1. Paunang Salita
Para sa mag-aaral:
Malugod na pagtanggap sa Filipino 7 ng Alternative Delivery Mode (ADM) Modyul 3 ukol sa Antas
ng Wika.
2. Ang modyul na ito ay ginawa bilang tugon sa iyong pangangailangan. Layunin nitong matulungan ka
sa iyong pag-aaral habang wala ka sa loob ng silid-aralan. Hangad din nitong madulutan ka ng mga
makabuluhang oportunidad sa pagkatuto.
Ang modyul na ito ay may mga bahagi at icon na dapat mong maunawaan.
Alamin
Sa bahaging ito, malalaman mo ang mga dapat mong
matutuhan sa modyul.
Subukin
Sa pagsusulit na ito, makikita natin kung ano na ang
kaalaman mo sa aralin ng modyul. Kung nakuha mo ang
lahat ng tamang sagot (100%), maaari mong laktawan
ang bahaging ito ng modyul.
Balikan
Ito ay maikling pagsasanay o balik-aral upang matulungan
kang maiugnay ang kasalukuyang aralin sa naunang
leksyon.
Tuklasin
Sa bahaging ito, ang bagong aralin ay ipakikilala sa iyo sa
maraming paraan tulad ng isang kuwento, awitin, tula,
pambukas na suliranin, gawain o isang sitwasyon.
Suriin
Sa seksyong ito, bibigyan ka ng maikling pagtalakay sa
aralin. Layunin nitong matulungan kang maunawaan ang
bagong konsepto at mga kasanayan.
Pagyamanin
Binubuo ito ng mga gawaing para sa malayang
pagsasanay upang mapagtibay ang iyong pang-unawa at
mga kasanayan sa paksa. Maaari mong iwasto ang mga
sagot mo sa pagsasanay gamit ang susi sa pagwawasto
sa huling bahagi ng modyul.
Isaisip
Naglalaman ito ng mga katanungan o pupunan ang
patlang ng pangungusap o talata upang maproseso kung
anong natutuhan mo mula sa aralin.
Isagawa
Ito ay naglalaman ng gawaing makatutulong sa iyo upang
maisalin ang bagong kaalaman o kasanayan sa tunay na
sitwasyon o realidad ng buhay.
Tayahin
Ito ay gawain na naglalayong matasa o masukat ang
antas ng pagkatuto sa pagkamit ng natutuhang
kompetensi.
Karagdagang Gawain
Sa bahaging ito, may ibibigay sa iyong panibagong
gawain upang pagyamanin ang iyong kaalaman o
kasanayan sa natutuhang aralin.
Susi sa Pagwawasto
Naglalaman ito ng mga tamang sagot sa lahat ng mga
gawain sa modyul.
Sa katapusan ng modyul na ito, makikita mo rin ang:
Ang sumusunod ay mahahalagang paalala sa paggamit ng modyul na ito:
Sanggunian
Ito ang talaan ng lahat ng pinagkuhanan sa paglikha o
paglinang ng modyul na ito.
3. 1. Gamitin ang modyul nang may pag-iingat. Huwag lalagyan ng anumang marka o sulat ang anumang
bahagi ng modyul. Gumamit ng hiwalay na papel sa pagsagot sa mga pagsasanay.
2. Huwag kalimutang sagutin ang Subukin bago lumipat sa iba pang gawaing napapaloob sa modyul.
3. Basahing mabuti ang mga panuto bago gawin ang bawat pagsasanay.
4. Obserbahan ang katapatan at integridad sa pagsasagawa ng mga gawain at sa pagwawasto ng mga
kasagutan.
5. Tapusin ang kasalukuyang gawain bago pumunta sa iba pang pagsasanay.
6. Pakibalik ang modyul na ito sa iyong guro o tagapagdaloy kung tapos nang sagutin lahat ng
pagsasanay.
Kung sakaling ikaw ay mahirapang sagutin ang mga gawain sa modyul na ito, huwag mag-aalinlangang
konsultahin ang inyong guro o tagapagdaloy. Maaari ka rin humingi ng tulong kay nanay o tatay, o sa
nakatatanda mong kapatid o sino man sa iyong mga kasama sa bahay na mas nakatatanda sa iyo. Laging
itanim sa iyong isipang hindi ka nag-iisa.
