dfdfdf

2. Ang Pagpasok sa Simbahan Sa itinakdang oras, habang umaawit ang sambayanan,
makapagprusisyon ang mga kakasal, mga magulang, mga ninong at ninang, at mga abay patungo
sa harapan ng altar na kung saan ay nakahanda ang inilaang upuan para sa kanila. Kung ang lahat
ay nasa kani-kanilang lugar, ang Misa ay magsisimula na
Processional March: Song
Readers
Best Man
Groom with Parents
Bride's Maid & Groom's Maid
Principal Sponsors
Candle Sponsor
Veil Sponsor
Cord Sponsor
Bible bearer
Ring Bearer
Coin Bearer
Flower Girls
Little Groom & Little
Bride Maid of Honor Bride with Parents

3. Ang Pasimula
Commentator:
Minamahal naming mga kapatid, magandang umaga po sa inyong lahat. Sa umagang ito
ay masasaksihan natin ang dalawa nating kapatid na tatanggap ng Sakramento ng Kasal sa harap
ng altar ng ating Panginoon.
Ang sakramento ng kasal ay nangahulugan ng pagtupad sa plano ng pamilya na ang
Diyos mismo ang bukal ng buhay at ng tunay na pagmamahalan. Sina Raymart at Regeanay
pag-iisahin at hindi maaaring paghiwalayin ng sinuman.
Kung kaya sa natatanging araw na ito, makibahagi tayo sa kanilang kaligayahan at
kagalakan. Higit sa lahat manalangin tayo na tuparin nila ang pangako na maging tapat sa isa't
isa, at ang Panginoon Diyos ang siyang sentro ng kanilang pamilya. Ialay natin sila sa Diyos ng
pag-ibig upang maranasan at mabahaginan sila ng tunay na pag-ibig sa lahat ng araw ng kanilang
buhay pamilya.
Kasama ng ating tagapagdiwang sa selebrasyong ito, Fr. Armando S. Labora, magsitayo
po tayong lahat at buong galak nating awitin ang pambungad na awit.
Panimulang Awit...
Pari: Sa ngalan ng Ama, at ng Anak, at ng Espiritu Santo.
Bayan: Amen.
Pari: Ang pagpapala ng ating Panginoong Hesukristo, ang pag-ibig ng Diyos Ama, at ang
pakikipagkaisa ng Espiritu Santo nawa'y sumainyong lahat.
Bayan: At sumainyo rin.

4. Pari: Mga minamahal kong kapatid, tayo ay nagtitipon upang ipagdiwang ang Banal na
Eukaristiya at masaksihan ngayon ang Sakramento ng Pag-iisang dibdib nila Raymart at
Regean. Bilang isang Sambayanang Kristiyano, ipinapaalala natin sa kanilang dalawa
ang tawag sa kabanalan at katapatan bilang mag-asawa. Magalak tayo na kasama nila at
hilingin sa Diyos ang kanyang pagpapala sa kanila at sa mga magiging anak nila.
Pagsisisi sa Kasalanan
Pari: Mga kapatid,amininnatinangatingmga kasalananupangtayo'ymagingmarapat
gumanapsa banal na pagdiriwang.
Pari at Bayan: Ako'ynagkukumpisal saDiyosnamakapangyarihansalahatat sa
inyomga kapatid,sapagkatlubhaakongnagkasalasa isip,sawika,at sa
gawa at sa akingpagkukulang,dahil saakingsala,saakingsala,saaking
pinakamalakingsala,kayaisinasamokokaySantaMariang lagingBirhen,sa
lahatng mga Anghel atSanto at sa inyomga kapatidna ako'yipanalangin
sa atingPanginoongDiyos.
Pari: Kaawaantayo ng makapangyarihangDiyos,patawarintayosaatingmga kasalanan,at
patnubayantayosa buhayna walanghanggan.
Bayan: Amen.
Panginoon,Maawa ka
Pambungad na Panalangin
Pari: Ama namingmakapangyarihan,iyongitinalaganaangpag-iisangdibdibaymaging
sagisagng pag-ibigni Kristosakanyangbanal na Sambayanan.Sa pinagdurugtongna
buhaynilaRaymart at Regean,nangayo'yumaako sa banal na tipanng kasal,
nawa'ymangibabawangipinahayagnilangpagmamahalansapamamagitanni
HesukristokasamangEspirituSantomagpasawalanghanggan.

