2. PANALANGIN:
Panginoon, maraming salamat po sa lahat ng biyaya na
patuloy Ninyong ipinagkakaloob. Maraming salamat po sa ibinigay
ninyong panibagong pagkakataon upang kami ay matuto. Hindi
lingid sa aming kaalaman ang sitwasyon na nangyayari sa aming
paligid ngayon kaya kinakailangan namin magiging matatag at
magpatuloy sa taong ito. Gawaran Mo kami ng mapanuring pag-iisip
sa aming mga desisyon sa buhay. Nawa ay maging bukas ang
aming mga kaisipan upang maipasok naming ang mga itinuturo sa
amin at maunawaan ang mga aralin na makatutulong sa amin sa
pagtatagumpay ng buhay na ito. Amen.
3. Sa pagtatapos ng aralin na ito, ikaw ay
inaasahan na:
• Tukuyin ang mga sitwasyon na nagpapakita ng
mapanuring pag-iisip
• Ipakita ang mga kasanayan sa mapanuring pag-
iisip sa pamamagitan ng pagsusuri sa internet
• Pahalagahan ang katotohanan sa pamamagitan
ng pagsusuri sa mga patalastas na nabasa o
narinig
4. Ang mapanuring pag-iisip ay isang
kakayahan ng taong katulad mo na magsuri ng
mga ideya at lumutas ng suliranin. Ang bawat isa
sa atin ay may kakayahan nito upang
makapagdesisyon nang wasto.
Ang pagiging mapanuri ay maipapakita mo sa
maraming paraan. Maaari kang magtanong,
suriing mabuti ang posibleng kasagutan at mamili
ng pinakamahusay na sagot bago gumawa ng
kahit na anong desisyon.
5. Mayroon ba kayong nais ibahagi sa inyong
mga nabasa, napanood o nalaman nitong mga
nakaraang araw na nagpakita na ikaw ay isang
batang may mapanuring pag-iisip?
6. Ang mapanuring pag-iisip ay akma sa ating pagpapasiya
dahil ito ay kaalaman sa suliranin, pagtimbang ng mga
maaaring gawin at pagpili nang pinakamabuti bago bumuo ng
isang pasiya.
Maging ang isang mag-aaral na tulad mo ay maaaring
humarap sa ganitong sitwasyon. Ang gumawa ng pasiya na
makakaapekto sa iyong sarili at iba pang miyembro ng
pamilya.
Bakit kailangang suriin ang isang sitwasyon bago bumuo
ng isang pasiya?
7. Sinusuri natin ang mga sitwasyon dahil ang
mga pasiya na ating nabubuo ay maaaring
magdulot sa atin at sa ibang miyembro ng
pamilya ng kasiyahan. Sa bawat pasiyang
ginagawa natin, napapatunayan ang ating
pagiging mabuting mamamayan.
8. GAWAIN 1
Ano ang magandang ibubunga ng mga ito?
1. Si Ara ay araw-araw nagbabasa ng pahayagan.
2. Pinag-iisipan muna mabuti ni Marc ang kanyang gagawin bago
magdesisyon.
3. Pinag-iisipan muna ni Lucky ang mga patalastas na napanood
sa telebisyon kung totoo.
4. Naisip ni Anne na gamitin ang internet upang magsaliksik sa
mga paksa na hindi niya naunawaang mabuti.
5. Kinawiwilihan ni Sean ang panonood ng mga programa sa
telebisyon na nagbibigay impormasyon tulad ng Knowledge
Channel.