KANSA vier gedurende Augustus KANSA se ondersteuningsaanbiedinge. Ons lig die nuwe KANSA Inligtings- en Ondersteuningstoonbanke by sommige openbare hospitale uit wat deur personeel en opgeleide vrywilligers behartig word. KANSA het verder ’n reeks ‘Verwerking van Kanker’-plakkate ontwikkel wat beskikbaar is in Engels, Afrikaans, seSotho, seTswana, isiXhosa, isiZulu https://cansa.org.za/ons-plaas-die-sorg-in-kansa-sorgmaand

1. Ons plaas
die Sorg in KANSA
Sorgmaand
Verwerking van Kanker
www.cansa.org.za
Tolvry 0800 22 66 22
072 197 9305
071 867 3530
English, Afrikaans
Xhosa, Zulu,
Sotho, Siswati

2. Ons plaas die sorg in KANSA Sorgmaand
● KANSA vier gedurende Augustus KANSA se ondersteuningsaanbiedinge van praktiese en
psigososiale versorging en ondersteuning aan kankeroorwinnaars (pasiënte en dié wat in
remissie is) asook hulle geliefdes en versorgers om hulle fisies en emosioneel te
ondersteun
● KANSA is toegewyd om diegene wat deur kanker geaffekteer word in hulle
gemeenskappe te ondersteun, om sodoende te verseker dat hulle dit nie alleen hoef aan
te pak nie en dat hulle die nodige kennis en hulpbronne kry om probleme die hoof te bied
terwyl hulle met kanker saamleef
● Ons is opgewonde om ons wonderlike nuwe inisiatief aan te kondig, naamlik KANSA se
Inligtings- en Ondersteuningslessenaars by sommige openbare hospitale. Dit word deur
personeel en opgeleide vrywilligers behartig, en verskaf inligting aan paisënte en verwys
hulle ook na ondersteuningsgroepe, Teleberading, kliniese berading en ander dienste
● KANSA het verder ’n reeks ‘Verwerking van Kanker’-plakkate ontwikkel (in Afrikaans,
Engels, isiXhosa, isiZulu, seTswana en seSotho) wat deur Pfizer geborg word.
#CANSACares #CANSACareAndSupport

3. KANSA Inligtings- en Ondersteuningstoonbanke
• Dit word deur personeel en opgeleide vrywilligers behartig
• verskaf inligting aan pasiënte en verwys hulle ook na ondersteuningsgroepe,
Teleberading, kliniese berading en ander dienste
• KANSA het tans Inligtings- en Ondersteuningstoonbanke by Charlotte Maxeke
Akademiese Hospitaal in Johannesburg, Inkosi Albert Luthuli Akademiese
Hospitaal in Durban en Steve Biko Akademiese Hospitaal in Pretoria
• KANSA het ook goedkeuring gekry om hierdie diens by Klerksdorp Hospitaal en
Universitas Hospitaal in die Vrystaat aan te bied
• Ons hoop om binnekort na ander dele van die land uit te brei
#CANSACares
#CANSAInformationSupportDesks

4. CANSA Information and Support Desk

5. ‘Verwerking van Kanker’ plakkate
• KANSA het verder ’n reeks ‘Verwerking van Kanker’-plakkate ontwikkel wat deur Pfizer
geborg word. Dit sal binnekort by die Inligtings- en Ondersteuningstoonbanke, die
onkologie-eenhede van openbare hospitale, openbare klinieke en KANSA
Sorgsentrums regoor Suid-Afrika versprei word
• Dit is in Afrikaans, Engels, isiXhosa, isiZulu, seTswana en seSotho beskikbaar
• Die plakkate verskaf inligting oor:
• hoe om die newe-effekte van behandeling te hanteer
• hoe om na behandeling aan te pas
• algemene emosies wat kankerpasiënte ervaar
• die hantering van pyn
• die impak van kankerbehandeling op intimiteit
• en hoe om die immuunstelsel te beskerm

6. Hierdie emosies word normaalweg
ervaar wanneer iemand deur
kanker geraak word, maar is
moeilik om alleen te hanteer.
Gesels met ’n vriend of familielid
oor jou gevoelens of kontak KANSA
se gratis Teleberadingsdiens:
0800 22 66 22 | info@cansa.org.za

