Receitas mariñeiras

3,129 views

Published on

0 Comments
0 Likes
Statistics
Notes
  • Be the first to comment

  • Be the first to like this

No Downloads
Views
Total views
3,129
On SlideShare
0
From Embeds
0
Number of Embeds
680
Actions
Shares
0
Downloads
21
Comments
0
Likes
0
Embeds 0
No embeds

No notes for slide

Receitas mariñeiras

  1. 1. RECETARIO MARIÑEIRO DE AGUIÑO. PROXECTO DE INNOVACIÓN EN NORMALIZACIÓN LINGÜÍSTICA. RECEITAS RECOLLIDAS POLO ALUMNADO E FAMILIAS DE AGUIÑO. RECOPILACIÓN E DIXITALIZACIÓN: 2008-2009/2009-2010
  2. 2. ALBÓNDIGAS DE BACALLAU CON GAMBAS INGREDIENTES: 800 gr. de bacallau 24 gambas 2 claras de ovo 2 dentes de allo 1 cebola Pan raiado Fariña Salsa verde Perexil Sal Aceite ELABORACIÓN: - Desmigar o bacallau e poñelo 24 horas a desalgar, cambiándolle a auga un par de veces. - Mezclalo co pan raiado, as claras de ovo batidas, o allo e perexil ó gusto. - Facemos as albóndigas. - Poñemos a quentar a salsa verde nunha tarteira. Unha vez quente botamos as albóndigas e deixamos que se vaian facendo a lume lento. - Por último engadimos as gambas e aos 10 minutos retiramos a tarteira do lume. - Poñemos no prato as albóndigas facendo un círculo e no centro a salsa coas gambas.
  3. 3. AMEIXAS Á MARIÑEIRA INGREDIENTES: Cebola Perexil Viño branco Aceite Pementón Pan raiado ELABORACIÓN: - Nunha cazola botamolo aceite, a cebola picada e o perexil. Sofreimos. - Engadimos un pouco de viño branco, unha cullerada de pan raiado e un chisco de pementón. Sofreimos. - Engadimos as ameixas e deixamos cocer ata que se abran, remexendo de cando en vez.
  4. 4. AMEIXAS “O MEU XEITO” INGREDIENTES: Ameixas brancas ou Viño branco rubias Colorante Aceite de oliva Pementón picante Cebola Dous dentes de allo Pemento vermello e verde Tomate natural Perexil Fariña ELABORACIÓN: - Nunha cazola pochamos a cebola, o allo, o pemento verde e o vermello, o tomate e o perexil cun pouco de aceite de oliva. - Engadimos as ameixas previamente lavadas e, cando escomencen a abrir, botámoslles un vaso de viño branco cunha cullerada de fariña disolta nel, un chisquiño de colorante e o pementón picante (opcional). - Deixamos que rematen de abrir e botámolas nunha fonte cun pouco de perexil picado por enriba.
  5. 5. AMEIXAS CON FIDEOS INGREDIENTES: Ameixas Fideos Cebola Pemento Cenouras Tomate Aceite de oliva Colorante Sal ELABORACIÓN: -Nunha tarteira cun pouco de aceite poñense ao mesmo tempo 1 cebola cortadiña, 2 cenouras, medio pemento encarnado e un tomate. Poñémolo ó lume ata que estea todo pochadiño. -Engadimos un chorro de viño branco. - Pódese pasar todo pola batedora para que quede unha salsa espesa. -Poñemos a salsa na tarteira, engadimos un pouco de auga e ao mesmo tempo as ameixas e os fideos. - Cando o fideo esté casi cocido, engadímoslle algo de colorante e sal.
  6. 6. AMEIXAS EN SALSA VERDE INGREDIENTES: Ameixas Aceite de oliva Cebola Perexil Viño branco Pementa branca Fariña ELABORACIÓN: - Nunha cazola bótase o aceite e a cebola a pochar. - Engádense as ameixas, o perexil e un pouco de viño branco. - Deixanse cocer un pouquiño. Cando as ameixas xá estean abertas, engadimos un vaso de auga e unha culler de fariña. Remexemos para facer a salsa máis gorda. - Collémola cacerola no aire e dámoslle unhas voltas ao redor para que a salsa se espalle por todo.
  7. 7. ANGUÍA CON XAMÓN INGREDIENTES: 1 anguía grande 100 gr. de xamón 5 culleriñas de pan raiado 1 vaso e medio de aceite 1 copa de viño ribeiro ELABORACIÓN: - Limpar ben a anguía. - Dámoslle uns cortes a través e neles introdúcese o xamón. - Colocamos a anguía enrolada nunha tarteira, espolvorexamos con pan raiado e engadimos o aceite. - Metémola ó forno e rociamos de cando en vez cun pouquiño de aceite. - Cando este case feita engadimos o viño, que lle da moi bo sabor. - Servímola na mesma fonte.
