Nesta exposición poderemos coñecer os países que forman Euroap e as súas capitais ademais de repasar os conceptos básicos de "Poboación" e saber un pouquiño máis sobre a poboación en Europa.
Presentacion feita polo alumnado de 5º nivel do CEP Pilar Maestú Sierra de A Pobra do Caramiñal, como traballo previo á visita dunha exposición dobre dinosauros en Pontevedra.
1. A poboación é o conxunto de persoas que habita un lugar (aldea, cidade,
provincia, país...) Pero o número de habitantes dun lugar varía dunha época a
outra, polo tanto a poboación está en constante evolución.
Os factores que interveñen na evolución de calquera poboación son:
a natalidade(+), a mortalidade(-), a inmigración(+) e a emigración(-).
O padrón é un documento público no que se relacionan as persoas residentes
nun municipio. Debe actualizarse de ano en ano; é elaborado polo
concello correspondente.
O censo é a lista de persoas dun país ou estado, nun determinado momento.
No noso país lévase a cabo cada dez anos.
A natalidade son os nacementos nun lugar e tempo determinado. Soe
expresarse en %o. A mortalidade son as mortes nun lugar e tempo determinado.
Soe expresarse en %o.
A diferenza existente entre o número de persoas que nacen e o número de
persoas que falecen, denomínase crecemento natural.
As migracións son os movementos das poboacións que deixan un lugar para
vivir noutro. Hai dous tipos: a emigración e a inmigración.
A emigración é a saída de persoas dun determinado lugar para ir vivir a outro
lugar. Existen dous tipos de emigración: interior (no mesmo país) e exterior (a
outro país).
A inmigración, pola súa parte, é a chegada de persoas para asentarse e vivir
nun lugar.
As causas das migracións poden ser variadas:
- Económicas: na procura dun traballo mellor.
-Naturais: moitos países sofren desastres naturais como tsunamis ou
terremotos, que obrigan os seus habitantes a marcharse.
-Políticas: debido a guerras ou persecucións.
-Relixiosas: ocasionadas por cuestións de relixión, crenzas, etc.
As consecuencias das migracións poden se:
-Demográficas: despoboación – superpoboación.
-Económicas: perda/aumento da man de obra.
-Socioculturais: o destino recibe novas culturas que poden enriquecelo; tamén
se pode producir rexeitamento e discriminación.
A poboación non se distribúe de igual maneira en todo o territorio. Hai lugares
máis poboados que outros; inflúen factores: físicos e económicos.
-Factores físicos: por norma xeral os territorios con relevo
de chaira, climatemperado e cursos de auga abundante son os que están máis
poboados.
-Factores económicos: os lugares que teñen máis riqueza e con máis
recursospara desenvolver distintas actividades na zona, son os máis poboados.
Denomínase densidade de poboación á relación que existe entre o número de
habitantes dun territorio e o espazo que ocupa. Exprésase en habitante/km2
.
A poboación activa está formada por aqueles que son maiores de 16 anos que
xa poden traballar. A poboación non activa ou inactiva son todas
aquelas persoas que non poden traballar por diferentes motivos.
A distribución da poboación española é bastante desigual:
A poboación concéntrase na súa maioría na costa e nas illas e en Madrid.
Dentro de cada provincia a poboación é máis densa nas cidades que nas vilas.
Por outro lado, as zonas menos poboadas son as do interior da Península.
A poboación galega está moi desigualmente repartida. Máis ou menos a
metade vive na parte costeira da comunidade, mentres que o interior está moi
pouco poboado con excepcións das cidades de Lugo e Ourense.
As actividades económicas do país divídense en tres sectores económicos:
O sector primario é aquel que obtén os produtos directamente da natureza
(agricultura, gandeiría, minería, forestal)
O sector secundario é o que transforma as materias primas en produtos
semielaborados (artesanía, industria, fontes de enerxía)
O sector terciario ou de servizos (transporte, educación, sanidade, comercio…).