Umaasa kami, sa pamamagitan ng modyul na ito, makararanas ka ng makahulugang pagkatuto at
makakakuha ka ng malalim na pang-unawa sa kaugnay na mga kompetensi. Kaya mo ito!
Ang aralin na ito ay kinapalolooban ng pangatlong modyul sa ikalawang
markahan para sa mga mag-aaral sa ikapitong baitang. Inaasahan na ikaw ay
makasusuri sa antas ng wika batay sa pormalidad na ginamit sa pagsulat ng
awiting-bayan (balbal, kolokyal, lalawiganin, pormal)
Layunin:
Nakasusuri sa antas ng wika batay sa pormalidad na ginamit sa pagsulat
ng awiting-bayan (balbal, kolokyal, lalawiganin, pormal) F7WG-IIa-b-7
Bago natin sisimulan ang modyul na ito ay aalamin natin kung gaano
kalawak ang iyong kaalaman sa pagbibigay ng kahulugan.
Sa pagpapatuloy ng modyul na ito, kinakailangan na mayroon kang
mahabang pasensiya sa pag-uunawa at pag-aanalisa sa iyong babasahin.
Sundin ang mga panuto o direksyon sa mga gawain. Sagutin nang maayos ang
buong pasulit o gawain sa itinakdang oras o panahon.
4. 2
Gawain A.
Panuto: Piliin ang titik nang tamang sagot. Isulat ang iyong sagot sa sagutang
papel o notbuk.
1. Salitang karaniwang ginagamit sa mga kalye kaya’t madalas na tinatawag
ring salitang kalye.
a. Balbal c. Lalawiganin
b. Kolokyal d. Pormal
2. Uri ng salitang di-pormal kung saan ito ay ginagamitan ng pagpapaikli o
pagkakaltas ng ilang titik sa salita upang mapaikli ang salita o kaya’y
mapagsama ang dalawang salita.
a. Pormal c. Kolokyal
b. Balbal d. Lalawiganin
3. Salitang karaniwang ginagamit sa pakikipag-usap sa mga kakilala o
kaibigan.
a. Balbal c. Lalawiganin
b. Pormal d. Di-pormal
4. Ang mga salitang ito ang ginagamit sa paaralan, panayam, seminar,
gayundin sa mga aklat, ulat at iba pang usapan o sulating pang-
intelektuwal.
a. Pormal c. Kolokyal
b. Balbal d. Lalawiganin
5. Karaniwang ginagamit sa mga lalawigan o probinsiya kaya’y partikular na
pook kung saan nagmula o kilala ang wika.
a. Balbal c. Lalawiganin
b. Pormal d. Kolokyal
Gawain B
Panuto: Panuto: Tukuyin ang kahulugan ng mga salitang balbal na nakasulat
nang initiman sa pangungusap. Piliin sa loob ng kahon ang kahulugan ng mga
salitang ito. Isulat ang iyong sagot sa sagutang papel o notbuk.
1. Nakakainis talaga ang ermat ko, umagang-umaga pa lamang ay sermon na
ang almusal ko.
Ina ama pera
Kotse bata pulis
matanda
5. 3
Magaling! Binabati kita dahil maayos mong naisagawa ang mga
naunang gawain. Ngayon ay maaari ka nang magpatuloy sa ating aralin .
2. Wow! Bagong-bago ang tsekot mo, natupad na rin ang pangarap mo na
magkaroon nito.
3. Hindi ko inaasahan na sisitahin ako ng lespu dahil wala akong naipakitang
quarantine pass.
4. Kailan pa kaya ako magkakaroon ng maraming datung upang makatulong
naman ako sa mga taong naapektuhan ang kabuhayan ng dahil sa
pandemyang dulot ng covid-19.
5. Hindi na talaga mapipigilan ang pagiging gurang ko, patunay ang pagdami
ng aking puting buhok.
Gawain C
Panuto: Suriin ang barayti ng wikang ginamit sa pangungusap.Kilalanin at isulat
sa patlang ang salitang may salungguhit kung ito ay balbal, kolokyal, lalawiganin,
o pormal. Isulat ang iyong sagot sa sagutang papel o notbuk.