  8. 8. ARROZ CON PEIXE INGREDIENTES: 4 toros de peixe 1 litro e medio de caldo de peixe 8 culleriñas de arroz longo 2 dentes de allo Medio vaso de tomate tamizado Loureiro Aceite Sal ELABORACIÓN: - Nunha cazola botamos un pouco de aceite e os allos cortados. - Cando estén dourados botamos o arroz . - Deixámolo fritir durante uns minutos e engadimos o tomate e o loureiro. - Botamos o caldo de peixe e sal e deixámolo cocer durante 10 minutos. - Despois engadimos o peixe e deixamos cocer ata que este listo.
  9. 9. ARROZ CON BERBERECHOS INGREDIENTES: 300 gramos de arroz 1 quilo de berberechos 12 gambas 1 cabeza de pescada 2 ceboliñas 2 dentes de allo Auga Aceite de oliva Sal e perexil ELABORACIÓN: - Limpar ben os berberechos e poñelos a cocer nunha ola cun pouco de auga, ata que se abran. - Pelalas gambas e poñer as cascas e as cabezas a cocer en auga xunto coa cabeza e as espiñas da pescada, unha rama de perexil e un chisco de sal. Deixar cocer 20 minutos. - Picar as ceboliñas, os porros e os dentes de allo. Poñelos a pochar nunha tarteira cun pouco de aceite. - Engadir o arroz. Refogalo. Verter ¼ litro do caldo e deixar ao lume 12 minutos sen deixar de remexer. - Engadir as gambas e os bererechos sen cunchas. Deixar cociñar durante 1 minuto e servir.
  10. 10. ARROZ DE CHOPO INGREDIENTES: 1 chopo 1 cebola Arroz Tomate Pemento Caldo de peixe Fariña Aceite Sal Azafrán ELABORACIÓN: - Cortamos o chopo en anaquiños. - Enfariñámolo e pasámolo pola tixola xunto co pemento e a cebola cortada en anacos pequenos. - Nunha tarteira poñemos o caldo de peixe, sal e tomate e cocémolo durante 30 minutos. - Despois engadimos unha taciña de arroz por cada persoa e azafrán ó gusto. - Deixámolo cocer durante 15 minutos.
  11. 11. BACALLAO Á VIZCAINA INGREDIENTES: 4 pementos pequenos 4 tomates pequenos 2 cebolas 1 vaso de aceite. 1 vaso de auga 1 cullerada de pimentón doce ½ quilo de bacallao desalgado ¾ de quilo de patacas ELABORACIÓN: -Nunha tarteira poñer o aceite, a cebola e os pementos ben picados. Botar as patacas cortadas en lonchas, enriba o bacallao e despois unha capa de cebola, tomate e pementos, unha cullerada de pemento doce e un vaso de auga. -Poñer ó lume media hora máis ou menos.
  12. 12. BACALLAU AO FORNO INGREDIENTES: 1 quilo de bacallau 1 cebola 1 taza de aceite 1 vaso de viño branco 2 tazas de salsa de tomate Perexil ELABORACIÓN: - Poñer o bacallau a remollo 24 horas. - Quitarlle a pel e a espiña. Cortalo en trozos. - Poñer nunha fonte de barro unha capa de peixe, a cebola en rodaxas, o perexil picadiño, a salsa de tomate e outra capa de peixe. -Botar por riba o aceite e mailo viño e meter ao forno.
  13. 13. BACALLAU CON GRELOS INGREDIENTES: 4 feixes de grelos 1 quilo de patacas 1 quilo de bacallau Aceite 3 dentes de allo Sal ELABORACIÓN: -Ter en remollo o bacallau durante 24 horas. - Escoller e lavar os grelos. -Nunha tarteira poñer auga a ferver. Unha vez que ferva, botánse os grelos. - Cando transcorran 10 minutos da cocción, engadir un chorro de aceite. - Introducir na cocción as patacas e o bacallau coa pel cara riba. Poñer sal ao gosto. -Unha cez cocido todo, escórrese ben e colócase nun recipiente. -Nunha tixola frítense os allos cortadiños en anacos e bótanse por riba do bacallau. - Servir moi quente.
  14. 14. BONITO AO FORNO INGREDIENTES: 1 quilo y medio de bonito 750 gramos de patacas 4 cebolas 100 gramos de xamón 100 gramos de chourizo 1 pemento vermello 1 copa de viño branco Allo Perexil Aceite ELABORACIÓN: - Cortar o bonito en 4 lombos, sacarlle as espiñas e lavalo. - Frotar os lombos con allo e perexil e mesturar co xamón e o chourizo cortados en taquiños. - Nunha cazola con aceite poñer o bonito, as patacas e as cebolas en rodaxas, o pemento cortado e unha copa de viño branco. - Meter no forno a temperatura baixa 45 minutos.
  15. 15. CALDEIRADA DE MERLUZA ÓS OVOS MARELOS INGREDIENTES: Merluza Patacas Cebola Aceite Azafrán Ovos ELABORACIÓN: -Poñer nunha ola a cocer as patacas e o peixe con sal e unha cebola. -Nunha ola máis pequena poñer a quentar o aceite e botarlle 4 ou 5 ovos, previamente cocidos, en anacos e un pouco de colorante. -Botar esta salsa por riba das patacas e do peixe.
