Festa da primavera

1. Festa da primavera
Barouta, 27 de marzo de 2015

2. Cada ano, polo 21 de marzo, celebramos a Festa da
Primavera plantando árbores e recitando poemas. Esta
vez, como caeu en sábado, decidimos adialo para o 27
de marzo. Fixémolo cadrar coa despedida de trimestre.
Antes do recreo, aproveitamos para ir ao horto a
plantar. Cada curso tiña asinada unha árbore e tamén
algunha planta aromática ou de flor. Puxemos froiteiras
(figueira, ameixeira, cerdeira, mandarineiro), árbores
ornamentais (marmelo de flor, acivro) e de froitos
(castiñeiro, bidueiro, oliveira), menta, tomiño, romeu,
xarxa, malva...
Despois do recreo, xuntámonos todas as aulas, no 1º
andar, a carón da Biblioteca, para recitar poemas.
Houbo versos en galego (de Rosalía, Curros, García
Tiejeiro...) , en castelán (de Alberti) e ata en inglés.
Para rematar, unha canción “As árbores da fraga” e a
proba dos froitos do horto, aínda que de momento só
poden ser de goma, claro!
Fixemos unha exposición con todos os traballos e máis
cos libros de poesía e resultou un acto bonito.

3. Acivro, cerdeira e
marmelo de flor
Observar, plantar
e logo deixar todo
recollido.
Aulas de 5º e 6º

4. É igual un mandarineiro ca un
castiñeiro ou unha nogueira?
Observando as
miñocas que tiña a
nogueira no tarro.

5. As aulas de 1º reflexionando:
Son froiteiras, son de madeira, que son?

6. As aulas de Infantil, encheron de flores as macetas do seu parque de xogo.
Que bonito se ve agora!

7. Nunha aldea pequeniña
o que foron construír.
Un colexio ben feitiño
para a todos instruír.
No medio e medio das leiras,
moi pretiño San Amaro.
Moitos anos aprendendo,
outros moitos ensinando.
25 xa pasaron
outros máis están por vir.
No colexio de Barouta
temos moito que dicir.
25 xa pasaron
outros máis están por vir.
No colexio de Barouta
temos moito por vivir!
Composta polo grupo de 5º de Primaria, co
gallo dos 25 anos do colexio.
Recital de poesía

8. Alumnado de Infantil

9. Alumnado de 1º e 2º

11. Alumnado de 5º e 6º