1. Ugaling kung ikaw hidlawon ang payaw imo lang lantawon.”
2. “Kung tanawin ay nakaliligaya, may ningning at tangi at dakilang ganda.”
3. Napakaganda ng bebot na nagbabakasyon kina Aling Selya.
4. Ang mga dalagang Pilipina ay tunay na mahinhin at mayumi.
5. Ay, ay! Kalisud, kalisud sang binayaan.Adlaw gab-I firmi kita
guinatangisan.”
Aralin
1
Antas ng Wika
6. 4
Bago natin simulan ang ating talakayan, magbigay ka ng paghahatol o
pagmamatuwid tungkol sa pahayag gamit ang iba’t ibang diyalekto (Cebuano,
Taglish, Kolokyal) gamit ang concept mapna nasa ibaba. Isulat ang iyong sagot sa
sagutang papel o notbuk..
Halina basahin at alamin natins ang mahahalagang kaisipan tungkol sa aralin.
Dalawang uri ng antas ng Wika
1. Mga Salitang Impormal O Di-Pormal - ito ay mga salitang karaniwang
ginagamit sa pakikipag-usap sa mga kakilala o kaibigan.
Tatlong Uri Ng Salitang Di-Pormal
A. Balbal (Slang)-ang tawag sa mga salitang karaniwang ginagamit sa mga
kalye kaya’t madalas na tinatawag ding salitang kanto o salitang kalye.
Nabibilang ang mga salitang ito sa di-pormal na uri ng salita kaya’t
karaniwang hindi ginagamit sa mga pormal na pagtitipon o pagsulat.
Cebuano
Ang paghingi ng pahintulot sa
magulang ay nagmamatuwid na
mataas ang pagpapahalaga at
respeto sa nakatatatanda.
Pormal
Taglish
Kolokyal
7. 5
Paraan Upang Makabuo Ng Salitang Balbal
a. Ito ay nabubuo sa pamamagitan ng pagkuha sa huling dalawang pantig ng
salita.
Halimbawa: Amerikano-Kano
b. Pagbaliktad sa mga titik ng isang salita
Halimbawa: tigas-astig
c. Pagkuha ng salitang Ingles at pagbibigay rito ng ibang kahulugan
Halimbawa: toxic-ang ibig sabihin ay busy o maraming trabaho
d. . Pagbibigay kahulugan mula sa katunog na pangalan
Halimbawa: Carmi Martin na ang kahulugan ay karma
Iba pang halimbawa:
1. Yosi-sigarilyo
2. Ermat-nanay, ina
3. Erpat-tatay, ama
4. Utol-kapatid
B. Kolokyal-ginagamit sa pang-araw-araw na pakikipag-usap.Ito ay madalas
na ginagamitan ng papaikli o pagkakaltas ng ilang titik sa salita upang
mapaikli ang salita o kaya’y mapagsama ang dalawang salita.
Halimbawa:
Pa’no mula sa paano kelan mula sa kalian
P’re mula sa pare meron mula sa mayroon
Te’na mula sa tara na nasan mula sa nasaan
Paraan o bahagi pa rin ng barayting ito ang dalawang wika tulad ng tagalog
at Ingles o Taglish o Tagalog-Espanyol
Halimbawa:
A-attend ka ba sa birthday ni Lina? (TAglish)
Hindi, may gagawin kami sa eskwelahan. (Tag-Espanyol)
C. Lalawiganin-ito ay mga salitang karaniwang ginagamit sa mga lalawigan o
probinsiya o kaya’y particular na pook kung saan nagmula o kilala ang
wika. Kapansin-pansing ang mga lalawiganing salita ay may taglay na
kakaibang tono o bigkas na maaaring magbigay ng ibang kahulugan nito.
