at saka bumira ng takbo paalis ng classroom. Iniwan ang test paper.
“Class, you’re all my witnesses, your classmate is cheating. Will you read kung ano
nakalagay sa message?”
Tumayo ang estudyanteng inutusan. Binasa ang message.
“Bakit hindi mo sinasagot tawag namin? Wala na si dad. Di na nya nasurvive.