Tekstong Deskriptibo

1. TekstongDeskriptibo

2. TEKSTONG DESKRIPTIBO
Inilalarawan ang mga katangian
ng mga bagay, pangyayari, lugar,
tao, ideya, paniniwala, at iba pa.
Ginagamit ang paglalarawan
upang tumatak sa isipan ng
mambabasa ang imahe ng paksang
tinatalakay.

3. TEKSTONG DESKRIPTIBO
Ginagamit ito bilang pandagdag o
suporta sa mga impormasyong inilalahad
ng tekstong impormatibo. Ang
paglalarawan ay maaaring payak o
kaya’y mas malinaw na nakapupukaw sa
ating limang pandama upang maging
kongkreto ang paglalarawan sa isip ng
mambabasa.

4. HALIMBAWA NG SULATIN NA GUMAGAMIT
NG TEKSTONG DESKRIPTIBO
• Mga akdang
pampanitikan
• talaarawan
• Talambuhay
• Polyetong
• panturismo
• Suring-basa
• Obserbasyon
• Sanaysay
• Rebyu ng
pelikula o
palabas

5. Mga Elemento ng
Tekstong Deskriptibo

6. Karaniwang
Paglalarawan

7. KARANIWANG PAGLALARAWAN
Tahasang inilalarawan ang
paksa sa pamamagitan ng
pagbanggit sa mga katangian nito
gamit ng mga pang-uri at pang-
abay.

8. Malaking dahilan ng polusyon ng
hangin ang industriyalisasyon at
urbanisasyon, lalo na ang pagbuga ng
usok mula sa mga pabrika at mga kotse
sa kalsada, at paggamit ng karbon sa
halip na mga ligtas na alternatibong
mapagkukunan ng enerhiya. Sa Tsina,
ang malalaking pabrika at gawaing
industriyal ang nagdudulot ng makapal
at nakalalasong usok.
(Mula sa Asya: Noon at Ngayon nina Alvarez at Dithcella, 2014)

9. KARANIWANG PAGLALARAWAN
• Ginagamit din sa paglalarawan ng
mga kurikulum at silabus ng mga
kurso sa kolehiyo;
• At pagbuo ng mga misyon at bisyon
ng mga samahan, organisasyon, at iba
pang institusyon

11. MASINING NA PAGLALARAWAN
Madalas na ginagamit sa
masining na paglalarawan ang
Tayutay lalo na sa mga tekstong
pampanitikan kagaya ng mga
tula, maikling kwento, nobela, at
sanaysay.

12. Malaking dahilan ng polusyon ng hangin
ang industriyalisasyon at urbanisasyon, lalo na
ang pagbuga ng usok mula sa mga pabrika
at kotse sa kalsada, at paggamit ng karbon
sa halip na mga ligtas na alternatibong
mapagkukunan ng enerhiya. Sa Tsina kung
saan dambuhala at sindami ng kabute ang
mga pabrika na dala ng maunlad nilang
industriya, halos balutan na ng itim at
nakalalasong ulap ang buong paligid.
(Mula sa Asya: Noon at Ngayon nina Alvarez at Dithcella, 2014)

13. GABAY SA PAGBASA NG
TEKSTONG
DESKRIPTIBO

14. LAYUNIN NG MAY-AKDA
•Ano ang hangarin ng may-akda sa kaniyang
pagsulat?
•Malinaw bang naipakita sa teksto ang layunin
ng may-akda na makapagpaliwanag o
magbigay ng impormasyon?

15. MGA PANGUNAHIN AT SUPORTANG IDEYA
•Tungkol saan ang teksto?
•Ano-ano ang pangunahing ideya nito
tungkol sa paksa?
•Ano-ano ang detalyeng sumusuporta
sa pangunahing ideya?

16. PARAAN NG PAGLALARAWAN
•Ano ang paksang inilalarawan sa
teksto?
•Paano ito inilalarawan?
•Anong katangian ng paksa ang
binigyang-diin sa paglalarawan?

17. PARAAN NG PAGLALARAWAN
•Kung payak ang paglalarawan, ano-
anong salita ang ginamit upang
ilarawan ang katangiang ito?
•Kung masining ang paglalarawan, ano-
anong tayutay ang ginamit sa
paglalarawan?

18. IMPRESYONG NABUO SA ISIP
•Malinaw ba ang imaheng nalikha sa
paglalarawan? Anong imahe ito?
•Paano nabuo ang imaheng ito gamit ang
payak at masining na paglalarawan?
•Ano ang halaga ng paglalarawang ito sa
kabuoan ng teksto?

19. ILANG MGA TAYUTAY NA
MAAARING GAMITIN SA
TEKSTONG DESKRIPTIBO

20. SIMILI O PAGTUTULAD
Tumutukoy sa paghahambing ng dalawang
magkaibang bagay, tao, o pangyayari sa
pamamagitan ng mga salitang tulad ng, parang,
kagaya, kasing, kawangis, kapara, at katulad.
HAL.
1. Ang bawat hakbang ng iyong paa ay parang sa
isang higante.

21. METAPORA O PAGWAWANGIS
Tumutukoy sa tuwirang paghahambing kaya’t
hindi na kailangang gamitan ng salitang naghahayag
ng pagkakatulad.
HAL.
1. Ang tawa ng bunsong anak ay musika sa tahanan.
2. Ang lungkot na iyong nadarama ay bato sa aking
dibdib.

22. PERSONIPIKASYON O PAGSASATAO
Tumutukoy sa paglalapat ng mga katangiang
pantao sa mga bagay na abstrakto o walang buhay.
HAL.
1. Naghahabulan ang malalakas na bugso ng hangin
2. Matalinong mag-isip ang bagyo kaya lilihis ito sa
ating bansa.

23. HAYPERBOLI O PAGMAMALABIS
Tumutukoy sa eksaheradong paglalarawan kung
kaya hindi literal ang pagkakahulugan.
HAL.
1. Pasan ko ang Daigdig sa dami ng problemang
aking kinakaharap.
2. Nagdurugo ang aking utak sa hirap ng pagsusulit
na ito.

24. ONOMATOPEYA O PAGHIHIMIG
Tumutukoy sa paggamit ng salitang may
pagkakatulad sa tunog ng bagay na inilalarawan
nito.
HAL.
1. Malakas ang dagundong ng kulog
2. Dinig ko ang tik-tak ng orasan.

25. Sanggunian
Atanacio, H. C., Lingat, Y. S., & Morales, R. D. (2016). Pagbasa at
Pagsusuri ng Iba't Ibang Teksto Tungo sa Pananaliksik. Quezon City:
C & E Publishing, Inc.