Konsepto at mga Katangian ng Kabihasnan

1. Konsepto at mga
Katangian ng Kabihasnan

2. A. Konsepto ng Kabihasnan
Ang salitang kabihasnan ay orihinal na
tumutukoy sa kahulugan ng “sibilisasyon” o
“paninirahan sa lungsod”. Mailalarawan ang
isang kabihasnan bilang isang maunlad na
kalagayan ng mga tao sa isang lipunan na
pinangangasiwaan ng isang sistematikong
pamamahala at may maunlad na ekonomiya or
kalakalan.

3. Sa isang kabihasnan, makikita ang isang maunlad
na uri ng pamumuhay ng mga tao na may
ugnayan sa iba’t ibang larangan ng panlipunang
pamumuhay. Mayroon silang sistema ng
pamamahala, kultura, kalakalan, at relihiyon.
Gayundin, ang sibilisasyon ay tumutukoy sa isang
lungsod, samantalang ang kabihasnan ay may
kaugnayan sa pagiging bihasa o eksperto sa
pamumuhay ng mga tao.

4. Sinasabi na ang sibilisasyon at kabihasnan
ay nagaganap kapag ang mga tao ay
nagsisimulang matuto ng kanilang pagsulat
at pagbasa na nakapagpapatalas ng
kanilang talino at humuhubog sa kanilang
kakayahang mamuhay bilang isang
pamayanan. Kaakibat ng pagyabong ng
kanilang talino at kakayanan at pag unlad
ng kanilang pagkatao.

5. B. Katangian ng Kabihasnan
1. Matatag na Pamahalaang may Maunlad na Batas at
Alituntunin
ang isang lipunang kabihasnan ay may sistematikong batas
at alituntunin na sinusunod ng mga mamamayan upang
magkaroon nang maayos na pamamalakad sa bawat paggawa
at pakikipag-ugnayan ng mga tao sa isa’t-isa.

6. 2. Dalubhasang Manggagawa
•Ang isang kabihasnan ay nagtataglay ng mga
mamamayang may kani-kanilang natatanging
kakayahan. May mga tao na tinatawag na
eksperto sa larangan ng kanilang paggawa.
Mayroon silang mahuhusay sa sining, sa
pagsulat, sa pangangalakal, sa pakikidigma o sa
pamamahala. Sila ang nagiging sandigan ng pag-
unlad ng lipunan upang marating ang estado ng
pagiging kabihasnan.

7. 3. Mauunlad na Kaisipan
• Habang umuunlad ang kanilang pamumuhay, yumayabong
din ang kanilang kaisipan. Dahil sa iba’t ibang bagay at
pangyayari na kanilang nararanasan, ang mga tao sa isang
kabihasnan ay natutuhang maiangkop ang kanilang sarili at
gawain na naayon sa hinihingi ng pagkakataon o
pangyayari. Dahil dito, nahahasa ang kanilang isip upang
mabigyan ng kasagutan at solusyon ang kanilang mga
nakaraang karanasan, na siyang nagpapaunlad ng kanilang
kaisipan. Ang mga natutuhan nila sa kanilang panahon ay
kanilang itinatala upang maging batayan ng karunungan ng
mga susunod nilang mga mamamayan o salinlahi

8. 4. May Sistema ng Pagtatala
•Kaugnay ng pag-unlad ng kanilang kaisipan at
nang maibahagi ito sa kanilang mga
mamamayan, lumikha sila ng pamamaraan upang
mapanatili ang kanilang natutuhan sa paglipas ng
panahon. Ito ang sistema ng pagtatala o
pagsusulat. Sa pamamagitan ng pagsulat ng
kanilang kaalaman, nananatiling bahagi ng
kanilang kabihasnan ang kanilang natutunan,
kasaysayan at mga napagtagumpayan ng
kanilang mamamayan.

9. Tunghayan ang mga larawan. Suriin mo at bigyan ng kahulugan
ang mga ito. Ano kaya ang halaga nito sa sinaunang Asyano?
Ano ang naging silbi ng mga bagay na ito sa sinaunang Asyano?

10. Tanong
1.Ano ang ipinahahayag ng mga bagay na
nakalarawan?
2.Bakit kaya kinakailangan ng mga
sinaunang tao ang mga bagay na ito?
3.Paano naging mahalaga ang mga bagay
na ito noong sinaunang panahon?

11. Ang kabihasnan ay isang pamumuhay na kinagawian
at pinapaunlad ng maraming pangkat ng tao.
Kapag ang isang tao ay nagkaroon ng kasanayan sa
isang bagay masasabi nating nagiging bihasa siya o
nagiging magaling.
Katulad ng nangyari sa mga sinaunang Asyano,
naninirahan sila sa mga lambak at ilog. Nalinang nila
ang pamumuhay tulad ng pangingisda at pagsasaka
dahil sa kapaligiran na kanilang permanenteng tirahan.
Kinasanayan na nila ang pangingisda at pagsasaka at
ito ang nagsilbing pang araw-araw nilang hanapbuhay.
Dahil dito nabuo ang konsepto ng kabihasnan na
pamumuhay na nakasanayan o nakagawian.

12. Ang sibilisasyon naman ay tumutugon
sa pamumuhay ng mga lipunang
umusbong sa mga lambak at ilog tulad
ng Sumer, Indus, at Shang.
Ang pagkakaroon ng sibilisasyon ay
batay sa pagharap sa hamon ng
kapaligiran kung paano mo ito
matutugunan.

13. Umiiral ang kabihasnan at
sibilisasyon kapag ang tao ay
natutong humarap sa hamon ng
kapaligiran at sa pagkakaroon ng
kakayahan na baguhin ang kaniyang
pamumuhay gamit ang lakas at
talino nito. Ito ang magpapaunlad sa
kaniyang pagkatao.

14. May mga batayang salik sa pagkakaroon ng kabihasnan.
•Ito ay ang pagkakaroon ng organisado at
sentralisadong pamahalaan
• masalimuot na relihiyon
•espesyalisasyon sa gawaing pang-ekonomiya at
uring panlipunan
•mataas na antas ng kaalaman sa teknolohiya, sining,
at arkitektura,
•at Sistema ng pagsulat.