un percorrido por este espazo natural

1. Riamonte: un
espazo natural
No mes de outubro, o alumnado de 4º, 5º e
6º de Primaria do CEIP Barouta realizou
unha saída ao Monte de San Marcos.
Ademais do paseo, interviñeron neste
espazo medio ambiental, retirando hedras
das paredes dos muíños e das sobreiras
centenarias que aínda se conservan.
Toda unha aprendizaxe na natureza!

2. <<Riamonte, un lugar para coñecer>>
É o título do proxecto medio ambiental que presentamos a Voz Natura para o curso
2015/16, o CEIP Barouta en colaboración co CEIP Agro do Muíño.
O obxectivo principal é coñecer este espazo natural tan próximo ao colexio, aprender e
tomar conciencia da súa riqueza e axudar á súa conservación. Participa todo o Centro pero
con actividades diferentes segundo a idade e contamos coa colaboración do Concello no
asesoramento e deseño de obradoiros na Aula de Natureza da Ameixenda e traballo de
campo na propia ruta de Riamonte.
No mes de outubro fixemos dúas saídas desde Barouta: a primeira foi o venres día 9 cos
grupos de 4º e 5º e a segunda, o venres día 23, co alumnado de 6º. Ámbolos grupos
desenvolveron a mesma actividade.
O primeiro foi subir desde Esqueiro, onde nos deixou o autobús, ata o alto do Monte de San
Marcos (409 m de altura) para contemplar as vistas do val da Maía. Logo, seguimos ata o
Monte da Ermida, desde onde se pode ver o Liñaredo, o monte máis alto de Ames, e os
agros de Cortegada, na vertente norte. Despois dun merecido descanso, baixamos andando
ata o estanque que hai na beira do río, preto dos muíños, e no que puidemos observar
insectos (zapateiros, cabaliños do demo), cría de troita, ras ...
Alí descansamos e tomamos unha rica merenda, antes de ir ao traballo. Armados con luvas,
tesoiras de podar e angazos, distribuímonos en dous grupos; uns, cara aos muíños para
libralos das hedras que recobren as súas paredes e outros, camiñan pola pista cara á aldea
de Vilar, para limpar as hedras dunhas sobreiras centenarias que aínda se conservan.
Foi un traballo divertido!
Para rematar, cada grupo carrexou os sacos cos refugos recollidos ata o lugar indicado para
que os recolla o persoal do Concello.
O autobús agardábanos en Vilar para regresar ao colexio.
Cansos pero contentos. Foi unha bonita experiencia!

3. Saíndo do colexio con todo o equipo.

4. Subindo ao pico, os
grupos de 4º e 5º.
No alto, avistamos
o colexio e as
aldeas próximas.

5. Iniciando a subida con forza o
grupo de sexto!
Xa no alto... Que vistas!

6. Contemplando o Val da Maía

7. Panorámica desde o pico:
Ao fondo, o colexio, entre leiras e milleiros de eucaliptos.
En primeiro plano, a aldea de Pedrouzos.
No medio, podemos seguir o curso do «Rego dos Pasos»
(Ves a liña de árbores máis baixas e todas igualiñas???)

8. Sentados na rocha
contemplamos o Val da Maía.

9. Aquí, no pico, había
un cruceiro pero só
queda a base.

10. Aquí estaba a ermida de San Marcos. Cada 25 de abril, celebrábase a festa do patrón e baixaban o santo
en procesión ata o cruceiro que había no pico. Pero un temporal derrubou a ermida e tamén a cruz do
cruceiro. Agora a festa faise en San Amaro, Barouta, pero aínda seguen botando as “lamparillas” desde
aquí.
Ao fondo, o Liñaredo, o monte máis alto de Ames.

11. Liberdade!
Tempo de conversa relaxada.

12. Observación desde o Monte da Ermida.
O Liñaredo

13. Logo de baixar do Monte de San Marcos, chegamos a Esqueiro, na
estrada que vai da Ameixenda ao Lombao.
Pero cara a onde queda a poza? Por onde seguimos?
Houbo que orientarse pero foi doado.

14. Esta poza fixérona para coller auga no caso de incendio.
Hoxe está bastante chea de sedimentos que vai
carrexando o río. Con todo ten augas limpas xa que vimos
cabalos do demo, zapateiros e algunha troita.

15. Tempo para o
descanso, a
observación
de insectos e
repor forzas
para continuar
coa tarefa.

16. Hai vida en Riamonte

17. Liques na rocha.

18. En total, enchemos 8 sacos coma estes
de hedra dos muíños e das sobreiras.

19. Traballando
arreo!

20. Así estaban as sobreiras.

21. Limpando as
sobreiras
centenarias.

22. De regreso, coa enerxía
do traballo feito.

23. Pegadas humanas que atopamos
Montóns de lixo ao longo do percorrido.
Pegada feita polos
ciclistas, baixando
monte a través.

24. Que medra debaixo das frondosas?
Onde hai máis riqueza?

25. Montóns de fervenzas
no percorrido do
Riamonte, dan unha
beleza excepcional a
este lugar.

26. Ven a Riamonte, goza da paisaxe, admira as
súas construcións tradicionais, observa a súa
flora e a fauna ...
pero respecta o seu medio natural.
• Non deixes nada guindado
• Anda polos carreiros, camiños ou pistas
• Non subas ás paredes dos muíños
• Escoita o ruído da auga
• ...
Aula Barouta, 2015