Filipino research

1. PAGBASA AT PAGSUSURI NG IBA’T IBANG
TEKSTO TUNGO SA PANANALIKSIK

2. IKAAPAT NA
MARKAHAN

3.  Sa araling ito, inaasahan na ikaw ay;
 1. Nakasusuri ng halimbawang konseptong papel.
 2. Nakatutukoy ng mga uri ng hanguan sa pangangalap ng
mga datos
 3. Nakapagtatala ng paksang gagamitin sa pananaliksik at;
 4. Napapahalagahan ang pagsunod ng tamang paraan sa
pagbuo ng paksa at pangangalap ng wastong datos sa mga
hanguan.

4. Panuto: TAMA o MALI. Basahing mabuti ang bawat pahayag sa ibaba. Isulat ang salitang
TAMA kung ang pahayag ay wasto at MALI kung hindi. Isulat ito sa sariling kuwaderno
1. Ang pananaliksik ay isang maingat, kritikal at sistematikong
paghahanap ng mga impormasyon o solusyon hinggil sa isang paksa o
suliranin.
2. Sa pagpili ng paksa sa pananaliksik, dapat ito ay may kaugnayan sa
inyong disiplina o personal na interes.
3. Nabubuo ang papel-pananaliksik kahit walang makabuluhang datos
o impormasyong makalap sa isang hanguan.
4. Maaaring maging direktang hanguan ng impormasyon tungkol sa
isang paksa ang isang indibidwal, awtoridad o organisasyon.
5. Sa pagpili ng paksa para sa isang papel-pananaliksik, hindi na
kailangang maging makabuluhan ito.

5. B. Panuto: Lagyan ng tsek (/) kung ito ay hanguan ng impormasyon para sa
isang pananaliksik at ekis (X) kung hindi.
6. Online o Internet
7. Aklat
8. Pahayagan o magazine
9. Indibidwal o organisasyon
10. Tesis o disertasyon

11. Ang konseptong papel ang nagsisilbing proposal ng isang
pananaliksik. Ito ay paglalagom ng kabuuang ideya o kaisipan
na tumatalakay sa ibig tuklasin, talakayin o tukuyin.
Makatutulong ito upang lalong magabayan o mabigyang-
direksyon ang mananaliksik lalo na’t kung baguhan pa siya sa
paggawa ng pananaliksik.
Sa kabilang dako, ang pananaliksik ay isang maingat, kritikal at
sistematikong paghahanap ng mga impormasyon o solusyon
hinggil sa isang paksa o suliranin.

12. Sa pagbuo ng paksa, dapat isaalang-alang ang:

13. Sa pagbuo ng paksa, dapat isaalang-alang ang:
A. PAGPILI AT PAGLIMITA NG PAKSA

14. 1. Dapat may kaugnayan ito sa inyong disiplina o personal
na interes.
Simple lang ang dahilan kung bakit. Kung kaugnay ito ng inyong
disiplina, siguro naman ay marami na kayong paunang
kaalaman tungkol sa paksang nais mong pag-aralan.
Halimbawa, kung ikaw ay isang civil engineering major, pwede
ka ba magsaliksik tungkol sa ship mechanics? Siyempre, hindi.
Mahalaga rin na interesado talaga kayo sa paksang gusto mong
isulat para hindi kayo mawalan ng gana na ipagpatuloy ito
kalaunan. Ito rin ang dahilan kung bakit hanggang maaari ay
suhestiyon lang ang binibigay ng guro sa inyo.

15. 2. Limitadong panahon
Kamakailan ay may nagtanong sa akin kung bakit ‘research
paper’ at hindi ‘thesis’ ang tawag sa proyekto niyong ito. Ang
thesis ay siyang pinal na proyektong dapat ninyo magawa bago
kayo magtapos sa kolehiyo. Umaabot ito ng 100 pahina o higit
pa kaya isang taon ang nakalaan para matapos ito.
Sa kabilang banda, mayroon na lamang kayong dalawang
buwan para matapos ang iyong pamanahong papel (term
paper). Iwasan ninyo ang mga malalawak na paksang baka
hindi naman mapapanindigan. Halimbawa, “Mga Batang Ina sa
Cubao, Quezon City.” Talaga bang may panahon ka na
magpanayam ng mga batang ina sa buong Cubao o malayong
lugar kung saan kayo nakatira.