Halimbawa:
ambot mula sa salitang Bisaya na ang ibig sabihin ay “ewan”
kaon mula sa salitang Bisaya na ang ibig sabihin ay “kain”
biag mula sa salitang Ilocano na ang ibig sabihin ay “buhay”
ngarud mula sa salitang Ilocano na katumbas ng katagang “nga”
8. 6
2. MGA SALITANG PORMAL- mga salitang istandard dahil ang mga ito ay
ginagamit ng karamihan ng mga nakapag-aral sa wika. Ito ang mga salitang
ginagamit sa paaralan, sa panayam, seminar,gayundin sa mga aklat, ulat,
at sa iba pang usapan o sulating pang-intelektuwal.
Halimbawa:
a. Maybahay sa halip na waswit
b. Ama at ina sa halip na erpat at ermat
c. Salapi o yaman sa halip na datung
Kabilang din sa uring ito ang masisining na salitang tulad ng mga tayutay
na lalong nagpaparikit sa pagkakagamit ng wika.
Halimbawa:
a. “Ang kinis ng kanyang buhok ay nakikipag-agawan sa
nagmamanibalang na mangga.”
b. “Ang bilugang pisngi’y may biloy na sa kanyang pagngiti’y
binubukalan mandin ng pag-ibig.
Mula sa “Ang Dalaginding”
Ni Inigo Ed Regalado
Halina at basahin o maaaring awitin mo ang ilang bahagi ng awit.
Gawain
Panuto: Isulat ang mga salitang sinalungguhitan sa hanay B. Tukuyin kung anong
antas ng wika ito napabilang (Balbal, Kolokyal, Lalawiganin, Pormal ) at isulat sa
hanay C. ( Ang guro ay magbibigay ng hiwalay na pahina para sa gawaing ito.)
HANAY A
BAHAGI NG AWITING-BAYAN
HANAY B
SALITA
HANAY C
ANTAS NG WIKA
Ang Dalagang Pilipina
Ang dalagang Pilipina
Parang tala sa umaga
Kung tanawin ay nakaliligaya
Naintindihan mo na ba ang iba’t ibang antas ng wika? Kung hindi ay
basahin mo ito na paulit-ulit hanggang sa maintindihan mo. Alam ko kaya mo
iyan, ikaw pa! Ngayon ay may iilang katanungan akong hinanda para sayo
upang subukin ka kung talagang naintindihan mo ang iyong binasa.Handa ka
na ba?
9. 7
May ningning at tangi at
Dakilang ganda
Dandansoy
Dandansoy, bayaan ta ikaw
Pauli ako sa payaw
Ugaling kung ikaw hidlawon
Ang payaw imo lang lantawon
BEBOT
Bebot, bebot
Be bebot, bebot
Be bebot, bebot be
Ikaw ang aking
Bebot, bebot
Kung umabot ka na sa bahaging ito ay ibig sabihin ay natutunan mo na
ang dapat malaman sa aralin na ito. Ngayon ay ating pagtitibayin ang iyong
kaalaman sa bahaging ito.
Gawain
Panuto: Basahin ang ilang bahagi ng awiting-bayan at suriin ang mga antas ng
wika na ginamit sa mga salitang may salungguhit.
1. Dandansoy, bayaan na kita. Babalik ako sa payaw. Ang salitang bayaan
ay halimbawa ng______.
a. Pormal c. Kolokyal
b. Balbal d. Lalawiganin
2. Ikaw ang aking bebot. Ang bebot ay isang uri ng antas ng di-pormal na
wika na_____.
a. Balbal c. Kolokyal
b. Pormal d. Lalawiganin
3. “Ang dalagang Pilipina parang tala sa umaga,kung tanawin ay
nakaliligaya.”
Ang pariralang may salungguhit ay nabibilang sa antas ng wika na
______.
a. Pormal c. Kolokyal
10. 8
b. Balbal d. Lalawiganin
4. Sa awiting “Si Pelimon, si Pelimon nangisda sa karagatan, nakahuli,
nakahuli ng isdang tambasakan, ang kanyang huli ay guibaligya sa
munting palengke.”Ang guibaligya ay kabilang sa antas na di-pormal
na______.
a. Balbal c. Kolokyal
b. Pormal d. Lalawiganin
5. “O aking mahal, nahan ngayon ang iyong habag? Bakit di mo lingapin ang
pusong nagdurusa” Ang salitang nakasalungguhit ay halimbawa ng antas
na wika na______
a. Pormal c. Kolokyal
b. Balbal d. Lalawiganin
Pagkatapos na sagutan ang mga gawain ay marapat lamang na iyong
matutunan ang mga mahahalagang kaisipan sa araling ito. Buksan ang iyong
isipan at tanggapin ang katotohanan.Bilang paglalahat sa ating aralin, may
inilaan akong tatlong mahalagang tanong upang masukat ko ang iyong
kaalaman tungkol sa ating aralin.
