Teks tersebut membahas tentang tiga wara-wara (informasi singkat) yang berisi informasi promosi produk kalender, informasi acara ruwatan sukerta, dan informasi mengenai meninggalnya seseorang.

1. MATERI BAHASA JAWA KELAS X SEMESTER 1
NYEMAK WARA-WARA
Nyemak tegese sawijining proses kegiyatan ngrukokake lambang-lambang lesan
kanthi wigati, nduweni pemahaman, apresiasi, sarta interpretasi kanggo entuk
informasi, pesen, sarta paham tegese komunikasi sing diwedharake dening wong sing
ngomong kanthi piranti basa lisan.
Nyemak wacan nonsastra ing piwulang basa jawa bias arupa nyemak wara-wara,
nyemak pawarta, lan nyemak crita. Nyemak wara-wara, nyemak pawarta, lan nyemak
crita kalebu nyemak intensif. Tegese nyemak kang dilakoni kanthi tumemen lan
konsentrasi sing mirunggan kanggo mangerteni teges sing ana. Dene menawa
dijlentrehake maneh kalebu nyemak intensif-konsentratif. Awit, ana ing nyemak wara-
wara, wong kang nyemak ngupadi bab-bab informasi sing penting. Supaya anggone
nyemak mikolehi asil kang dikarepake ana babagan penting kang kudu ditindakake
wong kang nyemak.
1. nyiapake fisik lan mental, tegese kahanane sehat, ora kesel, mental stabil lan
pikirane padhang
2. konsentrasi, tegese musatake perhatian lan pikiran tumuju marang apa kang
disimak
3. motivasi, tegese nduweni tujuwan tertemtu kang pingin digayuh
4. objektif, tegese mangerteni saben thek-kliwere apa kang disemak
5. nyemak kanthi wutuh, tegese nyemak sakabehe, ora perangane wae
6. selektif, tegese tansah milih perangan penting bab bahan semakan
7. ora gampang keganggu swara-swara saka njaba
8. ngregani pawongan sing ngendikan, ora ngremehake
9. rikat anggone mangerteni kahanan (menyesuaikan dhiri)
10. ora emosional, ora ngenyek pawogan sing ngendikan,
11. kontak kalawan pawongan sing ngendikan
12. ndamel rangkuman
13. mbiji materi ingkang ingendikakake
14. maringi tanggapan/reaksi/komentar

2. Ing ngisor iki tuladha wara-wara
Wara-wara 1
WIS KABABAR KALENDER ANYAR
Pengalaman wis bola-bali mbuktekake: Kalender Jaya Baya “laris” akeh wong
sing nyenengi, akeh wong sing mbutuhake. Kanggo dipajang dhewe, utawa kanggo
kenang-kenangan, Riyaya, tahun baru utawa kanggo tandha tali asih karo keluarga,
sanak rowang.
Kang wis kelakon, saben kalender Jaya Baya anyar terbit, wis antri wong rebutan tuku!
Yen ora langsung rawuh dhewe mundhut menyang kantor JB, bias “pesen” kanthi kirim
dhuwit liwat wesel utawa transfer bank. Yen ora cepet, mesthi bakal “kehabisan”!
Saiki kalender JAYA BAYA 2011 (sing isih gres, anyar kinyis-kinyis) wis siap terbit. Sing
ngresakake pesen/mundhut bias cepet-cepet sesambungan karo kantor Tata Usaha
Jaya Baya Jalan Sumatra 31-G (Lantai 4)Surabaya. Telp. 031-5055062, Fax. 031-
5055063. Bisa uga kanthi ngirimake bukti transfer rekening BCA No Rek. 519.005855.9
aa/n Minggon Jaya Baya.
Rega Eceran: Rp20.000,00
Ongkos kirim: Sajroning Pulo Jawa Rp5.000,00/eks.
Sanjabane Pulo Jawa Rp6.000,00/eks.
Mundhut akeh/kolektif bakal oleh diskon: *)
20 eks.-100 eks. Diskon 10%
101 eks.-250 eks. Diskon 20%
251 eks. Luwih … diskon 30%
*) Ongkos kirim kolektif 15% saka rega netto.
Jaya Baya 15 Minggu II Desember 2010

3. Wara-wara 2
RUWATAN SUKERTA, JAMASAN PUSAKA 1 Suro 1431 Kantor Jawa Pos Lama Jl Karah
Agung 45Surabaya6-7 Desember 2010. Dalang Ruwat: Ki Darmo Suwito Noyontoko,
dalang malem tirakatan: Ki Surono Gondo Taruno kanthi lakon semar gugat.
Informasi lan pendaftaran: majalah LIBERTY Jl Karah Agung 45 Surabaya (031)
6288888 (hunting) Elly/Darmono
Enggal ndaftaraken, panyarta winates.
Jaya Baya 15 Minggu II Desember 2010
Wara-wara 3
LELAYU
Innalillaahi wa inna ilaihi roji’un
Sampun katimbalan sowan ing Ngarsa Dalem Allah SWT
Bpk. SURATMAN (80 taun)
(Agen PS No 320)
rikala dinten Rebo Pon tanggal 11 Januari 2009, ing RS Al Islam Bandung
mugi-mugi Gusti Allah SWT paringi pangapunten
Dhumateng sedaya kalepatanipun saha katampi sedaya amalipun
Kanthi ganjaran kaswargan. Amien.
Ndherek Belasungkawa: Kang Nandhang Sungkawa:
Keluarga Besar Suyanto

4. Sakwise kok bandhingake katelune wara-wara kasebut, genepana dhaftar kang cumawis ing
ngisor iki !
No Informasi Wara-wara 1 Wara-wara 2 Wara-wara 3
1 Isine Wara-wara
2 Katujokake marang ngendi
3 Sing kirim wara-wara
4 Papan panggonan sing agawe
wara-wara
5 Papan panggonan sing dituju
ana ing wara-wara
6 Papan panggonan sing dituju
ana ing wara-wara