1. Coas
Ideas
Claras
Pedro Pereira
O Porriño
Mobilidade para todas as persoas
Queremos avanzar na recuperación e creación de espazos
públicos para a convivencia (humanización, prazas, parques,...).
O Porriño necesita dunha rede de transporte público eficaz e
sostíbel, atendendo á interconexión entre parroquias e entre os
concellos da contorna.
O Porriño máis social
Os servizos sociais son unha cuestión de dereito á vida digna.
Consideramos fundamental ampliar os Servizos de Axuda
no Fogar, Xantar na Casa, centros de día, tele-asistencia,
transporte adaptado; atender as necesidades nas situacións de
desafiuzamento, de pobreza enerxética e de emerxencia social.
Contamos coa mocidade
A mocidade é a nosa aposta para o futuro. O Porriño precisa
dun espazo para fomentar a creatividade e a expresión
artística da xente nova. Precisamos tamén un Plan de
Emprego Xuvenil que poña o foco nas necesidades formativas
e de orientación laboral e apoiar proxectos emprendedores da
mocidade.
Ecoloxía, recursos naturais e residuos
Promovemos un novo paradigma na xestión dos residuos
sólidos urbanos, apoiado na implicación colectiva e a
participación directa de toda a veciñanza.
Apostamos pola compostaxe, pola colaboración coas entidades
sociais, coas comunidades de montes e de auga, para promover
un uso e consumo racional, eficiente e sustentábel dos nosos
recursos.
Dinamización cultural
A cultura é un instrumento transformador co que a cidadanía
ten acceso á liberdade de expresión, ao pensamento crítico, á
creación, en definitiva a realizarse como individuo. Apostamos
por reactivar a vida cultural do concello, ampliar e dinamizar a
oferta cultural para que esta chegue a toda a veciñanza.
O Porriño con
ideas claras
Ideas claras dos
#ConcellosBNG
Vilas e cidades para as persoas.
Concellos pensados para a calidade
de vida, a convivencia, a seguridade, a
saúde.
Boa xestión.
Transparente e rigorosa cos recursos
públicos e eficaz, áxil e solvente cara a
veciñanza.
Mellores servizos.
Bos servizos públicos á veciñanza e
garantía de equidade no acceso.
Apoio á actividade económica.
Con criterio e intelixencia, desde o
desenvolvemento local, con apoio ao
talento e as boas ideas.
A igualdade de xénero como prioridade.
Concellos feministas, que fan da
igualdade de xénero unha prioridade.
Compromiso medioambiental.
Concellos que coidan e defenden o
territorio desde a sustentabilidade.
Democracia e dereitos.
Para máis convivencia, cohesión social
e dereitos para todas e todos.
Concellos galegos.
Que impulsan e apoian activamente a
nosa lingua, cultura e patrimonio.
Agora
2. Adiante con
ideas claras
É momento de recuperarmos o tempo perdido.
Tras nove anos de gobernos sen proxecto, de parálise e involu-
ción democrática, cómpre unha mudanza que faga avanzar de
novo O Porriño. Un cambio en común, sumando a todas e to-
dos, para colocar o Concello ao servizo dos intereses colectivos
e non das conveniencias particulares.
O Porriño precisa dun novo impulso. Poñendo en marcha as
enormes potencialidades que temos para avanzarmos na me-
llora da calidade de vida. Gañando espazo público para as per-
soas, apostando por modelos de éxito como as peonalizacións,
para facermos un concello máis habitábel, seguro e accesíbel.
Atendendo todo o noso territorio, máis alá do centro urbano,
ampliando e mellorando os servizos nas nosas parroquias. Un
Porriño produtivo e de emprego digno. Unha vila con orgullo da
nosa cultura e do noso idioma. Un municipio comprometido de
verdade coa igualdade efectiva entre mulleres e homes e que
brinde oportunidades á mocidade. Un Porriño de futuro.
Hai que avanzar na democratización da vida municipal. Apos-
tando pola participación social, activa e protagonista, na toma
de decisións. Apoiando e estimulando o tecido asociativo e
abrindo de par en par as portas do Concello, cun novo regu-
lamento de participación cidadá que devolva a voz a todas as
porriñesas e porriñeses para poder gañar en transparencia.
Temos por diante a oportunidade de impulsar unha transfor-
mación en positivo que, coa forza de todas e todos, faga avan-
zar O Porriño. No Bloque Nacionalista Galego contamos coa
experiencia, as persoas e o proxecto, e co teu apoio faremos do
Porriño que soñamos unha realidade.
oporrinho.bng.gal
oporrinho@bng.gal
facebook.com/bng.oporrino
twitter.com/bngoporrinho
Candidatura 01. Pedro Pereira Fernández
02. Ana Belén Crespo Bastos
03. Camila Moreira Fontán
04. Obdulia Diniz Carlos
05. César Lourido Landín
06. Mónica Bugarín Ramilo
07. Francisco Xavier Soliño Hermida
08. Aurora Rivas Sío
09. Manuel Antonio Lourido Giráldez
10. Elia Lago Pereira
11. María Begoña De Almeida Lemos
12. María Soedade Besada Morais
13. María do Carme Pereira Pereira
14. Marcelo Rodríguez Acosta
15. Xavier Amandi Centeno
16. Cristina Vázquez Santos
17. Delfín Lorenzo Rodríguez
Suplentes:
01. Diana Vázquez Santos
02. Xosé Carlos Saa Amaro
03. María Cavido Cid
04. Rubén Silva Domínguez
05. Xesús Carlos Alonso Rodríguez