5. Bayan: Amen.
Gabay: Magsiupoang lahatat makinigsapagpapahayagng SalitangDiyos.
Pagpapahayag ng Salita ng Diyos
Unang pagbasa(Genesis 2:18-24)
Tagahayag: Pagpapahayag mula sa Aklat ng Genesis.
Sinabi ng Panginoon, "Hindi mainam na mag-isa ang tao; bibigyan ko siya
ng isang angkop na makakasama at makakatulong." Kaya, lumikha siya
ng mga hayop sa parang at ibon sa himpapawid, inilapit sa tao, at
ipinaubaya dito ang pagbibigay ng pangalan sa mga iyon. Kung ano ang
kanyang itinawag, iyon ang naging pangalan nila.
Ang tao nga ang nagbigay ng pangalan sa lahat ng ibon at mga
hayop, maging maamo o mailap. Ngunit wala isa man sa mga ito ang
angkop na makasama at makatulong niya. Kaya pinatulog ng Panginoon
ang tao.
Samantalang nahihimbing, kinuha niya ang isang tadyang nito at
pinahilom ang laman sa tapat niyon. Ang tadyang na iyo'y ginawa niyang
isang babae, at dinala niya ito sa lalaki. Sinabi ng lalaki:
"Sa wakas, narito ang isang tulad ko, laman ng aking laman, buto
ng aking buto; babae ang siyang itatawag sa kanya sapagkat sa lalaki
nagmula siya." Ito ang dahilan kaya iniiwan ng lalaki ang kanyang ama at
ina upang sumama sa kanyang asawa sapagkat sila'y nagiging iisa.
Ang Salita ng Panginoon.
Bayan: Salamat sa Diyos.
Salmong Tugunan:
Tagahayag: Ang ating itutugon: Poon, Amin kang tahanan, Noon, Ngayon at

6. Kailanman
Bayan: Poon, Amin kang tahanan, Noon, Ngayon at kailanman
Tagahayag: Mapalad ang bawat taong sa Panginoo'y may takot,
Ang maalab na adhika'y sumusunod sa kanyang utos.
Kakainin niya ang bunga ng kanyang pinaghirapan
Ang taong ito'y maligaya't maunlad ang pamumuhay.
Bayan: Poon, Amin kang tahanan, Noon, Ngayon at kailanman
Tagahayag: Sa tahanan, ang asawa'y parang ubas na mabunga,
Bagong tanim na olibo sa may hapag ang anak nya.
Ang sinuman kung Panginoon ay buong pusong susundin,
Buhay niya ay uunlad at laging pagpapalain.
Bayan: Poon, Amin kang tahanan, Noon, Ngayon at kailanman
Tagahayag: Mula sa Sion, pagpapala nawa ng Panginoon ay tanggapin,
At makita habang buhay, pag-uunlad ng Jerusalem;
Ang magiging iyong apo, nawa iyong makita rin,
Nawa'y maging mapayapa itong bayan ng Israel.
Bayan: Poon, Amin kang tahanan, Noon , Ngayon at kailanman.
Pagbubunyi sa Ebanghelyo
Ebanghelyo (Mateo 19:3-6)
Pari: Sumasaiyo ang Panginoon.
Bayan: At sumasaiyo rin.
Pari: Ang mabuting Balita ng Panginoon ayon kay San Mateo.
Bayan: Papuri sa iyo, Panginoon.
Pari: Noong panahong iyon, may mga Pariseong lumapit kay Hesus at
tinangkang siluin siya sa pamamagitan ng tanong na ito:"Naaayon
ba sa kautusan na hiwalayan ng lalaki ang kanyang asawa sa kahit
anong kadahilanan?" Sumagot si Hesus: "Hindi pa ba ninyo nababasa