  16. 16. CALDEIRADA DE RAIA CON GRELOS INGREDIENTES: Raia Grelos Patacas Cebola Auga Sal Allada ELABORACIÓN: -Facer unha allada cuns anacos de touciño derretidos na tixola, allos picados, un chorro de aceite de oliva virxe e pementón. - Nunha tarteira con auga botamos sal e a cebola cortada en anacos e os grelos limpos. - Cando empece a ferver engadimos as patacas cortadas en anacos. Deixamos cocer 8 minutos. - Botamos a raia e deixamos cocer 10 minutos máis. - Escorrémola a auga e botámola allada.
  17. 17. CALAMARES FRITIDOS INGREDIENTES: 1 Kg de calamares 100 gr. de fariña Sal Aceite ELABORACIÓN: - Limpamos os calamares e cortámolos en aros. - Deixámolos escorrer. - Salgamos os calamares e enfariñámolos. - Fritímolos calamares en abundante aceite quente.
  18. 18. CALAMARES Á ROMANA INGREDIENTES: Calamares Fariña Ovo Sal Limón Perexil Aceite ELABORACIÓN: - Bater o ovo. - Deixar a remollo 5 minutos os calamares. - Despois enfariñámolos. - Fritímolos en aceite de oliva. - Sazonamos ó gusto e colocámolos nun prato decorando con limón ou perexil.
  19. 19. CALDERETA DE LANGOSTA INGREDIENTES: 2 langostas 2 pementos verdes 1 cebola 500ml de champán brut 2 l. de caldo de peixe Unha rodaxas de pan Azafrán Perexil Auga sal ELABORACIÓN: - Pelamos e picamos a cebola. - Lavamos os pementos e cortámolos en aros. - Trituramo o pan. - Cortamos as langostas en rodaxas dende a cola ata a cabeza e troceamos a cabeza. - Nunha tixola con 4 culleradas de aceite douramos as langostas. - Refogamos a cebola, os pementos, e o pan nese mesmo aceite. - Engadimos o azafrán e o perexil e vertémolo caldo de peixe e o champán. - Sazonamos e deixámolo cocer a fogo lento durante 15 minutos. - Pasámolo o sofrito polo coador, e cocemos a langosta nese caldo a fogo lento durante 10 minutos. - Poñemos a ferver o arroz en moita auga con sal durante 15 minutos, escorrémolo e pasámolo por auga fría. - Servimos a caldereta de langosta acompañada do arroz branco e decorámolo cunha ramiña de perexil.
  20. 20. CÓCTEL DE MARISCO INGREDIENTES: 20 gambas grandes 12 troncos de cangrexo 1 bote de millo doce 1 peituga de polo 1 bote de maionesa 1 bote de ketchup Leituga ELABORACIÓN: - Cocemos as gambas e pelámolas. - Reservamos 8 para adornar e o resto picámolas. - Picamos tamén os troncos de cangrexo. - Cocémola peituga e picámola e anacos pequenos. - Mezclámolo todo e engadimos un bo puñado de millo doce. - Collemos a leituga e picámola en xuliana. - Botámoslla á mezcla e reservamos unha pouca para a presentación do prato. - Coa maionesa facemos unha salsa rosa engadindo unhas gotas de ketchup ó gusto de cada un. - Engadimos a salsa rosa e deixámola enfriar varias horas na neveira. - Un pouco antes de comer, colocamos o cóctel en copas e adornámolas con dúas gambas cada unha e un folliña de leituga.
  21. 21. CONGRIO Á GALEGA INGREDIENTES: ½ kg de congrio 100gr de guisantes 2 ceboletas 1 tomate 2 dentes de allo Caldo de peixe 1 vaso de viño branco Fariña Aceite de oliva virxen Sal Perexil ELABORACIÓN: - Nunha tarteira con aceite pochar as ceboletas, o tomate e os allos. - Sazonar e engadir unha culleriña de fariña. - Refogar e verter o viño e poñelo ó lume. - Cortar o congrio en rodaxas e sazonalo. - Pasalo por fariña e fritilo. - Despois colocámolo sobre a verdura pochada durante 8 minutos. - Botámoslle os chícharos e un pouco caldo. - Espolvorexamos co perexil picado e servímolo na mesa.
  22. 22. CONGRIO EN SALSA MARIÑEIRA INGREDIENTES: 600gr de congrio 4 tomates 4 dentes de allo Perexil picado Aceite Viño branco Sal Pementa ELABORACIÓN: - O congrio córtase en 4 anacos. - Os tomates escáldanse e móndanse, logo sácanselle as pepitas. - O perexil e o allo pícanse fino e mestúranse. - Rociar o fondo dunha tarteira con aceite. - Colocar o congrio que se cubre co tomate. - Por último rociar con viño.
