2. O PSdeG de Cotobade crea un equipo renovado e equilibrado con, xente experimentada e xente moza , ganas de traballar e moita ilusión para impulsar Cotobade. Manuel Loureiro Adán , aos seus 59 anos, preséntase as eleccións para revalidar o cargo por terceira vez cun gran equipo que se suma ao proxecto para traballar con ilusión . Nestes catro anos, caracterizados pola intensa crise económica, o concello foi quen de manter unha forte actividade inversora en obras públicas sen descoidar nin descompensar as finanzas municipais.
3. Realizáronse multitude de obras, atendendo a todas as parroquias do concello, e pouco a pouco vanse dando uns servizos de calidade en todas as parroquias, nun proceso lento e dificultoso, pola extensión e dispersión de Cotobade, pero imparable . Accesos, saneamento, abastecemento de auga, alumeado público, recollida do lixo pero tamén deporte, cultura, integración social da xuventude e da terceira idade, son, entre outros, eidos nos que o Concello se esforzou nestes catro anos. Todo este traballo fíxose sen ir máis aló das nosas posibilidades, con sentidiño , e sen participar da burbulla financeira que tantos problemas está a traer ao mundo enteiro. Desta volta súmanse ao proxecto socialista novas persoas con novos folgos e ganas de traballar formando un equipo moi completo, equilibrado, representando a todas as parroquias e todos os sectores, mozos e maiores, homes e mulleres, implicado na sociedade e que mellorará aínda máis o traballo xa ben feito. Manuel Loureiro : “Síntome orgulloso de presidir un concello no que as contas municipais están saneadas , e no que podemos dicir que se pode pagar ao día todos os gastos, cousa que non poden facer outros concellos do entorno”
4. A REDE DE SANEMANTO E O ABASTECEMENTO DE AUGA SON UN SERVIZO FUNDAMENTAL Cotobade é un concello cunha grande cantidade de núcleos espallados por unha topografía complexa. Sen embargo non renunciamos a que o saneamento chegue a todos os puntos de Cotobade. A rede de saneamento é quizais un dos servizos onde a dispersión da poboación afecta máis. Sacos, Famelga, Carballedo, Almofrei, Tenorio, Viascón ou San Xurxo xa contan en toda ou en boa parte da parroquia de redes de saneamento. Por outra banda, tamén consideramos que o abastecemento de auga en cantidade e calidade óptimas é un servizo básico. O concello colaborou con moitas das comunidades de usuarios de augas para mellorar o abastecemento como en Vilanova, Rañas, Loureiro, Rebordelo, Carballedo, Pazos, Tenorio, Viascón ou San Xurxo. Moitas outras traídas haberá que mellorar pero pouco a pouco chegarase a todos os lados. Tense realizado en aproximadamente o 50% do concello e traballamos para que se estenda a todas as parroquias e lugares.
5. NOVA LEI DE AUGAS DO PARTIDO POPULAR Na nova lei vaise obrigar a todos os usuarios de traídas de auga ou pozos de todas as vivendas á pagar un canon por consumo de auga. Este partido popular renunciou a ter certa sensibilidade co rural e na lei de augas que aprobou a Xunta ben se ve. Non importa que fosen os propios veciños os que fixesen a captación e traída, nin que a pagasen eles, como así é en moitos casos. Esta é unha lei pensada por xente de cidade e para xente de cidade. Como se lle pode dicir a un veciño que traballou a súa propia auga que lle van cobrar aínda por riba? Nas cidades aínda as traídas son completamente municipais e iso ocasiona uns gastos pero no rural non ten pes nin cabeza. Con esta lei solo queren recaudar cartos aos máis desfavorecidos como é a xente do rural. Dirán que cobran pouco e que solo son uns céntimos pero eso é para calar a xente e a cousa non vai quedar ahí. LEI DE AUGAS DE GALICIA LEI INXUSTA
6. O MELLOR EQUIPO Manuel Loureiro Veciño de Viascón Alcalde de Cotobade “ Creamos o mellor equipo porque Cotobade o merece” Lina Garrido Veciña da Corredoira “ Intégrome neste equipo para seguir co traballo xa comezado baixo os criterios do progreso social e o compromiso con este país” Andrés Martínez Veciño de Tenorio “ Os veciños de Cotobade non podemos permitir que se leve a cabo a canteira de Tenorio” Tito Portos Veciño de San Xurxo de Sacos “ O parque industrial terá que ir adiante, nestes tempos non poden por trabas á promoción do emprego” M. Regina Sobral Veciña de Carballedo “ As mulleres temos dereito a traballar fóra da casa e para iso as garderías, as residencias e os centros de día son fundamentais” Luís Alonso Veciño de Viascón “ Ninguén dubida da honradez de Loureiro e iso é moi importante nun alcalde” Andrés Rodríguez Veciño de Tenorio “ A educación é formación das persoas son un servizo fundamental pero para o PP non o é tanto” Ismael Bouzas Veciño de Valongo “ O traballo coas asociacións e entidades deportivas aínda será máis intenso”
7. O NOSO EQUIPO Francisco Barbosa Veciño de Almofrei “ Quero que calquera persoa que queira facer unha casa teña as máximas facilidades” Eva Bello Veciña de Aguasantas “ As asociacións de veciños son moi importantes nas parroquias” J. Carlos Valiñas Veciño de Borela “ Os nenos de Cotobade deben ter nos principios da competición deportiva sana e limpa un espello onde reflexar a súa propia vida” M. Ángeles Vidal Veciña de Loureiro “ As nais e os pais tamén teñen que ser escoitados no referente á educación dos seus fillos” Rosa M. Pazos Veciña de Tenorio “ A experiencia é un grao e nos neso temos moita vantaxe, por eso non podemos deixar que o PP volva a Cotoabade aos tempos de antes, nos temos que avanzar” Carmen Fortes Veciña de Corredoira “ A xuventude tamén ten moito que dicir”
8. O NOSO EQUIPO Argelia Martínez Veciña de Tenorio “ A gardería foi unha das mellores obras en moito tempo ” Matilde Vidal Veciña de Loureiro “ Na actual situación hai familias que o están a pasar mal, e o concello debe ser sensible con este problema” Juan Alonso Veciño de Viascón “ Os pavillóns deben estar abertos á xente a maior parte do tempo” Manuel Pousa Veciño de Caroi “ Quero que o meu fillo poida adestrar nunhas escolas deportivas e nun campo de herba xa que eu non puiden” Santos Rodríguez Veciño de Almofrei “ Cotobade merece uns servizos sanitarios acorde cos tempos nos que estamos” Ricardo Tena Veciño de Sacos “ Faremos forza para conseguir as melloras na N-541 e en especial o remate das obras do cruce de Parada” M. Carmen Martínez Veciña de Borela “ O concello debe estar á disposición dos veciños”
