2. Sa kasalukuyan, maraming paraan
ang maaaring gawin upang higit na
mapaunlad at mapayabong ang ating
wikang pambansa, ang Filipino.
Ngunit ano nga ba ang hinaharap ng
wikang ito? Paano pa ba ito
pauunlarin?
3. Una, Istandardisasyon ayon sa
Komisyon ng Wikang Filipino (KWF) ang
hinaharap ng Filipino bilang wikang
pambansa salig sa mga sumusunod:
Sa paglilipat ng oral o pasalitang wika tungo sa
anyong pasulat, natatamo ang unipormidad o
kodipikasyon ng wika. Napaliliit ang dami ng
pagkakaiba-iba o paglihis sa tuntuning pangwika.
Sa gayon, nalilinang ang mga norm o pamantayan
ng iba’t ibang component kaya napatatag ang
pagbigkas, bokabularyo, at estruktura ng wika.
4. Pangalawa, Modernisasyon at Leksikal
na Elaborasyon
Mapabibilis ang modernisasyon ng
pambansang wika, at kasabay nito, ang
modernisasyon ng ating kultura at buhay. Sa
pagbubukas ng Filipino sa ibang na binabalanse
ng kahigpitan sa pamamagitan ng pagpapanatili
sa isa-sa-isang tumbasan ng letra at tunog,
lalawak ang bilang ng mga salitang Filipino. Sa
gayon, mapadadali ang pagsasalin sa wikang
Filipino at ang pagsasalin ng wikang ito sa iba
pang ganap nang debelop na wika sa mundo.
5. Ikatlo, Pangmadlang Literasi
Ang pagbasa ay nagiging natural at
awtomatiko sapagkat malinaw ang isa-sa-isang
tumbasan ng tunog at letra sa alpabeto ng wikang
Filipino. Gayundin, magagamit ang internasyonal
na pagkakilala ng mga salita para sa higit na
mataas na antas ng pagbabasa tulad ng iskiming
at iskaning. Lalo pang uunlad ang pangmadlang
literasi dahil napadali ang pagkatutong bumasa at
sumulat.