  23. 23. DOURADA Ó SAL INGREDIENTES: 1 dourada ou lubina Sal gordo Auga ELABORACIÓN: - Prequentar o forno a 200º. - Limpar a dourada sen escamar. - Poñer nunha bandexa do forno sal gordo con dúas culleradas de auga. - Coloca-la dourada e cubrila de sal ata tapala completamente. - Poñer o peixe no forno durante 20 minutos. - Retirar o sal e... Bo proveito!
  24. 24. EMPANADA DE BERBERECHOS INGREDIENTES: Fariña de millo Sal Fermento Auga Fariña de trigo Aceite Cebola Pimentón doce Berberechos ELABORACIÓN: - Preparamos unha masa coa fariña de trigo, a fariña de millo, o fermento, o sal e auga. - Deixámola fermentar e levedar sobre media hora. - Mentres tanto preparamos o sofrito co aceite e a cebola picada. Poñemos a fritir na sartén cun pouco de aceite e cando estea pochada a cebola botámoslle o pementón doce e os berberechos que cocemos previamente e lle sacamos a cuncha. - Estendemos un pouco de aceite na empanadeira para que non se pegue a masa e colocamos unha capa fina. - Poñemos enriba o sofrito cos berberechos e cubrimos con outra capa de masa. - Para rematar poñémolo o forno durante media hora e listo pra comer.
  25. 25. FABAS CON AMEIXAS INGREDIENTES: 800 gramos de fabas cocidas 600 gramos de ameixas 100 gramos de manteiga 2 cebolas pequenas 1 culler de fariña. 1 cullerada de vinagre Perexil Sal ELABORACIÓN: -Lavar ben as ameixas e colocalas nunha tixola cun pouco de auga a lume baixo. Retiramos as que se vaian abrindo. - Picar finamente as cebolas e sofreilas nunha cazola de barro con manteiga, engadir a fariña e remexer. -Engadimos á cazola as fabas cun cullerón de auga onde se coceron. Deixamos cocer. - Botamos as ameixas e despois de 10 minutos engadimos o vinagre e o perexil ben picado. Deixamos cocer 10 minutos máis.
  26. 26. FIDEOS CON AMEIXAS INGREDIENTES: Un paquete de fideos Medio kg de ameixas 300gr. de carne de porco Curri Sal ELABORACIÓN: - Cocer os fideos. - Cocer a carne. - Cocer as ameixas. - Botámoslle o sal e o curri. - Remexémolo un pouco e listo para comer.
  27. 27. GAMBAS CON ALLOS INGREDIENTES: Gambas peladas Allos Aceite Viño branco Perexil Chile ELABORACIÓN: -Nunha cazola de barro botamos aceite, o allo picado e o chile. Poñemola ao lume. - Engadimos as gambas e o perexil. - Cando estén case listas botámoslles un chorro de viño branco. - Deixase evaporar o viño e,... A comer!
  28. 28. GUISO DE XOUBAS INGREDIENTES: 1 kg de xoubas 2 cebolas 1 pemento 3 tomates Aceite Viño branco Sal ELABORACIÓN: Poñer nunha fonte os ingredientes en capas da seguinte maneira: - Capa de xoubas . - Capa de patacas cortadas en toros de 1 cm. de grosor. - Capa de tomates e pementos cortados finos. - Botar un pouco de auga, medio vaso de viño, un chorro de aceite e sal. - Tamén se pode botar unha folla de loureiro. - Poñer a lume mediano. - Cando as patacas estean cocidas apagar e deixar repousar uns minutos antes de servir.
  29. 29. GRELOS CON MARISCO INGREDIENTES: 200 gramos de ½ litro de caldo de langostinos peixe 4 vieiras 70 gramos de manteiga 200 gramos de cigalas 200 gramos de ameixas 200 gramos de grelos cocidos ½ litro de crema de leite ELABORACIÓN: - Cocer todo o marisco, agás as ameixas. Pelalo. - Nunha tixola con manteiga dourar o marisco. - Engadir a crema de leite. - Engadir o caldo de peixe e os grelos cocidos e escurridos. Deixar cocer uns minutos - Abri-las ameixas ao vapor. - Nunha fonte verter o marisco cos grelos e adornalo coas ameixas.
  30. 30. LAMPREA COA SÚA SANGUE INGREDIENTES: 1 lamprea 1 cebola 2 dentes de allo 1 pemento 6 patacas Auga Sal Aceite ELABORACIÓN: - Nunha cazola bótase un pouco de aceite, a cebola, os allos e os pementos picados. - Deixámolos dourar e engadimos a lamprea coa súa sangue e revolvemos todo xunto. - Despois botamos auga e deixamos ferver. - Cando empece a ferver botámoslle as patacas escachadas e un pouco de sal. - Deixamos ferver ata que as patacas estean brandas.