16. 3. Kakayahang pinansyal
Iwasan ang pagpili ng paksa kung saan mapapagastos
kayo ng malaki. Walang kaso yaong paggastos sa
pagpapaprint ng mga sources ninyo galing sa Internet at
sa pagpapa-photocopy ng survey forms. Okay lang din
yung gumastos kayo sa pamasahe para magpanayam o
magsaliksik pero hangga’t maaari, sana malapit lang
kung saan kayo nakatira.

17. 4. Mapagkukuhaan ng sapat na datos at impormasyon
Kung matatandaan ninyo, sinabi ko dati na kapag kayo ay
magpapasa ng inyong mga panukalang paksa, dapat ay
ilagay niyo rin ang inyong mga paunang reperensya (initial
references).
Ito ay upang malaman kung saan-saan kayo maaaring
makakuha ng impormasyong may kinalaman sa inyong
planong pag-aaral. Pwedeng galing sa mga aklat, artikulo,
thesis, at iba pang sanggunian. Ang importante, hindi kayo
gagawa ng pananaliksik mula sa wala.

18. 5. Kabuluhan ng paksa
Ito ang pinakamahalagang tanong na dapat ninyong masagot sa
pagpapanukala ng paksa. Bakit ninyo napili ang paksang iyon?
Mayroon bang kahalagahan para sa iyo, sa iyong disiplina, o kaya
sa pamayanan? Gugustuhin niyo bang pagbuhusan ng panahon
ang isang bagay na wala namang kabuluhan?
Pahabol:
Ang #2 at #3 ay magiging bahagi ng Saklaw at Limitasyon (Scope
and Limitation) na nasa Kabanata I ng inyong pamanahong papel.
Ipapaliwanag niyo rin sa Kabanata I ang #5 sa bahagi ng
“kahalagahan ng Pag-aaral” (Significance of the Study). Ang #4
naman ay magiging basehan ng inyong Kabanata III o ang
Metodolohiya (Methodology).

19. Hindi mabubuo ang papel-pananaliksik kung walang makabuluhang
datos o impormasyong makalap sa isang hanguan. Mayroong mga
uri ng hanguan ng mga impormasyon o datos ang isang papel-
pananaliksik. Ang una ay ang hanguang praymarya, kung saan
ang datos o ideya nang kinalap ay nanggaling mismo sa direktang
hanguan o indibidwal, awtoridad o organisasyon. Ang ikalawa ay
ang sekundaryang hanguan kung saan ay tinutukoy ang mga
hanguang aklat, artikulo, mga naunang pag-aaral na tesis,
disertasyon, pananaliksik, mga manwal at iba pa. Ang ikatlong
hanguan ay ang online o hanguang elektroniko (Diongco, Fe
Luisa P.,et.al.).

20. PAMPROSESONG TANONG
1. Ano ang paksa ng konseptong papel na iyong binasa?
2. Sa tingin mo, bakit ito ang napiling paksa ng may-akda?
3. Ano ang pangkalahatang layunin ng may-akda sa kanyang
ginawang konseptong papel?
4. Bakit mahalaga para sa mga may-akda na makakuha ng wastong
impormasyon ukol sa paksa?
5. Paano nakaapekto ang interes ng tao sa pagpili ng paksa para
mabuo ang pananaliksik?

21. A. Panuto: Ibigay ang sariling pagpapaliwanag hinggil sa mga dapat
isaalang- alang sa pagpili at paglilimita ng paksa sa isang
pananaliksik na nasa ibaba. Isulat ito sa sariling kuwaderno.
1. Dapat may kaugnayan ito sa iyong disiplina o sa personal na
interes
2. Limitadong panahon
3. Kakayahang Pinansyal
4. Mapagkukunan ng Sapat na Datos at Impormasyon
5. Kabuluhan ng Paksa

22. PANUTO: Isulat sa loob ng tsart ang mga uri ng hanguan at magbigay ng
halimbawa sa bawat uri nito. Gawin sa isang buong papel.

23. Panuto: Pumili ng isang paksang maaaring
gawan ng konseptong papel. Sundin ang mga
dapat isaalang-alang sa pagpili at paglilimita ng
paksa. Gamit ang iba’t ibang uri ng hanguan sa
pangangalap ng datos, magbigay ng mga
impormasyon ukol sa paksang napili para gawan
ng konseptong papel. Isulat ito sa isang buong
papel.