1. TERRINA DE COGOMELOS ÁS FINAS HERBAS
INGREDIENTES
-1 kg de cogomelos (champiñóns, preferiblemente) -25 cl de
tona espesa-1 cebola-3 ceboliñas
-2 dentes de allo-20 g de manteiga-2 culleradas sopeiras de
caldo concentrado de tenreira en pó -5 follas de xelatina (10
g)-1 ramallete de perexil- o zume de 1/2 de limón-sal-pementa
ELABORACIÓN
1- Reserve 4 cogomelos enteiros, limpe os outros eliminando a
parte terrosa do pé. Láveos , escórraos e córteos en pequenos
anacos . Pele e pique a cebola, as ceboliñas e o allo.
2- Poña o picado que se fixo anteriormente a cociñar
lentamente coa manteiga, engada os cogomelos e póñaos a lume
forte, ata que solten toda a auga (uns 10 min). Bote sal e
pementa e reserve.
3- Poña a quecer nun cazo 30 cl de auga. Cando ferva, dilúa o
concentrado de tenreira e déixeo ferver 10 minutos. Nun
recipiente con auga fría, abrande as follas de xelatina e
despois escúrraas coas mans e derrétaas no fondo de tenreira.
Deixe arrefriar.
4- Pique o perexil. No recipiente do batedor, coloque os
cogomelos xunto coa tona espesa. Utilice o aparello para
facer un puré liso e sen grumos. Bóteo nunha ensaladeira e
engada o perexil e o caldo de tenreira.
5- Mesture coidadosamente cunha espátula. Cubra un molde de
cake con plástico de cociña que sobrepase os bordos , verta a
2. preparación no molde, cubríndoa co plástico sobrante e déixea
polo menos 12 horas na neveira.
6- Antes de servir, limpe os cogomelos reservados, córteos en
láminas finas e bótelles un chorro de zume de limón.
7- Desmolde a terrina nunha fonte , decórea coas láminas de
cogomelos e sirva.
VIEIRAS DA CRIADA DO CURA
INGREDIENTES:
- 6 vieiras
- 1kg de mexillóns
- as cunchas das vieiras e alguna máis se fose
necesario
- 1 vaso de viño branco
- 2 ceboliñas picadas
- 1 dente de allo machacado
- 1 puñado de migas de pan do día anterior
- sal, pementa e especias. ELABORACIÓN: Limpar as
vieiras e os mexillóns e abrilos a lume forte . Sacalos
das cunchas e poñelos nun coadoiro para que escorran
ben. Picalos noutro recipiente e engadir o allo e as
ceboliñas. Condimentar con sal, pementa e especias.
Regar co líquido da cocción , deixar mariñar todo
durante 1 hora, despois escorrer e mesturar coas migas
de pan ( enroladas nun pano humedecido previamente con
viño branco) . Poñer un anaco de manteiga nunha tixola
3. ata que estea dourado, e engadir a mestura. Rechear as
cunchas das vieiras coa preparación, cubrir con pan
relado e manteiga e gratinar.
PAVO RECHEO CON CASTAÑAS
INGREDIENTES
-1 pavo de etiqueta vermella (arredor de 3 kg) -1 lata de
castañas naturais-300 g de recheo fino (na carnicería)-1
cebola e dúas ceboliñas
-100 g de touciño afumado cortado en tiras finas -1
rebanda de pan de miga-15 cl de leite-50 g de manteiga
-1 ovo-1 tableta de caldo de polo -3 culleradas de coñac -
sal e pementa
ELABORACIÓN
1. Desmigue o pan nunha cunca, cúbrao con leite. Pele e
corte as ceboliñas e a cebola. Póñaos a lume lento nunha
tixola con 10 g de manteiga e touciño 10 minutos,
remexendo a miúdo.
2. Escorra as castañas e córteas pola metade. Xunte nunha
cunca o pan escorrido, o contido da tixola frío, o
recheo fino, o ovo, o coñac e as castañas esmagadas.
Salpemente e mestúre para obter un recheo homoxéneo
(engada castañas, se é necesario).
3. Introduza o recheo no pavo e cosa a abertura ou péchea
con escarvadentes. Unte o pavo coa manteiga restante,
4. sal e pementa. Póñao nunha bandexa para enfornar e
colóqueo no forno frío. Acéndao a 150 °C e conte 2 h 30
de cocción.
4. Despois de 30 minutos de cocción, dilúa o comprimido de
caldo en 30 cl de auga moi quente. Bote este caldo na
bandexa e regue con el o pavo regularmente durante o
resto da cocción (se, despois de 1h 45, se doura o pavo
demasiado, cúbrao con papel de aluminio).
5. 20 minutos antes de que finalice a cocción, coloque as
castañas restantes arredor do pavo. Despois da cocción,
deixe repousar o pavo durante 10 minutos no forno
cuberto con papel de aluminio antes de servir.
TRONCO DE NADAL
Tempo de preparación: 15 minutos Tempo de coción: 10 minutos
INGREDIENTES (para 10 personas):
Para a masa do biscoito:
- 4 ovos
- 120 g de azucre
- 80 g de fariña
- 40 g avelá en pó Para a “ ganache” ( cobertura de
chocolate):
- 250 g de chocolate negro
- 250 g de tona líquida
- 50 g de manteiga ELABORACIÓN Comezamos pola
5. cobertura, para que lle dea tempo a arrefriar e
endurecer.
. 1- Derretemos o chocolate ao baño María ou no microondas.
Paralelamente, quentamos a tona
. 2- Botámola sobre o chocolate ata que quede ben
mesturado.
. 3- Engadimos a manteiga en anacos e fundímola co resto dos
ingredientes.
. 4- Deixamos arrefriar a “ganache” na neveira, remexéndoa
de vez en cando ata que quede consistente.
Continuamos facendo o biscoito e prequentamos o forno a
180Co.
. 1- Separamos as claras das xemas e batemos as xemas co
azucre ata que branqueen.
. 2- Batemos as claras a punto de neve e engadímolas á
preparación.
. 3- Agregamos a fariña, barutándoa e engadimos tamén o pó
de avelá.
. 4- Vertemos a masa nunha bandexa rectangular cuberta con
papel de forno. Alisamos cunha espátula e metémola no
forno 10 minutos.
. 5- Tan pronto como saia do forno, volteamos o molde e
depositamos o biscoito sobre un pano húmido. Isto
permitirá enrolalo sen que rompa. Inmediatamente
envolvemos o biscoito coa axuda do pano e deixamos
arrefriar durante uns dez minutos.
6. . 6- Cando a cobertura de chocolate estea fría ( sen que
chegue a solidificarse), desenrolamos o biscoito
e cubrímolo con ela. Envolvemos de novo o biscoito e
cortamos un extremo de 7-10 cm.,aproximadamente.
Colocámolo na parte superior do tronco, figurando unha
póla .Logo cubrimos todo o pastel co resto da cobertura
de chocolate. Axudándonos cunha espátula, facemos sucos
coa axuda dun garfo ao longo do pastel, para
intensificar o aspecto de tronco. Podemos decoralo con
figuriñas de azucre, follas de oblea, etc. Conservámolo
no frigorífico ata a hora de servir.