  31. 31. MERLUZA Á GALEGA INGREDIENTES: Merluza Patacas Ameixas Gambas Cebola Allos Perexil Aceite de oliva Viño branco ELABORACIÓN: -Poñemos na cazola de barro o aceite. Picamos uns 2 ou 3 allos, a cebola e o perexil. Poñemos ao lume e botamos un chorro de viño branco. - Picamos as patacas en rodaxas e fritímolas na sartén polos dous lados ( volta e volta ). Botámolas na cazarola de barro. - Pasamos a merluza pola sartén e a poñemos enriba das patacas. Enriba poñemos as ameixas e as gambas. - Poñemos a cazarola no forno 10 minutos e,... Listo para comer!
  32. 32. MERLUZA CON CHAMPIÑÓNS E GULAS INGREDIENTES: 8 lomos de merluza 250 gramos de champiñóns Gulas Aceite de oliva Sal ELABORACIÓN: -Sazónanse os lomos de merluza. - Nunha fonte de forno botamos aceite, poñemos os lomos e metemos no forno. - Nunha tixola refogamos os champiñons en aceite cun chisco de sal. - Noutra tixola refogamos tamén as gulas. - Sacamos a fonte do forno e botamos os champiñóns e as gulas enriba de catro lomos de merluza, que despois tapamos cos outros catro. - Sevimos antes de que arrefrie.
  33. 33. MEXILLÓNS Á VINAGRETA INGREDIENTES: Mexillóns Pemento vermello Aceite Cebolas Vinagre ELABORACIÓN: -Cócense os mexillóns ao vapor e sácaselles unha das cunchas. -Pícase moi miuda a cebola e mailo pemento e mestúrase co aceite e co vinagre. -Bótase un pouco da mestura anterior por riba de cada mexillón. E..., xa están listos para comer.
  34. 34. MEXILLÓNS AO VAPOR INGREDIENTES: Mexillóns Auga Follas de loureiro Sal ELABORACIÓN: -Nunha tarteira botamos os mexillóns, o loureiro e sal. - Poñemos todo ao lume. Cando os mexillóns abran a cuncha, xa están listos.
  35. 35. MEXILLÓNS EN ESCABECHE INGREDIENTES: Mexillóns Vinagre Aceite de oliva Cebola Pimentón ELABORACIÓN: - Quentamos o aceite e pochamos a cebola a lume lento. - Cando este pochada retiramos do lume e engadimos dous vasos de vinagre. - Engadimos o pimentón. - Cocemos o vapor os mexillóns cun pouco de loureiro. - Despois pasámolos un pouco pola sartén. - Deixámolos enfriar e envasámolos ó vacío nun bote engadindo a salsa.
  36. 36. MEXILLÓNS NA SÚA CUNCHA INGREDIENTES: 2 quilos de mexillóns ½ litro de bechamel espesa 2 follas de loureiro 2 ovos batidos Pan raiado Sal Aceite ELABORACIÓN: -Cócense os mexillóns en moi pouca auga co loureiro e o sal. -Escórrense e quítaselle unha das cunchas. -Cúbrense de bechamel sazoada con pementa e noz moscada. Deixanse arrefriar. - Rebózase a parte rechea en ovo e pan raiado e fritense.
  37. 37. PAELLA MARIÑEIRA INGREDIENTES: Mexillóns Gambas Polbo Calamares Pemento Tomate Allo Arroz Perexil Aceite Auga ELABORACIÓN: -Sofríese o allo, o pemento e o tomate no aceite. -Botar os calamares, o polbo en trociños, as gambas e os mexillóns. Deixar cocer un rato. -Engadir o arroz e a auga correspondente. -Deixar cocer e botarlle un pouco de perexil.
  38. 38. CASTAÑETA Ó FORNO INGREDIENTES: 1 palometa grande Manteiga Limón Pementa Viño branco Patacas pequenas Perexil ELABORACIÓN: - Untamos con manteiga unha tarteira onde colla a palometa. - Sazonamos con sal e coa pementa. - Engadimos o viño, o zume de limón. - Poñémolo o forno e deixámolo facer. - Cocemos as patacas. - Unha vez cocida a palometa engadimos as patacas. - Adornamos con perexil por riba.
  39. 39. PASTEL DE CABRACHO INGREDIENTES: Un cabracho dun kg 4 ovos 1 tarrina de nata de 200gr 5-6 culleres de tomate frito 1 cebola 1 folla de loureiro Sal ELABORACIÓN: - Cocémolo cabracho en auga e engadimos a cebola e o loureiro e o sal. - Deixámolo enfriar . - Desmenuzámolo e quitámoslle as espiñas e a pel. - Batémola nata, os ovos e o tomate frito. - Engadimos a mezcla o peixe. - Poñemos no forno unha fonte con dous dedos de auga e dentro del outra fonte untada con manteiga. - Botámola mezcla e deixámola cocer ó baño María tres cuartos de hora a temperatura media.
  40. 40. PEIXE ESPADA REBOZADO INGREDIENTES: Peixe espada Fariña 1 ovo Allo Perexil Aceite de oliva Sal ELABORACIÓN: - Cortámolo peixe en filetes. - Sazonamos e engadimos allo e perexil. - Deixámolo adobado durante 3 días para que colla sabor. - Pasamos os filetes pola fariña e despois por ovo batido. - Fritimos na sartén.