Gawain
Panuto : Basahin at sagutin ang mga sumusunod na mga tanong. Isulat ang iyong
sagot sa sagutang papel o notbuk.
Ibigay ang dalawang antas ng wika at ang pagkakaiba nito.
1. Ano-ano ang tatlong uri ng di-pormal na antas ng wika at ibigay ang
kahulugan ng mga ito?
2. Paano nakatutulong ang paksang antas ng wika sa iyo bilang isang mag-
aaral?
_____________________________________________________________________
_____________________________________________________________________
_____________________________________________________________________
_____________________________________________________________________
11. 9
Marahil ay natutunan mo na ang mga kasanayan sa araling ito. Handa ka
na bang gamitin ang iyong mga kaalaman sa araling ito sa pamamagitan ng isa
na namang pagsubok?
Gawain
Panuto: Tukuyin ang antas ng wika na ginamit sa mga salitang nakasulat ng may
diin. Isulat kung ito ay Balbal, Kolokyal, Lalawiganin at Pormal. Isulat ang iyong
sagot sa sagutang papel o notbuk.
Masayang-masaya ako sa ibinigay na(1) tipar ng aking mga magulang
(2)Dehins ko malilimutan ang pangyayaring ito sa buong buhay ko. Maraming mga
bisita at kaibigan ang dumalo at nagbigay sa akin ng mga pagbati, kasama na rito
ang aking( 3) matalik na kaibigang si Ana na simula pa sa aking pagkabata ay
kasama ko sa malungkot at masayang alaala ng aming kamusmusan. Hindi ko rin
inaasahan ang regalong ibinigay ng (4)utol kong si Ariel na laptop na matagal ko
ng hinihingi sa kanya na magagamit ko sa aking pag-aaral.Hindi rin nagpahuli sa
pagbibigay ng payo ang aking (5)iyaan na si Tiya Margene na ayon sa kanya na
laging tandaan (6)”ang pag-aasawa ay hindi parang kaning isusubo na kapag
napaso ay puwede ng iluwa.”Natatawa na lamang akong sumagot na malayo
pa po sa isip ko ang (7) lumagay sa tahimik sapagkat ako ay (8)bagets pa at
malayo pa sa aking isipan ang tungkol sa (9)kaminyuon. Sa pagbibigay ng
mensahe ng aking magulang ay (10)emote na emote ako at hindi ko napigilan
ang pagpatak ng luha sa aking mga mata sa labis na kaligayahan, ala-alang
iingatan hanggang sa aking pagtanda.
Umabot ka na sa bahaging malapit mo nang mapagtagumpayan ang aralin.
Ngayon ay muli na namang susubukin ang iyong natutunan sa kabuuan ng aralin.
Masusukat dito kung lubos mo bang naunawaan ang aralin. Handa ka na ba?
Halika at iyong simulang sagutin ang mga tanong.
Gawain
12. 10
PANUTO: Basahin at unawain ang bawat pahayag at isulat ang titik ng tamang
sagot sa inyong sagutang papel/ notbuk.
1. Mga salitang karaniwang ginagamit sa pakikipag-usap sa mga kakilala o
kaibigan.
a. Pormal b. Balbal c. Kolokyal d. Di-pormal
2. Salitang istandard dahil ang mga ito ay ginagamit ng karamihan sa mga
nakapag-aral ng wika.
