1. “ELEANITZ ” PROIEKTUA
Euskaldunok euskaraz gainera beste hizkuntzak erabiltzeko gauza izan behar dugu,
euskarak bere hizkuntza eremuan behar duen garapen osoa lortzeko eta, bestetik,
euskaldunok beste hizkuntzen ezagutza eta erabilera garatu behar dugu. Hori
lortzeko Urretxu-Zumarraga Ikastolak Eleanitz Proiektua martxan dauka 1991-92
ikasturtetik, Europan bizitzeko eta bertan integratzeko, euskaraz eta gaztelaniaz
aparte, euskaldunok beste europar hizkuntzak menderatzea beharrezkoa dugulako.
Eleaniztun izateak, baditu abantaila instrumental, profesional eta, batez ere, sozialaz, eta
gainera, adituen ustez, gizabanakoaren garapenari begira beste abantaila batzuk:
pentsaera sortzailea eta adimenaren malgutasun handiagoa erdiesten da, komunikatzeko
eta harremanetarako gaitasun gehiago eta hizkuntza gehiago ikasteko erraztasuna lortzen
da ere.
Premia horiei erantzuteko, euskararen lehentasuna zalantzan jarri gabe, Urretxu-
Zumarraga Ikastolan dugun irakaskuntza eleaskotarikoaren antolamendua honakoa da:
Ingelesa 4 urterekin lantzen hasten gara, atzerriko bigarren hizkuntza, frantsesa gure
kasuan, 12 urterekin eta Gizarte arloa ingelesez 14 urtetik lantzen dugu.
Planteamendu orokor honekin lortu nahi diren helburuak:
Euskarari eta gaztelaniari dagokienez “ikasle guztiei derrigorrezko hezkuntzaren
bukaerarako bi hizkuntza ofizialen ezaupide praktikoa bermatzea eta euskararen erabilera
eta normalizazioa indartzea” da helburua.
Atzerriko lehen hizkuntzari, hau da, ingelesari dagokionez, ikasleek Derrigorrezko Bigarren
Hezkuntza bukatzean (16 urte) ulermen, produkzio, irakurketa, idazketa, hizkuntz gogoeta,
jarrera... -etarako hizkuntz gaitasunak lortuak izan beharko dituzte. Eta gutxieneko eduki
horiez gainera, ondoko hauek:
a) Ahoz eta idatziz harremanak ingelesez izateko elkarren arteko komunikazio
arrunt batean.
b) Transmisio-hizkuntza bezala aldez aurretik seinalatutako eskola-gaiak
jorratzeko.
c) Hizkuntzari buruzko analisi gramatikalak egiteko, halaber hizkuntza honek
beste hizkuntzekiko dituen erlazio eta interferentziak aztertzeko.
Atzerriko bigarren hizkuntzari dagokionez, hau da, frantsesari, Komunikazioa lantzea da
helburua.
Urretxu-Zumarraga Ikastola – Eleanitz Proiektua

2. Proiektu hau bideragarri izateko ingelesa ikasteko Ikastolen Elkarteak, europar erakundeen
laguntza, babesa eta lankidetzaz prestatutako material propioak erabiltzen ditugu Urretxu-
Zumarraga Ikastolan.
Adina Materialak
4-6 Ready for a Story
6-8 The Adventures of Hocus and Lotus
8-10 Story Projects
10-12 The Explorers
12-14 Subject Projects
14-16 Gizarte Arloa ingelesez (SSLIC)
Ikasmaterial hauek Ikastola Elkartearen bidez eskuratzen ditugu. Material hauek modu
egokian erabiltzeko irakasleen prestakuntza eta jarraipena ematen da.
Ikastolaren Elkartearen bidez, bi prestakuntza jasotzen ditugu: Oinarrizko prestakuntza
orokorraren helburua, batetik, irakasleen ingeles maila hobetzea da eta, bestetik,
hizkuntzak irakasteko irakasleen prestakuntza teoriko eta didaktikoa hobetzea.
Prestakuntza espezifikoa “Eleanitz” Proiektuan parte hartzen duten irakasleentzat da.
Honen helburua adin eta maila bakoitzerako prestatu ditugun ikasmaterialak egoki
erabiltzeko prestatzeko da.
Urretxu-Zumarraga Ikastola – Eleanitz Proiektua