  41. 41. PERCEBES COCIDOS INGREDIENTES: Percebes Loureiro Sal ELABORACIÓN: - Nunha ola ponse a quentar auga con loureiro e sal. - Cando rompe a ferver bótanse os percebes e cando empezan a formar escuma, retíranse do lume e escórrense.
  42. 42. POLBO CON FABAS FRESCAS INGREDIENTES: 1 polbo de un kg. ½ quilo de fabas frescas 1 cebola grande 1 allo Perexil Pimentón Pan raiado Sal ELABORACIÓN: - Cocer o polbo. - Cocer as fabas na auga do polbo. - Cortar a cebola fina e sofreíla, botarlle o allo e o perexil. - Cortar o polbo e engadir todo na cazola onde están as fabas. - Botar o pementón, o sal e mailo pan raiado ata que faga unha salsa espesa.
  43. 43. POLBO Á FEIRA INGREDIENTES: 2 kg de polbo 1 cebola pequena 1 vaso de aceite de oliva 1 culleriña de pimentón doce 1 culleriña de pimentón picante Sal grosa ELABORACIÓN: - Primeiro lavamos o polbo, despois poñemos a auga a ferver coa cebola, a poder ser nunha ola de cobre. - Cando rompa a ferver introducir o polbo e levantalo 3 veces e despois deixalo ferver durante 45 minutos aproximadamente. - Despois sacámolo do lume e deixámolo repousar 15 minutos. - Cortamos o polbo en talladas e sazonamos con sal, pimentón doce e picante e co aceite.
  44. 44. RABADA Ó FORNO INGREDIENTES: Rabada Patacas Cebola Aceite de oliva Sal Viño branco ELABORACIÓN: - Fritir as patacas redondas e finas. Poñelas no fondo da fonte do forno. - Nunha tixola rustrir a cebola picada e botala enriba das patacas. - Dar uns cortes ó peixe ao longo da espiña e colocar na fonte. - Engadir un chorro de viño branco e caldo de peixe (feito previamente coa cabeza da rabada), sal e un chorro de aceite de oliva. - Poñer ó forno 15 minutos a 250º. - Salferir o perexil picado por riba e servir.
  45. 45. RAPE CON GRELOS INGREDIENTES: Rape Grelos Patacas Aceite Allos Perexil Pimentón Auga Sal ELABORACIÓN: - Lavar os grelos, limpalos e fervelos en auga con sal. - Pelalas patacas e cortalas tipo panadeiras. - Cortar as cebolas en Xuliana. - Nunha tarteira poñer un pouco de auga, sal, perexil, un dente de allo, cebola e patacas. - Cando leve fervendo 10 minutos engadir o rape e deixar ferver 5 minutos máis. - Nunha tixola cun pouco de aceite de oliva dourar a lume lento allos e engadir un pouco de pimentón ó gusto. - Por último colocar nunha fonte os grelos, as patacas e o rape e botar por riba os allos e o pimentón.
  46. 46. REVOLTO DE OURIZOS INGREDIENTES: Ourizos Ovos Gambas 4 ou 5 dentes de allo 1 chorriño de nata líquida Perexil Sal a gusto de cada un ELABORACIÓN: - Cócense os ourizos, e rápidamente hai que sacarlle as ovas. - Poñemos unha sartén ó lume con aceite de oliva e allos. - Antes de que comecen a dourarse os allos engádenselle as ovas. - Dámoslle unhas voltas e engadimos as gambas peladas e o perexil. - Temos preparados os ovos batidos, aproximadamente 3 ou 4, engadimos un chorriño de nata líquida e removémolo. - Pasamos os ourizos que tiñamos na sartén ó cazo dos ovos, batémolo todo ben cun tenedor e botámolo de novo a sartén . - Por último deixamos callar os ovos intentando que quede xugoso.
  47. 47. REVOLTO DE OURIZOS CON ALGAS INGREDIENTES: 1 lata de algas Ovos de ourizo Varios dentes de allo Ovos Aceite de oliva Sal e pementa ELABORACIÓN: -Picamos os allos e nunha sartén cun pouco de aceite bótanse a dourar. - Botamos na sartén os ourizos mailas algas e remexemos cunha culler de pau. - Engadimos os ovos e salpimentamos, remexendo sen parar. - Deixamos que se faga ao gosto.
  48. 48. ROBALIZA GUISADA INGREDIENTES: Robaliza Allo Cebola Tomate Pimentón Viño branco Aceite Sal ELABORACIÓN: - Limpamos e cortamos en toros o peixe. - Nunha tarteira botamos aceite de oliva, picamos dous dentes de allo, un pouco de perexil, unha cebola e un tomate. - Engadimos os toros da robaliza, botamos un pouco de pimentón , medio vaso de viño branco e unhas areas de sal. - Poñémolo ó lume arredor de vinte minutos. - A parte cocemos patacas con loureiro e engadimos algo de sal. - Para rematar colocamos no centro dunha fonte a robaliza guisada e engadimos as patacas cocidas arredor.