9. Al hierdie plakkate is
beskikbaar om af te laai
op die KANSA webwerf:
https://cansa.org.za/coping-
with-cancer-posters/
• English
• isiXhosa
• Afrikaans
• isiZulu
• seTswana
• seSotho

10. KANSA se kliniese spesialis-verpleegkundiges gee ook steeds gratis advies aan pasiënte en
versorgers aangaande die newe-effekte van die tipes kanker, behandeling, voeding, die
hanteer van pyn en palliatiewe sorg. Hulle reël boonop Stoma-teleberading vir pasiënte
aan wat dit moeilik vind om aan ’n stoma gewoond te raak of ander probleme met die
stoma ervaar. Stoma-produkte is ook vir pasiënte deur Stoma-klinieke beskikbaar.
Sekere KANSA Sorgsentrums bied ook dienste aan soos die verhuur van mediese
toerusting, bors-prostese en bra’s, limfedeem-kledingstukke, pruike en hoofbedekkings, en
inkontinensie-ondersteuning. KANSA se nasionale hulplyn bied aanlyn ondersteuning tolvry
by 0800 22 66 22, per e-pos by info@cansa.org.za en ’n meertalige diens via WhatsApp by
072 197 9305 in Afrikaans en Engels, en by 071 867 3530 in isiXhosa, isiZulu, siSwati,
Sesotho en Setswana.
Hoe Help KANSA?

11. Wat kan Jy doen om te Help?
Help KANSA om sy Sorg- en Ondersteuningsprogramme uit te brei,
oorweeg asseblief om ’n donasie te maak by enige van ons KANSA
Sorgsentrums landswyd
of Aanlyn by http://www.cansa.org.za/personal-donation-options/
of Maak ’n donasie via SnapScan
of Zapper op jou slimfoon:
Bly ingelig, teken in op ons e-nuusbriewe:
https://cansa.org.za/subscribe-to-our-email-newsletter/

12. KANSA se visie is om Suid-Afrika te lei tot ‘n kankervrye gemeenskap. Ons missie, as nie-winsgewende
organisasie wat kanker bestry, is om navorsing te bevorder, die gemeenskap op te voed en voorspraak en
ondersteuning te bied aan kankerlyers. Ons streef om deur middel van meewerkende navorsing
innoverende, effektiewe en relevante benaderings vir die voorkoming, diagnosering en behandeling van
kanker te bevorder. KANSA gebruik bewysgebaseerde navorsing om pasiëntvoorspraak,
gesondheidsopvoedingsprogramme, en dienslewering aan persone wat met kanker saamleef te bied.
Ons dienslewering behels bewusmakende veldtogte tot gesondheid, opvoeding, en voorspraak; KANSA
Sorgsentrums wat ‘n wye reeks ondersteuningsdienste bied vir die versorging en ondersteuning van
diegene wat deur kanker geraak word – kankersiftings en vroeë opsporing; stoma en ander kliniese
ondersteuning, tuisversorging en uithuur van mediese toerusting. Ons bied ‘n Tele-beradingsdiens in sewe
tale aan en voorsien pasiëntsorg en ondersteuning in die vorm van 8 KANSA Sorgtuistes wat in die hoof
Metropolitaanse gebiede geleë is vir buitestedelike kankerpasiënte asook KANSA-TLC tehuise
vir ouers / voogde van kinders wat kankerbehandeling ondergaan.
Verder bedryf ons ‘n nasionale KANSA Hulptoonbank met tolvrye telefoonlyn om inligting en
ondersteuning te bied.
Oor KANSA

13. Ons plaas
die Sorg in KANSA
Sorgmaand
Verwerking van Kanker
www.cansa.org.za
Toll free 0800 22 66 22
072 197 9305
071 867 3530
English, Afrikaans
Xhosa, Zulu,
Sotho, Siswati

14. Presentation template by SlidesGo
Vrywaring
Terwyl die Kankervereniging van Suid-Afrika (KANSA) elke voorsorgmaatreël getref het met die
samestelling van hierdie aanbieding, kan dit of enige bydraer(s) tot hierdie aanbieding nie
verantwoordelik gehou word vir enige optrede (of die gebrek daaraan) wat deur enige persoon of
organisasie waarookal hulle gebaseer is, as 'n gevolg, direk of andersins, van inligting vervat in, of
bekom is deur middel van hierdie aanbieding.