A. Balbal B. Pormal C. Kolokyal D. Di-pormal
3. Ang mga salitang ito ay may kakaibang tono o bigkas na maaaring
magbigay pa ng ibang kahulugan nito.
a. Kolokyal c. Lalawiganin
b. Balbal d. Pormal
4. Ang salitang “Kano” ay halimbawa ng_______.
a. Lalawiganin c. Pormal
b. Balbal d. Kolokyal
5. Ipinagbabawal sa mga kabataan ang nakalalasing na inumin at yosi. Ang
salitang “yosi” ay halimbawa ng______.
a. Kolokyal c. Balbal
b. Pormal d. lalawiganin
6. Ang dami ng masasarap na pagkain, mapaparami na naman ang kain ko
nito, sira na naman my diet here. Ang salitang initiman ay halimbawa
ng______.
a. Pormal c. Lalawiganin
b. Kolokyal d. Balbal
7. Sa bawat araw na pumapasok sa paaralan, ang palaging bilin at sinasabi
sa amin ni nanay “pag-amping.” Ang pag-amping ay _____
a. Kolokyal c. Pormal
b. Balbal d. Lalawiganin
8. Pupunta ka ba bukas sa eskwelahan? Ang salitang eskwelahan at
halimbawa ng ____.
a. Balbal c. Lalawiganin
b. Kolokyal d. Pormal
9. Sabik na sabik na akong makita ang aking mga kapatid at ina. Kelan kaya
ako makadadalaw sa kanila? Ang salitang kelan ay halimbawa ng____.
a. Balbal c. Kolokyal
b. Pormal d. Lalawiganin
13. 11
10.Ang astig ng kapatid mong galing Amerika, parang ang idolo kong si
Robin Padilla.Ang salitang itiniman ay halimbawa ng____.
a. Pormal c. Balbal
b. Kolokyal d. Lalawiganin
11.Ang chaka naman ng panaginip ko. Ang chaka ay salitang balbal na ang
ibig sabihin ay_____
a. pangit c. maganda
b. kaakit-akit d. kahali-halina
12.Ang kakosa ko ay hindi nagkait ng tulong sa panahon ng aking kagipitan.
Ang kakosa ay salitang balbal na ang ibig sabihin ay____.
a. kapatid c. kaaway
b. kaibigan d. kalaro
13.Masarap kainin ang inapoy kapag mainit pa.Ang inapoy ay salitang
Ilokano na ang ibig ipakahulugan ay_____.
a. kanin c. tinapay
b. lugaw d. pansit
14.Madalas ang paggoli ngayong tag-init. Ang paggoli ay salitang balbal na
ang ibig sabihin ay_____.
a. paglalaba c. pagsasampay
b. pagligo d. pagkukula
15.Sa panahon ng pandemya, maraming tao ang nakaranas ng tomguts. Ang
ibig ipakahulugan ng tomguts ay_____.
a. gutom c. sagana
b. busog d.marami
Tapos na! Tapos na! Pero upang mapagtibay pa ang iyong kaalaman ay
kailangan mo pa ring gawin ang karagdagang gawain.
Marahil ay natutunan mo na ang mga kasanayan sa araling ito. Handa ka
na bang gamitin ang iyong mga kaalaman sa araling ito sa pamamagitan ng isa
na namang pagsubok?
Gawain
14. 12
Magaling! Binabati kita dahil napagtagumpayan mong sagutan ang
lahat na mga gawain. Maaari ka ng magsimula sa kusunod na modyul.
Panuto: Sumulat ng kwento batay sa iyong sariling karanasan. Gumamit ng mga
salita na may iba’t ibang antas ng wika at salungguhitan ito, pagkatapos ay
tukuyin ito kung anong antas ng wika.
Subukin
Gawain
A
1.A
2.C
3.D
4.A
5.C
Subukin
Gawain
B
1.ina
2.kotse
3.pulis
4.datung
5.gurang
Subukin
Gawain
C
1.lalawiganin
2.pormal
3.balbal
4.pormal
5.lalawiganin
Pagyamanin
1.D
2.B
3.A
4.D
5.D
Tayahin
1.
D
6.
B
11.
C
2.
B
7.
D
12.
B
3.
C
8.
B
13.
A
4.
B
9.
C
14.
B
5.
C
10.
C
15.
A
_____________________________________________________________________
_____________________________________________________________________
_____________________________________________________________________
_____________________________________________________________________
2.Balbal
3.Pormal
4.Balbal
5.Lalawiganin
6.Pormal
7.Pormal
8.Balbal
9.Lalawiganin