1. 7 días por Galicia: Paseando
pola Costa da Morte.
O ano pasado fun coa miña familia de vacacións a primeira
semana de Agosto, decidimos ir pola Costa da Morte, foi unha
viaxe marabillosa. Vouvos contar por se tendes uns días e vos
animedes a ir.
O primeiro día coincidiunos a Romaría de San Fins do Castro
que se celebra o 1 de Agosto en Cabana de Bergantiños,
tiñamos moitas ganas de ir a esa festa da que tanto oíramos
falar (vaia festa)celébrase nunha gran carballeira ,hai música,
toldos de todas clases con comida , xoguetes, tabernas,
atraccións para os nenos...pasamos alí todo o día ,comemos
no campo e botamos uns bailes.
Romaría San Fins do Castro.
Como estabamos moi cansos fomos durmir ao noso
aloxamento que era no hotel Bahía de Laxe.
No segundo día, despois de repoñer forzas cun bo almorzo
decidimos visitar o pobo no que estabamos aloxados, un pobo
moi bonito .Fomos ver a famosa praia dos cristais onde por
certo hai unhas vistas espectaculares ,baixamos ao porto ver

2. como traballaban os mariñeiros e os seus barcos logo fomos
recorrer a praia que ten case 3 km.
Vila de Laxe.
Pola tarde visitamos o concello lindeiro (Ponteceso),primeiro
Fomos a Valarés bañarnos na súa bonita praia(que auga máis
fría!)logo do baño fomos visitar o Faro Roncudo, onde houbo
tantos naufraxios e onde se encontran os percebes máis
saborosos de Galicia. Logo de volta en Laxe fomos cear un bo
marisquiño da zona.
Praia de Valarés. Faro Roncudo.
O terceiro día decidimos facer un roteiro por varios sitios
empezamos por Muxía, fomos coñecer un dos santuarios
mariñeiros máis tradicionais de Galicia que se encontra á beira
do mar, alí din que a virxe se lle apareceu ao apóstolo
Santiago. Logo fomos visitar Fisterra onde din que se acaba o
mundo. Alí está o faro máis importante da Costa da Morteque
guía aos barcos polas súas perigosas augas.
Logo de comer marabillosamente no Ézaro, fomos ver a súa
famosa cascada (é fermosísima).Antes de acabar o día aínda

3. nos dou tempo de visitar a vila de Muros alí chama a atención
as súas casas antigas con bonitas galerías.
Santuario Virxe da Barca, Fisterra e cascada do Ézaro.
No cuarto día pola mañá fomos ao mercado de Vimianzo(os
xoves)que ten moita variedade de cousas .Xa gastamos uns
cartiños, decidimos comer alí pois ten unha gran variedade
gastronómica e cómese moi ben.
Pola tarde fomos visitar a capital do encaixe
(Camariñas),fomos ao Cabo Vilán ao cemiterio dos ingleses e
tamén ver o museo de Man que está cerca en Camelle, un
bonito museo ao aire libre.
Camariñas Museo de Man (Camelle).
O quinto día fomos como non a outro gran porto pesqueiro
chamado Malpica. Outro pobo cunha bonita praia, tamén
fomos visitar a Ermida de San Adrián do Mar onde podes ir a
pe dende o pobo a través dunha senda costeira, que cando
chegas a ermida se está un día despexado abarcas coa vista
centos de km de costa. Comemos en Malpica e pola tarde
viñemos polo pobo oleiro de Buño onde vimos que marabillas

4. traballan co barro, fixemos unha paradiña en Ponteceso para
tomar algo fresquiño e a descansar.
Ermida de Santo Adrián. Oleiro de Buño.
O sexto día fomos a Borneiro ,ao Castro (a cidade dos nosos
antepasados celtas)e a o Dolmen, sen dúbida, dous dos
monumentos máis importantes de Galicia. Encóntranse cerca
un do outro e hai unha lenda que di que os une un túnel de
ouro. Pola tarde fixemos unha ruta empezando polas Torres
do Allo (Zas)pasando polos Batáns do Mosquetín e rematamos
o día visitando o castelo de Vimianzo.
Castro de Borneiro, Dolmen de Dombate e Castelo de Vimianzo.
O último día dedicámolo a dar unha voltiña por Laxe, tomar
algo nas súas terrazas e despedirnos da xente polo trato
amable. Ata a próxima, sen dúbidas repetiremos!!!.
Matías Parga Rodríguez 1ºB ESO