  49. 49. RODABALLO Á GALEGA INGREDIENTES: Rodaballo Patacas Cebolas Allos Pimentón Aceite de oliva Sal ELABORACIÓN: - Lavamos e secamos o rodaballo. - Sazonamos con sal . - Lavamos e cortamos as patacas. - Poñémolas a cocer enteiras en auga con sal durante 25 minutos aproximadamente. - Poñemos a ferver o rodaballo durante 12 minutos. - Pelamos e picamos as cebolas e os allos. - Nunha tixola con aceite poñemos as cebolas e os allos e deixámolas dourar. - Engadimos as patacas cocidas e troceadas , e deixamos ferver 2 minutos. - Espolvorexamos con pimentón ó gusto - Sacámolo rodaballo da auga, escurrímolo, colocámolo nunha fonte coas patacas e por último engadimos o sofrito.
  50. 50. SALMÓN CON TOMATE INGREDIENTES: 2 toros de salmón Un dente de allo Aceite 2 tomates Cebola Sal ELABORACIÓN: - Picámola cebola, o allo e os 2 tomates. - Nunha tarteira rociamos con aceite de oliva e engadimos a mezcla deixándoa fritir 10 minutos. - Despois engadimos o salmón e sazonamos ó gusto e deixámolo facer outros 10 minutos dándolle a volta os toros de salmón.
  51. 51. SALPICÓN DE MARISCO INGREDIENTES: 150 gr. de polbo cocido 100 gr. de gambas peladas e cocidas 100 gr. de langostinos pelados e cocidos 2 tomates 1 cebola 1 pemento verde 2 ovos cocidos 50 gr. de pepinillos 2 culleriñas de alcaparras Aceite de oliva Vinagre Sal ELABORACIÓN: - Nunha tarteira colocar o marisco, os tomates, a cebola, o pemento e os ovos picados. - Sazonar e engadir as alcaparras. - Preparala salsa con 12 culleriñas de aceite de oliva, 6 culleriñas de vinagre e sal ó gusto. - Mezclar a salsa co resto de ingredientes e servir.
  52. 52. SARDIÑAS Á GALEGA INGREDIENTES: 1 quilo de sardiñas ½ quilo de tomates 1 folla de loureiro 100 gramos de manteiga 1 cebola Sal ELABORACIÓN: - Nunha cazola poñemos a manteiga, a cebola picada, os tomates asados e en cachiños, o loureiro e a sal; logo pousamos as sardiñas limpas. Por riba poñemos o resto da manteiga e metémolas no forno ata que se fagan.
  53. 53. SARDIÑAS CON CACHELOS INGREDIENTES: 2 Kg de sardiñas 1 Kg de patacas Loureiro Sal ELABORACIÓN: - Colocamos as sardiñas nunha fonte e salgámolas ó gusto. - Nunha tarteira con auga poñemos as patacas a cocer cortadas en rodaxas e sen pelar. - Asamos as sardiñas nunha grella a lume lento. - Servímolas na fonte para comer cos cachelos. - Se hai pan de broa e viño mellor que mellor.
  54. 54. SOPA DE MARISCO INGREDIENTES: ½ kg de langostinos 1 vaso de arroz 1 pastilla de avecren 1 l. de auga Sal ELABORACIÓN: - Quitámoslle as cabezas os langostinos. - Poñémolas a cocer en auga con sal. - Unha vez cocidas machacamos as cabezas e colamos a auga. - Con esa auga cocemos o arroz e despois botámoslle o avecren. - Cando este cocido engadimos as colas dos langostinos.
  55. 55. TORTILLA DE VIEIRAS INGREDIENTES: Vieiras sen cuncha 1 cebola mediana 6 chalotes 4 ovos 4 culleradas de aceita 1 cullerada de salsa de soia Sal e pementa ELABORACIÓN: -Lavar coidadosamente as vieiras en auga fría e cortalas en cachiños. Salpimentalas e douralas en aceite moi quente durante 5 minutos. -Nunha cazola refogar a cebola moi picada e engadirlle os moluscos, deixando que se sofría todo durante outros 5 minutos. -Batir os ovos xunto coa salsa de soia, os chalotes picados e un chisco de sal e pementa. -Verter o batido sobre as vieiras, remover todo e deixar cocer ata que se fagan os ovos. -Servir a tortilla de seguida.
  56. 56. TORTILLA DE OSTRAS INGREDIENTES: 3 docenas de ostras 15 culleradas de fariña 10 ovos Limón Leite Manteiga de vaca Sal ELABORACIÓN: -Sacamos as ostras das súas cunchas, partímolas en anaquiños e botámoslle sal e limón. - Batémolos ovos engadíndolles a fariña pouco a pouco. Incorporamos o leite ata conquerir unha pasta consistente. - Botamos as ostras na pasta e fac´emolas tortillas nunha sartén previamente untada de manteiga.