7. sa Kasulatan nasa pasimula'y nilalang sila ng Maykapal, lalaki at
babae? At sinabi, “Dahil dito, iiwan ng lalaki ang kanyang ama't ina
at magsasama sila ng kanyang asawa; at sila'y magiging isa. Kaya
hindi na sila dalawa kundi isa.Ang pinagsama ng Diyos ay huwag
paghiwalayin ng tao.”
Pari: Ang Mabuting Balita ng Panginoon.
Bayan: Pinupuri ka namin, Panginoong Hesus.
Gabay: Magsiupo ang lahat at makinig sa Pangaral.
RITO NG KASAL
Gabay: Manatili kayong nakaupo habang ang mga ikinakasal ay tatayo sa pagsisimula
ng Rito ng kasal. Hinihiling ko rin ang mga Ninong at Ninang ng mga ikinakasal
na tumayo sa tabi nila.
Pari: Minamahal kong Raymart at Regean narito kayo ngayon upang pagtibayin ang
inyong pagmamahalan sa harap ng Sambayang Kristiyano na nagtitipon ngayon. Umaasa
kayo na kami ay inyong kapiling na maglalakbay sa buhay na haharapin ninyo bilang
mag-asawa sa pamamagitan ng paghingi sa Diyos ng panalangin ng kanyang biyaya at
pagpapala. At kayo naman (patungkol sa mga nagkakatipon), mga kapatid, hinihiling ko
sa inyo na tulungan ninyo sila sa pamamagitan ng panalangin at tanggapin sa ating
Sambayanang Kristiyano bilang mag-asawa. .
Pagsusuri
Pari: Hinihiling ko ngayon na buong katapatan ninyong ipahayag ang inyong damdamin sa
isa't isa.
Pari: Regean, bukal ba sa iyong loob ang iyong pagparito upang makaisang-dibdib si
Raymart na iyong pakamamahalin at paglilingkuran habambuhay?
Regean: Opo, Padre.
Pari: Raymart, bukal ba sa iyong loob ang iyong pagparito upang makaisang-dibdib si
Regean na iyong pakamamahalin at paglilingkuran habambuhay?
Raymart: Opo, Padre.

8. Pari: Kayo ba ay handang arugain at palakihin ang mga anak na ibibigay sa inyo ng Diyos
bilang mabubuting Kristiyano?
Raymart at Regean: Opo, Padre.
Pagtitipan
Pari: Raymart at Regean, gayong kayo ay nagnanais na mag-isang-dibdib, sa harap ng
Diyos at ng kanyang sambayanan, pagdaupin ninyo ang inyong mga palad at
ipahayag ninyo ang mithiing magtipan sa Banal na Sakramento ng kasal.
Pari: Regean, sumasang-ayon ka ba na maging asawa si Raymart, na narito ngayon,
alinsunod sa batas at mga alituntunin ng ating Banal na Simbahan?
Regean: Opo, Padre.
Pari: Buong puso ba ang pagkakaloob mo sa kanya ng iyong sarili bilang kanyang may
bahay?
Regean: Opo, Padre.
Pari: Buong puso mo ba siyang tinatanggap bilang asawa?
Regean : Opo, Padre.
Pari: Raymart, sumasang-ayon ka ba na maging asawa si Regean na narito ngayon,
alinsunod sa batas at mga alituntunin ng ating Banal na Simbahan?.
Honorato: Opo, Padre
Pari: Buong puso ba ang pagkakaloob mo sa kanya ng iyong sarili bilang kanyang asawa?
Raymart: Opo, Padre
Pari: Buong puso mo ba siyang tinatanggap bilang maybahay?
Raymart: Opo, Padre,
Pari: Ngayon ay hinihiling ko na sabay ninyong dasalin ang panalanging ito:
Raymart at Regean : O Panginoon, kami po ay inyong loobing magkaisa na kalooba't

9. damdamin mula ngayon sa kaginhawahan at kahirapan, sa karamdaman at kalusugan
sa lahat ng araw ng aming buhay.
Pagpapatibay ng Tipan sa kasal
Pari: Bilang tagapagpatunay ng Simbahan, pinagtitibay ko't binabasbasan ang
pagtataling-puso na inyong pinagtipan, sa ngalan ng Ama, at ng Anak † at ng Espiritu
Santo.
Bayan: Amen.
Pagbabasbas ng mga singsing at Aras
Pari: Raymart at Regean, ngayon ay hihilingin natin sa Diyos ang kanyang
pagbabasbas sa inyong mga singsing at aras. Ang Panginoon ang pinagmulan ng aming
tulong.
Bayan: Na siyang may gawa ng langit at lupa.
Pari: Manalangin tayo:
Basbasan mo, † O Panginoon, itong mga singsing, at marapatin mo sila
Raymart at Regean na magsusuot nito na maging kawangis mo sa iyong wagas na
pag-ibig at walang maliw na katapatan. Hinihiling namin ito sa pamamagitan ni
Hesukristo kasama ng Espiritu Santo magpasawalang hanggan.
Bayan: Amen.
Pari: Manalangin tayo:
Basbasan mo, † O Panginoon, itong mga lingkod na sina
Raymart at Regean , pagkalooban mo sila ng sapat na kabuhayan na sinasagisag ng mga
aras na ito sa ikapagkakamit ng buhay na walang hanggan. Hinihiling namin ito sa
pamamagitan ni Hesukristo kasama ng Espiritu Santo magpasawalang hanggan.
Bayan: Amen..
Basbasan ng Pari ang singsing at aras ng agua bendita.
Pari: Isuot ninyo ngayon itong mga singsing,
isuot ng lalaki sa kinauukulang daliri ng babae ang singsing habang kanyang sinasabi:

