1. JANARE T. HUSAYAN
WORLD LITERATURE / TTH 12:30 PM-2:00 PM
APPLICATION OF THE NOVEL THE STRANGER
Ang nobela ni Albert Camus ay tungkol sa bahay ni Ferdinand Mersault. Sa pagbabasa ko ay
nakaramdam ako ng ng halo-halong emosyon at may mga aral akong natutunan sa buhay. Isang simpleng
tao na namuhay ng tahimik ngunit hinusgahan ang kanyang pagkatao dahil sa kawalan ng emosyon ang
tumatak sa isipan ko at hindi ko maiwasang ikumpara ang mga pangyayaring naganap sa buhay ni
Mersault at sa naranasan ng aking nakatatandang kapatid bago siya magdesisyong pumasok sa kumbento
bilang madre. Ang mga kumakalat na tsismis, espekulasyon at maling panghuhusga ang labis na
nakaapekto sa kapatid ko. Nangyari ang kaganapang ito, ng ako’y nasa probinsya namin sa Leyte at halos
lahat ng tao sa aming barangay ay alam kung anu ang pinagdadaanan ng pamilya namin. Ang aking ina ay
nagkasakit at kinakailangang maoperahan agad para hindi lumala kasabay din nito ang unti-unting
pagkalugmok o pagkalugi ng aming negosyo at ang kapatid ko ang inaasahan nilang makakatulong sa
amin. Malaki ang tiwala ng aking mga magulang na makakapagtustus ito sa pangangailangan kagaya ng
gamut, pagkain at iba pa ngunit lahat ng iyon ay naglaho ng biglaan siyang magdesisyon na magmadre.
Ang sakit at lungkot ang naramdaman ko ng marinig ko sa ibang tao na ang ate ko ay sarili lamang ang
iniisip at imbes na kaming pamilya muna ang unahin. Bagkus, pumasok siya sa kumbento para tumulong
sa ibang nangangailangan hindi man pang pinansyal kundi ang kanyang kooperasyon. Alam kung hindi
obligado ang anak na gumanti ng kabutihan sa magulang sapagkat responsibilidad nila na pag aralin ang
kanilang mga anak. Ngunit sa huli, pamilya pa rin naman ang magtutulungan sa hirap at ginhawa man.
Pakiramdam ko tuloy sa sarili ko ay hindi kami mahalaga para sa kanya at balewala ang presensya namin.
Hindi ko alam kung bakit ganun ang desisyong gusting tahakin nito. Umabot pa sa puntong nag-away si
mama at ang kapatid niya dahil sa pagtawag nitong baliw at manhid ito dahil nag madre si ate kung kailan
hirap na hirap kami. Nang lumipas ang isang taon, kung saan boses lang niya ang naririnig naming
sapagkat kailangang lumayo ni ate sa mga mahal niya sa buhay. Halos lahat ng panghuhusga sa buhay ni
Mersault ay kaparehas din ng sa ate ko ang kaibahan lamang ay sinentinsyahan si Mersault ng kamatayan
habang ang ate ko naman ay piniling paglingkuran ang Diyos.Noong mga panahong yun ay parang ako’y
isang karakter sa nobelang “The Stranger” na kung saan naramdaman ko ang pagiging isang malapit na
kaibigan, kapamilya sa isang taong walang emosyon at manhid kagaya ni Mersault sa mga nangyayari.
Masasabi kung ang bawat pangyayari sa buhay ng isang indibidwal ay dapat na pahalagahan at bigyang
pansin ang mga bagay-bagay na makakatulong sa ating maging isang tunay na tao. Sa totoo lang ng
2. mabasa ko ang buhay ni Mersault ay nalulungkot at humanga ako sa kanya, sapagkat na naoobserbahan
ko sa ngayong henerasyon ay halos lahat ng mga tao ay nagsisinungaling para mailigtas ang kanilang
sarili sa kasalanang ginawa. Nalulungkot ako kasi hindi man lang niya denepensahan ang kanyang sarili.
Bagkus ay nagging tapat at sinabi niya ang katotohanan. Habang binabasa ko ang nobela ay pumasok
agad sa isipan ko ang mga sitwasyon na kung saan ay hinusgahan ang kanyang pagkatao gayong namuhay
lamang siya ng tahimik at simple kagaya ng kapatid ko ng magdesisyon siyang tahakin ang landas na
binigay sa kanya. Hindi natin maiiwasan na sa bawat desisyon na ating gagawin ay mga tao tayong
nasasagasaan o kaya naman ay may mahusgahan tayong tao.