  57. 57. TROITAS CON TOUCIÑO INGREDIENTES: Troitas Touciño Sal ELABORACIÓN: - Nunha tarteira para meter ó forno extendemos unha capa de lonchas de touciño. - Sobre elas colocamos as troitas limpas e salgadas. - Logo cubrimos con outra capa de lonchas de touciño. - Metémolo ó forno ata que o touciño se consuma case por completo.
  58. 58. TROITA FRITIDA INGREDIENTES: 1kg de troitas 100 gr. de xamón 100 gr. de manteiga 1 limón Pan raiado Perexil Aceite Sal ELABORACIÓN: - Lavamos e salgamos as troitas deixándoas escorrer sobre un pano. - Nunha tixola poñemos aceite e manteiga en partes iguais cuns anacos de xamón. - Cando este ben quente fritimos as troitas previamente rebozadas en pan raiado. - Xa fritidas colocámolas na fonte e adornamos con perexil
  59. 59. VIEIRAS AO FORNO INGREDIENTES: Vieiras e as súas cunchas Cebola Viño branco Pan rallado Sal Pemento vermello en lata Azafrán Ovo cocido Aceite de oliva ELABORACIÓN: - Rustrímo-la cebola en aceite de oliva, cando esté branda (pero non tostada) botamos o pemento e o azafrán, sazonamos e engadimos as vieiras. Apagamolo lume. - Poñemos unha vieira cun pouco de rustrido en cada cuncha, botamos un pouco de pan raiado por riba e o ovo cocido ben picadiño, e un chisco de viño branco. - Metémolas no forno ata que estean douradas.
  60. 60. XARDA CON CACHELOS INGREDIENTES: Xardas Auga Cebola Patacas Sal ELABORACIÓN: - Limpámolas xardas e poñémolas con sal gorda durante 2 días. - Preparamos unha tarteira con auga, cebola e patacas toradas tipo cachelos. - Engadimos o peixe e deixámolo ferver 45 minutos.
  61. 61. XURELOS EN ESCABECHE INGREDIENTES: Xurelos Fariña Pimentón Allos Vinagre Cebola Loureiro Aceite Sal ELABORACIÓN: - Despois de limpar o peixe, enfariñalo e fritilo. - Preparámolo o escabeche. - Pícamos as hortalizas, botámolas no aceite e rústrense un anaquiño e apágase o lume. - Ao enfriar o aceite, botamos o pimentón e o vinagre. Ollo, se o aceite aínda está quente, salta. - Botamos o rustrido por enriba dos xurelos e deixamos que se empapen ben. - Tamén se pode facer en frío, sen cociñar o allo e a cebola.
  62. 62. XURELOS Ó FORNO INGREDIENTES: 1 xurelo grande 1 cebola 2 dentes de allo 2 follas de loureiro 1 pemento 1 tomate 1 cenoura Perexil Viño branco Aceite Sal ELABORACIÓN: - Nunha empanadeira botar un pouco de aceite e estendelo ben. - Despois colocamos o xurelo partido en anacos. - A continuación botamos a cebola, o allo, o loureiro, o pemento, o tomate, a cenoura e o perexil. - Por último engadimos o sal e deixámolo facer no forno durante unha hora.
  63. 63. ZAMBURIÑAS Ó XEREZ INGREDIENTES: ½ kg de zamburiñas 1 cebola picada moi fina 4 dentes de allo 3 culleriñas de perexil picado 2 copas de xerez 1 vaso de auga 100 gr. de fariña Pimienta Noz moscada Sal ELABORACIÓN: - Quitamos as zamburiñas das cunchas e lavámolas. - Pasámolas por fariña e refogámolas en aceite. - Colocámolas nunha tarteira e engadimos un vaso de auga e deixámolas cocer durante un cuarto de hora. - Facemos un rustrido con aceite, cebola, allo e perexil. - Engadímoslle unha copa de viño e pasamos o rustrido polo coador. - Engadímoslle o rustrido a tarteira das zamburiñas e deixámolas cocer a lume lento. - Engadímoslle o sal a pementa e a noz moscada. - Se a salsa quedase moi líquida pódese espesar con fariña ou maicena. - No momento de servir engadimos á tarteira a outra copa de viño. - Servímolo nunha fonte redonda e podémolo adornar con rodaxas ou triángulos de pan fritido.
  64. 64. Índice de artistas galegos/as que ilustran as nosas receitas - Alonso, Rafael - Argüelles - Buciños - Caballero - Castro Couso - Colmeiro - Conde Corbal - Crussat, Xerardo - Dans, Mª Antonia - Frau, Xosé - Granell - Huete, Anxel - Laxeiro - Legísima - López, Juan Luis - Lugrís, Urbano - Lledó - Mallo, Maruja - Maside - Pailós - Paisa Gil - Palmeiro - Pesqueira - Prego de Oliver - Seoane - Sobral, Antón - Solla, Xosé - Tenreiro, Antonio - Torrás, Luis - Torres, Manuel - Úbeda, Rafael - Virxilio

×