10. Raymart: Regean, kailanm a'y di kita pagtataksilan. Isuot mo ang singsing na ito
bilang tanda ng aking pag-ibig at katapatan. Sa ngalan ng Ama, at ng Anak, at ng
Espiritu Santo. Amen.
Isuot ng babae sa kinauukulang daliri ng lalaki ang singsing habang kanyang sinasabi:
Regean : Raymart, kailanma'y di kita pagtataksilan. Isuot mo ang singsing na ito bilang
tanda ng aking pag-ibig at katapatan. Sa ngalan ng Ama, at ng Anak, at ng Espiritu
Santo. Amen.
Ilalagak ng lalaki ang mga aras upang ipagkatiwala sa babae habang kanyang sinasabi:
Raymart: Regean, Inilalagak ko sa iyo itong mga aras na tanda ng aking
pagpapahalaga at pagkalinga sa kapakanan mo at sa ating magiging mga anak. Sa
ngalan ng Ama, at ng Anak, at ng Espiritu Santo. Amen.
Regean: Tinatanggap ko ang mga ito at nangangako akong magiging iyong katuwang sa
wastong paggamit at pangangasiwa ng ating kabuhayan.
Ilalagay ng babae ang mga aras sa lalagyang nakalaan para dito.
Gabay: Maari nang bumalik sa kanilang upuan ang mga ninong at ninang.
Magsitayo ang lahat.
Panalangin ng Bayan
Pari: Mga minamahal na kapatid, tayo'y manalangin para sa Simbahan at sa bagong
kasal na sa pamamagitan ng kanilang pag-iisang dibdib ay lumalarawan ang pakikipag-
isa ni Kristo at ng Simbahan. Sa bawat panalangin ay ating itutugon:
Panginoon, dinggin mo ang aming panalangin.
Gabay: Ipanalangin natin ang Simbahan upang katulad ng tapat na esposa ni Kristo ay
manatili itong tagapagpahayag ng Mabuting Balita para sa kaligtasan at pag-ibig ni
Kristo para sa atin. Manalangin tayo.
Bayan: Panginoon, dinggin mo ang aming panalangin.
Gabay: Ipanalangin natin ang mga naglilingkod sa pamahalaan, nawa'y maging daan
sila ng Diyos upang mapangalagaan ang mga pamilya at ang buhay sa lahat ng paraan.
Manalangin tayo.

11. Bayan: Panginoon, dinggin mo ang aming panalangin.
Gabay: Ipanalangin natin ang lahat ng mga pangangailangan ng ating mga kapatid, higit
sa lahat iyong mga maysakit, mga may kapansanan, mga nasa kulungan at mga
pinabayaan ng kanilang magulang at kamag-anak. Nawa'y maliwanagan sila upang
mabuksan ang ating puso sa pagtugon sa kanilang pangangailangan. Manalangin tayo.
Bayan: Panginoon, dinggin mo ang aming panalangin.
Gabay: Ipanalangin natin sina Raymart at Regean na ngayon ay ipinag-isa sa pag-ibig ng
Diyos. Nawa'y maging masigasig sila sa pag-aaruga at tapat na mangalaga sa kanilang
magiging mga anak. Manalangin tayo.
Bayan: Panginoon, dinggin mo ang aming panalangin.
Gabay: Ipanalangin natin ang mga kabataan na tutugon sa tawag ng pag-aasawa.
Nawa'y makita nila ang kagandahan ng buhay may asawa sa pamamagitan ng
halimbawa at karanasan ng iba na buong pusong namumuhay bilang may-asawa.
Manalangin tayo.
Bayan: Panginoon, dinggin mo ang aming panalangin.
Pari: Ama naming Diyos, kalugdan mo ang inyong mga lingkod at gawaran mo sila ng
biyaya na manatiling tapat sa iyo at sa isa't isa. Sa paglipas nila sa buhay na ito,
nawa'y magkamit sila ng gantimpalang walang hanggang kaligayahan sa iyong
kahatag, kasama ng kanilang mga anak at lahat na sa kanila ay nagmamahal.
Hinihiling namin ito sa pamamagitan ni Kristo na aming Panginoon.
Bayan: Amen.
Gabay: Magsiupo ang lahat para sa pagsisimula ng Liturhiya ng Eukaristiya.
"LITURHIYA NG EUKARISTIYA"
Gabay: Hinihiling ang ikinakasal na lumuhod para sa pagsisindi ang mga kandila
paglalagay ng belo at kordon sa mga ikinakasal.
Offertory Song...
Paghahanda ng mga Alay
Pari: Manalangin tayo mga kapatid upang itong ating sakripisyo ay maging kalugod-

12. lugod sa Diyos Amang makapangyarihan.
Bayan: Tanggapin nawa ng Panginoon itong paghahain sa iyong mga kamay sa
kapurihan Niya at karangalan sa ating kapakinabangan at sa buong sambayanan niyang
banal.
PANALANGIN SA MGA HANDOG
Pari: Panginoon, tanggapin mo itong mga handog sa iyo ngayon sa pinagpalang araw
na ito. Sa iyong maka-amang pagmamahal ay masdan mo at kupkupin sina Raymart at
Regean na iyong pinagka-isa sa kasal. Hinihiling namin ito sa pamamagitan ni Kristong
aming Panginoon.
Bayan: Amen.
Prepasyo
Pari: Sumainyo ang Panginoon.
Bayan: At sumaiyo rin.
Pari: Itaas sa Diyos ang inyong puso at diwa.
Bayan: Itinaas na namin sa Panginoon.
Pari: Pasalamatan natin ang Panginoong ating Diyos.
Bayan: Marapat na Siya ay pasalamatan.
Pari: Ama naming makapangyarihan, tunay ngang marapat na ikaw ay aming
pasalamatan ni Hesukristong aming Panginoon. Sa kanyang pagkamatay at muling
pagkabuhay ang inyong bagong tipan sa iyong sambayanan ay nahahain sa amin ang
iyong buhay at pakikipag-ugnayan bilang mga kasalo sa iyong kadakilaang walang
hanggan.
Sa dakilang pag-ibig na hain ng iyong Anak, pinagbuklod mo ang mga magsing-
ibig upang sa pagsasama habang panaho'y mailahad ang iyong katapatan at
pagmamalasakit. Kaya kaisa ng mga anghel na nagsisiawit ng papuri sa iyo nang walang
humpay sa kalangitan, kami'y nagbubunyi sa iyong kadakilaan..
Sanctus....

13. Konsakrasyon
Gabay: Magsiluhod ang lahat.
Pari: Ama naming banal, ikaw ang bukal ng tanang kabanalan. Kaya't sa
pamamagitan ng iyong Espiritu gawin mong banal ang kaloob na ito upang para sa
ami'y maging katawan + at Dugo ng aming Panginoong Hesukristo.
Bago niya pinagtiisang kusang loob na maging handog, hinawakan niya ang tinapay,
pinasalamatan ka niya, pinaghahati-hati niya iyon, iniabot sa kanyang mga alagad at
sinabi: TANGGAPIN NINYONG LAHAT ITO AT KANIN: ITO ANG AKING
KATAWAN, NA IHAHANDOG NANG DAHIL SA INYO.
Gayon din naman, pagkatapos ng hapunan, kinuha niya ang kalis, muling
nagpasalamat sa iyo, at ibinigay iyon sa kanyang mga alagad na ang wika:
TANGGAPIN NINYONG LAHAT ITO AT INUMIN: ITO ANG KALIS NG AKING
DUGO, DUGO
NG BAGO AT WALANG HANGGANG TIPAN, NA SA INYO AT SA LAHAT AY
IBUBUHOS SA
IKAPAGPAPATAWAD NG MGA KASALANAN. GAWIN NINYO ITO BILANG
PAG-ALAALA SA
AKIN.
Pari: Ipagbunyi natin ang misteryo ng ating pananampalataya.
Lahat: Ang kamatayan Mo Panginoon, aming ipinahahayag. Ang muli Mong
pagkabuhay ay ipinagdiriwang hanggang sa lyong pagbabalik.
Pari: Ama, ginagawa namin ngayon ang pag-alala sa pagkamatay at muling
pagkabuhay ng iyong Anak kaya't iniaalay namin sa iyo ang tinapay na nagbibigay-
buhay at ang kalis na nagkakaloob ng kaligtasan. Kami'y nagpapasalamat dahil kami'y
iyong minarapat na tumayo sa harap mo para maglingkod sa lyo. Isinasamo naming
kaming magsalu-salu sa katawan at Dugo ni Kristo ay mabuklod sa pagkakaisa sa
pamamagitan ng Espiritu Santo.
Ama, lingapin mo ang iyong Simbahang laganap sa buong daigdig, Pusposin mo kami
sa pag-ibig kaisa ni Francisco na aming Papa at ni Romulo na aming Obispo at ng tanang
kaparian
Alalahanin mo rin ang mga kapatid naming nahimlay nang may pag-asang sila'y muling
mabubuhay gayun din ang lahat ng mga pumanaw.

14. Kaawaan mo at paindapatin kaming lahat na makasalo sa iyong buhay na walang
wakas. Kaisa ng Mahal na Birheng Maria na Ina ng Diyos, kaisa ng mga apostol at lahat
ng mga banal na namuhay dito sa daigdig nang kalugud-lugod sa iyo, maipagdiwang
nawa namin ang pagpupuri sa ikararangal mo sa pamamagitan ng iyong anak na aming
Panginoong Hesukristo.
Pari: Sa pamamagitan ni Kristo, kasama niya, at sa kanya, ang lahat ng parangal at papuri
ay sa Iyo, Diyos Amang makapangyarihan, kasama ng Espiritu Santo magpasawalang
hanggan.
Bayan: Great Amen (aawitin)
Ang Rito ng Pakikinabang
Pari: Sa tagubilin ng mga nakagagaling na utos ni Hesus na Panginoon natin at Diyos,
ipahayag natin nang lakas-loob.
AMA NAMIN.......
Ang Pag-gawad ng Paagpapala sa Bagong Kasal
Pari: Mga minamahal kong mga kapatid, hilingin natin sa Diyos ang patuloy na
pagpapala kina Raymart at Regean.
Ama naming Banal, ikaw na maylalang ng sanlibutan, lumikha sa tao na iyong
kawangis at kalarawan, ikaw na pinagmumulan ng lahat ng biyaya at pagpapala sa
buhay may-asawa, idinadalangin namin sa iyo ang babaeng ito na ngayon ay nakaisa
ang kanyang asawa sa sakramento ng kasal. Ipagkaloob mong sa pagsasama nila
habang buhay, kanilang mapagsaluhan ang pag-ibig at sa isa't-isa'y kanilang
maipamalas ang iyong pakikipisan sa pagkakaisa ng damdamin at isipan.
Bigyan mo rin sila ng matatag na tahanan, at mga anak na huhubugin sa
Mabuting Balita ng anak mong mahal para maging maaasahang kaanib ng iyong
angkan. Panginoon nawa'y papurihan ka nila sa panahon ng kaginhawaan at lumapit sa
iyo sa panahon ng pagdurusa. Nawa'y patuloy silang magalak sa iyong pagkakandili at
pagtugon sa kanilang mga pangangailangan. Nawa'y maki-isa sila sa inyog sambahayan
at tapat na saksi sa sanlibutan.
Nawa'y umabot sila sa katandaan na kapiling ang lahat nilang mahal sa buhay,
hanggang marating nila ang iyong kaharian sa langit. Hinihiling namin ito sa
pamamagitan ni kristong aming Panginoon.
Bayan: Amen....
Pari: Panginoong Hesukristo, sinasabi mo sa iyong mga apostol: "Kapayapaan
ang iniiwan ko sa inyo. Ang aking kapayapaan ang inibigay ko sa inyo."

15. Tunghayan mo ang aming pananampalataya at huwag ang aming pagkakasala.
Pagkalooban mo kami ng kapayapaan at pagkakaisa ayon sa iyong kalooban
kasama ng Espiritu Santo magpasawalang hanggan..
Bayan: Amen.....
Pari: Ang kapayapaan ng Panginoon ay laging sumasainyo.
Bayan: At sumasaiyo rin.
Pari: Magbigayan tayo ng kapayapaan sa isa't isa.
ANG KORDERO NG DIYOS
Pari: Ito ang Kordero ng Diyos. Ito ang nag-aalis ng mga kasalanan ng sanlibutan.
Mapalad ang mga inaanyayahan sa kanyang piging.
Bayan: Panginoon, hindi ako karadapat-dapat na magpatuloy sa iyo ngunit sa isang
salita mo lamang ay gagaling na ako.
Gabay: Magsiupo ang lahat. Samantala, ang mga nakahandang makinabang ay maaari
nang lumapit sa altar.
Pagkatapos ng Komunyon
Gabay: Maaari nang tanggalin ang belo at kurdon sa mga kinakasal.
Gabay: Magsitayo ang lahat sa Pangwakas na Panalangin.
PANALANGIN PAGKATAPOS NG PAKIKINABANG
Pari: Manalangin tayo:
Ama naming mapagmahal, pagtibayin nawa ang paghahain na aming
ginanap at pinagsaluhan ng pag-iisang dibdib nila Raymart at Regean. Ang
bigkis ng pag-ibig na iyong ibinigay ay patuloy nawang humigpit at tumibay.
Hinihiling namin ito sa pamamagitan ni Kristo kasama ng Espiritu Santo
magpasawalang-hanggan.
Bayan: Amen.
ANG PAGWAWAKAS
Pari: Raymart at Regean, ngayon na tinanggap ninyo ang Banal na Sakramento
ng Kasal, ang habilin ko ay mamuhay kayo sa pag-ibig at katapatan sa isa't isa.

16. Pari: Regean pag-ibig mo'y patunayan sa pagiging butihing may bahay na may
pananampalataya, kabanalan at pag-ibig sa Maykapal.
Pari: Raymart, maybahay mo'y ibigin gaya ng malasakit ni Kristo sa Simbahan
bilang pagsunod sa kalooban ng Diyos Ama sa kalangitan.
PAGBABASBAS
Pari: Sumainyo ang Panginoon.
Bayan: At sumaiyo rin.
Pari: Magsiyuko kayo habang iginagawad ang pagbabasbas. Nawa'y si Hesus na naging
panauhin sa kasalan sa Cana ay pagpalain kayo, kasama ang lahat ng inyong
mga kamag-anak at kaibigan.
Bayan: Amen.
Pari: Nawa'y si Hesus nanagmahal sa kanyang Sambahayan hanggang wakas ay punuin
ang inyong mga puso ng kanyang pag-ibig.
Bayan: Amen.
Pari: Nawa'y bigyan nya kayo ng matatag na pag-asa sa buhay na walang hanggan
upang masaya ninyong antayin at nasain ang pagsapit nito sa buhay sa
hinaharap.
Bayan: Amen.
Pari: Pagpalain kayo ng makapangyarihang Diyos Ama, at ng anak, at ng Espiritu
Santo.
Bayan: Amen.
PAGHAHAYO
Pari: Humayo kayong mapayapa upang mahalin at paglingkuran ang Panginoon.
Gabay: Salamat sa Diyos.
Bigyan natin ng masigabong palakpakan ang mga bagong kasal.

17. PAGLALAGDA SA KASULATAN SA KASAL
Gabay: Magsiupo ang lahat. Ang mga bagong kasal, ang mga ninong, ninang at ang Pari
ay lalagda sa kasulatan sa Kasal.
PAGLABAS SA SIMBAHAN
Best Wishes!!!
Groom and Bride with Officiating Priest
Groom and Bride
Groom and Bride with both parents
Groom and Bride with Brides parents
Groom and Bride with
Grooms parents
Groom and Bride with Secondary Sponsors
Groom and Bride with Best Man & Maid of Honor
Groom and Bride with flower girls and bearers
Groom and Bride with female Principal Sponsors

18. Groom and Bride with male Principal Sponsors
Groom and Bride all principal Sponsors
Groom and Bride with Veil, Cord, Candle sponsors, readers and choir
Groom and Bride all friends
Groom and Bride with groom's family and relatives
Groom and Bride with bride's family and relatives.